JW咖啡室

朋友早在9月頭在網上搶到JW Cafe平日dinner buffet的優惠，連同服務費，人均大約$550。JW Cafe的位置好方便，從金鐘站去到太古廣場，便能搭lift直達，不用行地面的路。入座獲安排坐靠窗的梳化位，闊落舒適。可樂、七喜及啤酒可以任飲，但三者都會漲胃，如有果汁供應會比較好。先吃些刺身，有6-7款大路的選擇，三文魚、帆立貝及油甘魚肥美鮮甜，赤貝及象拔蚌普普通通，不夠甜。海鮮區的主打是蟹，加上10月份的主題是蟹宴，所以熟食也有幾款蟹類菜式供應，包括花雕雞油蒸蟹、湖南炒辣蟹及泰式咖喱炒蟹。冷盤的有加拿大蟹、加拿大雪蟹腳、麵包蟹、花蟹等，另外還有波士頓龍蝦，並備有多款醬料佐餐。蟹腳粗，蟹肉紮實，帶海水味。麵包蟹蓋很快便被取去，一見到有少量便要即取，蟹蓋多膏夠甜。龍蝦肉質爽口，朋友吃了不只一隻。熱葷方面，有炆煮得軟稔入味的花膠，香口爽彈的椒鹽鮑魚，還有焦香軟稔的叉燒。蒜蓉開邊蝦雖然惹味，但蝦肉不夠爽。咖喱炒蟹的咖喱不會太辣，帶點微甜。甜品的選擇最多，個人比較喜歡日式蕨餅，夠煙韌又不會太甜。迷你葡撻可一口享用，帶微微焦糖香。整體的食物選擇都算充足，味道也不錯，能把握到優惠來吃dinner buffet，性價比都高。…查看更多

N年無黎JW咖啡室食自助餐，難得今日lunch有人請，正呀！今日無太多時間周圍影相，所以簡單講講野食。野食全部係門口範圍，自成一國。刺身已經切好，唔洗排隊等切，而且有平時少見既刺身，例如赤貝，馬刀貝，甜蝦，質素都好新鮮爽脆同鮮甜，另外都有三文魚，吞拿魚，墨魚同八爪魚。吞拿魚質素都唔錯，而且係厚切。凍海鮮我就無食啦，我見有麵包蟹，鮮蝦，螺等等。呢度熱食既賣點肯定係大大塊花膠同大大件龍躉球。花膠算唔薄，我食左3塊。龍躉球非常大件，而且皮有彈性而肉質非常彈牙，我食左好幾舊！另外有北京烤鴨，專人幫你包埋皮同配料，唔知可唔可以只要皮。仲有乳鴿同鷄。燒牛扒好正，又淋又嫩，肉質好好，加埋蘑菇汁一齊食仲正，我食左兩塊。另外都有其他醬汁。配有少見既煙肉椰菜仔，車厘茄，薯角同薯餅自己攞。燒牛扒隔離有少少西式野食，牛面頰非常嫩口！另外我見到有腸，魚柳同意粉，就普普通通唔吸引。其他熱食就唔太特別，有西芹蝦仁，鵝掌，蒜蓉蒸蝦，菜心，肉碎四季豆，燒賣，炒麵。蝦仁非常爽脆。另外有一個小小既咖喱角落。仲有粉麵檔。湯至少見到有兩款，有中有西。沙律選擇唔多，有燈籠椒，西芹，紅蘿蔔，沙律菜，紅菜頭，薯仔沙律，番茄配水牛芝士。附近有3款芝士，凍肉得煙三文魚。沙律質素正常。紅菜頭好酸。甜品有Raspberry Roll, Chocolate Cake, Puff, Macaron, Champagne Jelly, Panna Cotta, Tiramisu, 仲有專人幫你切既pineapple cake, cheese cake, chocolate tart, black forest cake, mousse cake等等。中式甜品有綠豆沙，蓮蓉西米布甸，麵包布甸，蛋撻仔等等。甜品質素參差，cheese cake非常滑溜香濃，蓮蓉西米布甸又香又滑，蛋撻仔唔甜有蛋香。不過Raspberry Roll無Raspberry味，卷蛋質素都麻麻，Pineapple cake先有菠蘿味。Panna Cotta普通，Chocolate Cake都好普通偏硬。Puff都係中下貨色。Macaron想食不過未有添加。雪糕係哈根大師雪糕杯，例牌個幾款口味，包括我最愛既士多啤梨口味。水果有西瓜，哈密瓜，提子同蘋果。西瓜質素中下。哈密瓜可以。提子同蘋果無試。每人包一杯咖啡或茶。我叫左熱檸水。總括而言，食物選擇真心唔算多，個人覺得呢度主打刺身同花膠龍躉。食物質素普遍都可以，甜品有點失望。服務員都快手收碟添水。環境方面都幾嘈，多人一枱會講野聽得唔太清楚。今日我唔知價，不過正價聽講要四百多一個人，都唔平，勉强比個OK啦。…查看更多

這五星級酒店食材當然好，食物區職員友善；服務區職員態度差，目無表情，只懂收碟，回答冷淡，笑容欠奉，完全比不上樓下Cafe Lounge員工的工作態度。凍海鮮新鮮，蟹腳在最後兩小時才出，為何呢？熱食味道正常，花膠好長夠味，鮑魚霖，意大利肉丸好味，片皮鴨的餅皮難食，蒸魚最差。羊架和牛扒都幾好。刺身正常，帶子有甜味，刀貝爽唔腥，尤魚新鮮，吞拿魚難食。湯好味又夠濃。沙律蔬菜選擇少，味道麻麻。甜品普通，蛋撻和意大利蛋糕最好味。…查看更多

恒生白金卡有85折優惠，718元85折加原價加一其實也不便宜，只是上次吃過美味的jw cafe下午茶自助餐滿足不了相公長久以來想吃jw cafe晚餐自助餐的心，今天一賞所願，順道慶祝紀念吧。早於一個多月前訂座，餐廳早一晚致電我確認。我們預約了6時，餐廳安排了一個頗為有privacy的位置給我們，又可以望向下面the lounge的食客，不錯。先取過鮑魚海參，美味非常。鮑魚海參又林又入味，我各樣吃了兩份，相公鮑魚也吃了6隻，老公對海參也讚不絕口。蒜蓉蒸蝦非小蝦，頗大隻，肉質不錯。這些冷盤我只吃了龍蝦鉗，其餘已無位置容納魚吃了。另外燒牛扒我諗大約3至5成熟，頗生，吃了，是林身的，但我喜愛吃熟一點的。酸辣湯都頗足料。甜品cormer我吃了即焗芝士tart，豆花，bread pudding叉燒我覺得充滿蜜汁，唔錯。海南雞嫩滑，無乜味，過可點醬吃。生果來說西瓜甜，蜜瓜甜，菠蘿甜，火龍果卻有些酸酸的魚生應該頗新鮮吧，相公不斷encore本來影左好多相，但食評只容許我放12張相。我還吃了haagen dazs朱古力雪糕及蒸龍呢，好食。DINNER BUFFET由6點食到10點，全場爆滿，每人包一杯飲品。食物質素不錯，只是食客較嘈吵，好在我坐的位置比較自成一角。望著樓下lounge的自助宵夜，由2000開始也坐滿食客，還飄來陣陣燒蝦香，下次也可一試。員工收碟勤快，斟水速度奇高，5星級果然服務效率不同，不如其他自助餐要主動舉手召喚侍應。貼心留意食客的萬豪，有專人負責數張枱，值得讚。價錢雖不便宜，但食得開心又滿足，希望下次再有機會來吃…查看更多

今日系中秋佳節，公司萬歲嘩，好肚餓啊海鮮超豐富，好吸引啊這隻蟹好鮮美多汁，肉質爽甜，有好多蟹膏黃，好棒啊試不同海鮮，都好鮮美有炸子雞脆皮滑溜溜花膠大大粒帶子菜芯超爽甜還有龍躉魚片，大大块，忘記影相添有片皮鴨，叉燒，乳鴿蒜溶蒸大蝦🍤有湯湯麵牛肉申，德國腸，這邊西式主打好鍾意三文魚刺身爽口彈牙，沙律自己配搭生果爽甜和雪糕主打甜品超多款，好好味啊…查看更多

相公一直心儀JW Cafe的晚餐自助餐，可惜早排信用卡有優惠時身體抱恙，而痊癒時又沒有了優惠，沒優惠的價錢實在太貴了，所以一直沒吃又一直想吃。早幾天，我留意到此餐廳的下午茶自助餐有信用卡做緊二人同行七折優惠，暫且讓相公止住相思之苦，先吃個下午餐吧！呢間餐廳我只吃過午餐自助餐，從來也沒吃過下午茶自助餐。沒料到下午茶餐也如此豐富，連加一雖然每人也要$262.4，但如此豐盛，味道美味，也值得一試，只是時間略嫌短了一些，由1515吃到1700，只有1小時45分鐘享用時間。準時3點3，食客一同離座取食物，我先去取蝦餃燒賣蝦餅等點心及燉湯。返埋位就座時，侍應見本人一手一碟食物，一手一盅燉湯，主動幫我拎燉湯回座位，抵讚👍。愛吃蝦的我對於蝦餃及蝦餅愛不釋手，但其實燉湯同燒賣水準同樣高。相公就去取他愛吃的刺身，包括榮螺，三文魚，象拔蚌，八爪魚。。。當中三文魚厚切肥美，然則相公最愛象拔蚌因佢大塊不像其他自助餐只是切絲，對榮螺比較失望因為味道頗淡沒鮮味。第二輪我就取了香煎牛扒，美式炸雞槌，菜心，意粉，泰式炒蝦，墨西瓜蘑菇餅，沙爹魷魚及咖哩腩。呢一round我最愛是泰式炒蝦，肉實彈牙香口。接著相公為本人取了本人想吃的香草包及三文治，呢個時候我已經頗飽了，卻又想飲湯，於是又再拎多碗燉湯。相公落了order要了一個自選即煮粥，餡料豐富。計有蝦，海參，雞肉，豬肉，牛肉滑，蝦滑，鮑魚絲，魷魚及菇，是食粥還是食餡料?吃了這麼多當然要吃些生果吧!相公選了西瓜，菠蘿及橙，當中菠蘿最甜實在太飽了，想吃沙律吃不下想吃movenpick雪糕吃不下想吃甜品吃不下，只淺嚐了相公的楊枝甘露(幾好食)同桂花糕(幾好食)，想試榴槤糯米糍同其他甜品也吃不下其實還有自選粉麵，當然更加吃不下啦最後以每人包一杯drink作為這餐完美的句號。題外話:是日的一頓下午茶令本人同相公吃不下晚餐，實在很抵同美味，而且職員友善親切，清理枱面碗碟同替食客備水效率高，愉快滿足的一餐:)…查看更多

好多年前嚟萬豪Coffee Shop食過lunch buffet後就好耐冇嚟過呢度食buffet喇，反而樓下The Lounge 就食過好多次tea buffet，因為貪嗰度坐得舒服！今次同好友慶生，佢又勁鍾意食buffet，早兩年同佢去過The Lounge食，咁啱呢度佢冇嚟過，而我又N年冇嚟過呢度食，所以今年就嚟呢度食個富貴lunch buffet喇，點解富貴？咪就係呢度獨有花膠囉，仲要唔係dinner buffet食而係lunch buffet 喎，正！平時我主打食海鮮、凍肉類，今次一嚟就即食花膠、龍躉，冇計喇，咁特別，最終我食咗三件花膠，一句講哂「好滿足！」如果話呢度冇咁好嘅地方就係坐位比較迫，唔算好舒服，但食物就真係冇得頂！…查看更多

媽媽生日那天，窩夫要出席朋友的結婚晚宴，要在午飯時段跟媽媽慶祝，去了好評如潮的JW咖啡室吃自助餐，星期六的自助午餐的供應時間為中午12時至下午2時30分。窩夫很喜歡這個沙律櫃，沙律菜看來都很新鮮。沙樂美腸和凍火腿等。多款芝士配克力架餅乾。煙三文魚有三款之多。窩夫聽到有食客問職員這些要怎樣煮來吃。答案在此，燴花膠是JW咖啡室的名菜。香口的普寧炸豆腐和黃金涼瓜。有窩夫愛吃的片皮鴨和燒乳鴿。窩夫先取了燴花膠、蒸龍躉和蒜蓉蒸大蝦，全都吃得津津有味，吃過便知道為什麼很多人對萬豪的燴花膠讚不絕口。蒜蓉蒸大蝦很大隻，厚肉彈牙，蒜蓉味剛剛好，不會蓋過大蝦的鮮味。海鮮凍盤也很出色，蟹腳的殼已經去了一半，進食實在太方便。蟹蓋有一整個或半個選擇，窩夫取了半個，留肚吃其他東西。蟹膏蟹肉都很鮮甜，誠意推介給喜歡吃蟹的朋友。刺身共有五款，分別是三文魚、象拔蚌、榮螺、八爪魚和墨魚，榮螺超甜，墨魚切得很厚身，師傅還把它卷成花狀，很有心思。燒牛肉配羊鞍，窩夫與媽媽都覺得羊鞍的味道比燒牛肉好。在麵檔點了兩隻鮮蝦大雲吞。吃甜品前再來一件完整的花膠扒，膠質非常豐富，吃後嘴唇會黏著呢。吃甜品前，飲品送來了，時間剛剛好，高身那杯是窩夫的Latte，另一杯則是媽媽的Cappuccino。甜品看來都很吸引。愛吃雪糕的窩夫竟然一杯Haagen Dazs雪糕也沒有吃。餐廳為媽媽準備的生日蛋糕。裡面有菠蘿餡，味道很好。…查看更多

今日扮孝順帶媽咪食呢間lunch buffet 用apps訂位就每人398唔駛加一，都貴貴地！同阿媽食就冇計既!入到去安排坐2人枱，隔離冇枱，坐得好舒服，又聽唔到後面枱既對話，又近攞食物既枱，唔錯！ 我開始攞左蘑菇湯，好濃味! 正！ 另外有雞腳同木瓜豬展湯，阿媽飲左其餘2個湯，佢都話唔錯! 海鮮就有蟹，螺，青口，蝦，麵包蟹，我覺得蝦係最好食，好大隻好彈牙！ 冇長腳蟹lor沙律好多款，有mixed，有自己整既，款款都新鮮!熟食唔多款，但每款都幾好食，特別有蒸柚皮！ 我可能唔慣個味，我阿媽話唔錯! 蒸蒜蓉大蝦好味！ 佢既蜜汁bbq pork真係好好食! 厚切唔肥，冇渣，軟身有啲係燒燶燶地唔錯！ 一定要食!甜品就chocolate mousse cake 好味r! cake 係有一層有橙味，冇甘濟！ 馬卡龍唔太甜，唔錯!服務生好主動收碟，又好主動幫我地影相！ …查看更多

素有「鮑魚精」之稱嘅同事“小路寶”有日問我食過金鐘「萬豪酒店」嘅自助餐未？！天下間實在有太多美食了，仲排緊隊（美食list入面）呢！小路寶話每逢喜慶節日，例必去大擦一餐！當中新鮮味美嘅海味海產，供應量源源不絕，令人食過番尋味！聽到心郁郁，趁生日月，book定位去大開眼界先！是晚我倆準時6點到達酒店5樓，眼前出現左右兩排霸氣十足嘅大型透明玻璃酒櫃，當下心都被攝住了……進入裝潢時尚嘅餐廳用餐，就讓味覺與感觀同享精彩吧！口就話想食海味啫，但心繫海鮮，唔理三七廿一，我地第一時間向海鮮區進發。龍蝦 - 肉厚鮮甜，肉質爽口彈牙！我倆合共食咗6隻左右！我如果唔係有啲頭暈，可以食多兩隻呢！麵包蟹 - 嗜食蟹膏嘅我，專揀蟹蓋嚟食，啖啖膏，甘潤飽滿，我一口氣就食咗5個蟹蓋，相當滿足！略嫌無乜蟹黃囉！蟹肉方面，肉雖少但鮮甜，同埋唔係我杯茶！蟹鉗 - 今期無龍蝦蟹鉗食，只得麵包蟹鉗咋！好過無喇，蟹鉗肉質結實又鮮甜！長腳蟹 - 蟹肉鮮甜！凍蝦 - 鮮甜彈牙！凍青口 - 鮮味十足！我倆食足兩round海鮮區, 先捨得轉戰熱盤。蒜蓉蒸龍蝦 - 又係海鮮first, 好彈口，配蒜蓉一絕！花膠 - 終於捨得攞花膠，可能屋企成日煲花膠湯，所以我對其無乜特別興趣！花膠巧大件，炆得夠軟滑，不過較膩滞，食一件夠了！鮑魚:) - 今期嘅鮑魚炆得唔夠腍，好在不失爽脆！海叁 - 非常大件，口感十分爽滑入味！煎魚柳:) - 今期無龍躉食，得番魚柳，啖啖肉，口感滑溜！海鮮寬條麵 - Creamy好味！羊架 - 肉質色澤粉嫩，口感卻過韌！片皮鴨 - 有靚姐專責片鴨，再將鴨皮、鴨肉、大葱條、青瓜條、甜麵醬等等放上薄餅皮上，包捲後再畀你！大大件，口感皮脆肉軟，yummy！仲有巧多菜式未試勻，如牛扒、德國腸、牛仔骨、雞翼、乳鴿、燒味、湯、咖哩雞、牛、豬、炒飯麵、淥麵檔、沙律、煙三文魚等等……因為接住落嚟要食刺身了三文魚刺身:) - 色澤麻麻，口感唔夠鮮美爽滑，無魚油香！帶子刺身 - 唯一最嘅刺身，大大粒，鮮甜爽口！其他刺身如甜蝦、八爪魚、螺片、象拔蚌片等等，勁唔掂！壽司舊飯太實！今次只係留番些少quota食甜品咋，皆因仲有個迷你生日蛋糕未食呢！每款cake試一小片喇，估唔到非常有驚喜！大部份蛋糕質地十分鬆軟，軟滑好味！奶凍啫喱布甸亦唔錯添！蛋卷有綠茶味及原味，入口極其薄脆！搞到有些少後悔，無預留多啲位添！訂位講明慶祝生日，接線小姐話有mini cake送，可惜個蛋糕仔味道過甜，所以只切小小食算！不過靚女侍應巧貼心，主動幫我倆影相，連影几張，近、遠、橫、棟等影齊，非常專業，值得一讚！輪到食H記雪糕及生果，四款味道嘅雪糕，一次過食足三款味道：朱古力、雪呢拿及曲奇味，個人對咖啡味麻麻地，不食也罷！生果之中，菠蘿及火龍果較甜！最後梗係叫番兩杯熱檸檬水嚟消消滞+削削胃喇！今餐好豐富，回本之餘又滿足，Happy Birthday是也！…查看更多