園林閣咖啡室

此餐廳的口碑麻麻，但因有工會的優惠而一試。用餐後，感覺真的一分錢，一分貨。 我們1900到達，現場所見，座位及食客多，有約九成滿，但食物區算小。 凍盤海鮮有生蠔、長腳蟹腳、青口、蝦及蜆。其中，生蠔頗大隻，但有穀碎，味道淡，而且感到生蠔有點不凍，甚至有點暖的感覺，感覺十分難食（對於生蠔控的本人來說，本人從未劣評過任何生蠔，這是第一次）；而長腳蟹則算多肉，味道清甜；而其他海鮮則一般。 熟食方面，有扁皮鴨、豬仔脾、羊肉、烤牛肉、串燒、牛扒等，除了扁皮鴨有點「梅」的感覺外，其他尚算不過不失。值得一提的是，通常酒店的自助晚餐也會有中式點心供食客選擇，唯此餐廳則未有。 刺身方面，本人只品嚐了三文魚，感覺不太新鮮。 甜品方面，大多甜品也一般，幸好有D字頭的開心果味雪糕，可讓我們甜一甜。 另外，餐廳內有三款中湯，其中的蟲草雞湯味道夠濃且鮮，不錯。 總括而言，這是本人第一次食到暖的生蠔，而整體的食物質素及環境也認真一般，唯以優惠價後約250元一位，則尚算合理。…查看更多

終於打通電話訂到園林閣自助晚餐，佢哋做緊買一送一優惠，真係好吸引果然嗰晚去到好熱鬧。一去到已經立即開動，一開始我梗係食海鮮啦，大大隻蠔好肥美，師父不停添加冇停手， 蟹腳唔太鹹 ，有海水味，凍蝦係我嘅最愛，一口氣食咗好多隻。魚生冇雪味夠彈牙。轉 攻現場廚房天婦羅師傅密密炸，仍然好好笑容問你想要乜啲食物都好新鮮冇油味，除咗有炸蝦之外，仲有炸蠔熱辣辣好香口，佢哋炸咗好多蔬果，有南瓜、茄子同青椒，最特別有炸金菇，所以不至於太油肥膩。串燒有魚牛雞魚，師傅密密煎，我密密食到咗我最愛嘅片皮鴨時間，師傅會好細心問你有冇特別要求，鴨肉辣辣、鴨皮香噴噴，自己仲可以無限量加蔥同醬汁。呢度飲品唔需要收費，除左橙汁同金桔汁外，仲有經典支裝汽水。雪糕甜品選擇亦多，件件細細件，一啖一口，我可以試曬所有款式。二百幾蚊可以一班人開開心心，我哋成班朋友都覺得物超所值。…查看更多

聽聞龍堡國際嘅自助餐唔錯, 最近仲加入埋團購行列，抵食lunch buffet卷為$108/位，即刻買番兩張優惠卷試試先 是日同豬仔準時到達園林閣，餐廳環境一般，有點内地酒店feel！驟眼看，有好多嘢食 ，款式多樣化，有多處地方擺放buffet bar！冷盤、沙律巧多款式 , 有我最愛嘅朝鮮泡菜小魚干 ，魚仔好有口！有豬仔至愛嘅醃八爪魚仔 ，好爽口！有成盤紅菜頭啊 , 甜甜地好好味！有魚子三文魚醬釀新薯 ，巧多魚子舖面啊 ！有雜果蝦沙律 ，雜果有火龍果、士多啤梨、蜜瓜、藍莓等等，撈埋爽彈中蝦食，正 呀！有吞拿魚、雞肉通心意粉沙律等。凍肉、火腿拼盤都唔少呢！沙律配料巧多，有紅腰豆、車厘茄、粟米、菠蘿粒、青瓜、蘑菇等等！沙律醬都有几盤添刺身、卷物方面，有三文魚刺身 :) ，都算肥美。太卷 ，一望賣相就知舊飯實啦 ！熱盤有日式盬燒鯖魚 , 燒得入味，加埋照燒甜汁，惹味非常 ，食左3 round呢！春卷 ，炸得香脆好味！有細細件Pizza ， ！有炆牛腩 , 豬仔話勁腍入味！有日式薄餅燒 , 有點似熱香餅，自己加啲沙律醬及紫菜上面後，yummy ！好多人排隊攞肉眼扒 ，豬仔話㕑師師傅切得巧吃力 ，肉質果然巧實巧鞋口啊 ！仲有雞、豬、餃子、炒飯等等，一般味道。甜品巧多款式啊 ，至正係黑森林蛋糕 ，朱古力味濃，蛋糕鬆軟好食！有几款細細件嘅芝士蛋糕 :) ，芝士味較淡，不過蛋糕鬆軟，唔腻口！忌廉泡芙 ，好味！千層糕 :( ，唔夠軟滑！荔枝果凍 , 無厘味道兼巧硬！紅荳綠茶奶凍，甜甜地，唔錯！生果以哈蜜瓜至香甜爽脆, 蜜瓜、西瓜唔鮮甜！有一個個火龍果呀，一開二，用匙羹食，好鮮甜，一於連食兩個呢！果汁、茶、啡任斟任飲！侍應生勤收碟，服務唔錯！整體質素屬一般，勝在款式多元化！…查看更多

園林閣咖啡室 - 呢間係我一向喜歡光顧的餐廳， 鍾意佢嘅自助餐價錢實惠有保証， 但今次有點失望！今次以亞洲風味為主題， 但食物就少之又少。酥油餅超市化貨色，倉魚仔霉嘅 ！海南雞飯不吃也吧！話有魔鬼魚但無見過 ，炸蝦丸OK，咸菜胡椒豬肚呢個好食有驚喜 ；長腳蟹水準有保證，但有部份未解凍夠仍有冰粒，生蠔新鮮肥美 要讚 ！燒蝦爽口都唔錯 ，但燒牛肉就無牛肉味NO GOOD！串燒普通。今次甜品方面就少咗好多，仲要未夠8點就話我至愛嘅芒果拿破崙已經唔會再出，即刻心情低落 ，其他甜品一般，好彩Dreyer's 雪糕都有四款口味(藍莓芝士、開心果、芒果及朱古力)選擇，我吃了其中3款 ；至於生果有菠蘿、西瓜、哈密瓜及蜜瓜都新鮮爽甜。…查看更多

今晚一家連同細妹5人去左佐敦食自助餐, Openrice有100蚊coupon又去再試, 過年時細女生日已去過, 大女話今年生日都要去, 因她下星期會去加國交留個半月, 星期天又喺父親節, 咁就一齊去再享受吓, 大女就最開心, 阿姨又送禮又比利市, 傾傾講講, 開開心心又一餐…查看更多

 朋友介紹有openrice的優惠卷到園林閣好多款式和好底食,今晚就全家連細妹一行五人同細女提早興生日今晚每人還有一盅佛跳牆, 真喺好多野食, 樣樣都想食, 但都試唔完, 長腳蟹, 麵包蟹, 生蠔....我自己最鍾意就喺長腳蟹唔太咸而且好鮮甜, 生蠔大女和老公最愛但唔太新鮮只食了2只就無食熱盤都有好多款申燒都有4-5款, 蝦, 魚,牛排雞翼...火鍋就有蝦, 魚菜菇, 肥牛....飲品有奶茶, 咖啡檸檬茶, 果汁和支裝氣水, 我就最喜歡可樂甜品都有十幾款, 女兒最愛西瓜芝士蛋糕, 慢慢食更會食出西瓜味 dryer雪糕都有4-5款可選擇:)…查看更多

公司來這食BUFFET食物款式多, 味道都OK , 但可能公司BOOK多人的關係, 1張枱12人,坐得有點迫~冷盤沙律較普通刺身同壽司的料一樣. 已經切好一盤, 有個師父做壽司長腳蟹, 生蠔都多, 味道OK. 不過喜歡長腳蟹多D~串燒有豬頸肉, 墨魚咀, 鶢翼 . 即燒所以要等, 但好好味~~~主菜款式都多. 吸引力同味道就一般. 海鮮燴飯. 又係即做, 好味, 但比串燒等得更加耐....甜品有中西式~ 中式都有5-6煲 , 西式蛋糕也過10款 . 也有雀X雪糕~而且有台式棉花冰. 自己加配料~正~飲品有樽裝汽水, 咖啡, 茶等~ 任飲.價格同質素都成正比~…查看更多

我地幾個人想係聖誕節食buffet,間間都唔平,最後搵到呢間比較平既buffet,6點鐘可入去,6點半拎野食,環境普通,坐位唔迫,空氣好流通,可望到樓下大堂.refill同埋收碟都好快,員工都ok.我地知道200幾蚊應該唔會食到好好既野,果然仲,食物種類同埋款式ok,有得選擇.食物: 有生蠔,蟹,蝦,鱔魚,魚生,雞肉,壽司(即整)等等,即燒食物(雞串,雞翼,栗米,牛肉等),有中,西式湯.沙律有幾種味道,仲有d蕃茄,青椒等等伴住來食有橙汁,一支支裝汽水,奶茶,咖啡.我fd話最特別就係有打邊驢同埋糖水,佢食過幾間buffet都冇糖水,打邊驢都有幾種選擇,糖水都有中,西式.甜品有,布甸,楊枝甘露,幾款蛋糕等.生果有西瓜,蜜瓜,哈蜜瓜,菠蘿總括, 食物種類唔少,講真唔係好好食,但都入到口.如果對食物要求唔高,食得飽就可以,呢度係一個唔錯既選擇相反對食物要求好高,去呢度只係浪費時間,哈哈唔洗好貴就可係聖誕氣氛下食到咁多種不同既野,真係不錯,值得一試.…查看更多

補我個老死補祝BD , 佢話好想食生蠔, 咁就上 OPENRICE Search 啦 ! 搵到呢間, 仲有 Coupon 添 ! 跟住問其他 FD 有邊度食 BUFFET D 生蠔又 OK 架啦 ! 咁啱有個 FD 上個月去個呢度食, 佢話以呢間雖然唔可以話好得, 但以呢個價錢嚟講, 已經好好 ! 原來得我 & 老死連對方另一半四人去, 但點知張 Coupon 要五個人先有七五折, 咁我就叫咗我另一個 FD 一齊去食囉 ! 好彩我 FD 都肯去咋 ! 如果唔係我就要比多 D 錢啦 ! 最慘係少一個人食唔抵嘛 ! 咁最終我哋就一行五人選擇咗呢間啦 ! 去到行入去果時見到好似好少嘢食咁, 仲唔見有生蠔添....我老死即刻問我點解唔見有生蠔嘅 ? 咁我即時就問帶我哋入坐果個 Waiter 啦 ! 佢原出面 & 廳內都有 ! 咁我都放心 D ! 我明艮問清楚有無先 BOOK 位架嘛 ! 如果佢話無我都唔知點好呀 ! 坐低後我老死 同 佢 BF 就出去攞嘢食....佢第一時間就攞咗生蠔先.....好彩 D 生蠔都真係唔差...都算肥......:)跟住就到我同個 FD 出去睇下有咩食, 我哋第一時間睇下 D 甜品先, 嘩....有我 like 嘅 NEWYORK Cheese cake....我哋先去攞刺身....有三文魚, 吞拿魚, 有隻唔知叫咩魚, 仲有翡翠螺, 長腳蟹添...正呀 ! 有一杯杯嘅牛奶公司雪糕熱食都有幾多款式, 仲有燒烤呀 ! 燒烤都有好多款簡, 我哋食唔到好多嘢, 所以只係簡咗蝦, 羊, 雞軟骨, 都唔錯, 但最好味係羊, 佢燒得好嫩口, 仲無咩"so" 味添.....最後我哋埋單果時, 竟然七五折係連加一都有七五折喎 ! 通常出面而家好多加一都要收返正價架嘛 ! 所以總括嚟講, 呢度值得一食 !我諗如果再有 Coupon 的話我會帶埋我媽, 爸 & 我老公全家嚟食過囉 ! …查看更多