永華日常 (利東街)

新餐廳樓高兩層、座落熙來攘往的利東街上，位置好近港鐵灣仔D出口非常方便，二樓有露台、坐戶外可以飽覽整條街的華燈景色，既有氣氛又係無敵打卡靚位！除夕和朋友嚟食咗幾款食品各具特色：Takamori Drunken Wagyu Shank Noodles日本高森和牛𦟌麵>呢個麵嘅牛𦟌取自年產只有150頭的稀有高森和牛，用獺祭清酒酒渣做飼料飼養幾矜貴！餐廳職員同我講，牛𦟌以日式醬油汁烹煮1.5小時而成，見到牛肉紋理脂肪分明、入口軟腍牛肉味都幾濃，更滲出淡淡清酒醇香。個湯底都唔錯、顏色清澈鮮味，推介！Shrimp Wonton Noodles 鮮蝦雲吞麵>雲吞係人手包製、個皮透明薄身口感嫩滑，蝦仁新鮮爽脆、配搭其他餡料如豬絞肉蝦籽特，兩個字“鮮美”！麵質既爽且滑沒鹼水味，湯頭材料豐富，用蝦殼、大地魚、蝦米、豬骨、老雞和蝦籽熬足5小時而成，是碗鮮甜不過鹹的上湯，一定要留肚品嚐呢個麵Braied Pomelo Pith with Shrimp Roe Soup蝦籽柚皮>呢道功夫菜幾乎絕跡、在市面的酒樓買少見少不易食到，皆因製作工序繁複！能在這裡吃到也是個緣分。有柚子的清香和蝦籽鹹鮮、金黃色柚皮入口無渣不澀，用上金華火腿帶出鹹香，是很值得嘗試的粵菜。唯味道稍濃，建議可配淨麵進食較好Shrimp Roe Soup with Bamboo Fugus秘製上湯蝦子野生竹笙>本身好鍾意食竹笙，貪佢爽口、養生又健康。這道菜用上湯煨煮、配鹹香金華火腿絲味道濃郁，自己佐麵食覺得唔錯Yan Chim Kee Juicy Coconut Crème Brûlée 甄沾記仙椰汁焦糖燉蛋>面頭一層薄薄的焦糖一敲即碎，每啖燉蛋都香甜幼滑，椰子味個人覺得可以加多啲Hot Loranthus Tea with Egg 桑寄生蓮子蛋茶>傳統的安神美顏糖水，飲得出加咗普洱茶，味道無咁澀之餘多咗茶嘅清香亦唔會過甜；蓮子口感鬆化，食埋隻蛋非常滿足Wing Wah Allday x Moonzen South Cloud Lager永華日常 x 門神 南雲手工啤酒 >呢杯手工啤亦加入了普洱茶，有茶香亦易入喉Pickled Radish 酸蘿蔔>唔好睇少呢碟小小配菜，口感爽脆咬到颯颯聲，酸香微辣很開胃，淨食或佐雲吞麵、有畫龍點睛之效！…Read More

佢哋九龍灣新店開張嘅時候已經去過一次試食🥰今次就嚟灣仔利東街總店 再試多啲唔同嘅野😌.📌京都炸醬麵(大) $56肉絲份量幾多 仲有少量冬菇絲 不過啲肉就鹹咗少少🤏🏻麵就啱啱好😝麵比較乾身 可以放入湯浸一浸先食 又或者直接將湯倒入麵到🤤我自己就一啖湯一啖麵再放啲肉上去 好滿足 好好食😋個底太多辣椒油 有少少辣 食到底仲有少少油🌶配嘅湯就好淡味 可以中和返🤓每碗麵都有一碟醃製酸蘿蔔 好開胃🥳.📌廖孖記腐乳芝士蠟腸卡邦尼 $88有臘腸,芝士,番茜同腐乳😆有一𥖁腐乳係中間 蠟腸切片上 都幾多塊😌冇諗過意粉可以咁fusion 無違和感👍🏻要趁上枱熱辣辣嗰陣 嗱嗱聲撈勻佢 令腐乳同芝士融合喺每一啖麵上面🤓撈勻左唔太覺腐乳陣味 但係就多咗陣鹹香味🥰一啖麵再加一塊臘腸好好食😎份量都幾多 好漏 可以2個人share好啲🙈.📌秘製上湯蝦籽野生竹笙 $78竹笙面有啲風乾火腿同蔥花 仲有啲蝦籽粉 每一舊都好大舊😆竹笙非常爽口 喺出面好少會食到咁大舊竹笙🤩蝦籽粉太多 太鹹了🥺店員都幾好 同佢地講鹹得滯 可以問佢哋拎湯去中和番🤫佢額外比嗰個湯味道似炸醬麵嗰個湯 不過都好有誠意 好多火腿絲同埋蔥花🍲.📌長歎西多士 $44飯後甜品一定要黎番個西多士🍞一上枱覺得好得意 成舊黑蚊蚊咁好大𥖁 仲有一塊牛油喺上面😎麵包用咗竹炭整 內餡係棉花糖同花生醬🥜棉花糖可以拉絲 花生醬真係有一粒粒花生 有口感🥰兩樣嘢同個西多士都好夾 好好食😋.📌甄沾記仙椰汁焦糖燉蛋 $32上面層焦糖好脆 啲蛋都好滑☺️好creamy 但係唔係好食得出有椰汁味🥥.📌桑寄生茶(熱) $30加左一粒蛋同蓮子 每樣+$5🥚都幾多蓮子 冬天嚟返一碗熱辣辣好暖胃 甜甜地🥰雞蛋幾滑口 桑寄生蓮子蛋茶真係好多攻效 男女老幼孕婦都適合🈴️係好嘅養生之物💓.📌酸蘿蔔 $15蘿蔔好爽脆 酸酸甜甜辣辣 真係好開胃✨忍唔住將額外再叫多一碟🤣.📌奶茶紅豆冰 $28真係好香濃奶茶味 奶味好香 佢香到蓋過咗紅豆味🥛☕️紅豆好多 成個底都係紅豆🥳呢到係走飲管 如果你問佢拎 會比環保飲管你💚…Read More