瑞士咖啡室

‘’’ 瑞 士 咖 啡 室 ‘’’隱身中環利源西街嘅古老茶餐廳，仲保留住特色嘅綠白格仔地磚、手寫餐牌，廚房竟然播緊pop music LOL。/·· 瑞士常餐 $55 ··雞翼超入味，大大隻，香口得黎唔會過咸。個麪就偏硬，一般；個湯就好唔掂，完全無味，水咁款。多士烘得夠脆，牛油🧈份量慷慨；奄列嫩滑，可惜太油。水凍奶茶略淡，茶味欠奉。☕️ 總括而言食物質素一般，無咩吸引到我再去食。ε-(´∀｀; )…查看更多

依頭好多茶餐廳，今日就揀咗瑞士咖啡室好耐冇食佢嘅瑞士雞翼啦好有港色風味嘅快餐，二個餸再加醬汁，快靚正不過我今日係為瑞士雞翼而嚟下次再試佢焗豬加常餐仲有紅豆杯全部都係茶餐廳名物茄汁焗豬扒飯 $56朋友嗌嘅焗豬豬扒好鬆軟同埋都夠味仲有茄汁撈飯但可惜飯就唔係炒底所以唔夠香，仲係偏爛嗰啲瑞士常餐 $55(牛油多士、火腿奄列、瑞士雞翼公仔麵🍜)瑞士雞翼夠晒入味啊好好味另外仲有牛油多士同火腿奄列正常茶餐廳質素啦~再配埋紅豆冰同凍檸樂，係香港人嘅味道…查看更多

利源西街充滿舊式排檔，兩旁都有舖頭及食店，中間嘅排檔會遮住餐廳招牌及門口，建議如响電車路街口行入去，瑞士咖啡室係响右手邊，可以先靠右行會易搵啲。舊式茶記陳設，地磚係經典綠色紙皮石，牆上嘅餐牌仍沿用手寫式，伙記哥哥都好友善，感覺到依家好難搵嘅人情味。平日大約兩點嚟到，已經坐滿客人，不停翻枱，係中環區內算幾受歡迎嘅茶記。瑞士雞翼常餐 $55 (出前一丁 +$4）份量好足，半燶牛油多士丶啖啖火腿嘅奄列丶瑞士汁雞翼好入味，改出前一丁，就更加滿足茶餐B $47牛油多士丶輕輕煎過嘅火腿，雙反蛋丶牛肉湯意粉，好豐富嘅茶餐咖央西多士 $29厚厚蛋漿包着方包，中間搽咗層咖央，蛋漿令多士外層炸到脆脆地，另有糖漿可自行添加，港式茶記風味，正！港式奶茶响茶記一定要試奶茶，口感厚滑，茶香丶味回甘鹹檸七原罐七喜上，鹹檸檬化痰潤喉，甜中帶咸，消暑解膩良品， 好耐無飲過喇～原來呢度嘅下午茶餐都幾抵食，下次再試！…查看更多

中環舊茶記必叫瑞士常餐雞翼中環美食多籮籮，集合全球美食，不過作為香港人其實間唔時，都想食個常餐當係Brunch，既飽肚，又實惠，味道當然係好啱港人啦！利園西街的瑞士㗎啡室 仲保留住舊式餐廳裝修，不論是間隔、卡位、地磚等，都彷彿搵返30、40年前的香港。必食：瑞士系列（瑞士常餐、瑞士汁撈公仔麵）常餐有齊多士、奄列、招牌瑞士雞翼瑞士雞翼冇介紹錯！真係好入味、仲好嫩滑瑞士汁撈麵（五香肉丁）個汁真係冇得輸、少少「杰」身，算係濃，味就偏甜 ，丁麵當然係索汁力強啦！硬度煮得剛剛好！係包餐飲：梗係飲黑白港式奶茶…查看更多

上班午餐時間 就到附近嘅瑞士咖啡室食飯 今日order咗呢個瑞士常餐 個set包括一碗公仔麵連四隻瑞士雞中翼 一份omelette 加兩塊包 同一杯嘢飲瑞士雞中翼公仔麵 （如果轉茄通/米線/米粉/出前一丁都要加$4）瑞士雞中翼尚算入味 可惜碗麵啱啱上啲雞翼就唔熱 一份omelette 加兩塊包 omelette算料足 兩塊包烘得啱啱好 唔會太燶 今日叫咗杯茶走 茶味淡 奶味淡 有啲失望 同行嘅人都一樣叫茶走 全部都係淡而無味 $55 呢個set 係中環算中等價錢 不過比起之前喺荔枝角食就比較失色 🤷🏻‍♀️ 偶爾食一次都👌🏻嘅…查看更多

係中環食lunch唔想食得太貴就黎左呢間好有懷舊feel既茶記 ~ 瑞士咖啡室 ☕️中午食飯時間門口大排長龍🚶🏻‍♂️不過好在店入面地方都幾大 唔使等好耐就有位啦~-瑞士常餐 $52常餐包左火腿奄列🍳 牛油多士🍞 瑞士雞翼公仔麵🥢 同杯野飲☕️呢到啲瑞士雞翼好入味 有濃濃既瑞士汁味仲要有4隻添架😋火腿奄列同多士就正常質素野飲可以加$4轉樽裝鮮奶或者朱奶🐷食物份量都好足 幾大份五十幾蚊食到咁多野都算抵食😆…查看更多