記得兒時XO仔同屋企人成日都會去老字號「鏞記酒家」度食飯，反而長大後因深覺餐店已變為遊客食肆，馳名燒鵝質素亦有下滑跡象
，近十年去過o既次數真係五隻手指已經數得哂。今次多得公司貴客宴席，細佬方才有幸一試裝修後回復水準o既香港名牌酒家
！唔知係咪實在太過沉迷睇射雕呢，望住店名中個「鏞」字居然都諗起作者「金庸」。。。
晚宴設於四樓「蘭亭閣」貴賓廂房內，估唔到多年冇黎環境變得如此光鮮雅緻，闊落舒適。主人家早已寫下菜單，並安排人齊即起餸，房內有專人服務，經理叔叔亦不時出入跟進，十分妥善周到。
鵝髻魚雲羮（$1,000）：靚靚媽咪教落，鵝同鴨最明顯o既分別就係前者有個髻，但係細佬真係估唔到原來個鵝髻入面係有野食o既
！此道必先預訂o既鵝髻魚雲羮加咗陳皮同豆腐等食材煲製，魚味濃郁，質感滑溜易入口，好有特色。玉龍披金紗（$66/隻）：所謂「玉龍」亦即鮮蝦，以咸蛋黃炸出就等同披上「金紗」，淨係聽個名都覺得氣勢強勁
！炸蝦皮層乾巧鬆脆，蝦隻爽厚彈牙，不需多點醬油已夠美味可口。原味清湯牛爽腩（$275）：清湯牛爽腩猶如餸名般清爽潤澤，就連配角o既靚菜都鮮脆過人，唔怪得知通常午市未完都已經賣哂，有心黎試記緊要預留。禮雲子粉果（$44/隻；最少要半打）：正當細佬喺度懷疑「禮雲子」係全真七子其中一子時
，幸好未出洋相前席上已有廚神搶先解說「禮雲子」為貌似蟹仔o既蟛蜞o既卵子，係中國南方一種特別o既食材。以禮雲子包製o既粉果透出橙光，咬穿柔軟o既外皮直達脆嫩o既餡心，藏著o既清香鮮甜迅即溢滿口腔，實在美妙！紅炆斑尾（$768/十六兩）：小肥一向不擅長食魚，加上飯後約咗位訪港數天o既靚女朋友跳舞
，結果都係決定唔試。眼見斑尾轉不到三圈後，碟上只剩下圍邊o既小棠菜，相信條魚真係好新鮮。至尊一品鵝煲（$1,250）：據悉，此道一品鵝除咗用上原隻靚鵝製出，煲內更有齊鵝隻不同部位及內臟，近期係餐店紅爆o既名菜
，要品嚐當然係要預訂啦！一品鵝煲同盆菜有少少相似，都係層層疊。煲面o既鵝雜不單搶眼，每一款都一樣咁
；當中鵝腸超級爽脆，鵝肝軟潤，鵝紅更加係滑溜非常，無與倫比
。鵝煲由腍滑又入哂味o既掌翼同豆卜墊底，中間除咗有鬆軟o既鵝片同鵝肉之外，亦夾有爽潤o既鵝腎，「至尊一品鵝煲」果真精彩細膩！大家要留意，由於煲品屬勁量級，小弟建議最好都係集齊人馬先好黎試。淨湯米粉（$39/碗）：應經理叔叔推介，主人家即場追加咗幾碗米粉撈入一品鵝煲個湯底內。碗「一品鵝湯米」索盡鵝煲o既精華，惹味中帶有微微香辣，不過個人覺得偏咸咗少少，如果將米粉換上瀨粉做成「一品鵝瀨」，相信效果應更佳:)。XO仔一早已跟波士道明飯後要趕往下場與紐約美女共舞
，老闆都好通情達理地特批小肥等甜品上枱後可先離開。香港名食府「鏞記酒家」以燒鵝揚名海外，亦曾獲得米芝蓮一星榮譽，可惜深受遊客愛戴後水準卻有所下降，肥肥家族都已經好耐冇幫襯。幸虧公司貴客安排特別飯局，讓小弟見識到必先預訂o既幾款功夫菜，其中最震撼必選一試難忘o既「至尊一品鵝煲」，莫非師傅最近學懂咗「九陰真經」，將之前失去o既武功都恢復過來
？！…查看更多
，近十年去過o既次數真係五隻手指已經數得哂。今次多得公司貴客宴席，細佬方才有幸一試裝修後回復水準o既香港名牌酒家！唔知係咪實在太過沉迷睇射雕呢，望住店名中個「鏞」字居然都諗起作者「金庸」。。。晚宴設於四樓「蘭亭閣」貴賓廂房內，估唔到多年冇黎環境變得如此光鮮雅緻，闊落舒適。主人家早已寫下菜單，並安排人齊即起餸，房內有專人服務，經理叔叔亦不時出入跟進，十分妥善周到。鵝髻魚雲羮（$1,000）：靚靚媽咪教落，鵝同鴨最明顯o既分別就係前者有個髻，但係細佬真係估唔到原來個鵝髻入面係有野食o既！此道必先預訂o既鵝髻魚雲羮加咗陳皮同豆腐等食材煲製，魚味濃郁，質感滑溜易入口，好有特色。玉龍披金紗（$66/隻）：所謂「玉龍」亦即鮮蝦，以咸蛋黃炸出就等同披上「金紗」，淨係聽個名都覺得氣勢強勁！炸蝦皮層乾巧鬆脆，蝦隻爽厚彈牙，不需多點醬油已夠美味可口。原味清湯牛爽腩（$275）：清湯牛爽腩猶如餸名般清爽潤澤，就連配角o既靚菜都鮮脆過人，唔怪得知通常午市未完都已經賣哂，有心黎試記緊要預留。禮雲子粉果（$44/隻；最少要半打）：正當細佬喺度懷疑「禮雲子」係全真七子其中一子時，幸好未出洋相前席上已有廚神搶先解說「禮雲子」為貌似蟹仔o既蟛蜞o既卵子，係中國南方一種特別o既食材。以禮雲子包製o既粉果透出橙光，咬穿柔軟o既外皮直達脆嫩o既餡心，藏著o既清香鮮甜迅即溢滿口腔，實在美妙！紅炆斑尾（$768/十六兩）：小肥一向不擅長食魚，加上飯後約咗位訪港數天o既靚女朋友跳舞，結果都係決定唔試。眼見斑尾轉不到三圈後，碟上只剩下圍邊o既小棠菜，相信條魚真係好新鮮。至尊一品鵝煲（$1,250）：據悉，此道一品鵝除咗用上原隻靚鵝製出，煲內更有齊鵝隻不同部位及內臟，近期係餐店紅爆o既名菜，要品嚐當然係要預訂啦！一品鵝煲同盆菜有少少相似，都係層層疊。煲面o既鵝雜不單搶眼，每一款都一樣咁；當中鵝腸超級爽脆，鵝肝軟潤，鵝紅更加係滑溜非常，無與倫比。鵝煲由腍滑又入哂味o既掌翼同豆卜墊底，中間除咗有鬆軟o既鵝片同鵝肉之外，亦夾有爽潤o既鵝腎，「至尊一品鵝煲」果真精彩細膩！大家要留意，由於煲品屬勁量級，小弟建議最好都係集齊人馬先好黎試。淨湯米粉（$39/碗）：應經理叔叔推介，主人家即場追加咗幾碗米粉撈入一品鵝煲個湯底內。碗「一品鵝湯米」索盡鵝煲o既精華，惹味中帶有微微香辣，不過個人覺得偏咸咗少少，如果將米粉換上瀨粉做成「一品鵝瀨」，相信效果應更佳:)。XO仔一早已跟波士道明飯後要趕往下場與紐約美女共舞，老闆都好通情達理地特批小肥等甜品上枱後可先離開。香港名食府「鏞記酒家」以燒鵝揚名海外，亦曾獲得米芝蓮一星榮譽，可惜深受遊客愛戴後水準卻有所下降，肥肥家族都已經好耐冇幫襯。幸虧公司貴客安排特別飯局，讓小弟見識到必先預訂o既幾款功夫菜，其中最震撼必選一試難忘o既「至尊一品鵝煲」，莫非師傅最近學懂咗「九陰真經」，將之前失去o既武功都恢復過來？！…查看更多
