沐白小農

一直都好鍾意呢間既野飲 除左因為好飲之外 用料仲係天然為主 用鮮奶、全天然蔗糖等等😆大甲芋頭鮮奶甜度適中 芋頭熬成芋泥 勁綿滑仲要有啲芋頭粒 有口感之餘仲feel到係勁足料 勁啱我呢啲芋頭忠粉📣 至於珍珠紅茶拿鐵個茶味好香 珍珠煙韌得黎唔會太甜🥤🤧我去尖沙咀店仲送個蝴蝶酥仔 味道都唔錯🤫…查看更多

係台灣好出名嘅茶飲店沐白小農原來係尖沙咀已經有分店😍，路經寶勒巷離遠就見到醒目嘅招牌。網上推介飲黑糖波霸鮮奶同大甲芋頭鮮奶，不過呢排食到有啲濟，想飲清新啲嘅飲品，就揀咗珍珠紅茶拿鐵少冰。😝俾完錢就行咗入去等野飲，入面都幾闊落仲有個sitting area，如果想影相，係隔離有個俾你打卡嘅靚背景。🥳話咁快就嗌到我個no. ，店員好友善，提醒我上下搖勻之後先飲。😀第一啖就飲到珍珠，入口Q彈有咬口，咬落冇痴牙嘅感覺。茶底唔算濃味，有啲清清澀澀嘅味道，如果奶味再出啲就更上一層樓喇。😆😆…查看更多

尖沙咀除咗多名牌，仲有就係台式飲品店。今日繼續我既尋找珍奶的故事，試一試沐白小農。對我嚟講有座位都係其次，最重要係有得叉電。三款插頭齊曬，梗有一款啱你。餐廳用七巧板作裝飾，真係前所未見。雖然呢隻牛牛好得意，但係唔太明白同餐廳嘅關連，直至見到餐單既右下房，原來沐白堅持用優質鮮奶，相信鮮奶係由牛牛揸出嚟。之前係社交平台見到朋友係呢幅白色藍字磚牆打卡，今次終於輪到我啦！首先我叫左珍珠紅茶拿鐵。非常喜歡珍珠既軟硬度，口感偏軟身。另外奶味唔算濃，但非常香滑，同拿鐵既茶味達至完美平衝。係夢中劉小朋友叫左大甲芋頭鮮奶加芋圓。朋友對芋圓情有獨鍾，而沐白既芋圓無論口感，份量都好合我朋友意。芋泥同鮮奶比例係1:1，芋泥非常濃郁，加埋鮮奶飲落非常順滑。最後何小朋友叫左沐白黑糖波霸鮮奶。 每一粒珍珠都充滿黑糖香味，而且口感一如以往，軟身但保持咬囗。整體甜度係所有台式飲品店中最適合港人口味。珍珠紅茶拿鐵已經成功得到我嘅歡心，可惜港島區冇沐白小農，希望不久將來會喺東區見到沐白既出現。…查看更多

之前係荃灣經過都多人等，今次見尖沙咀新開分店，即刻買黎飲下。見店內宣傳相介紹沐白小農用的是天然食材、無添加，大部份飲品都用小農鮮奶，亦用天然蔗糖或天然蜂蜜。比起荃灣店，呢度更大更舒適，有坐位供客人休息飲野，還非常貼心備有充電插位。這8款飲品最受觀迎，其中的黑糖波霸鮮奶、大甲芋頭鮮奶更加是必點飲品，所以今次同朋友都點左呢2款。黑糖波霸鮮奶，杯上密封好，外帶也很方便。飲品的黑糖花紋都好靚，底部的是滿滿的珍珠，飲前要搖勻，甜味的黑糖撞入香滑鮮奶，味道好balance。店員介紹是用台灣的黑糖煮珍珠2小時，所以好入味，特濃的黑糖味帶甜甜香味，珍珠也煙韌彈牙，與味道清爽不膩的小農鮮奶混合，甜度亦剛好，比一般珍奶更清爽不膩。大甲芋頭鮮奶，用了鮮奶及大甲芋各一半，其中芋頭更有芋頭粒及芋蓉，口感豐富味道濃郁。用了台灣的大甲芋頭，其肉質細膩，且黏滑粉質高，所以飲落好夾鮮奶口感。飲到有一粒粒的芋頭肉，仲有綿密滑溜的芋蓉，拌勻小農鮮奶，亦散發芋頭香氣，甜度亦剛好。珍珠紅茶拿鐵，味道係比一般奶茶更香更清爽，比珍奶又多份茶味甘香，呢個組合都好夾好好飲。珍珠Q彈，鮮奶與紅茶拌勻，奶茶味突出，飲完亦唔膩。…查看更多