Forrest

有朋友介紹呢間係幾個青年人創業而開的餐廳..所以就黎左試下..本身係抱住支持下的心態黎的..點知真心食完好欣賞~首先*性*價*比*超*高~佢份量大之餘又唔貴..最重點係佢真係好食而個好食..係好好食同埋有心思~我係必定會再黎食~而我未食完已經...推介緊D朋友一定要黎試下~真係要認真逐樣介紹下:淨係佢呢個勁正的+8紅菜頭湯已經為個開始帶黎左興奮~佢好好味但係我唔識講點解咁好味..你地試左就明..真心..正價比錢飲都會叫的餐湯!!!然後我地叫左個小食:- 脆炸大啡菇($42)大啡菇成日都係原個食, 今次佢地係切開炸..又幾正~外脆內軟口感正~加上有D芝士絲係面..點埋個沙律醬~絕配!!跟住有個沙律- 煙三文魚牛油果沙律($78)好顛呀咁大份...又多三文魚..D沙律菜新鮮~仲有個牛油果係好食的因為出面有時好易食到唔好味的牛油果..佢係CREAMY加好食唔會有好勁草青味~- 珍珠帶子辛口明太子忌廉意粉($98)CREAMY同軟硬度適中的意粉質地..加上好多的珍珠帶子...好食...唔漏但係好滿足~少少辣味加埋D紫菜絲配搭唔錯!!- 巴馬火腿火箭菜薄餅(108)*我地去個陣咁岩冇晒火箭菜佢轉左蘆筍比我地..估唔到又幾得意HAHAAA!!!!佢係好食的PIZZA, 薄底, 成個邊我地都食晒...HAM幾好食..又多芝士...HAPPY!!!重重重重頭戲:- 伯爵茶焦糖燉蛋($38)點解會咁顛架................點解可以咁CREAMY咁好食..唔會過甜整體全部野岩岩好仲要有香濃的EARL GREY味道..好正呀..我兩個FD唔食甜品的我光速就KO左...................呢家講返都即刻想再食喇..仲要咁抵TIM~~~~~(佢好似加$28就有得食)野飲我地就叫左自家製蜜糖檸檬薑茶..鐘意飲薑茶的女士必試...=]真心每樣野都有讚賞的地方...希望呢d小店可以多d人睇到..好值得咁長篇為佢地的野食打段認真的食評~…查看更多

繁忙工作過後，特別想搵個地方靜靜享受晚餐時光😌最近發掘咗間長沙灣小清新Cafe「Forrest」✨主打休閒文青風，好適合收工過嚟食個晚餐放鬆吓😙.🍴脆炸大啡菇💰$38大啡菇灑上麵包糠後炸，炸得脆卜卜夠乾身，唔會油林林☺️而且內裡大啡菇依然濕潤，好香口🍄.🍴莊Sir炸單骨雞翼💰$48份量都幾多下，差唔多成十條😛單骨食得好方便，金黃香脆😚.🍴香煎封門牛柳💰$160封門牛柳外層焦香，內裡粉嫩🥩肉味相當濃郁，肉汁豐富💦阿根廷青醬配牛柳一流👍🏻配搭薯條及沙律菜，多到食唔晒😂.🍴珍珠帶子辛口明太子忌廉意粉💰$98（晚市套餐）質地creamy，明太子鹹香貫穿整個意粉🍝微辛味道增添惹味😋內裡有珍珠帶子、蘑菇，份量十足😚面頭紫菜碎同意粉味道都好夾😛.🍴是日餐湯💰$8（跟餐價）西蘭花濃湯🥦非常足料，內裏有粒粒西蘭花口感，仲有火腿咸香，呢個價錢非常抵飲😆.🥤伯爵茶橙汁💰$24（跟餐價）晚市套餐可以半價加購飲品❣️入口先係淡淡伯爵茶茶香，再嚟就係橙汁嘅酸甜味道🍊清新配搭，唔錯🙂.Cafe以木系色調為主，俾人種好舒服感覺☺️餐廳由數名年輕人開設，從環境到食物都感受到用心點💖而且唔收加一，性價比相當高👍🏻…查看更多