禮記

今日入將軍澳揾食，同朋友 去咗「禮記」食點心，裝修幾靚，古雅之中帶點現代元素，好似牆上的古代美人玩手機，有趣😳紅菜頭松露野菌餃🥟$43（3件隻），鮮紅的餃皮非常薄，晶瑩剔透，透視了松露和野菌餡料，皮薄口感煙韌，野菌清甜。奶皇炸煎堆$39（3隻），不油不膩，好香芝麻味，煎堆皮幾鬆軟，咬開是奶皇餡，賣相精緻，打卡必點📸黑金流沙包$39（3隻），軟綿綿，奶黃流沙餡。鮮蝦米網腸粉$48，腸粉包裹油炸鬼，有蝦米香味。茶位：$13/位（玫瑰荔枝茶）…查看更多

一行入禮記就會聽到古箏輕音樂，非常寧靜舒服，空間亦寬敞，令人心情立刻放鬆。除左平時既提神中式茶，仲可以揀玫瑰荔枝茶，好適合晚上飲☺️我地兩個人食左脆皮雞同蛋白鮮蝦炒飯就已經好飽了☺️1.脆皮雞份量不少，皮非常脆，咬落‘索索’聲，雞肉都嫩滑！☺️2.蛋白鮮蝦炒飯好大碟！可以裝到成5碗飯！蝦肉爽，飯粒粒分明，味道恰到好處，唔會偏咸/淡。下次多啲人黎食既話可以食煲仔飯、羊腩煲(見到隔離枱食得好滋味！)😬…查看更多

將軍澳都開左donki，附近間禮記中菜裝修好靚，個區旺中帶靜，好岩同朋友食飯飲兩杯。玫瑰荔枝茶 $26揀左少女心滿滿的玫瑰荔枝茶，個茶杯好骨緻，飲落都甜d🥰懷舊鳳梨咕嚕肉 $128擺盤好靚，打卡一流，最緊要係好味道，作為第一道菜酸甜開胃～銀杏鮮腐竹扒時蔬（小棠菜）$118個湯呈乳白色勁好飲，小棠菜清甜同腐竹好夾，好暖胃😋銀芽肉絲脆麵 $198戲肉黎，職員一拎上台我地就準備好相機📷炸到麵定曬型，淋上燒汁後職員會幫你剪好啲麵，好好服務，脆麵同香鮮既菇同肉絲不能再夾！…查看更多

銀杏鮮腐竹扒時蔬（娃娃菜）$118這款娃娃菜煮得好清甜，配上鮮腐竹帶出豆香，忍不住喝一下湯汁，就是沒有味精的乳白色蔬菜湯，最後連菜帶湯都吃完了🙈🙈蜜汁叉燒$98與普通的叉燒不一樣，是一整塊的淋滿醬汁放在鐵板上的叉燒扒，需要自己去切，切成自己喜歡的大小，醬汁方面甜香甜香。不過美中不足的是我偏開愛吃肥叉🥲但剛好那天是瘦叉，對肥瘦有要求的朋友，可以下單時跟店員說一下看看能不能挑個肥一點的。銀芽肉絲脆麵$198這好像是打卡必備的菜式之一，當天吃飯不論男女老少，只要一上菜就忍不住拿出手機拍幾張照片🤣一個被筷子🥢夾了起來的造型麵。玫瑰荔枝茶好香嘅玫瑰味，淡淡地一啲都唔似加工味，仲有少少荔枝香，必點！————————————————環境：👅👅👅👅👅食物：👅👅👅👅性價：👅👅👅服務：👅👅👅👅👅…查看更多

今日同個朋友去將軍澳食飯。點解會去果邊食飯？因為之前見到啲介紹，將軍澳嘅禮記有個企起身嘅嘅肉絲脆麵。睇到時覺得好得意同好吸引，所以就去咗囉。一入到餐廳，地方寬敞舒適，感覺相當好。作為一間中餐館，當然係先叫茶啦，我哋揀咗比較特別嘅玫瑰荔枝茶。茶杯典雅，茶味清香。瑤柱魚滑上湯浸時蔬，睇落好普通？都唔算㗎。除咗明顯見到嘅魚滑同小棠菜，仲有瑤柱絲、冬菇粒、同埋薑絲。上湯味濃，魚滑打牙鮮甜，再加上冬菇粒帶嚟嘅口感，整體來講，雖然係普通嘅中菜，但絕對係好好味嘅菜式。杭州東坡肉，我特登點嘅。東坡肉雖然係好肥好邪惡，但絕對係唔會成日食嘅菜式，所以一次半次，絕對唔會過分。東坡肉肥瘦分明，入口即融，而且汁醬爽甜唔膩，減輕咗東坡肉嘅肥膩感。奉勸大家，叫得東坡肉，就唔好怕肥，記得要連埋肥肉一齊食先好味嫁。銀芽肉絲脆麵，是日最期待嘅菜式。企起身嘅肉絲脆麵，真係好正，影相打卡一流。當你影好相喇，店員就會幫你淋上汁醬同為依個肉絲脆麵解體。鐵板上嘅原故，所以脆麵落返平面，淋完汁醬，都好熱返，唔會話入口凍冰冰。汁醬調味唔錯，就算唔係諗住影相打卡，都值得點嚟食㗎。…查看更多

繼續介紹將軍澳的美食🥢 這次來到禮記品嚐精緻的粵菜料理～ 餐廳環境瑰麗雅緻，坐位舒適空間感十足，菜單二至六人套餐都有，亦可散點菜式，很適合和家人朋友、或是商務客人來享受佳餚呢我們選了店員推薦的玫瑰荔枝茶🌹 天然馥郁的花果香氣撲鼻，味道清香而不苦澀，很解膩點了羅漢竹笙上素，這道素菜食材富營養又美味，竹笙吃起來很爽脆滋味。餐廳亦主張少鹽少油，所以吃起來清新又健康懷舊鳳梨咕嚕肉的擺盤很有格調，加入鳳梨、青椒來炒，看起來色彩繽紛。咕嚕肉糖醋的口味酸酸甜甜的，脆漿不會太厚，肉質柔嫩，非常好吃開胃。銀芽肉絲脆麵是這裡的招牌菜式！賣相極盡心思，玩味十足，非常適合打卡😝 拍照後店員會幫忙將脆麵剪開方便品嚐，一口咬下去，就是脆！鐵板可保持脆麵的溫度，非常鬆脆爽口，也可拌以茨汁，讓麵條不會太乾，口感又脆又軟的～…查看更多

近期聽講將軍澳有一股好強勁嘅打卡店，果度嘅銀芽肉絲脆麵可以動篤企🍝咁犀利，鍾意周圍搵野食嘅我，緊係要親身上陣😆，拜會下呢股強風啦。禮記 位於港鐵將軍澳A出口，由寶盈花園一直向海旁行大約7-8分鐘，位置尚算方便。入到禮記比我第一觀感，一間中式飯店帶中西合壁時尚裝潢，坐位多屬西式卡坐，非常舒適；牆上掛畫又帶著強勁中國風，非常強烈中西合璧，併合出既高貴又時尚。打開餐牌見倒有錦鹵雲吞，甜酸汁入邊有青紅椒、雞肉、蝦、魷魚等等….. 雲吞炸得好鬆脆，一羹羹嘅酸汁淋落塊鬆脆嘅雲吞，酸汁唔會太搶喉，甜酸味道均勻，係個開胃嘅小食，而且份量都幾多，好抵食。呢個真係鈎起我兒時嘅回憶，好開心可以同阿女分享我兒時食過嘅味道。千島一口黑豚肉粒，肉粒炸得外脆內軟，外層比千島醬重重包實，估唔倒又出奇地夾，一口一粒放入口剛剛好，如果去埋骨就更加prefect。主角出場，今晚我係為左你而黎架，🍝銀芽肉絲脆麵，一黎到我同阿女都不禁”嘩”左一聲，連周圍隔離枱嘅食客目光全部轉向呢個脆麵，呢個環境緊係相機📸食先，影相📸打卡攞like啦；影完相店員拿起交剪，慢慢將動篤企嘅脆麵剪斷，然後淋上汁醬；脆麵炸得好乾身，入口迫迫卜卜，香脆可口，面頭嘅銀芽肉絲亦係亮點，增加味道同時又可以平衡番個油膩感。最後來一個清清地嘅時菜清清味蕾，銀杏鮮腐竹時菜，用石鍋上，可以更保存熱度，鍋入邊有好我最鍾意嘅鮮腐竹，而時菜用左而家時令嘅小棠菜，清甜脆綠。…查看更多