鮨丼 (已結業)

之前接到傳單見到這間新開魚生丼店做緊六折，見都有一排沒有食魚生丼忽然好想食，就跟媽媽一齊試試。＊＊＊＊＊＊＊＊＊＊周日晚上的鮨丼都幾多食客，不過反枱算快，所以基本上不用訂座都可以。可能由於丼餅和定食都有六折優惠，所以驟眼所見店內九成食客都是點丼飯，而店內的丼飯選擇都算多，除了既定的魚生丼外，也可以自己配搭刺身。點餐不久，侍者即送來前菜和味噌湯。沙律菜都幾新鮮，醋汁亦足夠，令味道不會太寡。漬物應是現成貨，酸酸地幾開胃。味噌湯不過鹹，入面有豆卜、本菇和蜆肉，都算足料。海膽灸燒帆立貝三文魚籽刺身丼飯($179)丼飯原價$298，新張期內都有六折優惠。丼飯雖然不算大碗，但上面鋪滿帆立貝、三文魚籽和海膽，以二百蚊唔洗的價格性價比仍算高。帆立貝有六大塊，都幾大塊和厚切，因為經過灸燒，所以口感是半生半熟，個人就覺得刺身上可能會更鮮甜。三文魚籽粒粒渾圓飽滿，鹹鮮味超重，最喜歡在口內爆發的感覺。海膽有部份黟粒不太明顯，不過食落仍鮮甜沒有腥苦味，而且份量都算多。特選海鮮丼飯($149)丼飯原價$248，新張期內同樣有六折優惠。丼飯上有鮑魚、牡丹蝦、三文魚籽、三文魚、油甘魚和帆立貝，啱晒有選擇困難症的人，一