潮陣 (已結業)

Weekend Lunch 週末午餐1. 牛魔王撈麵 (牛爽腩，極上牛丸，牛筋，牛肚)🤑$78牛爽腩幾有肉味，但有啲煙銀。牛丸係好香牛油味，每一啖都好香，麵身夠彈牙。另外，個湯唔係一般嘅清湯，係好有牛肉味同鮮味嘅白湯😋.2. 魚魔王湯米線 (魚蛋，魚片頭，魚皮餃) $78魚蛋同魚片頭都彈牙但味道一般，魚皮餃嘅餡料，肉質好新鮮，充滿肉味，唔會煮到肉質好老.3. 滷水豆腐 $28Openrice 嘅熱門推介，但冇乜特別

牛魔王撈粗呢個麵會係肉怪榜TOP1，佢係一個由極上牛丸、牛筋、牛爽腩、牛肚配秘製汁合體而成既撈麵。聽落好似無咩特別嗎？哈哈！佢既極上牛丸係用碗另外裝住3粒既，望落都好似無咩野，一咬！嘩！噴汁！咩事！以上係我食呢粒極上牛丸既3個連鎖反應。成檯汁，好尷尬！而裝住3粒牛丸既湯鮮甜到不得了，熱住都要飲哂佢。牛爽腩入口即融，牛肚又爽彈，牛筋好入味，唔鐘意食牛內臟既都會一試愛上！以為個麵係配角，點知原來係雙主角，麵質不硬不較，QQ彈彈，佢既秘製汁令成個麵都味覺提升！咁既食物質素，價錢竟然都係數十元，加3蚊仲有熱飲，加5蚊有凍飲！每樣配料都咁有驚喜，性價比真心好高！滷水四寶撈麵又係低食招牌麵，四寶有滷水蛋，五花腩，豬大腸同豆腐，每樣配料都滷得入埋味，件件都咁「索」，雖然滷得咁入味，但一D都唔咸，咸中帶點微甜，仲食到餸本身既原鮮味！呢個滷汁，我隔離檯個叔叔忍唔住問店員呢個汁好正，點整到咁既味道嫁！將我心底果句講埋出黎！食每個撈麵都會有一碗湯附送，因為好鮮甜，所以再加左個炸魚皮爽一下！果然勁脆，而且仲大大碟得黎又平！仲有好多其他小食，一樣平靚正！另外飲品方面都唔馬虎，簡單如凍奶茶都飲到好香好滑既感覺，正

又嚟到東大街，呢度真係好多嘢食，種類勁多，😭好羨慕呀，夜晚走到呢邊想食吓粉麵就入咗呢間潮陣，睇落價錢都唔太貴 偷望隔嚟枱，份量幾大碟吓，最後我揀咗個牛魔王同魚三寶，魚三寶有魚蛋，魚皮餃，魚角，肉質入口唔梅，有彈性，湯底比較淡口個牛魔王重點要提個極上牛丸，唔怪得係推介，入口爽口彈牙無筋，一啖咬仲有牛油香，牛魔王其他配料包括牛肚牛筋牛腩，牛筋軟糯好入味，牛肚唔老，撈面配上啲汁味道少少偏咸，但係整體好味，個牛丸湯完全係清泉

今日中午諗住求其搵間粉麵醫下肚，經過見到於是就入左嚟潮陣食午餐，點知好有驚喜😊😚餐廳裝修好精緻又光猛，比人既感覺係新式既粉麵店🍲。空間感都十足，坐喺度悠悠閒食個下午茶都不知幾嘆~~~我見哩度都好多人點 牛魔王撈麵 同 湯麵，咁我就估係哩度既招牌菜，所以我都點左個牛魔王撈粗試試佢🤤🤤 一上菜就見到啲餸非常多，好似食極都食唔完咁👍嘻嘻~ 份量都幾多，食完真係好飽！入面既牛筋同牛肚都好夠軟腍，而牛爽腩就非常爽口，全部都整得好入味💕 再加上牛丸清湯，牛丸一咬就爆汁，口感彈牙👍👍👍