林記小食

好耐冇返紅磡,以前讀書經常會喺紅磡行街食嘢。喺觀音廟對面嘅小食檔，總係人頭湧湧，排晒長龍。已經好耐冇幫襯啦，今日過嚟紅磡，掛住啲燒賣。今日嚟到，人龍不變，依然好多人排緊隊，大部份人購買最熱門嘅燒賣，牛肉燒賣，腸粉同埋魚蛋。今日我買咗牛肉燒賣同埋魚肉燒賣，落咗豉油同埋少少辣油。牛肉燒賣同魚肉燒賣質地都係結實，彈牙，手打人手製作嘅肉質，果然係唔同啲！魚肉燒賣，唔會有魚腥味，同埋冇嗰浸粉嘅味道，牛肉香濃，好似食緊牛肉球咁，兩款燒賣嘅皮都好薄，沾上豉油同辣油，懷舊風味十足。…查看更多

見 google map 交通情況唔洗 45 分鐘就到紅磡，本來今朝滿心歡喜上車諗住可以嘆碗出前一丁早餐，點知去到奧海城前面巴士撞私家車塞我半粒鐘！去到果欄壞交通燈再塞 20 分，和您塞！最終搭成粒半鐘的士先返到公司，早餐得返杯熱檸茶外賣！無心情，午餐食碟腸粉算數，清清腸胃竭一竭。依餐輕食，預備今晚拆餐勁既！機會係留比早有準備既人既。行去拮多兩串魚蛋先填充一下，是但吉幾串就 $30 蚊，貴過食出前一丁。林記係魚蛋界都算數一數二，享負盛名！個人覺得油麻地通記蠔油陳皮魚蛋始終穩守首位，而尖沙咀華記就可以跟林記爭一日之長短。伯伯永遠都那麼友善面帶笑容，在等候期間眾多粉絲奉場，個個大大袋五六十蚊地買走，果然係極具人氣的老店。被美女搶先一步到場落單，還要買兩份腸份幾串魚蛋燒賣，堅係大客仔喎！腸粉婆婆慢功出細貨，等到我生菇發呆，返到公司只剩 5 分鐘享受，唯有狼吞虎嚥倒落肚。婆婆終於都返來喇！手起刀落清脆利落，狠狠地落醬毫不手軟，混醬多辣多豉油浸著才夠美味！早前有次不知嬸嬸是否剛剛開舖，完全失手！腸粉乾鞋硬粉粉黏口暖暖地，沒有平時嫩滑彈彈的感覺。混醬豉油得少少一丁點乾乾的，腸粉未蒸透硬實帶粉微暖，極失望！好彩只係試過一次。嬸嬸離奇地闊綽，混醬豉油淺灘一樣，浸住腸粉，畫面十分震撼亦美觀呢！混醬側埋一邊，要耐心地撈得均勻透徹。中國五千年醬汁的奧秘，甜醬辣醬麻醬芝麻豉油，混醬美味無邊無際，撈得完全均勻透徹，緊緊包著熱騰騰嫩滑水潤米香非凡腸粉享用。甜酸辣咸香百味交錯，提味萬倍！混醬才是靈魂所在！精髓在於如何調配，麻醬甜醬辣醬芝麻豉油，耐心地親手將她們撈得均勻一絲不苟，顏色閃亮耀眼立立令，可以開動了！腸粉，熱熱微黏的腸粉，滾上豉油甜醬辣醬麻醬芝麻，濕濕滑滑大口大口地塞，撞出美妙的化學作用，味美質優香噴噴！超然幼滑的腸粉，熱騰騰而米香非凡，還有百味圍繞著。辣甜咸酸撞得精彩，濕潤入口，滋味無窮，非讚不可。咖哩魚蛋質地彈牙實在，辣咖哩味道先香辣繼而香甜，最後魚腥味強烈突擊，幸好還頂得住。魚蛋咖哩味清香濃郁，先辣後甜，雖然魚蛋有著不弱的腥味，不過入味可口且彈彈嚥韌，搭上無敵混醬使得味道剛剛好，十分神奇。墨魚，先爽脆後嚥韌，滷水清甜味濃，經過辛辣咖哩汁洗禮更惹味無比。腐竹卷，實淨有咬口，腐皮充滿豆香，包著魚肉微咸蠻喜歡。牛柏葉，還以為牛柏葉必定烚過火會硬掘掘，竟然入口極爽，還索盡濃郁咖哩汁，無得頂！混上豉油辣椒油惹味刺激，估不到辣椒油優質香辣並重。魚蓉燒賣清香鬆軟，無過腍有鮮味。牛肉原來係牛肉燒賣，還以為牛肉球，趙落滑嘟嘟微彈，有少許芫茜蔥味還可接受，味道認真不錯。彈彈濕濕，淡淡牛肉味，黏黏燒賣皮，陣陣檸檬酸葉幽香，滿有誠意，真係有山竹牛肉陣陣檸檬葉味。咖哩腸仔，咸咸結實的腸仔，其實都烚超過 5 分鐘都沒有任何發脹情況，但是已經裂開咯。咖哩墨魚丸，驟眼以為有 6 粒墨丸，望真一點原來係 3 粒開邊，能更入味及更快灼熱啦。墨丸黏黏嚥韌，吸盡咖哩辛辣，粉多果然索味特強。咖哩黑椒牛丸，要等最少 5 分鐘才能熱透，入口結實微羶香，濃烈黑椒味，夠香辣惹味有嚼勁，最後還有回甜的味道喎。半粒墨魚半粒牛丸齊齊品嚐，味道撞得十分生動有趣。螺肉想像不到超級爽脆，趙到卜卜聲！真心沒有一絲螺的味道，仍食得滿意過足癮，有趣有趣。紅腸，肥美香甜肉汁滲滲。牛柏葉索汁高手，爽到索索聲，咖哩味濃，每啖都噴出辛辣。原味陳皮魚蛋，結實的質感，魚味更香純更突出，咸香搭著微腥味道，魚蛋更真實地演繹。可口可樂，中場突然想飲可樂清清味蕾！隨便灌入已飲掉一半，咋一聲，噓一聲，爽到震！越不健康就越好食，食完大量醬汁副作用顯著都再所難免，飲埋半罐可樂依然頸渴，要再灌多杯熱水才感覺好一點。…查看更多

因為五一黃金週的關係，旅遊熱點地區人山人海，所以今天和朋友選擇民居為主的黃埔覓食，其中一站就是街坊人氣小食店林記小食。由於超多人排隊，老闆久不久就跟排隊的食客說，若不是買腸粉的話，可以在他那邊直接購買腸粉以外的小食，作簡單的分流，這明顯方便只吃牛肉的我，至於朋友吃腸粉，就要稍稍等候。個人覺得好吃的牛肉不需添加調味料，原汁原味吃是最好吃的。牛肉沾了少許碟上醬汁，不影響品嚐。牛肉皮的薄的，重要的是牛肉鮮甜極致，肉質彈牙，足見林記用料新鮮，手打牛肉技術不錯。朋友大讚林記的腸粉比深水埗的合益泰和大圍坤記的好吃，腸粉滑溜富彈性，熱騰騰的，加上麻醬，甜醬，豉油味道鹹甜得宜，吃完不膩卻飽足，難怪如此深受大家喜愛。…查看更多

林記好得意, 早上係唔開鋪, 下午1:30先開門, 主要係賣幾樣野: 辣魚蛋, 魚肉燒賣, 牛肉燒賣通通$6一串, 腸粉就$5四條我心諗$6一串都唔平喎, 因為附近好多地方都賣緊$5, 不過都買左串牛肉燒賣試下, 原來有6粒, size仲要屬於偏大, 食落去有咬口, 有些少牛肉味, 唔似食粉團, 都算真材實料:), 賣$6都不為過, 配喼汁同佢地自己調配的甜豉油食都幾好味!! 我覺得比魚肉燒賣還要好食同抵食!!下次要試下都係有6粒的魚肉燒賣同好多人食的辣魚蛋, 林記係觀音廟斜對面, 好易搵架咋! 放工時間人山人海果度就係啦…查看更多