紅葉茶屋 (海之戀商場)

之前嚟食嘅時候已經覺得呢到唔錯，環境靚得嚟仲係抹茶控必到✨最近秋意漸濃，即刻諗起紅葉，所以黎encore佢地嘅抹茶🍵😚除咗戶外位置有紅葉做裝飾，餐廳入面仲有榻榻米座位，成個感覺都好日本🍁牛肉壽喜燒定食$138 呢款定食性價比最高！牛肉量多，而且口感滑溜。壽喜燒有齊溫泉蛋、豆腐、野菜、野菌等等，湯底入味。另配日本珍珠米同漬物，整體味道都不錯🧡對比上次黎亦都keep到水準🍁照燒三文魚定食$138三文魚size約半隻手掌咁大，味道偏向似醬油味，煎得幾靚，唔會乾身🍁鎌倉紅葉茶屋抹茶白玉$52睇相見佢幾吸引，又cutie，賣相好啱打卡📸加埋榻榻米坐位，有啲覺得自己去咗日本嘅和菓子店。白玉口感軟糯，需紅豆同抹茶醬一齊食～另外會配半杯仔刷過嘅抹茶，帶少少綿密泡沫，還原和風味道🍁自選特製芭菲$75可以自選三款配料，我就揀咗白玉、士多啤梨同朱古力醬，另配一球抹茶雪糕球。軟雪糕可以揀扭紋或者單一款味道，季節限定係哈蜜瓜味，味道幾突出。除咗呢啲配料，入面仲有粟米片、忌廉、透明果凍同埋銅鑼燒片，材料豐富，食到一層層唔同嘅口感🍁凍/熱抹茶拿鐵+$25推薦黎呢度一定要叫抹茶，熱飲味道更加濃厚😋…查看更多

牛肉壽喜燒定食 $138壽喜汁偏甜，我個人幾鍾意😋。但個牛肉非常之韌，係韌到正常出街食都唔會食到咁嘅程度，佢收百幾蚊俾啲咁嘅牛肉都幾失望😓。其他配菜就正常，佢個set 仲有麵豉湯同漬物，飯可以任添。海鮮四色茶漬飯 $148海鮮丼飯刺身就正常質素啦，但個飯有啲熱令到上面個刺身變咗有啲熟。不過我估佢本身個刺身都唔係雪得太凍，成舊係偏暖嘅，但都叫接受到。成個set最好食就係茶漬飯個蝦湯，個蝦味都幾濃，就咁飲幾好飲😂，撈飯都唔錯。至於其他環境衛生嗰啲方面都還好用。服務就一般，冇乜特別被服務過😂，連水都冇添到😓…查看更多

今日尊登去荃灣海之戀商場入面有間人氣極盛的日式茶屋食lunch, 入到去嘅感覺完全係100%日本食店的感覺，裝潢全部用日式木系，再加上一個面向無敵海景的榻榻米位置，而窗外更望到紅葉的裝飾，勁有日本氛圍。🥢 牛肉壽喜燒定食 👉🏼 既有牛肉的鮮嫩，又有蔬菜的清新，還有醬汁的甜美，讓人一吃難忘。🥢 腐皮壽喜燒定食 👉🏼 腐皮壽喜燒的口感既有腐皮的韌性，又有蔬菜的清脆，還有醬汁的香甜，三者相互融合，能帶來愉悦的味蕾體驗。🥢 生薑豚肉燒定食 👉🏼 豚肉夠晒鮮嫩口感，肉質飽滿，咬上一口，肉汁四溢，令人陶醉。配合生薑的加入，為這道菜增添了獨特的清香。🍵 熱忌廉抹茶拿鐵 👉🏼 忌廉的絲滑與抹茶的香醇交織在一起，帶給一種獨特的味覺體驗。🥄 鎌倉紅葉茶屋抹茶提拉米蘇 👉🏼 綿軟的蛋糕與奶油、芝士等完美融合，入口即溶化，與抹茶的味道相結合，形成一種既清新又濃郁，既綿軟又豐富的口感。🧁 抹茶蕨餅新地 👉🏼 口感既有蕨餅的韌性，又有抹茶的清香，再加上軟雪糕，不僅提升了整體的甜度，也為口感增添了更多的層次和變化。…查看更多

呢晚再次嚟咗荃灣呢頭行街 又諗起呢間日式餐廳✌🏻 因為上次嚟覺得感覺氛圍都唔錯 呢晚就叫咗啲上次冇食過嘅菜式牛肉壽喜燒定食牛肉喺壽喜燒汁入面份量都幾多 而且唔會太肥 側邊嘅配菜仲有椰菜 菇菌 豆腐😎 真係一個健康之選 最值得推介嘅係佢嘅溫泉蛋配飯好正😊 定食仲包括兩款開胃漬物 醃白蘿蔔同牛蒡🥕 另有碗麵豉湯 海鮮四色茶漬飯入面有三文魚 吞拿魚 赤蝦 同埋三文魚子 茶漬飯有兩個食法 只要根據指示卡 就可以輕鬆試到兩款口味😚 茶漬飯可以選擇湯底我地揀咗香濃蝦湯 蝦嘅味道同埋海鮮飯好夾 我就比較鍾意加咗湯嘅食法😻鎌倉紅葉茶屋抹茶提拉米蘇呢個可以用優惠價加配 見到幾乎枱枱都有嗌呢個甜品😂 tiramisu由蛋糕 抹茶粉同埋cream製作而成 層次分明 不過cream嘅部份比較多🍵抹茶雲石紋芝士蛋糕睇相已經好想嗌呢個芝士蛋糕 果然嚟到個賣相同幅相一樣咁靚🧀 味道方面芝士蛋糕嘅底層並唔係餅底 而係真係一層薄薄嘅海綿蛋糕 而上面嘅抹茶芝士味道幾夾🍰 側邊仲有啲脆米同埋士多啤梨果醬飲品套餐可以用優惠價加配飲品 我哋嗌咗一杯Asahi Super Dry同埋冰抹茶拿鐵☕️ Asahi啤酒足足有500ml好抵飲 個人就幾鍾意佢嘅抹茶拿鐵 因為好香濃 同埋唔會太甜呢次食嘅抹茶甜品令我更鍾意呢間餐廳啊 可能係因為坐喺榻榻米座位 用餐體驗更加有日式感覺啦😆…查看更多

繼續發掘下荃灣好嘢食🤭一search之下先知紅葉茶屋原來都有唔少分店，不過海之戀呢間都幾隱蔽，平時呢層比較少人上嚟，仲整咗啲紅葉樹同榻榻米，都有幾個打卡位🍁牛肉壽喜燒定食$138定食包左漬物、溫泉蛋同麵豉湯，牛肉份量幾多，肉質嫩滑，配上香軟珍珠米飯😋😋perfect🍁腐皮壽喜燒定食$108腐皮份量比想象中多～湯底同配料同牛肉壽喜燒一樣，適合素食者，湯底清甜🍁生薑燒豚肉定食$118豚肉調味唔錯，肉汁juicy，另有一大勺薑蓉自己蘸，帶微微焦香🍁熱抹茶拿鐵+$25呢個絕對值得加，抹茶味好濃，而且牛奶味好重，仲配咗幾粒石頭朱古力，唔會太甜，亦冇綠茶嘅澀味，好飲🫶🏻🫶🏻🍁熱忌廉抹茶拿鐵 +$25抹茶拿鐵上面再加咗一大圈忌廉，略為有點膩🍁熱檸檬紅茶 +$15鎌倉紅葉茶屋抹茶提拉米蘇 +$35細細一客，同朋友share食每人一啖🤣忌廉味較重，普普通通…查看更多

知道海之戀有呢間新店開，即刻和同事去試試，我哋四個人都俾咗一個卡位俾我哋，係要除鞋好日式嗰隻😍😍😍😍我哋每人都叫一個set lunch，先講第一個上枱的是同事叫的牛肉壽喜燒定食😍大家都嘩嘩嘩❣️靚之餘份量都唔少🤨跟住再來同事的鰻魚滑蛋丼，一樣份量都唔少❣️再嚟就係同事嘅照燒三文魚定食，就咁睇以為條魚好細條😅但同事話都夠飽之餘，仲好好味😋跟住就嚟我嗰個茶漬飯啊😊非常期待嘅茶漬飯😍 仲有詳細指示應該第一步驟第二步驟第三步驟咁食嘅😍😍😍魚生新鮮👍蝦湯都好濃郁好好味😋再食埋個甜品💖冇嘢好講👍完美結束❣️…查看更多

餐廳設有榻榻米4人位，充滿日系風格，榻榻米房唔需要盤膝而坐，座位都幾舒服🇯🇵餐廳採用手機落單，壽喜燒定食有3款，揀咗推介嘅🌟牛肉壽喜燒定食($138) 壽喜燒係煮好後直接上碟，唔需要等牛肉煮熟，並有很多蔬菜。配有白飯、酸蘿蔔及味噌湯。落單網站提供不同飲品及甜品/小食加購選項，抵過單點👍🏽 另一款主食點咗期間限定嘅🫖和牛茶漬飯($148) 牛肉味道非常香濃，揀咗配鰹魚昆布湯。食飯前先飲啖魚湯，鰹魚湯魚味唔算突出，卻品嚐到湯中帶淡淡茶味。跟餐加$15點咗一杯🍋熱檸檬紅茶🐥和風炸雞盛盒(+$35) 有雞件及雞全翼，雞翼香脆🍵抹茶蕨餅新地(+$35) 份量都幾多，有雲呢拿新地、抹茶雪糕、紅豆及蕨餅，味道唔錯，細食嘅朋友二人分享都適合期間限定🎁紅葉甘之三味($88) 十分精緻，有藍莓味Tiramisu、牛奶布甸及夕張蜜瓜軟雪糕，一次過滿足3個願望🔮 當日隔離兩張枱嘅人都有點呢款甜品😆 個人最鍾意蜜瓜雪糕，蜜瓜味好香濃；Tiramisu 芝士及奶味濃郁，中間蛋糕軟熟；牛奶布甸表層有士多啤梨，布甸香滑…查看更多

呢間分店有個日式榻榻米座位 可以望住紅葉同汀九橋 夠晒寫意🪵環境好靚好舒服 套餐性價比都好高😚.➿定食套餐附2款配菜同旬之日本湯1️⃣柚子醃蘿蔔: 濃郁柚子味滲晒入蘿蔔到 除左有醋嘅酸甜 仲有柚子嘅清香2️⃣和風牛蒡: 牛蒡味道清新 仲有醬油嘅香甜味同芝麻香3️⃣旬之日本湯: 麵豉湯唔淡口 味道濃郁但唔係死鹹 可惜配料得昆布.📌牛肉壽喜燒定食 $138壽喜燒湯底好香甜🍲高麗菜新鮮清甜爽脆 皇帝菜就太生有陣草青味🥬豆腐滑捋捋🤍冬菇同鴻喜菇軟淋淋同湯底真係好夾🍄主角牛肉份量好多又高質 雖然唔係和牛 但肥瘦適中 薄切勁嫩口 燈光下仲見到紋理添🐮沾上日本雞蛋 口感更滑溜 仲有淡淡蛋香味🥚再加啲蔥花 更加香口🌱.📌鹽燒三文魚定食 $138三文魚比較似汁燒 燒汁唔會好鹹 好夠味 加埋啲黑椒 好香口👅魚皮煎得好脆 肉質新鮮 可以一瓣瓣夾開 唔配沙律醬都好正 沾埋就更好食🍣沙律菜有啲洋蔥 清爽又香口🧅.📌自選炸物盛盒(五選三) $88豆腐魚餅: 加入豆腐嘅魚餅 軟綿綿 中間混合左紅蘿蔔, 粟米 清甜又香口🍥蝦: 層炸衣好厚 口感帶點煙韌 不過蝦都幾大隻 炸得唔會過老 肉質保持嫩口🍤雞全翼: 好香口嘅芝麻雞翼 肉質都算嫩 好易脫骨🍗醬汁: 有啲蛋白同酸黃瓜 酸酸地 炸物點啲沙律醬會冇咁膩.📌抹茶蕨餅新地 +$35新地相當豐富 用窩夫餅底裝住 有一大球雲呢拿軟雪糕同一小球抹茶雪糕 再淋上黑糖漿🍦配料仲有忌廉, 紅豆蓉, 抹茶蕨餅, 蜜糖星星脆脆同車厘子🍨抹茶雪糕冇雲呢拿咁甜🍵紅豆蓉比較實🫘抹茶蕨餅煙煙韌韌 配搭紅豆同雪糕真係超夾💚窩夫餅底夠脆 吉碎佢撈埋配料一齊食 口感層次即時昇華🧇.📌鎌倉紅葉茶屋抹茶提拉米蘇 +$35忌廉唔夠滑 不過抹茶粉夠甘苦🍵忌廉同海綿蛋糕相間 但蛋糕層太薄 忌廉比例好高 有啲膩🍰.📌雪糕抹茶拿鐵 +$25抹茶拿鐵甜度適中 抹茶甘苦味突出🍵雪糕係雲呢拿味 撈勻食 冇咁甜 瞬間變抹茶雪糕 唔錯🍦.📌冰芒果&西柚紅茶 +$20芒果味好淡 唔似天然芒果味 比較似芒果軟糖隻味🥭有好多糖漿喺底 建議攪勻啲 西柚嘅苦澀味都唔算濃🥺…查看更多