稻成京川滬 (新都會廣場)

間唔中會食去既中菜館次次都會叫酸菜魚(例牌)同埋片皮鴨仲有高力豆沙酸菜魚:會有點蠟燭係暖住個碟 一路食都唔會凍曬魚夠滑 煮得啱啱好 啲料份量正常 湯夠酸 花椒味夠曬 唔會好油 今次加左薯粉 唔係平時食嗰種 係紫紅色 闊粉 有啲厚 幾好咬口 片皮鴨: 餐廳會有手套提供 皮會放蒸籠入面keep住暖 唔會太腍 味道正常 鴨肉同皮都好平均 今次有少少柴左同無咁脆皮 配料有青瓜絲京蔥絲醬汁高力豆沙:建議主菜食到差唔多就可以叫定 製作需時 一碟有4個 好鬆軟 暖笠笠 通常食一粒就啱啱好飽哂 …查看更多

睇咗幾間食片皮鴨酒樓餐廳，最後拍板中價位嘅稻成，食之前仲順便去左金山行左轉山呢入正題，除左片皮鴨，男友揀咗二食津白豆腐鴨肉湯，另外再加個黑松露鴨肉炒飯，完全係鴨肉盛宴炒飯好夠鍋氣好入味，飯粒分明，黑松露香味令到鴨肉香得到昇華，最難得係碟飯凍咗都係好香奶油津白係上海名菜，今次呢個變奏版津白湯稍為有小小鹹，應該落左唔少忌廉，娃娃菜豆腐份量都好多，食到好飽半隻片皮鴨份量正常，鴨皮唔算脆，不過勝在鴨肉油香適中，可借係餅皮太腍太易爛，配料只有青瓜洋蔥，如果有多小小選擇就更好最後2人埋單五百幾，總括而言，稻成性價比ok，食品質素對得住價錢。最後提下大家記住bk 咗位先去，夜晚勁多人等位…查看更多

第一次黎稻成，經過見到有片皮鴨就決定要入黎試試佢！首先上左小籠包，其實味道不錯，皮薄而且多汁，但皮會痴住張紙，太薄既皮一拎上黎結果有兩隻未食先爛開了d湯流哂落去但完整個兩隻都好味的跟住到片皮鴨出場！整體口感非常好，鴨肉juicy係肥左小小，加上秘制醬汁、青瓜、蔥絲，算得上正宗既味道。最值得一提既係個皮，因為佢真係非常薄，所以包住成份片皮鴨食落去唔會有食緊包既感覺，剛剛好。要讚呢個皮個鴨皮非常肥，但大約有20片，兩個人叫左半隻鴨都食得哂呢個碟下面有個位加熱，如果有得熱住就仲好！拿～皮薄賣相都不錯的另外，因當天食晚餐時比較趕時間，所以一開始等片皮鴨時有點唔耐煩，因為店員下單時無講到要等幾耐，最後大約要等30分鐘左右既正常同合理時間。但店員及經理均有立即跟進，並有照顧食客感受，服務態度滿分💯…查看更多

首先要讚嘅係部分食物水準都算OK 北京填鴨同埋酸菜魚算係最好味⋯⋯價錢好貴卻食物質素好普通，其他更平嘅川菜店都有嘅水準性，價比低不過食物質素我覺得重接受到 重點係等左好耐 加上服務員嘅態度唔好⋯⋯ 首先一入座坐低我地就叫個店員比張BB櫈我地 等左好耐都一直無攞到張BB櫈比我 而我就白企左三分鐘係度等個店員。跟住到落單叫左幾個店員都係咁話等等⋯⋯終於等到個店員幫我地落單，之後佢嘅態度勁差講野嘅態度好似鬧緊我哋咁，重要落漏左單！明明有叫左小籠包，係咁叫佢地幫我快點上個小籠包但完全無上到，點知一睇張單原來根本無落到。都費事等。我寧願食其他貴點嘅川菜都唔會再返轉頭食呢間，雖然食物質素唔算好差，但今次店員態度差嘅經歷令我好失望。…查看更多

尋日同家人食生日飯，又要泊車方便又要搵圓檯，終於搵到呢間餐廳。記得幾年前喺圓方食過印象都唔錯，幾年之後試呢間分店估唔到水準一樣咁高。食物推介佢個口水雞真係好香，香味好有層次，基本上係必點嘅頭盤；炸臭豆腐咁邪惡嘅小食竟然喺度有得食， 人多就叫碟嚟試吓，香脆可口又唔會太油；再叫埋另一邪惡小食-黃金炸魚皮，價錢唔貴細細碟一人一舊剛剛好。主菜叫咗片皮鴨，皮脆肉香份量都多8-10人食都夠 ; 另外仲叫左辣子雞都炒得好香，其他推介食物仲有川味涼粉，雞絲粉皮，小籠包每樣都好有水準。而酸菜魚味道較一般，螞蟻上樹過份濃味，呢兩樣就唔係太推介啦。我哋食到好飽每人都係$200價錢算合理，餐廳環境同服務都唔錯絕對有下次。不過留意返切餅費要$100就算叫甜品都無豁免。…查看更多

想帶小朋友去食D令佢有興趣既野,所以就決定帶佢去食片皮鴨,有好多介紹但都人多要等位,又怕唔乾淨,所以最後選左依一間,睇落十分乾淨, 很信得過既餐廳!可能因為我地7點去,比正常既晚餐時間早左小小,所以唔洗等位,一入去要讚既係知道我地有小朋友,比左個角落我地坐, 又即刻拎張BB椅比我地,員工好貼心,而且仲要有兒童餐具提供!真係服務很好!我地叫左4-5樣野4個人食,都夠飽,個面好好食但唔記得影相,因為主要係想食片皮鴨,所以黎講下片皮鴨啦,個片皮鴨十分好食, 一D都唔肥同油,arm曬帶小朋友黎,而個皮就好似同出邊果D有D唔同,可以話係一D都唔正宗,有D厚, 但食落又出奇地搭,都因為佢厚而唔會食到成手係油,完全就係出奇地欣賞佢地既設計!總結黎講,正常價錢下可以食到咁既服務同質素我覺得夠曬!帶住小朋友, 最緊要食得開心同乾淨。…查看更多

大時大節中伏夜..諗住做節同屋企人食餐好嘅，見佢成日門口都多人等位，openrice又可以訂，所以就試試佢啦...點知......訂5位，佢比張4人檯我，只係求其係個路口位擔張圓凳俾我，姐係咁...咁我訂位黎做乜？同埋你價位中上，我唔expect坐到大排檔咁🌚之後坐低無耐，侍應黎左幾次問你落得單未，我明大時大節你想翻多幾張檯，但同樣地唔係人地餐牌都未睇完就追人落單，仲要黎幾次🤡總結，份量overall係少嘅。個片皮鴨黎左碟肉成5分鐘，d皮仲話蒸緊，都算！上枱竟係凍嘅？一岀爐就吹凍曬咩？侍應推薦嘅稻成炒飯普通過茶餐廳食到個兜，雖然算炒得幾乾身，但一望價錢又會覺得搵笨🤷🏻‍♂️高力豆沙算有驚喜新鮮制唔會太甜，算係成餐比較好嘅一道菜！仲之..呢間又係無下次…查看更多