富東閣海鮮酒家 (已結業)

富東閣一向都係以片皮鴨聞名，但之前都只係去過飲茶食點心，今日就特登夜晚去🤣叫咗片皮鴨兩食($198 + $35七彩炒鴨絲)，驚唔夠飽再叫咗個椒鹽豆腐小食($55)😛因為好早去食所以全場得3枱客，叔叔姨姨服務都好好👍🏻片皮鴨睇落油光滿滿，而且有一定厚度、即係食到少少肉去平衡下皮下油脂，數量都好足夠包曬咁多塊餅皮🤩配料就有青瓜、蔥絲、同最重要嘅甜醬，見我哋兩個人仲比咗兩碟醬料😋餅皮同餅皮之間有蒸籠紙隔住，所以唔洗驚黐住晒，鴨皮非常之脆卜卜，油脂多得嚟唔會覺得食到成口油，係近期最滿意嘅燒鴨🥰非常推薦各位一家四口去試試，兩個人食曬啲餅皮真係好飽😂有比較就有傷害，七彩炒鴨絲相對上就失色好多，鴨肉非常柴、成碟嘢都比較油膩，不過勝在落咗唔少韮黃、芽菜等等，口感都幾豐富🙈椒鹽豆腐就達到酒樓水準，脆得嚟唔會”皮肉分離”，椒鹽落得幾足、味道就係好典型嗰種🤣…Read More

朋友仔到沙田瀝源邨食晚飯。茶樓位於平台位置，可以經商場到達。自選百搭餐好抵食，有燒味/湯/海鮮/肉食/小炒/菜,好多選擇。燒味當然係片皮鴨，套餐係一份上，一大碟，連埋大大塊餅皮，夾埋青瓜，甜醬等一齊食，隻鴨唔算太肥，雖然唔係脆皮，但整體都唔錯是日例湯係蓮藕湯，大大煲，好抵海鮮揀咗白灼蝦，好新鮮，好大隻，蝦肉結實亦多羔小炒點咗七彩炒鴨絲...原本以為係燈籠椒，結果係韮菜炒韮黃芽菜之類，真係估你唔到😆糖醋鎮江骨，酸酸甜甜好入味，亦都好貼合主題，好多骨蒜蓉炒菜心，正正常常總括而言，呢個價錢呢個份量，幾抵又好味😃👍，好多街坊幫襯…Read More

$188片皮鴨其實唔算平，好多酒樓都做緊$88/$98/$108，幫襯呢度純粹支持黃色經濟圈，老實講，比之後退步咗，片皮鴨個皮唔脆，片到好厚肉，麼麼皮之前有少少咸味，宜家無味。但抵讚既係配料一啲都唔孤寒，一推京蔥一推青瓜咁比你，抵唔抵食就見人見智。另外叫了，黃金脆苦瓜，蛋黃包到每一舊苦瓜，苦瓜爽口、唔甘。本人本身唔食苦瓜都接受到。現場依舊有一班後生顧客支持，希望老闆多啲落場試下菜，唔進步都唔好退步。題外話：疫情其間叫過外賣小菜，部分出品麻麻，由其有雞既餸，雞件走油走到乾晒。…Read More

難得做好事,同d 朋友幫手去狗場做義工,又行樓梯,又行山路,又搬狗糧,餓到人都癲.難為年老義工住係深山,出入行山路,d 狗有咩事仲要帶佢地去診所,真係好辛苦.未落山已經打去富東閣訂枱,其實一直想試馳名片皮鴨.坐低,十幾張點餐紙,搵到片皮鴨果張.首先到係海皇冬瓜盅.大大舊冬瓜.冬瓜盅有蟹柳,蝦仔,貝柱,瑤柱絲,火腿茸,豬肉粒,瓜粒,草菇,湯幾清,幾消暑.咁當然唔夠asahi 消暑啦.片皮鴨到.跟青瓜同蔥.]春卷皮一層一張,一係成塊隊,一係自己搣.皮脆肉滑係正既.]蒜香骨,味道ok,但有少少乾.涼瓜炆鴨件,第一次見涼瓜少過鴨.清蒸沙巴仔,蒸耐左少少.上湯野菌時蔬,清清地,幾好,靠佢同大人交代.見其他枱都係食餐, d 師傅真係片皮片到手都軟,成個餐先九百零蚊.ok 啦.…Read More

知道佢重開後，心思思又想食片皮鴨。既然冇晚市堂食，咁咪食中午囉，仲可以食埋下午茶點心，一舉兩得。片皮鴨（$178），鴨保持水準，皮脆冇肥膏又有肉；餅皮轉咗，薄咗細咗（冇得一開二😂，之前又大又厚），而且好衛生，每塊餅皮都用蒸紙隔一隔，方便拎，唔使用手上下兩塊皮搣開，抵讚。二食，七彩炒鴨絲（+$30），大大碟，超抵食。不論鴨肉、蒜芯、韭黃、芽菜、大蔥，都超多。有鑊氣，又夠惹味，啱哂鐘意濃味嘅我。（最後當然食唔哂，+$2要個外賣盒打包）原籠馬拉糕（$21），即蒸的確唔同啲，熱辣辣不在話下，最掂係冇倒汗水，整個都好乾身。搣開即刻聞到椰香味，咬落鬆軟，好耐冇食過咁高質嘅馬拉糕。香煎蔥油餅（$17），同樣即煎，外面微脆，裡面軟淋，淡淡香蔥咸味，好食。蟹籽燒賣皇（$21），又係即蒸，大大粒，味道正常。PS：下午茶茶芥$8@，另收加一。…Read More

聽人講富東閣既片皮鴨性價比高，早前因為疫情影響而停業一段日子，依家終於開返啦。片皮鴨一食 星期一至五 $178星期六日 $198堂食外賣同價，堂食加一服務費，外賣免加一我地叫左一食外賣，另外再叫左糖醋排骨($108)，佢都有外賣小菜優惠買三餸送一餸，每款$85，如果只叫一餸就收正價。我地去到個時都有好幾個人等緊外賣，個個都係叫片皮鴨。我打過去問酒樓職員要唔要預訂，佢話有足夠片皮鴨供應，暫時唔需要預訂既，咁我去到都仲有得買，同埋見燒味部職員雙手捧住好幾隻鴨入廚房切片既。等左唔係好耐就拎得，大約十分鐘左右，都算好快👍🏼同埋聞到啲片皮鴨好香🤤超想即刻食！返到屋企啲餸都仲係微溫既。片皮鴨既份量係夠四人食既，每人大約包到2-3舊，佢既片皮鴨係有皮有肉，仲要係厚肉，有啲餐廳係只有皮冇肉的，佢就啖啖肉，冇咩肥膏。餅皮與餅皮之間都有大大張紙隔開👍🏼好容易就撕開，只可惜佢啲餅皮有啲厚，包左一兩塊黎食就唔想再食了。配菜青瓜同蔥絲都比較多，厚切既，可以放多少少包片皮鴨食，去油膩感。而醬汁方面就一般，味道唔夠出，可能要沾多少少黎食。片皮鴨整體黎講都ok啦😐糖醋排骨正常發揮，如果啲排骨再煮耐少少應該會更好食既，骨肉會再分離啲，再入味啲。.味道 ★ ★ ★ ☆ ☆環境 ★ ★ ★ ☆ ☆服務 ★ ★ ★ ☆ ☆價錢 ★ ★ ★ ☆ ☆…Read More

見到富東閣做緊優惠，又想試佢嘅片皮鴨好耐，多區仲搞過團購tim，我訂左年廿九去拎，超多人😂，排左勁耐隊，btw我覺得佢真係要改善下幫客人落訂嘅方法，我就比完錢20分鐘左右有得拎，但有啲客人叫左小菜嘅好似等左好耐，職員都仲保持到有禮貌🐤片皮鴨 $138 (假期要+$10) (8.9/10)超足料，要讚一讚佢每塊皮都會用紙分開咁放，唔會痴埋一齊，另外佢啲片皮鴨偏厚肉同埋瘦，唔會有肥膏，份量佢寫話20塊，但我夾出嚟放滿到1.5隻碟，應該唔止20塊，屋企人都好鍾意佢啲片皮鴨，4個人食啱啱好🐥🦤鴨殻 +$20 (8.5/10)佢有一食同二食揀，二食係配鴨肉嘅小菜，我揀左一食，加$20拎左個鴨殻返去，發現個鴨殻仲有勁多肉，可能仲多過片皮鴨嘅肉，屋企人將個鴨殻斬件，用嚟炒菜/配湯麵食…Read More

富東閣片皮鴨相信好多人都識🤣嗰時好多人瘋狂團購～之前我都買過好幾次，今日又外賣咗一隻返屋企食😆片皮鴨 ($178) (星期一至五)😛佢包裝得好企理，餅皮、配菜同鴨肉各一盒～有啲片皮鴨係以皮為主，只有好少肉，而呢個鴨肉好厚，食到啖啖肉，皮都燒得好香，好好食😋😋餅皮大約有12塊，每塊餅皮中間都有張紙隔一隔，唔會痴住哂～我覺得今次嘅餅皮都幾有進步，之前係比較厚身，今次薄身返啲，口感更加好😆👍配菜方面有青瓜同京蔥，包埋一齊食口感豐富，亦可以去一去油膩感😆不過個醬我就覺得唔太啱我口味，食落有陣明顯酒味，我都係點少少就夠喇🤣加$30會有二食，七彩炒鴨絲～真係有七種蔬菜🤣鴨絲都唔少，不過炒完就一定比片皮鴨嘅肉嚡少少，但炒得好香，都好好食😚呢個價錢食到呢個質素嘅片皮鴨，我覺得係超值😆…Read More

再戰富東閣片皮鴨，今次搵埋飯腳友，四個人去食可以食多啲嘢。片皮鴨，保持水準，有皮有肉冇肥膏，好味。二食今次要咗炒鴨絲，韭菜、芽菜、青蔥炒鴨絲，有鑊氣，味道合格。冰鎮咕嚕肉，上次見到隔離枱食好吸引，今次人多終於可以試。煮起熱辣辣，放上啲冰度搞到個面凍冰冰，口感又幾得意。冬瓜盅，好耐冇食過了，大大舊去皮冬瓜環，仲有必備嘅夜香花、絲瓜、瑤柱、蟹柳、蝦，夠哂足料。海鮮雜菜煲，又係大大份，超多料。薑蔥蠔煲，同樣份量十足（足足有十隻蠔），夠哂火喉，香噴噴。六個餸，連埋茶錢加一，都係$878，認真抵食。…Read More

叫左個片皮鴨冬瓜盅套餐皮脆肉厚，甜醬好香好味冬瓜盅，足料好味薑葱焗生蠔，味道唔錯，唔太咸仲有椒鹽肉排，好夠味，送飯送啤酒一流蒜蓉開邊蒸蝦，粉絲吸晒鮮味，正仲有個上湯青菜（當晚係白菜）4人食，計埋茶錢（冇叫飯或酒水），埋單810。…Read More

✨片皮鴨 💰178 (假日再+💰20)💫評分: 7.7/10📝應該算係餐廳嘅招牌菜 , 皮算脆鴨比較厚切, 皮偏厚身, 兩個人食完隻片皮鴨都好飽, 💰200就食到片皮鴨真心好抵份量超夠, 如果餅皮同鴨肉薄啲就更好, 個醬汁係比較偏甜醬味重同平時食開嘅有啲分別🤣✨涼瓜炆鴨件 (片皮鴨第二食) +💰30可多一食💫評分: 7.5/10📝涼瓜比較生不過炆得好入味, 配番啲蔬菜食好似成餐飯無禁heavy🥰✨酥炸椒鹽魷魚鬚🦑💰58💫評分: 6.8/10📝比較油膩同埋唔夠鬆脆, 不過份量都幾多, 但係就真係好普通嘅酒樓水平富東閣海鮮酒家📍沙田瀝源街6號瀝源廣場1樓5號舖(沙田🚇A1 出口行14分鐘就到)💫評分: 7.8/10💬其實兩個人叫片皮鴨二食已經好夠飽, 叫多個小食真係超級夠飽, 片皮鴨好多人食幾乎枱枱都有叫, 如果一大班人嚟食其實雞煲打邊爐都好吸引, 或者叫小菜套餐, 中午嘅時候仲可以叫點心🥳#沙田美食 #沙田黃店 #沙田 #黃色經濟圈 #黃店 #黃店地圖 #香港人加油 #懲罰黃店 #富東閣海鮮酒家#富東閣 #片皮鴨 #片皮鴨黃店 #followforfollow #foodieblog #instadaily #foodporn #hkfoodblog #discoverhk #tagsforlike #foodiehk #foodlover #discoverhongkong #hkfoodie #hkfoodieblogger #hkfoodlover #hkfood #foodinstagram…Read More

今次開返晚市就同屋企人專誠嚟食片皮鴨啦😋❤️片皮鴨$168（+$20可以成隻鴨殼拎走）價錢嚟講算係平🥺大概都有12-3塊 我地3個人都食唔哂😫 一嚟到個皮係岩岩蒸好 所以都好淋 啲皮好容易痴住 但攤左一陣之後就就好易分返開 鴨既皮好香好脆😋不過就略嫌個皮厚左少少但整體嚟講都好好食！ 孖寶套餐$288 （ 薑蔥炒蟹+燒腩仔）薑蔥炒蟹隻蟹好大隻 而且蟹蓋好多蟹黃🤤送飯真係一流 有冇人都好中意食薑蔥炒蟹啲蔥🤪連啲蔥都好好味 隻蟹好大隻所以都係啖啖肉😋燒腩仔有成18件咁多 個樣都幾靚仔 肥瘦均勻 但我地最後都食唔哂要打包🥺…Read More

前日(21-2-2021 Sun)年初十晏晝,同老公去沙田攞九巴口罩,嚟到時係佢哋嘅lunch hour,咁我哋都去食個晏先啦,原本想去盛記,但我記起想食呢間嘅片皮鴨,於是走嚟.嚟到時即刻有位,睇menu,冇片皮鴨,問問部長佢答有.咁我哋要個$188.00嘅2人自選套餐,揀2款點心,1款炒粉麵飯同1款時蔬或小食,送是日甜品,我哋再加一隻片皮鴨,因為冇例牌嘅.1. 點心:安蝦鹹水角大大隻,味道同口感都正常冇問題.味道: 3分2. 小食: 黃金一口魚柳一碟8件, 外脆帶有薑味,魚柳好滑同….韌,睇吓,顏色係半透明,未煮熟?最後我噚日朝有少少肚痾,同成日有啲想嘔嘅感覺.味道: 0.5分3. $188.00嘅片皮鴨皮脆肉嫩,唔錯.味道: 4分5. 點心:蟹籽燒賣即叫即蒸,熱騰騰,內裡有隻大蝦,味道同口感同樣正常.味道: 4分4. 薑粒蛋白炒飯大大碟,口感味道都好好.味道: 5分我哋食唔晒薑粒蛋白炒飯同片皮鴨,就攞個外賣盒拎返屋企俾爸爸食.最後,寫呢篇食評時,至發覺原來佢哋漏俾甜品我哋.最後埋單係$440.00,因188.00(自選套餐)+188.00(片皮鴨)+$22.00(兩位茶)+$2.00(外賣盒)同加一.2.3分…Read More

前排疫情下區區外賣團購片皮鴨大賽，今日終於可以來到堂食試吓富東閣係傳統屋邨酒樓，就喺嗰種細個過節時阿爸阿媽帶你去食好d嘅酒樓，一入去就有種老街坊酒樓好有人情味嘅感覺。一坐低姐姐就比左剛剛熱水消毒過的餐具，等大家食得安心💛一場來到，當然要食名物片皮鴨，另外叫左冰鎮咕嚕肉和時菜。片皮鴨比之前外賣好食，係包鴨既皮比較厚，食兩塊就好快飽，絕對對得住$168價錢。冰鎮咕嚕肉上菜好有驚喜一大盤冰上面放著出熱的咕嚕肉，令到外面又脆又涼，但裡面又熱又軟，口感非常特別，好彩今次嚟堂食先試到…Read More

作為片皮鴨fans 難得見到有黃嘅酒樓 仲要有片皮鴨食梗係要支持下啦今次特登嚟到瀝源邨位置唔算好方便 主要做街坊生意多平日既晚市唔多人 坐得都幾舒服-首先梗係要嗌返隻片皮鴨百幾蚊一隻 平過出面好多雖然個皮有少少厚 不過呢個價錢真係好抵食整體都算唔錯我哋四個人仲嗌咗好多小菜每一碟都只係幾十蚊仲要好高質！炸豆腐好滑 炸魷魚酥好鬆脆又唔會好油食到超飽好滿足-最後食咗咁多嘢都只係每人百幾蚊 CP值極高仲有值得一讚嘅係啲侍應姐姐都好好人 服務好好雖然呢度位置有少少遠但係都好值得再嚟支持下整體評分：4/5…Read More