利寶閣

朋友話想一試任食大閘蟹，於是團購之下約齊四個人，去擦一餐勁食大閘蟹蟹，看看今晚吃到多少隻。準時8點到，座位差唔多爆滿，坐下第一時間下單叫了一份四人份量大閘蟹。之後見到片皮鴨的人龍超級長，心諗排完都唔洗食大閘蟹蟹，食蟹時間2小時，再要用時間排隊食這一碟少少🤏嘅片皮鴨，是否有點兒那個呢？最後同朋友利用半小時嘅時間所可以成功取走這碟所謂的片皮鴨，最嬲係用嚟包住嘅皮無哂🤬🤬🤬🤬。最後只是真係食鴨片。第一轉的大閘蟹已到，問侍應想再叫攞單，遲遲都無單俾我們，但時間已經用了一個鐘，左追右追之下，下單才成功😤😤😤，總括來說不會再有下次。…Read More

日式放題食得多，中式真係未試過。假日$258 位~不加埋茶水同服務費就$324. 每人會有一蛊佛跳牆同埋上湯焗虎蝦天使麵（可能加$40轉半邊龍蝦）～其餘任食項目就有5十幾款。✨佛跳牆入邊有鮑魚仔，花膠同元貝。花膠夠晒腍，元貝同個湯都好鮮味。✨出面有片皮鴨可以任拎，片皮鴨食落少少脆啖啖肉。除左包京蔥，青瓜絲，居然仲有哈蜜瓜😍，個餅皮夠晒薄，幾好食encore 左幾次。美國谷飼牛柳就幾軟腍，加埋個醬汁幾惹味，但牛味不算濃。✨上湯焗虎蝦天使麵： 天使麵勁入味，帶d 蒜蓉香，虎蝦大大隻啖啖肉。✨金菇肥牛卷幾好食，金菇軟身多汁牛味濃d, 不過牛味最勁係五香牛𦟌，但筋就多左d 未夠腍。 炸蝦餃估唔到幾好食，個皮薄得黎脆脆地，入面d 蝦肉勁多。 乳鴿不過不失，唔算瘦亦唔會太肥，大胃王食多幾隻都可以番本xD ✨燒味裏面燒腩仔最好食，做到皮脆肉嫩多汁👍🏻。貴妃雞味道都唔錯，如果唔係比個胸位我就更happy. 叉燒都ok, 蜜汁味幾重，不過邊位就硬身d.✨海鮮都幾多款，有清酒蝦，黃金蝦，芝士蝦丸等等，我最鍾意個蟹蓋，入面釀左洋蔥，紅蘿蔔粒，蔥都幾香。 薑蔥蟹雖然細細隻，但食落都有肉同蟹味。✨黑糖馬拉糕幾鬆軟，甜度啱啱好，雲吞皮薄饀多彈牙，綠茶包都幾特別，我覺得佢d點心類做得唔錯。✨食到中段已經好飽，食個話梅車厘茄消化下，呢個食落勁爆汁，唔知點解食落唔係話梅味，係好似有d 酒味咁，但係幾fresh~~~胡麻肉鬆豆腐都係唔錯既開胃菜，鮑汁鳯爪好入味，欖角骨都幾香。✨甜品黎講楊枝金露最好食，唔太甜同埋入面有爽口既水晶珠幾過癮，呢個放題真係超飽，如果係食肉獸可以黎挑戰下。…Read More

好耐無一家人去酒樓晚飯啦，爸爸話d街坊通報，官塘有中式放題，有片皮鴨、龍蝦🦞、鮑魚食。作為孝順女，就梗係即刻book枱啦～🔆奄仔蟹剛做完promote，而家係送龍蝦，貪心嘅我：好正呀，有伊麵底就好啦！睇真d隻隻都好多肉，d殻扑開哂，好易食，成條龍蝦肉一次過脫殻放入口，好鮮甜多肉，勁正！🔆原隻鮑魚花菇，厚肉！厚肉！厚肉！重要的事要講3次。鮑魚都算大隻，有鮑魚味；靚花菇好香菇味而且好肥大。🔆任食片皮鴨 - 頂級就稱唔上，但就熱熱地即片即上碟即攞走，任食質素算係幾好！♥️一致覺得好味嘅仲有：🔆蜜汁豚肉叉燒 - 極度推介！好食過平時食肆單點嘅叉燒，半肥瘦，表面蜜汁烤得甜蜜仲有少少脆，叫左4轉。♥️以下好味嘅都叫左兩轉：🔆飄香荷葉飯 - 充滿荷葉香氣，飯嘅濕度剛好。🔆脆皮炸蝦餃 - 蝦餃都屬回本野，但重點係好味。未食過炸嘅煮法，又唔錯喎！個皮更香，較平時食嘅蒸餃皮硬，但口感係煙韌d，蝦肉餡料亦都算多。🔆石歧燒乳鴿 - 又係回本野，不過不失之作。勝在熱辣辣，又香又惹味。🔆酸菜魚 - 酸菜同調味都幾好，唔辣，魚肉較厚實，無骨無腥味～🔆香芒布甸 - 我地叫左每人一份，有粒粒芒果肉，布甸有鮮芒果味，凝固度都係我鐘意嘅少少啫喱口感，甜度適中～♦️另外叫仲有多款小食點心都幾好味，例如玻璃咕嚕肉、金菇牛肉卷、XO醬炒雜菜、椒鹽脆皮雞翼、鮑汁鳳爪、沙薑鳳爪、花雕醉蝦、脆麻花雪糕十勝紅豆🍧，真係款式多到數唔哂。食放題嘅服務重點例如係收碟、換碟、加茶水速度，10分滿分都可以評為8分。食到好滿足呀，可以encore～…Read More