雞髀爸爸 (已結業)

同先生行過見到呢間新開嘅炸物小店店仔細細但門口塞滿人，仲傳嚟香噴噴嘅炸髀味，當然要去趁下墟。鋪頭面積唔大，只有三四個吧枱位可以堂食，主打炸物小食，除咗散叫仲可以揀套餐，價錢合理。炸物最仲要嘅當然係調味，店家好貼心咁樣準備咗幾款唔同嘅調味粉，配薯條同雞軟骨之類都一流。諗咗一陣最後同先生揀咗炸魷魚、雞軟骨同生炸髀，另外仲送咗一包自家製紅茶，入口微暖，清新解膩。好欣賞店家用嘅紙盒同紙袋，乾淨又環保。返到屋企食物依然保持到香脆，賣相亦吸引。雞軟骨本身已經調味過，比一般嘅雞軟骨大粒少少，食落唔會好重粉感，香脆可口。炸魷魚鬚同樣薄粉，香脆又彈牙，份量多啲就更好。生炸髀大大隻，啱啱好塞滿紙盒，同樣炸得好香脆又唔油膩，調味亦唔錯。小店整體食物質素唔錯，而且勝在即叫即炸，感覺食物比較新鮮，價錢亦合理，難怪咁有人氣。

我認為荃灣係僅次於葵廣同旺角掃街嘅好地方😆。嚟到呢個真．堅尼地城，我就會忍唔住係咁食，今次就幫襯咗「雞髀爸爸」。小店細細間感覺似係專做外賣，但其實都有啲吧枱位。可惜我嚟到幫襯嘅時候，已經過咗六點，要喺街食😑。顧名思義，小店當然主打雞髀，不過同時亦有好多小食，搞到我樣樣都想食🤤，好彩佢有提供$50嘅「Set A自私食套餐」！爸爸生炸爆汁大雞髀(原價$28)，雞髀真係超級巨型🍗，有我隻手咁大！由於係啱啱炸起，所以雞髀超熱！雞皮脆得嚟唔油，雞肉咬落非常Juicy。其中令我最印象深刻嘅係肉質超嫩，因為太大隻嘅關係，我食淨啲拎返屋企翻熱再食都冇變鞋，非常難得。薄粉爆脆魷魚手多多，我一向都鍾意食🦑魷魚鬚，但間唔中食到嗰啲可能係翻炸，所以外皮好硬。不過依度除咗係即炸之外，更加能做到菜式名所述嘅薄粉爆脆，食完都唔覺熱氣。咯咯聲雞軟骨，原本雞軟骨同魷魚係二揀一，但我問店員可唔可以唔要薯條轉雞軟骨，佢話好啊😳，勁好人！雞軟骨好脆口，一粒食完再接一粒。雖然係跟餐，但份量都好多。是日餐飲係青蘋果茶🍏，味道唔太甜，幾好！餐廳設有多款爸爸味粉，歡迎客人自行添加，味粉有六款，包括海鹽、孜然粉、椒鹽粉、海苔椒鹽、爸爸

荃灣有好多特色小店，咁啱行過見到呢間店舖好多人係門口排隊，心絲絲行埋去睇下🥰想食好野，當然要等啦，等20分鐘就可以食到勁香又juicy嘅大雞髀 當叫到我張收據上嘅號碼，代表我有得食啦🤩嘩未食已經聞到勁香呀，已經想即刻食(但就到6點，要攞回家先食得。想咩都試下，所以就買咗五款不同美食，每樣我都好鍾意食😋 爸爸生炸爆汁大雞髀 $28當然要叫番隻招牌生炸雞髀🐓，即叫即炸無味精，睇賣相已經好正，又勁大隻，塊雞皮炸到勁香脆，咬落去啲肉汁爆哂出嚟，雞肉仲好嫩滑多汁；價錢合理，大大隻超好食 咯咯聲雞軟骨 (一堆) $22雞軟骨咬落去真係咯咯聲，薄薄地嘅炸粉包圍住，食落仲唔會好油，好有咬口，搞到我食到停唔到口 薄粉爆脆魷魚手多多 $26魷魚鬚🦑份量剛剛好，薄粉好重要，唔怕食到成日粉，魷魚內裡煙煙韌韌，好咬口 炸麻糬香芋波波 (六粒) $18六粒炸到好香口既麻糬波波，餡料係香芋，一咬落煙煙韌韌口感好正，勁like😍 柚子蜜味雞翼 (單骨) $28單骨雞翼入哂味，雞皮香好脆口，雞肉肉質夠哂嫩滑，加埋清甜柚子蜜味，香甜好味道，同雞翼嘅配搭真好夾(好味到差啲連個盒都食埋🤭) 另外，可以加入調味粉，調味粉一共有