一樂燒鵝

位置好窄小，但係充滿港式味道，仲竟然攞過連續11年嘅米芝蓮！今次揀嘅係下莊燒鵝，出差係非常之快，燒鵝皮色澤均勻又亮麗，見到都即刻流晒口水，咬咗一啖佢嘅脆皮咔嚓一聲，佢啲肉嘅油脂甘香爆曬出嚟，充滿喺我個口度，個皮仲要厚度適中，入邊啲肉好嫩滑完全唔會嚡，好鍾意佢啲肉爆晒油，因為每一啖都好幸福，仲要皮脆肉嫩，鵝肉冇乜肥油只有鵝油香，鵝油味道勁香，肉質好有咬口，鬆軟又柔嫩，唔會軟腍腍一坺嘢，比較想多肥膏，超級邪惡，令人感到勁滿足，成隻燒鵝肉嘅部位好多，色香味俱全，食落驚喜度會令人「哇」一聲，仲唔會太鹹味道啱啱好，但又夠惹味，絕對有資格攞米芝蓮！…Read More

我本身好鍾意食燒鵝，最近留意到呢間小店有米芝蓮加持，所以就去開中環嘅時候，去買咗隻下庄燒鵝返屋企嘆喇。打開個盒係先係見到隻髀同盒汁，之後夾開面頭d髀就睇到成盒燒鵝嘅份量啦，感覺上都係足料既。面頭睇落唔肥，冇乜肥膏，鵝皮既面頭泛著油光，好靚😍個髀食落去果然真係冇乜肥油，只得鵝油香。兩個人食好快就ko曬個髀，剩下下層嘅鵝肉。下層嘅肉就多返d肥膏，同埋d汁匯聚曬喺低，所以特別鹹，不過整體黎講係正既，米芝蓮喺實至名歸的。…Read More

每次經過一樂燒鵝都排曬長龍始終冇機會入去試下 ，今日是星期四下午五點半，行經士丹利街一樂燒鵝， 第一次見到冇人排隊， 但又未肚餓 ，於是立刻打包一份燒鵝下莊回家晚上做餸， 盛惠175元， 雖然係貴咗啲啲 ，但是 一樂燒鵝果然名不虛傳 ，鋪打開盒子炭香撲鼻， 燒鵝皮脆肉嫩， 米芝蓮一星的確唔係浪得虛名 ，燒鵝汁及酸梅醬 獨立包裝，因此運送途中 啲汁唔會到曬出嚟 ， 想得周到。 看到开饭評語，很多人說他们的服務態度惡劣，但我這次並沒有遇到不禮貌對待， 服务员还连聲多謝。…Read More