鴻啤啤串燒 (已結業)

好鐘意食串燒既我，今日搵到黎金巴利道食呢間鴻啤啤串燒！ 店內環境都幾舒服，好岩同幾個朋友黎食～食過好多間串燒，我覺得呢一間算係選擇比較多，包括有埋海鮮、仲有好多唔同款式嘅串燒都有，而且平均質素都相當唔錯食咗王牌推薦嘅黃金燒茄子，啲蒜蓉汁整得好好味，而且是茄子好鮮甜新鮮跟住仲叫咗燒鮑魚、扇貝、生蠔，全部都好新鮮無沙，鮮甜又美味，鍾意食海鮮嘅朋友唔好錯過荔枝煙肉串燒都好推介，荔枝啲果汁好Juicy，配埋煙肉好好味牛肉串、羊肉串、牛舌都好好食！ 全部燒到岩岩好！另外要推介嘅係簡單，而又好味嘅蟹柳手打烏冬，食串燒可能有啲唔夠飽嘅話就可以叫烏冬，又彈牙又好食😋呢度啲座位都好闊落，建議大家可以同一大班朋友過嚟聚會！我覺得性價比都好高，值得推介👍🏻…查看更多

約咗好耐冇見嘅好朋友食飯傾偈👯‍♀️最好就係可以去啲慢慢食慢慢傾嘅地方。咁啱公司附近新開左間串燒店就同朋友去試下😋燒新鮮蠔有陣蠔既鮮甜味，冇比啲調味料搶晒啲味燒鮑魚同燒生蠔一樣都仲會有食到海鮮嘅鮮味，同埋爽口，唔會話因為係串燒落咗好多調味料係面就用啲唔係太好嘅材料。燒元貝呢個反而冇乜特別，正正常常燒元貝呢個反而冇乜特別，正正常常燒蘆筍呢個就差啲啲，可能食開啲大條蘆筍比較爽，呢隻BB蘆筍岩我口味，同埋個尾位有d 苦燒蟮個皮又係燒得夠曬脆 d , 不過平時食開蜜汁燒甜甜地，佢呢個落鹹嘅調味料，唔係我杯茶，不過就燒得夠曬脆。D肉雖然唔係話非常爽 但都唔削。依家要搵到爽嘅蟮都唔係咁容易。 所以都算唔錯呢熊本一本和牛粒唔會燒到鞋颯颯，又唔會好似啲雪藏和牛粒咁冇乜牛肉味， 有啲驚喜煙肉荔枝卷煙肉燒到仲有肉汁，再加埋荔枝就唔會食到成口油。但如果嗰邊可以笑得再香口D 脆D就會更好食總括來講都算唔錯，睇得出有心機燒，唔係預先整好曬啲食物跟住再翻燒。不過因為咁其實一般都等得比較耐。如果係諗住同朋友傾吓計飲吓嘢慢慢嘆就OK.趕時間就真係唔好食串燒😂…查看更多

新店開張 88折🤩見到宣傳單張仲寫住，每位客人贈送鮑魚，就衝左入去。裝修完全唔似一間燒烤，似高檔有格調嘅酒吧，唔行入嚟真係俾佢呃咗。除咗普通餐枱外，仲有吧枱位置（有beer tap)，方便大家邊飲邊食。以食材新鮮嘅程度，價錢方面係超值。落單可以填紙或掃QR code兩種。每張枱上均有消毒洗手液紙巾及放竹籤的筒。所有調味都非常恰當，唔會過鹹或過淡，保留到食材原本的鮮道味。蒜蓉醬簡直係一絕，有別於其他燒烤店嘅蒜蓉醬，哩個唔會帶苦味或酸味。每份食物上到枱都仲係熱辣辣會出煙。燒鮑魚（免費）落單後首先送上兩隻燒鮑魚，肉質鮮甜，爽口彈牙不韌。燒紐西蘭羊架$62/1件外脆內軟，唔係西餐調味/唔係新疆調味，正宗香港風味，燒得好過好多西餐廳嘅羊架。熊本一口牛粒$65/1串油脂滿滿，香氣濃郁，已和牛來講係超值。燒鮮白鱔$68/1串皮脆肉嫩，鱔肉鮮甜多汁。必食～流浮山鮮生蠔$25/1隻超級鮮甜，大隻飽滿，蠔肚冇怪味。錫紙花蛤 $58/1份無砂，大隻，多肉多汁，份量又夠多。調味清新，完全可以食到海鮮嘅鮮味。必食～秘製黃金香蒜茄子皇$42/條呢個蒜蓉同一般燒烤店的蒜蓉醬有分別，份量超多唔會死鹹或有酸味。茄子大條多肉，燒烤時間啱啱好，無過火候。必食～汁燒完隻魷魚筒 $108 鮮味多汁，唔會燒到乾爭爭，爽口彈牙。燒蒜芯$22/串清甜爽口，無渣鮮嫩。燒菠蘿$28/份焦香多汁，熱辣辣，又夠甜。汽水$12/18汽水以冰杯上，驚喜！超級透心涼！爽！…查看更多

朋友在附近上班，就約了在這間新開的串燒店。店內裝修有點氣氛，幾適合一邊吃一邊談天🍻汁燒原隻魷魚筒🦑魷魚好大隻，比一隻手掌還要大。燒汁味不會太濃，帶出魷魚的鮮味之餘，能吃到燒汁的甜味和芝麻的香味。魷魚的邊位和魷魚鬚的位置燒得很香，有少少焦焦邊，十分惹味😋。燒bb椰菜仔有少少蒜蓉，吃下去很香，口感亦很爽脆。燒飛魚卵子香腸本來打算叫櫻花蝦芥末香腸，但已賣完，所以轉了飛魚卵子香腸。香腸內有一顆顆魚卵子，口感好特別，而且沒有半點魚腥味，十分有驚喜。招牌風味烤豬手🐷豬手炆得好「淋」，而且十分入味。本來滷水的醬汁不是重口味，可能還因為烤過的關係，一點也不覺得肥膩。秘製黃金香蒜茄子皇🍆茄子皇也很大，份量十足。加了大量蒜蓉芫荽紅椒，茄子濕潤而且十分惹味👍🏻。熊本一口和牛粒大概烤至7成熟，保留大量肉汁。烤過的外層和牛肉肉質嫩滑，值得推介！燒大連鮑魚鮑魚十分新鮮，而且比較厚。易咬沒有過熟的情況，每一口都充滿鮑魚肉，正👍🏻燒五花腩五花腩上佈滿了孜然粉，香味十足。燒雞中翼朋友是雞翼的愛好者，雞翼亦能做到外脆內軟，不錯！燒芝士腸這個芝士腸十分熱，外皮超級脆，一咬下去有爆芝士的感覺。餐廳有汽水，都有啤酒供應。下次Happy Friday，要再來吃串燒啤酒🍻！…查看更多

今日同fd 行街經過呢間鋪，突然串燒癮起，又肚餓，見佢名咁cute,就入左去試下啦首先未食都值得一讚既就是老闆同店員都好有禮貌好nice，而且又用QR Code 電子落單，好環保2個女仔總共叫左10樣野1️⃣ 熊本一口和牛粒 🐮🐮HKD 65平時已經係牛迷既我，對呢個和牛粒好期待，和牛粒色澤好靚，聞落好香，橫切面粉嫩，食落充滿油香肉汁，熟度對我黎講好完美，完全唔會韌，肉味濃郁，鹹度適中，好正！2️⃣ 錫紙花蛤HKD 58花蛤份量不少，黎到已經香噴噴，湯底係清湯底加小小蒜蓉，飲落好鮮味，好似濃縮既精華甘，花蛤大細適中，食落完全唔會有過熟而縮水既問題，肥肥白白又juicy3️⃣ 燒雞軟骨🐥🍖HKD 26 / 2 鍾意食脆口野既我當然唔會錯過雞軟骨，性價比好高，30蚊唔使就有兩串，食落脆卜卜又帶有油香，好快又食曬一串4️⃣燒流浮山生蠔 （兩只起）🦪🦪HKD 25 / 1生蠔幾大隻，好肥美，上面有小小蒜蓉調味，食落好新鮮5️⃣芝士黑松露巨菇🍄HKD 58 巨菇果然無改錯名，黎到啡菇已經好貼心甘分開左4份，上面有滿滿芝士同埋黑松露，食落唔會乾，好多汁，食落唔會太濃味，濃郁中又有點清新6️⃣秘製燒豬頸肉🐷🐖HKD 65豬頸肉黎到好大份，大大碟，性價比極高，咬落好爽滑彈牙，惹味得黎又有啲焦香，好軟滑好好食7️⃣蒜蓉焗金針菇HKD 38 金針菇份量好多，上面有大量蒜蓉同香蔥，成件事好滿足，感覺上食串燒都補番啲蔬菜量健康啲8️⃣燒火雞腎HKD 25 / 串火雞腎一串有三大件，黎到好香孜然味，好有咬口，不過整體會比較濃味，但配可樂就會啱啱好9️⃣秘製黃金香蒜茄子皇🍆🍆HKD 42 燒茄子係我一向係串燒店必食既菜式，上面既蒜蓉完全俾得一啲都唔吝嗇，食落軟綿綿既口感加超濃蒜味，真係一個字“正” ，食完一啖又一啖🔟燒鮑魚 HKD 48 / 1 燒鮑魚調味比較清淡，食落唔會韌，有咬口，都唔錯總結，雖然餐廳不大，但裝修清新舒服，播住音樂感覺好chill…查看更多