巴希雅海灣重慶燒烤

真心！真心我燒嘢食真係好得！係第一轉有少少失控😂同個火熟咗之後我認為我自己掌控得幾好！唔錯！😂😂入面有個叔叔真係120%好好人，佢間唔中會行過嚟問我哋有無嘢幫手，落雨又擔心我哋，勁nice 呀講番嘢食先，嗱，呢度好多都係一串串吉好哂俾你燒嘅，相對圍爐叉住嗰種我ok呢個多啲，一嚟舒服啲二嚟好似易控制火喉咁，雖然第一吓我衰咗😂佢嘢食種類都好多㗎，基本肉類蔬菜丸呀呢啲齊哂，仲有蒜蓉包成碌茄子等等，見到咁仲唔串燒職人上身咩佢哋會set好爐頭俾你，跟住就慢慢燒，第一轉我係….燒焦哂😂原來都幾受熱好快熟，第二轉醒啦轉快咗就ok好多，個多春魚好靚㗎個鯖魚燒得啱啱好，佢哋配咗孜然粉同辣椒粉，仲有一款辣汁，燒嘅時候做調味。跟住有張卡仔有菠蘿，香蕉，海鮮，牛油金菇拎，菠蘿兩面燒到少少金黃，外暖多汁又甜，口感好正，香蕉燒到成條黑包，㩒落略帶軟就可以切開，加埋佢哋嘅朱古力醬同焦糖醬就完美句號啦…查看更多

係大陸返黎趕到我傻，遲成個鐘先到步，抱歉。幾乎每次重慶燒都由我幫忙煮理，火光熊熊熱死我，燒蕉中！好采帶多件短袖衫替換。香草羊架，羶香肥美，中度羶加少許肥膏，迷迭香氣味清新，豉油味較突出。牛仔骨，薄薄快熟方便醫肚，陣陣牛羶味搭牛脂香，筋膜爽爽，瘦肉鬆化多汁。有骨豬扒，最緊要條骨，連骨格外香份外甜，質地結實但不乾鞋，醃味得宜損得快活。海蝦，入場贈送每位 1 隻。明顯雪藏白蝦無可置疑，竟然在我想像之上！蝦甜蝦味重，爽爽多汁，只係鮮味稍削。錫紙焗牛油金菇，無蒜蓉架？淨牛油比較淡，少量牛油加金菇出水變得水汪汪，牛油味道極淡，幸好金菇鮮甜味夠濃厚，爽脆多汁索索聲。花蜆煲，唔洗落水架，慢慢焗就會出水。靜靜地聽得到蜆係煲內打開的卜卜聲，繼而聽到滖起的聲音，禮成立即起動！打開白煙直噴，鮮蜆氣味飄逸，立即連環吸啜幾隻，蜆仔雖細但鮮甜肥美，熱辣辣停不下來地搶攻！醬油雞中翼，不知道為何多數會比雞全翼肥美。燒得飽滿脹卜卜一咬使得汁液噴射！焦香雞甜加醃味醇美，食得過！醬油雞全翼，真的特別多汁鮮甜，因為只有一個切口會讓肉汁精華流失，可以完完全全鎖住靈魂所內，雖然要花多點時間燒烤，不過可以一次過滿足三個願望喎！雞膇、雞中翼、雞翼尖，皮香肉滑，皮脆肉嫩，皮黏肉濕，優質產品。鮮冬菇，燒到全乾散發烤菌獨特香氣，半爽半韌濃縮菇味！豬頸肉，油潤爽彈，甘甜肉脂滋養我的味蕾！煙鴨胸，本身已經熟，再燒使鴨油溢出立立令，鴨皮爽脆，鴨肉似足香腸味。腐皮，脆卜卜有著非常原始的黃豆味，如果搽蜜糖同烤，有點似麥芽糖梳打餅。龍蝦丸，十分彈牙，魚肉蟹柳的味道。原條茄子，耐心燒到完全軟化再劏開落蒜蓉豉油，濕潤熱辣辣綿綿一梳梳捲起品嚐，超級誘惑的味道！青椒，爽爽帶汁香甜。番茄，濃烈甜酸鮮茄味，水潤醒神。脆肉瓜，脆口清甜。鯖花魚，天生魚味特濃連調味都不用，結實質地啖啖肉，還有微脆魚皮點綴，無得頂！沙白蜆煲，比花蜆更便宜的品種，不過鮮味就不相伯仲。飽滿肥嘟嘟，彈彈嚥韌的蜆肉，每啖都係鮮甜帶海水咸香。魷魚翼、魷魚鬚，雪味略重就沒什麼味道，嚥韌的肉質。雞扒，嫩嫩飽滿，鳳脂甘香配厚彈雞肉，好好味啊！牛西冷，淡淡然牛味，普通貨色。腸仔，每次燒烤都係必食既前奏，先來兩三條熱熱身，焦香腸皮包著嫩肉，穩陣的實力使人回味。雞腎，細細粒難得有鮮味，爽脆味甜！南瓜，硬掘掘要加水烤非常長時間先會變軟，不過我一向對南瓜麻麻地。雞髀菇，片得太薄不太食到其爽爽質感，食得到菇甜味，滿意合格。豆角，爽脆豆甜。菠蘿，燒到熱烘烘試試，都係酸酸硬硬的。菜芯，真係幾難燒，好采任務完美地完成！爽甜鮮嫩有烤菜香氣。大啡菇，微彈菇味強烈可口。香蕉，終極甜品！燒到全黑，蕉肉全腍就可以起菜加工。淋上朱古力醬，香蕉非常鮮甜，熱辣辣真係幾好食喎！…查看更多

好好味串燒，不和一般燒烤一大件，吃太多，又難燒熟，每串燒，不會燒太久，又可吃多些種類食物，串燒爐雖然像小食檔，但串燒很快熟，要脆得脆要半熟得半熟，很容易掌握，牛肉串燒品質好，又有牛仔骨、羊架，丸類品質亦很好吃，蔬菜種類繁，尤其串燒九菜、大蕃茄又有蒜容法飽，每檯開爐費$50，年初三每位$198 包括一罐飲品 、一隻蝦、一件菠蘿、3人一隻香蕉、蜆、金菇菜一包，如果加$20任飲罐裝飲料…查看更多

中學開始已經經常去巴希雅食野咁多年都保持到水準最鐘意佢既香料！有孜然粉同辣粉孜然粉加落差唔多燒好既肉類上面 再燒多10秒到就令到香氣爆發好正每個爐一煲蜆 蜆肉新鮮 有海水味放係爐上慢慢煲 就有得食啦燒大蝦係一人一隻好好食蝦好大隻 燒完肉質爽脆 入面仲有好多蝦膏好好食淨係一隻唔係好夠喉 店員教我地燒雞翼既秘訣原來就係要棟起佢 燒左個頭先幾work wor 雞翼都係大大隻燒到香噴噴再食揀去巴希雅食係因為有好多特色食物唔多食肉既朋友都有選擇燒腐皮好正燒完脆卜卜 好得意燒蕃茄 就再外層燒熱 令到蕃茄更甜不過我最鐘意係燒白果燒完既白果軟得黎又帶點煙un 好好食燒韭菜係必食每邊加水快燒幾秒再重覆 如果唔係就好易燒過頭韭菜燒完超香口芝士焗金菇每個爐都有既 滿滿既芝士配上金菇 真係好正燒豬頸肉 豬頸肉係燒之前已經俾店員細心𠝹開左 令到燒既時候唔會太難熟豬頸肉味道一流 十分肥美係不停再食之選我最期待既原隻燒茄子將外層燒熟後 𠝹開茄子 加蒜容同醬汁再燒茄子就變得可以用快子一絲絲夾起 加上被醬汁包圍 好好食甜品一燒菠蘿燒完既菠蘿冇咁酸 而且微熱加上陣陣香甜燒香蕉 自己燒好香蕉之後可以去服務台個邊加朱古力醬加埋好好食啊其實好少去燒烤唔係狂食肉好彩有好多特色蔬菜揀 唔洗食到太油…查看更多

呢篇係之前仲凍凍哋嗰陣嫁喇，有朋友提議去大美督附近嘅巴希雅海灣重慶燒烤，我哋成班book咗三點，不過當日所見都冇咩人，似乎walk in都唔係問題，夜少少就難講啲。呢度係要先俾錢，再入場，有分露天同有瓦遮頭嘅位，因為嗰日有毛毛雨，所以就坐咗有瓦遮頭嗰邊。自助任食三小時，包一罐飲品，再飲嘅話要加錢買，另收紙巾費同開爐費，蜜糖都要另外買。蝦、蜆、金菇、菠蘿同香蕉都係按人頭計配給，其他嘢食就自己攞。以自助燒烤場嚟講，呢度啲蔬菜類都幾多：冬菇、雞髀菇、翠玉瓜、茄子、南瓜、粟米、青椒、尖椒、蕃茄、韭菜、菜心，甚至有白果、蒜頭、大蔥、洋蔥。肉類就都係大路嗰啲羊架、羊肉、豬頸肉、牛柳粒、芝士丸、多春魚、香腸、紅腸等。重慶風味嘅燒烤爐，呢度係用環保炭，火唔夠猛，不過就襟燒啲，同埋無咁易燻黑啲食物。燒烤場已經將食物用竹籤串好，唔洗自己叉。我哋食咗蒜蓉包、豬頸肉、魷魚、雞翼、多春魚、蝦等等，呢啲只係冰山一角，因為掛住食，都冇逐樣影相。不過食物本身冇咩調味，要自己晌燒嗰陣掃啲辣粉、孜然粉、豉油、辣椒豉油之類。大家都話呢度啲豉油同辣椒豉油好稀，唔知係唔係溝咗水？不過食物本身質素係算OK嘅。我哋都有燒菜，我覺得雞髀菇同粟米最好食，冬菇燒起嚟就易乾啲，都幾難燒。至於配給嘅菠蘿同香蕉就最好味，唔怪得要按人頭配給啦！燒到咁上吓，就放個砂煲晌爐上面。入面係先前配給嘅蜆，蜆肉都幾鮮甜同冇沙。食完蜆之後，大家就用個砂煲整雜菜煲喇，仲特登攞啲杯去洗手間攞食水，再加入個煲入面。冇啦啦變咗炭爐版打邊爐，但係咁食好似仲快熟過燒呢！…查看更多

初冬朋友們去大尾篤騎單車，不懂騎單車的我只好參加晚上的燒烤聚會XD但這家店真的非常旺場，需要早兩星期訂座!老實說沒有研究重慶燒烤跟其他燒烤有什麽分別，不過還蠻喜歡這家店的這種迷你炭爐，三三兩兩圍著感覺更親密~食物是自助形式，很多都已經串成一串串方便顧客直接放上小炭爐燒。食物質素不過不失，沒有特別好吃的也沒有吃到不新鮮的，算是及格。肉串中我跟朋友都特別喜歡鴨胸肉，因為鴨胸原本的調味就很惹味，燒完有點焦就更好吃~海鮮方面朋友說多春魚也不賴，我自己就喜歡魷魚，烤完會有點魷魚亁的獨特香味XD蔬菜方面菇、韮菜、翠肉瓜和粟米都不錯吃，但記得一定要勤加水!不然像我第一輪的忘記抹水，結果燒成瓜亁被朋友取笑了很久Orz另外跟大家分享一些小Tips XD巴希雅只會提供一杯水，一杯味道很淡的調味汁和七味粉，像我有朋友不喜歡七味粉的就要自己帶調味XD我們那天可是有備而戰的XD 包括蜜糖、牛油、醬油和M記的酸辣醬XDDDDDDDDD當然很多人去巴希雅不是單爲了串燒，而是一些特別的食物~蜆是一煲的，直接放上炭爐就好~當初還擔心說要不要加水，下廚經驗豐富的朋友就說蜆會出水啦XD蜆肉不算大，但有點海水的鮮味，分著吃感覺就算不是特別美味但也很有趣。另一個小Tips就是，吃完蜆的瓦煲很有用哦!在吃了很多肉想中場休息一下的時候，可以用蜆湯煮蔬菜哦!不論是瓜還是菇，這樣煮都很適合。而且還不會浪費到蜆湯的精華~另外也有吃包好的蒜蓉金菇，我們自己加了牛油，加上原本就有的蒜蓉和芝士，根本不可能不好吃XD當然還有香蕉和菠蘿~ 菠蘿放到炭爐旁邊火比較弱的地方慢慢燒會比較好吃，要每一邊都燒到亁身+有焦邊才會香甜~ 那天的菠蘿還非常Juicy呢!香蕉也是要燒到整個變黑色，不然員工還不肯幫你切開XD熱熱軟軟的香蕉加上不是很甜的巧克力醬是個不錯的甜品~總結就是，如果你想要吃品質很高的食物，那這裡應該不是你的首選~而且這裡幾乎沒什麽服務可言，員工的服務態度也不算友善。不過沒收加一服務費嘛所以就不計較了。但如果是想一群朋友一邊玩一邊聊天的話，這裡會是一個值得大家試試的地方哦!…查看更多

感覺不錯，乾乾淨淨，食材款式特別，服務尚算殷勤。我愛佢地食物味道清淡，醃料不太濃，食到原味。但要緊記，一旦落左孜然粉，您以後所燒任何食物都係同一味道架喇 ﹗缺點係帳篷太矮，空間感不足，枱與枱之間機乎泊埋一齊，迫迫夾夾。洗手間免強接受，未至於惡劣，但要勤加清潔同保持乾爽。價錢都合理，閒日約每位二百任食，仲有蜆同生果飲品送添。Round 1 ﹗先黎雞中翼、腸仔、牛肉、雞肉、羊肉、墨魚、豆卜、鮮菇，只用大會提供既淡醬汁，款款都好好味呀 ﹗有兩樽液體加兩個鋁罐，最初真係估唔到係咩黎，原來係燒汁、清水、孜然粉同七味粉啊 ﹗輕醃既雞中翼最好食，燒到外面金黃香脆，裡面充滿肉汁好正呀 ﹗落少少燒汁碳燒鮮菇，好香口，乾乾地嚥嚥靭靭，菇味濃郁 ﹗腸仔大路雞肉腸，指定頭盤，Good 啦 ﹗牛肉就比較硬實同靭喇，豆卜燒都外層香脆，好得意。Round 2 ﹗再黎多春魚、豆角、雞全翼、魷魚，全無投訴，暫時樣樣滿意。雞全翼跟雞中翼同樣美味，但就比較難燒好多喇。價錢包埋每人一隻海蝦，算大隻架喇。雖係雪藏貨，都不失鮮味香甜，肉質仲幾爽吓架，還可以啦。美味美味 ﹗開餐喇 ﹗我就覺得原味最好食又 juicy，加少少淡醬油一齊燒已好香好正喇。但女友厭淡口，要加孜然粉添味，無問題啦。不過之後燒任可食物都有陣孜然味，仲越食越咸，唉。 大紅腸、雞軟骨、羊架、青辣椒、鮮菇、鯖魚柳、脆肉瓜，好味道 ﹗鯖魚魚味濃郁又多汁，羊架羶味十足，肉質嫩滑，如果有蜜糖芥辣就好喇 ﹗keep 住食，唔好停 ﹗燒海蝦、大紅腸、雞脾菇、雞軟骨、青辣椒，全部都好好味，無投訴 ﹗青辣椒微辣刺激又爽口，雞脾菇同脆肉瓜一樣香甜爽脆 ﹗再黎燒鯖魚柳，魚味濃、魚油豐富又 juicy ﹗好味喎。燒牛扒有啲硬實，牛柳粒最好味，青辣椒甜中帶辣，右手面係大會包左既砂煲焗沙蜆喇。 唔洗落水，蓋上等佢慢慢煲就會出水喇，味道夠天然，不需要任何調味料，一開口就要食喇，唔係就會又靭又縮晒水，留意聽住啲蜆卜卜聲咁打開，開得幾上下就好食喇。 嘩 ﹗勁吸引，真係想全部食晒落肚。燒羊架太羶喇，試左兩舊夠晒皮。燒雞扒好嫩滑，牛柳粒牛味香有趙口，冬菇燒完好香口。 我要繼續燃燒我既小宇宙，食食食 ﹗燒牛柳粒、牛扒、雞全翼，好味好味 ﹗仲有大會送贈既蒜蓉牛油焗金菇添 ﹗ 金菇根部只係剪左少少，好多渣，要咬走先食得呀 ﹗唔好咁慳啦，味道一般。如果多啲芝士同牛油會更好囉。腸仔、多春魚、雞中翼，食到停唔到口呀 ﹗仲有新玩意燒菠蘿添，燒到水份收乾，超級甜呀 ﹗燒菠蘿，好甜好甜好甜啊 ﹗其實都幾酸吓。大大舊燒洋蔥，我唔太啱，女友就好喜歡。燒菠蘿都唔知幾多十年無燒喇，連要界開先燒都唔記得喇，所以燒得唔夠熱唔夠香囉，味道係有燒烤香味濃縮左既甜菠蘿。燒脆肉瓜、雞髀菇、豆角都好好味 ﹗剛才一開波已食左一條腸，但點夠喉呀 ﹗食多條先，但一條腸成 90 卡路里，足足一碗飯，好可怕 ﹗ 大挑戰 ﹗真係無從入手 ﹗到底菜芯點燒呢？﹗韮菜還可以，但菜芯真係摸不著頭腦 ﹗最後都燒到黃晒，味道同口感似潮州菜川椒牛肉裡面既炸過既珍珠葉囉，都幾好食。跟住問一問職員，原來放係枱面樽水係用黎燒蔬菜用架，燒既時候要 keep 住搽水架 ﹗ 中場休息，算一算先，兩個人已經食左三十幾串串燒喇 ﹗仲有啲無簽既都未計，食量驚人 ﹗唔好停，立即開始下半場 ﹗ 完全返晒本啦，肯定有賺呀 ﹗依度真係好多蔬菜喎 ﹗而肉類只係略醃，唔會破壞佢地既原味，又唔會醃到霉晒，我喜歡。燒韮菜，我食唔到架呢，會反胃，唯有女友一個搞掂。洋蔥我都係麻麻，送埋比女友食。燒豆角、菜芯我就啱喇，好味道。仲有金菇肥牛卷添，但到燒好既時候我已經飽到咩都食唔落喇 ﹗ 燒蕉完成後，外皮全變成黑色，而裡面既蕉肉變成糊狀，非常甜啊，熱騰騰既香蕉 ﹗慢火燒好茄子後就可以劏開一半，沒有醬汁的燒茄子，醬汁要錢買呢，咁算喇。…查看更多