馬丁王越式法包

一講越式法包就諗起佐敦渡船角嘅添記，最近從食友口中得知，晌佐敦德興街又有一間主打越式法包嘅小店，仲要主理人喺越南華僑，大部份原材料都喺標榜嚟自越南，如此名正言順嘅「正宗」，豈能錯過！這晚，越式法包當晚餐，一會「馬丁王」。小店招牌綠底黃字，晌街口已經發現到佢嘅「身影」。店舖細細，因為主要喺做外賣，不過鋪前都架起一張小枱，供堂食之用。除少少越南掛飾、擺設，一切都以企理乾淨行先。而所賣嘅出品，主打就喺越式法包，其次仲有兩款熱盤、越式撈濛、小食、飲品，並兼營西式三文治，整體定價都好大眾化 。何解店名叫「馬丁王」，原來店主王太洋名叫Martine Vuong，咁，你明白啦！唔單價錢親民，店主和藹可親、平易近人，一派和顏悅色 。要品嚐正宗越式滋味，越式法包喺必然首選。基本上法包有4款口味：A.馬丁王正宗、B.燒豬頸肉、C.燒雞肉、D.燒豬肉條，以及一款後期新添嘅素肉包，讓素食者都可品嚐其風味。每款都必定包含幾款自家製基本材料（蕃茄、青瓜、酸蘿蔔絲及芫茜），而份量分為最大嘅16吋「原條」（$69）、細份嘅8吋「半條」（$36）及輕型嘅4吋「迷你」（$19） 。 馬丁王正宗 $36（半條） 幾款選舉中，點都喺「馬丁王正宗」為最熱門，因為內裡足有9款材料，除上文提及過嘅幾款配菜，仲有豬肝醬、札肉、腩肉、燻蹄、豬肉絲，全部材料一層疊一層，塞滿整個法包之內，一啖過咬落去真唔喺件易事，但卻能食出滋味無窮嘅感覺，鹹香酸爽，味道紛陳，口感富層次 ；法包都喺落單後再焗製，所以，鬆脆過人，但包心軟熟 。溫馨提示，小店為顧及唔同客人嘅需要，都可以剔走唔喜歡嘅材料，如腩肉、芫茜。 紅酒燴牛腩 $38 店中暫時只有兩款熱盤：紅酒燴牛腩及咖喱雞肉，跟半條法包，同樣定價$38。一向都喜歡香濃嘅菜式，所以，就揀一客紅酒燴牛腩，估唔到，出奇地好味。首先個汁底夠濃郁，酸香中隱若有點中式香料味，如八角，而質感夠厚身，將烘脆嘅法包沾嚟食，真喺無得輸 ；至於牛腩，比預期鬆化入味，部份帶少少肥膏，脂香豐腴 ！ 椰汁玉燕珍珠冰 $18 飲品除咗罐裝汽水，仲有數款地道特飲，所試嘅一款「椰汁玉燕珍珠冰」，以透明膠杯盛載，由糖水、蘭香子、椰奶混和做成，冰涼透心。事後跟店員傾開，原來糖水喺由一啲植物所做，怪不得味道清甜，甜味嚟得自然。 越式凍咖啡 $17朋友雖然無揀到越式滴漏咖啡，但杯凍啡都唔錯，幾香滑，有少少碳火香嘅感覺。等小弟下次都試試佢啲越式滴漏咖啡先（$22）。 燒豬肉條 $15/3條 本來食咗個馬丁王正宗及紅酒燴牛腩已經覺得好夠，無打算再點嘢，不過，店員推介依個燒豬肉條小食，標明原裝由越南過嚟，見佢賣$15三條咁平 （伴海鮮醬及魚露），又即管試吓。豬肉條口感有少少似食日式嘅雞肉串燒，有少少肉粒，頗香口，不過有點油膩。所以，蘸少許魚露效果更好 。由於所有越式法包都喺即叫即焗，製作需時，客少都無所謂，但繁忙時段真喺可能要你得等上十多、二十分鐘。所以，原來佢哋歡迎大家電話預訂，講低幾點到取，咁就唔使嘥時間呆等 。添記會唔會遇到強敵？只有兩家店都做得好，又豈會喺競爭，只會令更多人愛上越式法包啫 。…查看更多

喜歡吃包的我, 一日以麵包為早午晚三餐都不怕, 相信可做麵包超人的好朋友, 因為日日對着麵包都不嫌悶, 但總要花上心思令每款麵包各具特色和不同口味才會吸引到我, 今次有兩位友人相約食越式法包, 平時食中包、西式包、三文治, 甚至意大利包就食得多, 越式法包又是怎樣? 法包配上越式的食材會否有另一番風味和驚喜, 試下才知道!小店位於轉角的小街巷中, 一不留神便會走過, 但因是日相當多客人, 眾多人堆在門口等外賣, 又怎會看不到, 加上小店一大塊以青綠色和黃色為主的招牌, 配上耀眼的燈光, 相當吸引途人注視多兩眼, 還有一大塊落地式的菜牌易拉架放在門口。店子正中央頂有齊本店所出售的菜式板, 左右兩邊牆上均貼了色彩繽紛的菜式相片, 吸引得令人款款都想吃, 亦有一張簡單而清晰的單張, 總之一定會令大家看得明白和清楚。想不到小店真的如此細小, 僅僅只有一張兩人位的小枱子, 我們到達時已被客人坐了, 但立食也挺不錯, 那才有風味!既然立食, 當然先點法包會吃得較方便。小店提供原條法包16-18吋($69)、半條法包8-9吋($36)及迷你法包4-5吋($19), 因想吃多些不同特色的食品, 故和友人只點選一份迷你馬丁王正宗越式法包($19)共享。其饀料最多, 真是一次過令人吃得滿足。特別是油潤的肝醬, 向店員查問得知是以豬肝和雞肝自製而成, 味道調較得相當美味, 而且油潤, 用來配法包一絕。還有清新多汁的蕃茄片、爽脆的青瓜片、令人醒胃的酸蘿蔔絲、獨特香味的芫茜、帶微辣的辣椒仔。而配上的肉類有札肉、腩肉、煙蹄及豬肉絲, 用料十足, 把法包夾得脹卜卜, 令人吃得相當滿足。不得不提主角, 法包果然是小店的招牌貨, 不得不吃, 外層脆卜卜至每咬一口均發出聲響, 而且一邊吃, 麵包碎屑一邊散落, 香脆無比, 包身則相當軟熟, 淨食它都已覺很美味。如此美味是怎樣製作? 好奇的我靜靜站在取食物區較則一邊偷看, 但只看到店員先將法包放入烤爐焗一會, 取出後便在各食材盆內取合適的配料夾入法包內, 快速而簡單便完成。在等待座位其間, 發現另一邊的枱子放了兩款蝦片, 一橙一白, 好奇下問問有什麼分別, 原來橙色是泰式炸蝦片, 而白色則是越式炸蝦片, 店主還請了各一塊給我們一試。兩者同樣炸得香脆且不算油膩, 但味道和口感略有不同。前者較為惹味, 帶有蝦味和香濃的胡椒味, 口感偏硬脆 ; 後者則清淡一點, 淡淡的蝦味, 口感則較鬆脆, 各有特色。個人較喜歡泰式, 因香口和惹味一點, 兩大包的定價為$15, 都算很實惠。終於等到座位, 一安坐便先點飲品。在正宗的越南食店當然要一試越南咖啡。一杯熱辣辣的越南滴流咖啡(跟餐$14, 原價$22)以煉奶代替鮮奶, 故比較甜。它使用越南咖啡滴壺, 讓咖啡一滴一滴流入杯子裏, 雖咖啡味不算香濃, 但滿有越南地道風味。看見小店還出售多款特式小食, 當然不能錯過, 便點選一客小食拼盤($36)。拼盤包括有炸越南春卷(3件), 內饀有爽口的木耳絲、肉碎、粉絲, 最特別是加入了香芋, 味道突出, 饀料味道不錯, 但可惜春卷皮弄得稍為硬身, 不夠香脆。另一款小食是薄片的豬頸肉(3件), 腍嫩中帶少少爽口, 不用蘸上越式酸汁亦很入味, 但蘸上便有另一番風味, 挺不錯。最後一款是燒豬肉條(3件), 豬肉串相當結實, 真材實料, 啖啖肉而混雜不少肥膏, 鹹香入味, 但略為油膩, 相信吃掉一串都已令人飽飽地。只吃包和小食當然不夠, 再點選兩款主菜和一碗特式撈檬粉, 當全部上枱時, 就覺得有點誇張, 真是眼闊肚窄, 哈! 先送上蕃茄牛腩配法包半條($38), 鮮橙色的蕃茄醬汁味道濃郁, 酸咪咪而帶微甜, 令人醒胃, 將香脆的法包輕輕一沾, 麵包索盡醬汁, 相當美味。內裏大約有五至六件牛腩, 我所吃的肉質頗為結實, 富有咬口, 但友人所吃的卻尚算腍嫩, 的確不同位置應有不同質感, 但我還是較喜愛甜美的紅蘿蔔件, 腍身且入味, 配菜反而吸引我。另一主菜是咖喱雞肉配蒜蓉包半條($38), 咖喱醬汁略為稀身, 但並不要看輕它的辣度, 漸漸滲出的辣味, 很刺激! 內裏有三隻雞中翼及數件粉綿的薯仔, 可惜個人不太好雞翼, 如不只是雞翼製作此菜式, 可讓食客有點選擇便更理想。但所配上的蒜蓉包郤令我吃得津津有味, 它同樣外層極之香脆, 包身軟熟無比, 所塗上並非稀薄而油淋淋的蒜蓉牛油, 而是厚厚一層蒜泥, 吃時啖啖蒜蓉, 濃郁的蒜香味充滿口腔, 真是用來配法包的好拍檔, 加上亳無油膩感, 正! 最後便是特式撈檬粉, 小店共有五款特式撈檬粉選擇, 我們選了燒雞扒撈檬粉再加素札肉($36+配料$3)。真的估不到這碗撈檬粉那麼大碗, 還以為是相片中的普通碟子盛載, 正擔心會浪費之際, 混入越式酸汁一撈之際, 發現原來檬粉下放滿清新的生菜絲、爽脆的青瓜絲和富獨特香味的九層疊, 那就不怕了, 愛吃蔬菜的我絶對可包底, 哈!這碗份量十足的燒雞扒配素札肉撈檬粉面層放了三四件嫩滑且惹味的燒雞扒、比真札肉略為硬身的素札肉片、令人醒胃且爽脆的酸紅和白蘿蔔絲, 還灑上不少香脆美味的炸蒜片。至於奶白色的檬粉弄的剛好, 軟硬適中, 滑溜且帶點咬口, 不會過於腍身, 吃是必須撈上越式酸汁, 與眾配菜混成一起, 一同起食, 酸咪咪加上惹味的炸蒜片, 十分滋味, 是招牌法包以外的另一推介。------------------------------法包, 它果然是招牌菜! 我們一邊吃一邊看到不斷有食客前來買招牌法包, 從不間斷。一間小型的店子開設在略為隱密的街巷中, 但亦能吸引如此多食客來光臨, 可見它的吸引力, 將獨有的風味帶來香港, 用心經營, 小店總有一日可變大店, 讓大家品嚐便多招牌菜。…查看更多