魚一壽司 (教育路)

終於重返高峰，好食嘅魚一回歸喇，壽司串燒都正，滾動！！・・・・・・・・・・・・・・・・・・・・三文魚壽司(2件) HK$18、火炙北海道帶子 HK$18、三文魚腩壽司 HK$15、辣味三文魚軍艦(2件) HK$20、蔥吞拿魚軍艦(2件) HK$25、牛油果軟殼蟹卷(4件) HK$45＾以上味道正常唔多講XD＾中拖羅壽司 HK$36・味道&口感：香口油脂吞拿魚，夠蓉，好食。赤海蝦壽司 HK$18・味道&口感：厚肉夠漿口，滿滿膠質嘅海蝦！牛舌串 HK$32・味道&口感：疑似係牛舌芯附近位置嘅牛舌位，一咬即開，帶輕微爽彈口感。配黑椒炙燒夠香口，調味啱啱好唔會過鹹，每次嚟都必食～火炙左口魚邊 HK$16・味道&口感：又一每次嚟必食壽司，油脂香爆棚，入口即溶🤌🏻牛肉他他壽司 HK$10・味道&口感：濃郁牛肉香，配炙燒好香，色香味俱全，會想再點嘅一款！燒菠蘿 HK$28・味道&口感：睇落好伏好似冇燒過咁，食落外層夠乾身夠熱🔥，內層爆汁juicy款，重點係冇咩渣，出色。本波隊咗半碟😂加拿大海膽軍艦 HK$28・味道&口感：甘甜唔腥已贏晒啦！不過冇咩aftertaste～明太子玉子燒 HK$52・味道&口感：算係全餐最失望嘅item了TT好少明太子，少到我都食唔到明太子嘅鹹香，唔知有幾鹹了，可憐的份量🥲。不過玉子燒幾甜夠熱，不錯的。・・・・・・・・・・・・・・・・・・・・🤰性價比：高～🤰9衝度：9衝～🤰結論：上菜快，味道正，本波好滿足desu嘻嘻🤭・・・・・・・・・・・・・・・・・・・・…查看更多

未試過喺元朗食日本嘢，收工同朋友一齊出去食飯，聽其他朋友介紹魚一好出名於是，我就book咗試下。叫咗都算多嘢食，嘢食都好驚喜，分量都幾大，特別係刺身三文魚同帶子好肥美！三文魚切得勁厚，真係好抵食！！未試過食咁厚嘅三文魚🍣！雖然個味道冇話好鮮甜，但係真係對得住佢價錢除此之外，佢嘅燒物都好好食，冬菇、菠蘿、雞肉京蔥串燒全部都要等一等，我諗係即刻燒所以都要啲時間，好食，值得一試。佢嘅卷物都唔錯特別係蘆筍牛肉卷，蘆筍好清新同牛肉一齊食好夾，雖然最尾食到好飽但係都覺得好好食🤩呢間餐廳值得推介，因為真係抵食超值啊！…查看更多

魚一壽司 都算係作為元朗人經常會食既一間店舖，由細鋪開始食到如今變大鋪，依家越來越多人排隊等位，咁啱平日經過見冇咩人排隊就入咗去食。期間限定馬刀貝 新鮮唔錯，略嫌鮮味唔夠出牛油果軟殼蟹卷&鰻魚反卷炸芝士年糕&忌廉薯餅中規中矩 無咩特別焦糖鵝肝壽司個人認為魚一必食推介，無諗過呢個配搭但一試難忘，焦糖香脆配搭鵝肝嘅油膩，成件事升華左火炙左口魚壽司左口魚火炙既程度剛剛好 入口半溶配搭埋左口魚嘅油份，必食推介火炙三文魚腩壽司同火炙蟹棒壽司不過不失，正正常常燒牛舌略嫌調味有啲過重，偏鹹不過熟度剛好，口感不錯燒白鱔略嫌白鱔皮燒得唔夠脆，甚至有兩舊好林同行小朋友鍾意食燒菠蘿，所以叫咗兩份。不過是兩份燒菠蘿質素參差，一份救熟夠甜。另一份又乾又冇味一行四人埋單$1000唔使，抵食但質素唔太穩定，整體來講都算OK。建議都係壽司為主，其他為次。咁嘅價錢真係抵食，算係咁。…查看更多

入到元朗，行咗一陣，到元朗當然點都要食返餐（因為元朗多咗好多唔同的餐廳，真係要試一試）我好姊妹對日本菜都好鍾情，咁就試下這間在大馬路好易搵的地下是有日本凍的小食，如：小食、蠔、沙律等等。上層都唔錯，光亮又乾淨；一坐底就放下一樽熱茶！餐牌：下午餐牌（有井飯、烏冬、壽司等）配上沙拉、麵豉湯、甜品；仲有單叫（串燒、沙拉、壽司、卷物、火炙等）我們叫了2個餐及串燒喬麥冷麵配壽司定食三文魚湯麵豉湯唔會好咸、好香又有三文魚、配上香蔥；茶碗蒸開蓋了，好正又吸引食慾！熱辣辣蒸蛋好滑溜、好香蛋味；好多材料好多香濃，有：冬菇、魚蛋、蟹柳等生鵪春蛋香蔥這是第一次食！好香好滑好特別！用這個來配上冷麵！加少少Wasabi,好香微微辣壽司最近喜歡食熟壽司，這些都是我喜歡的！♥️♥️甜蛋、熟蝦、鰻魚及腐皮都好香好美味又唔會太多飯，幾好！冷麵有粒粒芝麻、紫菜條、份量都多的冷麵，配上醬汁涼涼地幾好食！熱天氣或行完食就最適合啦好豐盛又多選擇的定食套餐好姊妹叫了這個井京蔥拖羅蓉井拖羅都幾多凍凍的，是拖羅蓉；配上京蔥的香味又口感，配合醬油及wasabi 都好吸引日本甜番薯即叫即燒，微微濃、外邊番薯皮香脆、內面好軟熟一客5粒燒菠蘿好推薦喔！好多汁又甜甜的菠蘿，好解渴又美味甜品是雪糕糯米滋，仲要係香芋味，凍凍又香滑，好耐無食過啦…查看更多