安安燒 (鯉景大廈) (已結業)

香港地租金貴, 好多食肆都被迫搬咗上樓, 但好多時d樓上舖樓底都比較矮, 感覺比較焗促, 我自己就唔係咁鍾意. 尤其係燒物店, 樓上舖通常都會搞到煙霧彌漫. 不過如果去遠少少, 筲箕灣都可以搵到一間舒服的燒物店. 我講緊就係呢間安安燒.地鐵行過去5分鐘都唔洗, 而且大街有巴士2x 等出返灣仔個邊, 算係好方便. 呢間餐廳唔算大型, 望落有30-40個位左右, 但有露天位可以選揀, 食煙人仕啱晒. 室內的話樓底都幾高, 唔會有油煙味, 坐得都幾舒服.食物方面好多選擇, 我同朋友都鍾意食健康d, 所以都係半肉半菜, 肉類叫咗花枝丸, 牛丸, 芝心丸, 雞軟骨串同埋雞腎串, 因為佢每樣都唔貴, 所以可以叫多幾款一齊Share, 丸類同埋肉類都燒得幾好, 唔會乾, 而且加埋D孜然粉同埋辣粉真係好香口!!另外我地叫咗燒四季豆, 金菇菜, 燒茄子同埋燒栗米. 四季豆燒到乾身, 卜卜脆好香口; 金菇菜就係用鍚紙包住黎燒, 牛油味好香; 燒茄子好大條, 食落口D肉軟綿綿, 加埋蒜蓉同少少辣椒係面個味道做得好好; 而燒栗米都好正好甜!…查看更多

秋風起, 選擇同朋友座露天位置嘆BBQ. 係香港, 除咗入到新界, 元朗呢D地方, 露天茶座/餐廳真係非常罕有. 難得港島都可以搵到有露天餐廳, 又乾淨企理. 一等到天氣涼涼地就同朋友訂咗位去食.上次黎呢度我地一人叫咗杯1664 Blanc, 今次見佢地有手工啤酒賣, 而且只係$36/支, 當然要試一試. 我地一人試咗一隻味, PUNK IPA個隻感覺清新, 仲帶有少少花香味道, COEDO個隻就係一隻黑啤, 啤黑味濃郁, 各有各特色, 各有各口味. 如果女仕的話應該會比較喜歡PUNK IPA, 而男仕就係後者!食物方面, 質素依然保持得很好. 今次試咗一d上次未叫過的. 而以下幾款係我地的心水推介:1) 燒雞泡魚乾 ($44) - 雞泡魚乾厚身, 咬落好有口感, 而且燒得夠香又唔會乾身, 沾上沙律醬作為前茶非常適合!2) 燒蟶子 - 蟶子厚肉, 燒到啱啱離殼, 加埋少許蒜頭辣椒吊味, 正!3) 雙拼台灣腸 ($36)- 係墨汁墨魚腸同埋櫻花蝦芥末腸, 台灣腸的特色係比較粗身, 而且肉汁豐富同較甜. 呢兩款台湯腸一樣有以上特色, 而且呢兩款腸你食落去仲有一粒粒肉粒係裏面, 而且不會肥膩, 推介! 4) 蜜糖燒栗米 ($18/一條)- 外層燒到香香, 裏面充滿甜甜栗米汁, 燒完仲保持到裏面應有的水份, 外層有蜜糖, 再將少少辣粉酒上面, 口味很獨特5) 燒牛舌 ($34), 燒鴨舌($27/2串) - 牛舌保留原有陣陣So味, 而且外層燒到香脆, 裏面軟心. 而鴨舌加上辣粉感覺越食越想食, $27/2串實在抵食總括而言, 環境舒適, 價錢大眾化, 步入秋季坐露天位就更舒服!…查看更多

之前試個旺角那間安安燒, 今次試一下筲箕灣分店.筲箕灣分店處於街角小巷中, 餐廳有部份是露天的, 所以可以使用炭爐來燒烤, 所以燒出來的食物是特別有風味呢!蒜蓉燒扇貝 ($44/ 4隻)不知道是不是因為筲箕灣有避風塘的原因, 我發現區內有許多食肆都是打正旗號賣海鮮, 而心裡面亦總覺得區內餐廳的海鮮是特別新鮮.甫坐下, 店員隨即推介海鮮類的串燒, 扇貝四隻才$44, 眼見價錢公道又合理, 二話不說落單啦!燒扇貝肉質彈牙爽口, 非常新鮮, 加上金銀蒜香得不得了! 其實味道跟蒸扇貝沒有什麼大分別呢!皇牌燒牛舌 ($29/ 串)稱得上為皇牌, 味道自然是一等一. 牛舌厚薄適中, 大約為5mm左右, 口感自然好! 質地爽爽彈彈的, 一點也不韌, 加上孜然粉, 味道好夾. 我們點了兩串, 但發現一串的牛舌比較大, 一串的牛舌比較小, 而且是連續三塊都是”細碼”, 很不平均吧? 看看圖片就知道了!烤雞腿肉串 ($23/ 2串)雞肉還算鮮嫩彈牙, 只是沒有什麼亮點, 我會將這廿多元多點一次牛舌吧!燒四季豆 ($12/ 份)經過燒烤的四季豆, 口感好像干煸四季豆, 好爽脆.極品烤餃子釀雞翼 ($25/ 2隻)哎唷~ 香脆的燒雞皮總是叫人愛不惜口, 內裡釀著豬肉混合雞肉的餡料, 有肉汁.由下至上: 燒牛舌 (兩串), 烤雞腿肉串, 燒四季豆, 極品烤餃子釀雞翼燒鮮冬菇 ($13/ 份)表面燒得好乾身, 內裡仍水份豐盈, 好彈牙.麻吉年糕燒 ($17/ 串)魚旦中間夾著煙煙韌韌的年糕.燒菜心 ($14/ 份)菜心平時都是用來炒的, 用來燒的效果會如何呢?由於在燒的過程中, 菜心表面的水份被揮發出來, 比一般的炒菜心多了一份香脆. 而菜葉也變成金黃色, 帶有焦香. 菜的中心部份仍保持水份, 咬落嗦嗦聲, 再上孜然調味粉, 帶點藏式的香辣. 點了一串都不夠, 還要點第二串, 可想而知有多好吃!燒粟米 ($18/ 條)不知道你有沒有試過KXC的粟米? 總是咬極都咬不完, 總是有些粟米衣黏在粟米的本體上, 簡直是邊吃邊發飆. 所以我都好怕在餐廳吃原條粟米的.但是這裡的燒粟米令我一洗對原條粟米的負面印象, 粟米可以一粒粒用牙齒咬下來, 沒有殘餘一點粟米衣, 令我吃得好暢快! 而且粟米好香甜, 經過燒烤後, 粟米粒粒內仍是充滿水份.黑松露菌醬三重芝士撈丁 ($63)串燒店賣起一丁來? 太好了! 串燒好像吃十串也不飽, 有些澱粉質供應又幾貼心! 這裡的芝士撈丁製法講究, 用上藍芝士, 巴馬臣芝士, 車打芝士調製醬汁, 而且在烹煮過程中, 要按比例, 次序逐少逐少分開落, 完成品果然味道出眾, 芝味十足, 有齊芝士的香濃和軟滑.加上一大匙的黑松露菌醬, 菌味香濃, 跟芝士醬味道匹配. 配合煮得有彈性的一丁麵同吃, 有一丁麵獨有的麻油香, 相當滿足! 是一個成功的中西crossover!…查看更多