澳門仔火鍋串燒專門店 (已結業)

天氣凍了!一班朋友又話要一齊食飯，大家都諗食D‘’熱煲‘’既野，其中一位朋友搵左間位處於油麻地嘅‘’澳門仔‘’餐廳去食‘’層層塔海鮮火鍋‘’依間餐廳既地理位置十分就腳，我地一班人約左係油麻地港鐵站A1出口等,之後行左兩分鐘左右就到咗依間餐廳。依間餐廰D服務都幾好，waiter都好有禮貌，服務速度都好快手, 見到我地D碟滿咗蝦蟹殼會好快幫我地换碟！喺等個火鍋熱嘅時候我地叫左D燒烤，我地分别叫咗燒牛脷，燒香草羊架，同埋燒豬扒再加個燒茄子。我想講頭兩味做得好出色！燒香草羊架香草羊架自古以來就係一個勁好味既配搭!而佢哋依到嘅演繹係發揮到依道配搭嘅最好一面！羊架醃得非常入味，但可以保留到羊架本身既羊味，而香草又冇落得太多搶走主題羊嘅味道。比列啱啱好！贊！燒牛脷個汁做得非常之好,甜咸棘比例捉得好準！口感煙韌，我覺得任何人嚟依間鋪一定要試依個燒牛脷！好啦又講返個層層塔海鮮火鍋首先好明顯要贊嘅就喺佢用料靚同埋新鮮，今次個鍋用料有-松葉蟹,鮮鮑魚仔,象拔蚌仔,花甲,波士頓龍蝦,糯米魷魚筒，我覺得個 Highlight 就喺以下依幾樣！清蒸松葉蟹一食就知道有驚喜，松葉蟹好鮮味肉質清甜有海水鮮味！贊！新鮮大連鮑魚仔口感煙韌彈牙，用蒸嘅方法去煮，保留左鮑魚仔嘅鮮甜味！！波士頓龍蝦啖啖肉，肉質鮮甜美味，值得一提個龍蝦鉗好多肉啊！糯米魷魚筒食海鮮還食海鮮，但都要返D飯落肚先至夠完美，依個魷魚筒就真係岩岩好，糯米吸收左魷魚香，口感喺魷魚彈牙，糯米煙韌，好正啊！大家要試下啊！喺食完海鮮後，亦都喺一個好精彩嘅環節，就喺食個湯底啦！個湯底喺煮之前其實已經加咗D米粒，再加上煮海鮮時吸收嘅海鮮汁，令到個湯十分之鮮甜有味！今樣飲埋D湯埋齋，依餐可謂十分之過引！後記，餐廳地理位置十分理想,近地鐵站，服務好，層層塔海鮮鍋用了新鮮食材！串燒調味做得十分之好，喺冬天去油尖旺區聚餐嘅一個好選擇！…查看更多

早前經過砵蘭街見到同我係澳門食過嘅美味豬骨鍋，想重溫滋味，當然搵齊人去啦今次去到仍然揀番澳門海鮮乳豬豬骨鍋做鐵膽！無記性唔記得有無試過串燒，一於叫啲試吓啦！一order無耐，侍應先拎出配料盤俾我哋自己混搭，唯一覺得個炸蒜要改善一吓，要再香口啲 其他都不錯喔！大大個鍋即上，大得嚇到大家都呆咗！就噤睇就見到有乳豬、大蜆、蝦、花蟹、大大個豬骨、粟米等等！唔記得講個鍋係有分湯底嘅，我哋就要咗沙嗲味！由於有啲海鮮係未熟嘅，所以要等一陣，等個湯滾咗先食等嘅過程除咗同班姊妹吹水，仲有小食食住先！先上燒牛脷，每串都有四大舊，外面燒得微燶，內面keep住軟軟嘅狀態，幾得意仲有個燒羊架，燒完之後淋上獨特嘅汁，大隻又惹味，不過可以燒得嫩口啲:(諗起澳門又點少得豬排包呢？呢款豬排包應該經過改良！我比較鐘意內面嘅洋蔥，用咗黑椒去炒，仲炒出洋蔥嘅甜添包上仲帶有牛油味隔咗十五分鐘，火鍋已滾起，忍唔到手要先食大蜆！大隻又鮮味，就算經過一輪嘅烹煮，仍然都係噤大隻再食埋乳豬同大蝦！乳豬用嚟打邊爐確實幾過癮，唔會太老又入味蝦頭又吸咗好多湯同其他海鮮嘅精華，正呀！偷偷地飲咗幾啖嘅湯底，反而覺得沙嗲係配角！沙嗲味偏淡，反而海鮮味先係主導知道個湯底正之後，即刻食埋鍋底下面嘅椰菜！入哂味呀真係呢個鍋嘅另一亮點就係個大大豬骨，比我嘅手仲大呀！第一時間要吸咗啲骨髓先啦，好多又好味食埋啲肉就夠多骨膠原喇不得不食嘅花蟹腳同蓋！好多肉，又嫩口 另外菊花蜜喇，潤喉之選，不過個人就覺得偏甜 其實個鍋仲有好多配菜，但大到我地幾個都ko唔到，好彩無多叫啲邊爐料，如果唔係就浪費晒啲嘢喇…查看更多

前幾日，幾個朋友又到旺角食飯，突然興之所致，想食火鍋！我們就來到這間專吃澳門火鍋店！我們叫了主打的海鮮乳豬豬骨鍋配胡椒湯！這個超豐富的鍋，不是我過往食過那些得幾條豬骨，這鍋有很多呢！今鑊勁補骨膠原了！除此之外，仲有好多海鮮，蝦、蟹蜆當然就唔走得，蝦的size唔細，而蟹都好有肉地，啖啖肉，得！最得意就係有乳豬，未試過咁樣食乳豬，有點像火腩配乜乜咁，但又比較滋味/野味，好得意的口味。當中仲有好多蔬菜，所以如果不太食菜的人，可以不需另外叫菜。所以我們只另叫了牛柏葉、肥牛、響鈴。不過個手打墨魚滑就要提一提，打得好鬼彈牙，中間還夾雜著一粒粒的墨魚粒，口感豐富、有趣！望下望下餐牌，心思思又叫埋個炭燒豬仔包，雖然之後好飽，又叫要減肥，但真係無後悔叫咗佢，個包當然要脆口，但唔'吉'口，洋蔥炒得好香剛剛好（本人喜歡食不是熟透，仍帶爽口的洋蔥，但又不是生，因為生係帶辛辣，而熟的係帶甜），豬扒份量夠（其實係大塊），唔乾，仍保持有肉汁。配上洋蔥汁，真係好味！見係咁，我們就開始叫其他嘢：燒牛脷、燒香草羊架同燒菠蘿！牛脷唔知點解，厚砌嘅都可以咁冧，而且唔同出面燒到乾淨淨咁，而係juicy。羊架唔羶又唔韌（所以怕食羊的都可以食到）。燒菠蘿應該無難度，正常水準。食到我們好飽呢！…查看更多

好耐無去澳門了，突然好掛念澳門風味，當中，最令人掛念的，要數澳門的豬扒包。前排天氣又突然轉涼了一點，還下起細密的雨來，友人建議到油麻地的澳門仔去食豬骨鍋。聽說這裡的豬骨鍋很有風味，加上不是朋友也推介這兒的豬扒包，雙重誘因下，決定要去嚐一嚐！ 這夜，我們選了胡椒豬骨3.6牛乳湯底，哈哈！因我很喜歡喝3.6牛乳，所以，想嚐嚐3.6牛乳的湯底。椒鹽豆腐、魷魚、九肚魚... 嚐過不少，不知大家知不知道這碟是什麼！？其實，BeautySearch 也是第一次嚐到此小吃，外表有點像椒鹽白飯魚，其實是椒鹽金菇。…查看更多

　　友人住在油尖旺一區，詳細地點定位我就不說了。也有一段時間沒有見面，不過每次相見，兩個吃貨就是增肥之旅。這次也不例外，難得聚頭，就由他提議地點吧，反正比較熟。他提到之前逛街看到一個易拉架。餐廳名字頗特別，但就是想不起來，賣什麼鍋什麼鍋的。最後就是兩個傻子一起專登去看易拉架，然後轉角位右拐。　　好吧！那是叫澳門仔呀大哥！　　看看餐牌（在文末），的確有不少鍋煲類可選。只是最近打邊爐打得太過頻繁，膩滯得有點吃不消。跟這裏的鍋品大抵是無緣了，還是只點單品嚐嚐，然後直落甜品更讚！秘制炭燒豬排包（唔辣）　$28+10%　　豬排包上桌已經對半切開，遺憾照不到它的真身了。很簡單，就是烘脆的麵包一開二，夾入豬排跟洋蔥。麵包表面已經烘得金黃帶焦，單看就已經教人口水直流。　　拿上手想拍拍側面，豈料暖熱溫度傳上指尖，乾硬的包身沒有嚇退勇者。直咬大口，麵包外皮烘得脆身焦香，已經讓我驚艷。至於底層的烘包竟然在吸收醬汁到漸漸泛黃的情況之下，仍是香脆非常。內層的麵包是鬆軟稔香，軟法包的質感細密有彈性，更帶陣陣牛油香氣。配上醬汁的鹹香濕潤，單食麵包就夠滋味。　　豬排夠味又稔香，富有肉味及嚼勁。略為柔韌，並非鬆肉粉所成的軟爛霉感。脂肪部分香口不膩，有點油的，但配上乾身麵包同食，卻是微微滋潤到。加上煮得透稔香甜的洋蔥，沒有嗆味青味，少許纖維感，配合得很。　　朋友直說猶像他多年前吃到比較原版的澳門豬排包的水準。可惜現在出名了，加上時代變遷，人物替換，水準大不如昔。燒牛脷（唔辣）　$28+10%（串）　　牛脷愛好者如我倆，得見此道，當然是非點不可。看看價錢，來的是厚身版本，總覺得值了一點。雖說三串組合比較便宜，但個人認為還是保險為上。一人一串好了，兩人分一串又未免太少太不足xd　　牛舌烤過後，邊緣帶著點點焦香，但不會燶過頭至變苦。厚切固然是大方吸引，只是食前顧慮到其質感就有點高興不起來。幸好這家的厚切牛舌是香稔易嚼，沒有筋位的韌硬感。牛舌原有肉味肉香是昭然若揭，燒過後味道更是集中而濃郁。　　醬汁是輕輕帶過，未有稠得黏之於上。鹹中帶甜，味清不濃，牛舌本有香味也是突出高調。感覺是吃得要比貴價有名的更加大氣，愈是滿足。　　環境就是有點洋化的火鍋菜館，看上去是光鮮企理的，衛生情況也能接受。我最先是看有沒有黏笠、污跡或垃圾之類，放眼看去是可以的。抽風系統都不錯，一直吃都沒有嗅到附近火鍋的油煙味。就嫌冷氣有滴水情況，希望儘快能夠改善吧。…查看更多

天氣涼返，又喺成班麻甩佬打邊爐嘅時時間！中學同學話想打破悶局，食啲特別嘅邊邊，喺油麻地旺角區，咁啱見到間新開火鍋店，點都要試吓啦！依間火鍋店顧名思義，主打自家製嘅！自置三層魚缸，提供各類海鮮！而且提供好多特色出品！我哋依班為食嘅麻甩佬，緊喺食豪啲啦！主打嘅《龍蝦海鮮鍋》就真喺食唔起！所以叫咗個《海鮮乳豬豬骨鍋》配胡椒湯底！固然，成班麻甩佬，又點可以唔叫啤酒呢？喺等緊個《海鮮乳豬豬骨鍋》時，待應姐姐好細心咁送到火鍋調味料！不過待應姐姐好細聲咁講，其實都唔駛加好多調味料！攪到我哋滿心疑惑？等咗冇耐，個《海鮮乳豬豬骨鍋》終於上台！嘩，真喺超大鍋，有好多蝦、花甲、蟹，燒乳豬，同大量豬骨同豬肚！食材豐富之餘，又好重胡椒味！坦白講，食到一半已經好飽！而且真喺唔駛咩配味料，因為每樣餸都好入味！而且越食越有味！我幾個鍾意食豬骨嘅同學，真喺食唧唧聲！其實我哋幾個麻甩另外叫咗少少火鍋料，包括《美國肥牛》、《金菇菜》、《脆炸響鈴》！雖然食豬骨食飽，但為食嘅我地，都叫咗兩串《燒牛脷》！嘩，我真喺未見過咁厚嘅燒牛舌！口感十足，燒出嚟十分野味！本來想試埋個《秘制炭燒豬扒包》，但真喺冇quota！今晚每人大約180蚊！真喺超飽超抵食！…查看更多

由星期一至五,打工仔當然想DAY DAY是HAPPY FRIDAY今日輪到我HAPPY了都頭痛了因為星期五是最難找到坐得耐而唔被趕走的餐廳貪心地見到有很多圖片在門口,有燒烤/打邊爐的食法,我去到門口問了一條重要的事~會不會限時間而要結帳離開呢?店員和我擔保不會趕人走的,可以慢慢坐,慢慢享受HAPPY FRIDAY乾淨的餐具又是派我來取位先早到餐廳有優勢可以選擇想坐的位置打邊爐我找要看到電視機的桌有時候,大家坐一起追劇上廣告時就立即討論都是吃飯的情趣有朋友要加班,惑坐跟車前來的朋友先到取位的人~是把餐牌影相,之後發給朋友看用whats app我幫手下落大家來到時,已經可以立即食.節省討論的時間海鮮鍋,豬骨鍋,那個好呢?!send給大家看了先她們未來到,我是話事人,要了幾個前菜來頂下肚先那我不客氣了~燒牛舌看到第一眼是燒焦嗎?其實不是,原來是燒汁的顏色估不到肉質很嫩成串被我吃完店員推薦的豬扒包麵包上層脆內軟中層有大量的洋蔥和豬扒的,肉質帶汁,絕對無想到是那麼淋身,一大口咬下,十分有豐富感燒波蘿必吃的一樣的燒物波蘿波蘿燒好後的溫度暖暖,愛酸酸甜甜的果汁味道混醬盤主打角色有紅椒絲,乾蒜,蒜蓉,蔥,加豉油男士打邊爐的拍檔鬼佬涼茶-啤酒男士女士受不了西式的涼茶都是鐘情中式涼茶來飲蜂蜜菊花茶比較好.澳門海鮮豬豬骨鍋 HKD488等待了半小時後,人齊後可以開飯這半小時內,大家都不停三心兩意之下,點了澳門海鮮豬豬骨鍋.嘩~~~~~~~震撼地~~~出場了來到後要煮一陣,等到滾起後大家才好開動一個鍋內有已下的新鮮食物:海鮮有蝦,蟹,花甲肉類有:乳豬,豬手,大豬骨,雞腳菜類有:栗米,紅蘿蔔,娃娃菜大家真的要用時間吃會都是用除殼,咬骨.豬手超有咬嚼,大豬骨好多骨髓,雞腳有一點韌已上請女士們不要錯過超多膠質,吃下對皮膚很好蝦是中型肉質爽口蟹肉鮮味十足,但大家要小心開殼喔花甲有咬勁,絕沒有沙粒很怕吃蜆/花甲吃到有沙.弄到牙齒很痛的.吃到差不多被我們清了9成後,可以加少少打邊爐的材料打邊爐肥牛是靈魂要了一碟美國肥牛過下癮一下肉質味道都OK牛柏葉    HKD30份量十分的牛柏葉大大片,要快手地放下鍋內一陣就好拎起了,是最爽口不韌我失敗很多次後的心得.脆炸響鈴  HKD38既叫既炸,保持脆口,又要快動作在鍋內燙一下吃是最好味的.如果不是有二位大胃男仕在的話,相信女仕吃個澳門海鮮豬豬骨鍋真的超級多材料,吃下全材料已經足夠滿足.不用再下其他火鍋配料星期五的晚上,能坐得舒適而不限時,最重要明天放假展開愉快的假期.…查看更多