泰中意 (已搬遷)

要數顯徑最出名食肆一定係生昌，好多人遠道而來食的，但今晚得兩口子，生昌D野太大碟唔多啱。見泰中意食評唔錯，就入去試下。先來海南雞飯，飯香夠味，雞肉嫩滑，正！食完即時諗起上次特登出長沙灣食嘅失望海南雞飯，泰中意呢個完勝！再來燒牛脷，肉軟但邊燒得香脆，讚！最後仲有燒豬頸肉，一樣燒得邊香脆，肉唔鞋，仲有D青檸汁，清新好味！七點前埋單仲有九折。非常滿意嘅一餐。P.S. 以往呢個位開嘅餐廳都做唔長，但呢間真係值得推介，所以寫個食評支持下，希望佢同生昌一較高下！…查看更多