食好D雞煲小廚 (已結業)

之前同媽咪黎過「食好D雞煲小廚」下稱「食好d」嘅前身—「原味棧」食過雞煲，覺得唔錯， 所以今次就黎食個小菜啦！😏 我地叫左幾個小菜都係是日精選小菜 。☺️ 燒汁腰果和牛粒（$98） 值得一讚是鑊氣十足，和牛粒炒至剛熟， 入口嫩滑多汁又不失嚼勁，肉味濃郁， 最後還灑上勁多腰果， 口感更添層次， 不愧為師傅推介！😎 五指毛桃焗滑雞（半隻）（$98） 五指毛桃味道如椰子的清香， 色香味俱全，沒有藥材的味道，卻有植物的清香 雞肉滑嫩，瘦而不柴，肥而不膩，清香潤胃，滋補身體。 美味醬爆茄子🍆船（$88） 原隻茄子加上自家製醬汁， 醬汁有不少配料如三色椒、肉碎和菇粒， 微辣惹味，值得一試！👍🏾 砵酒美國🇺🇸桶蠔煲（$178） 美煮熟後仲有半隻手掌✋🏾咁大，😯 鮮味多汁， 加上香甜嘅砵酒汁，好滋味呀！ 真係必食推介！😎 …查看更多

由於細個係住喺紅磡崇潔街,一直都知道嗰條街入面有好多唔同種類嘅美食,所以如果我有時間就會去嗰頭再搵好野食,最近發現崇潔街呢度開咗呢間食好d雞煲小廚,喺門口經過見到舖頭光鮮,見未食過於是就走入去試下。麻甩雞煲入到去問老闆娘有咩好介紹,佢就話天氣凍不如試下個麻辣雞煲喇,老闆娘仲話好多人專登嚟呢度食佢個麻辣雞煲。我見老闆娘講得咁有信心於是就叫咗一煲,由於我唔係好食得辣於是叫個小辣嘅嚟試下。個煲一嚟到嘅時候老闆娘話畀我地聽,叫我哋唔好咁快d雞住,要係枱面加熱多五至六分鐘到先至好食,因為啲雞係得七至八成到熟,要等佢慢慢煲到十成熟先好食,期間佢仲好好人,幫我哋撈撈個雞煲,等啲雞同個秘製麻辣醬料可以撈得更好,真貼心。期間都發現個煲的調味料充足,例如乾蔥,洋蔥,薑,香料等都有好多。到6分鐘後,我就夾件雞件試下, 果然如老闆娘所講,食起上黎色香味都非常非常之好,雞仲唔會嚡,麻辣雞煲嘅麻辣醬嘅仲入曬件雞入面。個雞煲就會送一碟生菜,等食到咁上下時,將生菜定落去雞煲度滾 ,d生菜就會索晒雞煲內的醬料,咁食法最惹味。上枱時撈起及煮熟時食完晒d雞同菜,我地就另叫打邊配料做餸,一餸幾食。燒汁腰果和牛粒和牛粒件件都好大粒, 一口咬落去非常之軟滑同juicy,食得出係靚牛肉,仲有腰果同紫洋蔥就伴碟,味道又出奇地夾。松子黃花魚炸起的黃花魚,條魚同炸漿外脆內軟, 個獻汁酸酸甜甜非常之惹味開胃,即時要叫多配白飯。總結: 新店食物水準非常令人驚喜,比起大酒樓更勝一籌,樣樣煩複的有名菜都有,希望呢間咁有人情味的餐廳做得更好,令各食客都有好野食。…查看更多

呢排成日食西餐，實在太耐無食中菜喇，今晚一定要叫番幾碟小菜過下口引先得。小店新開張，牆身滿佈藝術氣色既畫，亦有圓枱長枱卡位，望落乾淨企理，感覺唔錯。🐂燒汁腰果和牛粒 $98和牛粒比想像多，牛味重，肉質唔會un，肉汁超 juicy，配埋腰果食香口惹味。🥗魚湯什菌杞子浸菠菜 $65魚湯一D都唔腥，仲好鮮甜，我都飲左好多啖，既好味又有益既一道菜。🐔五指毛桃焗滑雞 $98店員即場剪開錫紙包，熱騰騰，秀色可餐。肉質十分嫩滑，味道唔會鹹食落健康。雞算中等肥，但食落唔會膩。🥃砵酒美國桶蠔煲 $178蠔肉外帶焦香，咬落每隻軟身。砵酒增加左香氣，令煮出來既蠔自成一格，味道鮮美。🐖蜜汁話梅豬手 $72豬手皮厚含豐富膠質，最岩用來炆煮，呢道菜配以酸酸甜甜既話梅，味道非常開胃，可以令食慾增加。炆得超級淋，仲軟淋過平時食既豬腳薑，如果帶媽媽來，佢一定好鐘意。因為叫既全部係小菜，師傅係即叫即整，所以上菜會有點慢。但愈肯花心機時間，愈能夠煮出滋味好菜，所以值得等待。食左甘多野都唔口渴，又好味，抵讚。…查看更多