南海一號

在雲端細味嶺南巧思～「南海一號」這餐絕對是視覺與味覺的雙重浪漫～從30樓的維港夜景到盤中的創意巧思～從木薯片到燈影煎堆～似一場海風輕拂的味覺航行～👍🥗前菜:~ 味覺的輕盈序曲 ❶木薯片 薄脆如蟬翼，質樸的酥香勾起童年零嘴回憶，完美打開味蕾～🤭 ❷話梅石榴 爽脆的番石榴在酸甜話梅粉的點綴下清爽解膩～😍 ❸頭抽雞軟骨 火候精準，脆中帶糯，豉香深邃，佐酒一絕～👍 ❹青芥末螺花 冷盤驚喜，螺肉彈牙如海浪輕吻，芥末奶醬溫柔嗆辣，綴以魚籽爆破感，層次驚艷～😍👍🍲湯:~ 暖胃的奢華撫慰 ❶肘子菜膽燉花膠 濃醇如玉，花膠厚滑如緞，膠原蛋白的溫柔攻勢，養生黨必點～😍👍 ❷南海沙鍋翅 金黃湯底加上蝦仁澎湃鮮香，魚翅爽滑不腥，搭配脆銀芽與紅醋，經典港式奢華～👍😍😋🤤🥟主食:~ 海陸交盛宴 ❶金榜醬煮大蝦 虎蝦壯碩開背，金榜醬（鹹蛋黃＋咖哩葉秘製）濃鬱掛汁，鹹鮮中透南洋風情，拌碟的金黃小饅頭沾著蝦汁吃，意外的和諧～🤤😋😍👍 ❷孜然羊肋骨 羊肋排肥瘦勻稱，孜然炭烤香穿透肉質，外焦裡嫩飆肉汁，手抓吃更野性，不過略嫌騷味濃了點～🤭 ❸炸饅頭 金黃小饅頭外脆內軟，沾煉乳是罪惡救贖，或沾金榜醬大蝦的汁，意外和諧～👍🍮甜點:~ 傳統與優雅收梢 ❶桃膠燉煮鮮奶 溫潤如玉的順德經典，桃膠如琥珀融於水牛奶，淡雅微甜，撫平舌尖躁動～😍 ❷燈影煎堆 創意滿分，空心煎堆吹成琉璃燈，芝麻脆皮裹在外層，剪開瞬間甜香四溢，視覺味覺雙收～😍* 整體體驗* 環境：30樓高空擁維港夜景，落地窗映照霓虹，中式裝潢綴以航海元素，浪漫與氣派並存。* 服務：店員對菜式解說細緻，換碟及加茶節奏精準，高端不拘謹。* 建議：適合紀念日或商務宴請，人均消費約HKD 800-1,200，提前訂窗邊位值回票價！📍 **餐廳資訊**👨‍🍳：南海一號🏠：尖沙咀iSquare 30樓#南海一號#iSquare#尖沙嘴美食…查看更多

一家人午餐時間共聚最好梗係選擇中菜飲茶點心小菜共道時光啦！～ 鹵水豬腳仔合格、豬腳仔入口爽口唔肥膩、有淡淡幽香嘅鹵水味～ 蜜汁叉燒包一籠有三隻、一啖一隻剛剛好、餡料豐富、合格～ 晶瑩蝦餃雖然未做到皮薄餡靚、不過熱辣辣入口鮮甜補番分數～ 上海小籠包皮薄餡靚熱辣辣、合格～ 脆皮素春卷合格～ 香煎蘿蔔糕應該係廚房師傅自己做、成件糕充滿蘿蔔絲、夠足料、好味道～ 脆皮燒肉皮脆、肥瘦均勻梅花間竹、好味～ 醬皇蒜蒸鳯爪無驚喜～ 鮑魚燒賣皇足料、好味道午市套餐（二人份）～ 老火湯合格～秘製燒乳鴿鴿身肉嫩細滑、靚料～ 黑松露蛋白素粉果合格～ 薑蔥花雕煀班腩班腩夠新鮮、熱辣辣鑊氣十足、加上大量香噴噴嘅薑蔥、個人至愛～ 上湯泡菜苗合格～ 珍珠鲍魚糯米飯一籠有三隻、夠哂火喉及足料、好味道～ 青檸白朱古力餅合格～ 生磨杏仁茶合格～ 和田玉棗糕入口有淡淡紅棗嘅幽香、個人至愛～ 燈影煎堆新鮮即制熱辣辣、童年回憶綜合所有食品師傅都用心、足料、即叫即做、支持！…查看更多

好耐無黎食喇，咁都訂到我最喜歡張枱，係最入既一張，遠離酒吧同入口，夠靜又坐得舒服。今晚天氣非常好，維港夜景盡收眼底，真係好靚 ﹗一陣仲可以睇埋維港既幻彩詠香江添呢。 今晚八人飯局，諗左好耐決定叫個六人餐再散叫幾碟小菜啦，因為個六人餐有南海一號既招牌菜金榜大蝦同貴妃湯飯囉 ﹗最低消費每位 HKD500，所以仲有空間叫多幾個送。炸蝦片，似薯片囉，味道一般。燒腩仔，不過不失，合格。肥瘦適中，肉質軟墊帶咸香，幾好味 ﹗層皮都脆既，但口感假左啲，一咬就碎，似係翻煎或翻燒過，青葵陳醋雲耳，有陣清香青葵味好醒神。雲耳爽口，辣辣地又酸酸地好開胃。南海 XO 醬鴨舌，一直都以為係麻辣鴨舌，所以感到奇怪點解半點麻辣味道都無呢？原來只係辣 XO 醬，味道只屬微辣，鴨舌肉質滑溜又彈牙，滷水入味帶點清香，好味呢 ﹗椒鹽龍鬚，椒鹽？依個真係無味喎，又食唔到魷魚味，可唔可以比個喼汁我點呢？口感就幾好既，外層鬆脆，魷魚鬚嚥嚥靭靭。燉響螺雞湯，超級香濃呀 ﹗好味到不得了 ﹗未放上枱，響螺味已經撲面而黎喇 ﹗飲落又膠又濃，熱辣辣大啖大啖咁飲，實在停不了 ﹗但每人只得一碗乍 ﹗金榜大蝦，招牌名菜，一定要食 ﹗自家得奬金榜汁，香滑甜美帶微辣，唔好話淨係攞黎配蝦，其實撈飯撈麵配海鮮都一樣咁正 ﹗大蝦炸到香脆非常，蝦肉爽滑彈甜，無得頂呀 ﹗色香味美齊晒 ﹗金榜汁配炸曼頭份外精采，甜甜地既曼頭配上香滑又辣辣地既金榜汁，味道突出，好正喎 ﹗天麻魚皇，斑球肉好有味道，魚味濃，海魚同養魚真係天壤之別 ﹗質感滑彈而結實，配上蠔汁非常鮮味 ﹗有幾位朋友仔唔食魚，真係唔識貨，好好味架。下面仲有超白滑豆腐底，同樣好食。水煮特級肥牛，雖然顏色紅成咁，不過只屬微辣，又唔麻喎，我覺得辣中帶酸甜味添呢，原來加左酸蘿蔔。味道一般，牛肉都好腍唔會靭，但無驚喜，份量又少，又無薯粉或大豆芽底，好采唔係個個都食啫。美極煎黑豚，肉質軟棉帶肉汁，豬肉味香而濃，簡單既烹調，但非常好味 ﹗海鮮醬、京蔥、青瓜條，一見到就知片皮鴨就到喇 ﹗記得要訂先有得食架 ﹗原來只得一食，仲諗住起碼有兩味架麻 ﹗依家得一食咪好浪費，片完仲有好多肉架喎 ﹗攞黎煲湯、炒飯、整生菜包都好麻。片皮鴨，南海係皮連肉一齊片架，片完都唔見得有幾多乍喎，不過每人都應該可以分到兩至三件既。由樓面姐姐負責片，我硬係覺得唔係由廚師操刀點都差?囉 ﹗食落鴨肉鴨皮還可以啦，味道唔係特別出眾，而且肉汁欠奉，所以有點 dry dry 地。不過大致上都滿意既，用薄餅卷住兩片鴨加青瓜條再加海鮮醬同吃，都十分冶味 ﹗好滿足。上湯浸腐竹銀杏涼瓜，唔知涼瓜係咩品種呢，從未見過可以片到咁薄，最初都估唔到係咩黎架，要放到入口先知係涼瓜乍。味道帶甘而不苦，令人越食越想食，夠晒諗又索夠上浸，好食。炸乳鴿，炸得金黃香脆，米芝連即係米芝連。肉嫩汁多，香氣撲鼻 ﹗不油又不膩，一舊未食完已經想食第二舊喇 ﹗我當然唔客氣啦，哈哈。個個都唔食頭唔食頸，咁又益左我喇 ﹗一野咬落個鴿腦度，裡面濕潤軟棉而甘香，其實鴿腦味道同質感跟鵝肝差不多啫。龍蝦湯泡貴妃飯，又一味招牌名菜，限量每人一碗架乍 ﹗米係炸過架喎，口感似米通卜卜脆好過癮 ﹗龍蝦湯香而不濁，清得黎帶點忌廉味道。燈影煎堆，同事見到隔離有煎堆，自己又想食囉。無問題，齊齊試試啦。即叫即炸熱辣辣，外層舖滿芝麻，十分香脆，咬落嚥嚥??，口感一流 ﹗但係味道偏淡，再甜少少會好味啲。蝦片、燒腩仔、陳醋雲耳、椒鹽龍鬚、南海 XO 醬鴨舌、天麻魚皇、龍蝦湯泡貴妃飯、美極煎黑豚、水煮特級肥牛、上湯腐竹浸涼瓜、金榜煮大蝦、片版鴨、燈影煎堆 ﹗我地都唔係食好多野啫 ﹗ …查看更多