冰室99 (已結業)

最近和富中心開左幾間新餐廳，今次同大家試試“冰室99”，他們主打地道港式美食，性價比超高，而且食物份量十足。威靈頓牛柳沒想到在冰室都可以食到這款英國經典名菜，今次選擇五成熟，裡面還有風乾火腿和鵝肝醬包著牛柳，肉質軟滑同時又增加了鹹香味，不用點任何醬汁已經很夠味道，而且即叫即焗，保持原汁原味！熔岩椰青海鮮珍珠飯上枱視覺效果超正，就好似火山岩漿爆發出黎，芝士白汁之中又夾雜啖啖椰香味，混入珍珠米飯、海鮮配料和椰青肉，又美味又邪惡！蒲燒原條鰻魚咖哩蛋包飯又厚又肥美的蒲燒鰻魚，汁甜無骨，再配上煮到半熟的旋風蛋包飯，不論是打卡，還是美道一樣吸引。乳酸奶昔/芒果奶昔天氣開始越來越炎熱，當然要點杯透心涼的飲品，奶昔是不錯的選擇，甜度適中，酸酸甜甜更令人醒胃！雞蛋仔雞蛋仔即叫即烘，入口外脆内軟，配上雲呢嗱雪糕，絕對是下午茶之選！

北角和富中心重新裝修後, 有好多特色食肆進駐。朋友介紹新開張嘅冰室99, 佢主打地道港式美食。店舖有很多卡座, 另有露天茶座, 可以同狗狗休閒進餐！威靈頓牛柳經典名菜, 而家唔係度度有得食, 只係$188性價比極高, 一定要試下！牛柳脂肪較少, 肉質軟嫩鮮甜, 酥皮外層再用風乾火腿和鵝肝醬, 層層包裹著牛柳, 保持原汁原味, 鮮甜中帶陣陣鹹香, 不用醮任何醬汁已經十分滋味！熔岩椰青海鮮珍珠飯採用原隻椰青, 海鮮有青口、蜆肉、帶子仔、蟹柳。混合椰漿、忌廉和芝士醬汁燴珍珠米, 甜甜地帶有芝香, 口感幼滑軟熟煙韌, 有充實滿足嘅感覺！蒲燒原條鰻魚咖哩蛋包飯原條鰻魚外層微微焦香, 肉質肥美爽脆, 仲有日式咖哩配旋風滑蛋蓋上珍珠飯, 真係份量十足！滑蛋幼嫩軟滑, 火候恰到好處！芒果奶昔、莓莓奶昔甜度適中有鮮果味道, 奶味香濃, 不會過度濃稠, 口感柔軟幼細順滑, 冰涼解渴！雪糕雞蛋仔餐牌有雞蛋仔, 我嘅至愛一定要試下！外層鬆脆, 雞蛋味濃郁, 即叫即做熱辣辣, 配埋雪糕嚟食, 完美配搭！