肉骨皇 (已結業)

大坑都有唔小野食，見呢間有肉骨茶，所以就試下佢。招牌肉骨茶（細） $128一黎就連爐上，滾左之後店員會主動黎熄火。我地即刻飲啖熱辣辣既肉骨茶，除左肉骨茶本身濃濃既藥材味外，可能因為落左羅漢果，有一種甘香既感覺。裡面既排骨份量唔小，而且好大舊充滿肉汁。之後仲加左米粉，索埋肉骨茶既湯，好好味。無骨海南雞飯 $120油飯砌到金字塔咁，賣相幾靚。雞都滑嫩，醬汁自家調製，我覺得幾好味。自製龍眼水 $35 & 南洋白咖啡 $30龍眼水一上枱，被滿滿的龍眼肉嚇親，所以飲落好清甜，值得推薦。白咖啡同平時差唔多。…查看更多

肉骨皇地址: 大坑浣紗街45號浣紗花園地下1號舖電話: 29722122🔹🔹🔹🔹🔹🔹🔹🔹🔹🔹🔹🔹我好鐘意大坑架！自成一角，夠靜，但行十幾分鐘又會去到好繁榮嘅天后銅鑼灣！大坑好多特色小店，同朋友去開大坑買曲奇，見到有間餐廳在浣沙街街尾，門面東南亞feel，就入去試下食個lunch!💫無骨海南雞飯（散嗌$1️⃣2️⃣0️⃣，星期一至五有午市套餐連熱飲$6️⃣8️⃣）雞肉無骨，嫩滑有光澤，飯有油香但乾爽，唔會好膩。個飯整到金字塔咁，好presentable。💫檳城蝦餅（$75）炸蝦餅有驚喜，即炸熱辣辣，蝦肉彈牙，點下酸辣醬，眨吓眼成碟無咗！價錢另收加一。…查看更多

假期到大坑，除了附近一帶的CAFÉ外，還可以試試這間馬來西亞菜餐廳。有不少網絡紅人也介紹過的。海鮮喇沙 - $128濃厚的蝦香湯頭呈黃色，面層有橙黃的辣油，散發出陣陣香甜椰醬，帶微微辣勁。海鮮材料豐富，特別是兩隻海蝦，大得來又鮮味彈牙，勁易去殼；兩隻青口和蜆肉啖啖肉有海水味；還有三片切片的魚片頭好軟腍；麵底可選油麵或米粉，又或者兩者都有的摻摻，米粉不易腍斷，油麵滑而煙韌。無骨海南雞飯 - $120無骨的海南雞盡是啖啖肉，油亮的雞皮好軟滑，內藏著一層雞汁，雪白的肉身好甜美多汁，微黃的雞油飯充滿油香，配黑醬油及酸辣汁。…查看更多

呢間星馬餐廳遠處已望到好清晰好大隻招牌，睇到門面設計係非常大體雅觀。一開門入去就見到侍應生好有禮貌邀請我地量體溫同安排位置坐。室內環境乾淨又簡潔，每枱都有放置消毒搓手液，令人都好放心用餐。另外值得讚既係，飯前去左個廁所都見到係有清潔衞生而乾淨。餐廳既菜色選擇真係多不勝數，我地真係三心兩意，都揀左好耐。睇得出應該係當地人煮既家鄕菜，所以都忘急不及待想食。呢到既招牌菜係肉骨茶，所以我地緊係點肉骨茶，另外叫左個午市套餐，係無骨海南雞飯配凍檸茶。二人份量招牌肉骨茶 $118首先會有油炸鬼粒同蠔油伴碟，可以跟個人喜好選擇浸係肉骨茶食，或者油炸鬼粒點蠔油食。而肉骨茶會用gas爐一直煲住食，可以保持最佳溫度食。另外用料好特別好充足，有金菇，腐竹，杞子，豆卜，6至7件既豬骨肉，一共裝到約4碗到。味道係甜甜地既香濃藥材味，同平時出面食既好唔同，出面係好濃胡椒味同好重蒜味，但呢間係又有藥材味，又有甜甜既蒜豬骨味道，味道層次好豐富！尤其天氣凍，飲左好暖肚，所以好快就俾我地食哂成煲。無骨海南雞飯 $68配凍檸茶凍檸茶睇啲色就知茶味真係好濃好濃！而海南雞飯既配飯唔係白飯，係配特色家鄉黃薑飯。有三款醬料可以選擇，有泰式辣醬，薑蓉同蠔油。雞肉好鮮嫩可口，好滑！而黃薑飯佢唔係就咁落少少黃薑粉染色左就算，係真係色香味俱全同好有星馬風味既！配上酸酸甜甜既辣醬料既雞肉一齊食真係好香！總結係估唔到係香港都食到好有星馬當地既味道小菜～值得推介！…查看更多

琴日同女朋友去完銅鑼灣行完之後 就去左大坑覓食 大坑真係一個好地方 有好多各式各樣的小店 食物種類都包羅萬有 行過見到呢間食東南亞菜既 我地就決定去試下店鋪的店面不大 由於我地早入去 所以有位坐唔洗等 但過左半個鐘出面已經有人開始等位 好彩早少少入左去我地揀左三樣招牌菜食 無骨海南雞飯 肉骨茶湯 同埋洋葱油酥餅配咖喱汁無骨海南雞飯: 雞肉好嫩滑 d雞一d都唔"鞋口" 雞皮仲好爽口 而油飯亦好有油香配埋薑蓉真係食到停唔到口❤️肉骨茶湯: 一拎埋黎已經有陣香濃的氣味撲鼻而來 飲落口有濃濃的藥材味 似足我係馬來西亞飲果隻❤️洋葱油酥餅配咖喱汁: 呢個佢焗得好香脆 酥餅夾住洋葱餡再點咖喱汁 個味道真係勁 我最鐘意就係呢個…查看更多

👉平時少嚟大坑，週末到呢區友聚，🉐️街坊友人提議，要嚟試吓馳名肉骨茶💥.📌肉骨茶（細）$118 ～雖然㷛仔細細，但超足料：豬骨、枝竹、豆腐泡、香菇⋯湯底🈶️別於一般肉骨茶，經特別調較而減少藥材味，啱晒我呢啲唔係咁接受到勁濃藥材味，而又想食肉骨茶嘅人。全程仲🈶️爐仔熱住，飲完成身暖晒！😍（飯要另叫）📌油飯 $15 ～ 油飯粒粒分明，雞油味香濃📌無骨海南雞飯 $118 ～ 海南雞🐔雞皮爽口，肉質嫩滑，點埋個黑醬油⋯真係不得了！🤤但餐牌叫《無骨》海南雞飯，點解會serve雞翼位連尖嘅呢？P.S. 落單記🉐️《走翼走尖》😅…查看更多

今日出門口嘅時候低估咗個天氣，就咁着咗件薄褸就出去。行到一半已經覺得凍 即刻search 吓附近有啲咩嘢食可以暖吓個人。見到呢間古法肉骨茶就即刻決定過黎食老闆份人好好傾，好似同每個客人都好熟咁。傾開先知原來呢到開咗10-11年架啦，等我仲話自己成日黎呢頭，有間咁好食嘅星馬菜都唔知 🙊招牌肉骨茶 📍 $68上枱嘅時候老闆會好細心咁點着個火爐，等我地可以慢慢食，又keep 得住個溫度 🔥 飲落好暖胃呀 😍 老闆同廚師經過一番調教，將肉骨茶調教到適合香港人嘅口味 😁 藥材味道依然濃郁，肉質都淋好入味無骨海南雞飯 📍 $68啖啖肉好正呀 😋 啲雞好嫩滑，連雞胸肉都滑，份量都好足夠。個油飯砌得好靚，炒得好乾身得黎又食到雞油同黃薑粉味，值得推介!牛肉沙嗲 📍+$15肉質夠哂鮮嫩，佢地個沙嗲醬好特別好有心，有好多花生粒，好有口感我地叫咗杯熱奶茶，估唔到啲茶都幾香幾滑。另外一杯就叫咗蜂蜜柚子茶，味道好夠，一啲都唔吝嗇，食到我地好滿足。下次要夜晚黎食埋佢個蟹肉米線同焗咖吔麵包伴雪糕佢地有學生優惠架，除咗以上2款，仲有好多lunch set 都係$45咋，仲要包嘢飲 😳 我都有學生證架 🙊…查看更多

第一次嚟呢間馬拉餐廳， 雖然係星期六下晝， 但係都冇乜人。星期六日晏晝係冇午市套餐，要單叫好貴😰招牌肉骨茶（$98）味道係濃郁，但係冇乜肉😓又唔配白飯，一啲都唔飽。無骨海南雞飯（$98）飯唔夠乾身同埋香， 海南雞唔係特別滑，唔係無骨係有骨🤦🏻‍♀️。賣相真係唔掂，擺得求求其其。美祿恐龍都幾好味嘅😋如果like佢哋嘅Facebook page就會送一杯飲品🤗雖然食物唔係特別差但係一定唔會比咁貴嘅價錢，服務態度唔係幾好😕，唔會再幫襯😓…查看更多