因為朋友生日，所以晚上就到左新城市廣場呢間PIZZAEXPRESS食生日飯，我地大約下午6點05分到逹，以為自己都算早，但原來已經滿座，也有些人已在等緊位，我地最後大約用左30分鐘先入到座。入左去之後，枱面已經有齊杯和一樽水比客人飲，不過枱的面積就有啲細。叫左幾樣食物，第一個來的是凍檸檬茶，要另外加糖的，我朋友就飲完可以自由再加，但我地成晚都無叫佢地添飲，味道就正正常常。跟住來左個面包球，大約有8至9粒左右，樣子似麻糬，但味道好食左麻糬，有咬口，但不太硬，係好食的。有一個牛油可以點面包球，亦都好夾。然後就來左焗磨菇，大約有8至左右，除左菇之外，菇裡面會有香草醬，上菜時熱辣辣，食下去時，咬個菇有好多水份出來，感覺個菇好新鮮。跟住再來的是pizza，呢個係都幾好食，主要的火腿和芝士，芝士夠多，好鍾意佢的手工pizza的口感，薄薄地，好好食。之後的是「蟹肉白酒汁意粉」，menu寫係有啲辣的，但上菜時唔係好辣，我朋友完全唔食辣的都食到。上菜時的外貌唔靚，感覺好清，但食落去又覺得味道唔鹹，意粉粒硬度亦剛剛好，唯一覺得係既然叫「蟹肉白酒汁意粉」，但唔係好食到白酒味。最後是tiramisu 呢個好食，咖啡粉有少少苦，但夾埋中間蛋糕部份可以話係剛剛好，蛋糕部份有少少酒味，成個甜品有不同的味道，不同的層次，但有和合得幾好。三個女仔食呢個份量，也是剛剛好，唔會太餓或太飽，開開心心的生日飯，傾計亦傾左好耐。…查看更多
