RBTea

今日朋友幫我慶生，來到RB Tea，因為大家也被台式甜窩夫深深吸引著!  尖東是商業地區，到了晚餐時段，人煙疏落。我們坐在牆邊的卡位，自成一角，環境舒適寧靜，感覺好似包場! RB Tea的裝潢很雅致，用了淺緣色的清新格調，餐廳四周也放了緣色的小盆景、兔仔耳朵作點綴，看著心情也覺得放鬆。我們點了2個套餐互相分享，分別是香濃忌廉蜆意粉和焗忌廉野菌螺絲粉，餐飲也Upgrade為珍珠奶茶。珍珠奶茶非常大杯，而且奶味香濃，珍珠Q彈、有嚼勁，愛好甜飲品的食客必點! 香濃忌廉蜆意粉也很好味， 忌廉汁杰身，意粉和蜆肉吸收了忌廉汁的甜味，每條意粉掛住濃稠忌廉汁，入口creamy! 切碎的羅勒絲也令賣相更美觀，如果意粉加入少許煙肉伴碟，應該會更滋味!焗忌廉野菌螺絲粉也是我的最愛，螺絲粉焗得恰到好處，軟硬度適中。螺絲粉除了忌廉汁，還帶有芝士味，雜菇、野菌也鮮嫰爽口，配上煙肉，熱辣辣的感覺令人大快朵頤!芒果窩夫也是必點推介，賣相吸引! 窩夫脆卜卜，帶豐富牛油味，還灑上了糖霜，甜甜的很美味! 作為甜品控的我也向店員要求額外糖漿，倒在每格窩夫上，非常邪惡!  餐廳的店員很細心，幫我們合照之餘，也在窩夫上枱後，為我們主動捧上乾淨的碟子， 貼心程度不俗!…查看更多

因為係果邊番開學，放左學時不時都會同人搵地方HIGHTEA，岩岩入左商場，就見到大大隻兔仔LOGO，我唔理三七廿一就衝左過去坐低喇XD我超中意兔仔呢～～緊係要支持一下！ 就係依個兔仔LOGO吸引到我喇XP遠遠見到已經忍唔住.. 因為放左學已經六點幾，所以都算係食夜晚喇，依個係DINNER SET，選擇雖唔多，但都可以加錢換甜品既～ 環境睇落唔錯，不過人流唔多，唔知係米間商場太少人行呢 佈置得幾有心思，周圍都見到兔仔既蹤影，相信老闆同我一樣係愛兔之人XD(想太多？)裝飾擺設都落左唔少心機，成個氣氛都好優閒芒果輕食鬆餅，賣相睇落唔錯，鬆餅外脆內軟，芒果醬同個雪糕幾夾，兩個人食好足夠，味道唔錯，芒果都幾新鮮～ 香濃忌廉蘑菇湯，飲第一啖既時候就覺得「哇，咸到..」，好似飲左好多匙鹽咁，實在飲唔落了 焗忌廉野菌螺絲粉，忌廉焗得唔夠多，而且焗到成個螺絲粉都好乾，野菌只係普通冬菇，又係焗到"乾真真"，成個口感都唔太好，認真麻麻 黑櫻桃酒心芝士千層糕，加錢換的千層糕，感覺似雪得太耐了，千層既口感食落一粒粒咁，黑櫻桃酒心咁味道唔太出，一般般黑椒牛肉鬆餅三文治，利用鬆餅做成麵包，中間有餡，依個做法幾特別，鬆餅食落幾脆身，成個三文治會變到好厚，會驚啲餡跌出黎呢，牛肉都唔錯，薄薄地但味道好香口，整體唔錯最後唔可以錯過就係薯角，味道都唔錯 檸檬綠茶，夠晒清新香甜，甜度恰到好處，配搭得幾好總括而言，環境佈置都唔錯，屬於中上，但食物方面，SET DINNER有待改善，同鬆餅差太遠，可能真係主打鬆餅，所以其他較弱，但主菜都唔可以忽視，店員服務一般，感覺冇咩精神，希望餐廳可以更加進步，如果唔係就晒左同有心思既裝修同隻咁可愛既兔仔喇XD…查看更多

期待已久公司樓下的 RBTea 終於開幕，原來始創中心都有一間分店，裝潢以柔綠色為主，店內吊著玻璃植物，非常綠化，在飾柜裡還放著不少可愛精品，經查詢店員後，原來不只是裝飾，還可以買走。店舖以自助落單形式經營，自行找位置，落單後有萌萌的兔仔號碼牌，等待不久，店員便把食物送上。午市套餐午市期間，等了一會便有位。焗忌廉野菌螺絲粉。店員送餐上枱時，看到賣相已很吸引，芝味很濃，忌廉味適中，螺絲粉得彈，不知不覺已經食完，絕對可以encore!原本係配檸檬紅茶或綠茶，不過我加了$10要珍珠奶茶，茶味濃厚，非常滑，不會很甜，讚!因為 Lunch Time 要趕返公司，沒有太多時間拍照，下次再拍照，仲可以再試其他食品。…查看更多