伊Burger Cafe

之前有一段時間好中意食漢堡，所以特登收藏左呢間位於粉嶺既餐廳。不過人就係善變，好快又無左對漢堡既慾望。將近兩個月無出街食飯，見到自己收藏左呢間餐廳咁耐又幾吸引，決定一試。下午2點到達，餐廳仍然有唔少食客，所以被安排坐bar枱，對於唔高既我，其實唔太中意坐bar枱….包類選擇有12款，豬牛雞魚素都有，包我中意既粗薯條同普通熱飲，最貴$70，雖然係粉嶺黎講價錢唔平，但質素唔差，可以一試。烤焗蘑菇漢堡 $69 材料豐富，相信無人可以一啖咬哂咁多層，所以我先食左蘑菇先。完全無諗過咁熱，比個爆汁磨菇辣親甩皮…但真係勁Juicy又好有菇香味!!無左層厚菇，餘下既部分就可以一啖咬哂咁多層，漢堡扒係豬牛混合，而且加左好多洋蔥，所以食落洋蔥味比較重，牛味就唔太食得出，肉質唔乾，不過唔夠扎實。底同面既麵包都有烘過，又熱又脆身，而且食到尾個包都依然微脆。友人點左辣辣豬堡 $58雖然食到成手汁，但佢都邊食邊話唔錯，夠熱夠新鮮，而且麵包都烘到脆，有誠意。粗薯條係我地既最愛，只有灑上少許鹽調味，外脆內粉，加上即炸，辣熱熱!! 不過咖啡就差D，雖然職員係我面前即時用咖啡豆磨出黎，但味道偏水，唔夠咖啡香。…查看更多

如果唔係男朋友帶我黎，估唔到係舊式商場有間咁有特色既店😍特別在於間店夜晚係做Bar，而日頭就做Burger餐廳，環境幾好。大約下午1點幾2點去，但都多人要等位。價錢都算平民，我叫左烤焗蘑菇漢堡lunch set，飲品就涷紫薯奶，老闆叫我地like facebook page有得平👍。Burger好大份，蘑菇好juicy，薯條係我鍾意既粗薯正😋！紫薯奶都唔錯，紫薯味濃，但因為涷飲，飲耐左啲冰 融化就沖淡左紫薯味。整體唔錯，食物質素幾好，環境播歌幾有feel，會再幫襯！…查看更多

又到了星期日下午茶時段，便是我們一家「想到哪兒吃」的自尋煩惱時候。平日我甚少跟他們吃下午茶，早上吃個豐富的brunch，下午茶只在家吃個健康水果作罷。加上，他們常常只到樓下的連鎖店或茶餐廳吃，吃到我有點點麻木了，所以今次難得我心血來潮想出外跟他們吃，便帶他們走到遠點點的聯和墟試試新的。本來我們並不是打算吃這間漢堡的，反而是別間的Bagel，但由於那間店舖太細，我地三人枱需要等上半個小時，便轉戰了此間日間以西餐廳形式經營，主打漢堡，晚上搖身一變的小區Bar，讓附近居民Relax Relax🍺🍸🍹店內以紅色沙發及鋪上人造硬皮的木製枱作陳設，還有一台高清電視播放著星期日的賽馬實況，充滿港式据扒西餐廳的感覺。店員拉好了窗上的百葉簾，令餐廳光線飽滿，令人精神奕奕。芝士蘑菇厚多士此厚多士出於爹爹好奇心而點的，因他看到旁邊女士吃得津津有味而感到興趣，便跟店員說：「跟旁邊的那位來份相同的！」抱歉！厚多士已經被我們一窩峰吃的七七八八後才記得拍個照😅😅芝士蘑菇厚多士份量是一片正常多士大小，厚度不大，但勝在上面不吝嗇的鋪滿芝士和蘑菇，所以上枱時已經聞到香噴噴的新鮮出爐芝士咸香和麵包脆香。食落脆得發出「喀喀聲」，口感香口，不錯！我們三人點了二個漢堡餐Share，由此跟餐會有兩杯飲品，我與媽媽共享熱咖啡，而爹爹便飲凍咖啡。可惜這真只是間酒吧而兒，熱咖啡奶多，少咖啡香味。醬骨漢堡每個漢堡份量很大，完全足夠一個成年男人吃飽飽，加上竹籃上還配上新鮮即炸薯條，$40多的一個set十分抵食！醬骨漢堡是用雞肉與漢堡排混合打成，食落肉厚腍軟，充滿雞肉油香，中間還會吃到少許軟軟雞骨來增加口感。大讚它漢堡上的香烤麵包面，烤得外脆內軟，麵邊還保留微脆，而且上層和下層麵包都均塗了牛油，烤完後夾了漢堡一起吃，更為香脆美味烤焗蘑菇漢堡烤焗蘑菇食落多汁，漢堡牛味濃厚，還有肉汁慘出，配上新鮮蕃茄和生菜，減輕油膩感，不錯不錯！薯條更令人驚喜！即叫即炸，厚切粗身，食落薯心重，熱辣辣而口感豐滿，很有誠意！想不到粉嶺聯和墟都有間誠意漢堡店（雖然正身是晚上的Bar)，整體性價比高，一個漢堡餐$50-70不等，相信我只能在小區找到。希望小店在小區繼續加油，不被急速的地產發展而淘汰，撐下去來為我們小區服務！☺️☺️…查看更多