Honbo (已結業)

聽到朋友仔介紹哩間漢堡，去到南豐紗廠就嚟試吓！Lunch time 嘅南豐紗廠人唔算好多，但漢堡店較細，位置唔多，想食嘅朋友都要早啲去喇😆漢堡包款選擇唔算多，主要都係牛肉漢堡為主🥩🍔 主打食物當然要試吓啦！✨雙層芝士漢堡套餐 $188足足4oz厚嘅漢堡，一咬落去啲肉汁滴哂出嚟，真係夠哂juicy🤤 平日唔愛食洋蔥嘅我竟然接受咗佢嘅存在，完全食唔出我怕嘅洋蔥味，香濃牛肉味好突出，配埋秘製自家醬汁，味道一流👍🏻 略嫌所謂嘅雙層芝士唔夠多，味道唔夠香濃🧀 因為薯條缺貨，所以今次揀咗薯寶🥔，食落嘅感覺就係一粒粒嘅炸薯粒。即叫即炸薯寶每粒都脆卜卜，真係正宗嘅少少鹹多多脆😋✨炸蠔漢堡 $108總數三大粒日式炸蠔，一樣係新鮮即叫即炸，新鮮又香脆，咬落啖啖都係帶住海水香嘅蠔，真係蠔蠔味🤤 配埋明太子他他醬好夾，炸物配沙律醬夠哂正😋🔍整體感覺：總結今日試嘅兩款漢堡都出色，味道就雙層芝士漢堡更勝一籌👏🏻 炸蠔同炸薯寶香脆情度夠哂有誠意👍🏻 一個套餐加一個單叫漢堡盛惠$296，味道的確唔錯，但性價比略低，不過哩間絕對值得我間中奢侈吓😏…查看更多

南豐紗廠呢間漢堡包店 其實喺港島都有分店 佢堪稱係全港最巴閉漢堡包 因為佢上年攞咗個獎項 Bloomberg 2020年全球最佳漢堡  成為唯一入榜嘅香港漢堡店 食過之後 我都真係幾impressed HONBO 1.5 $128 由醬汁 漢堡扒到麵包由餐廳親自製作 漢堡扒mix咗幾款唔同牛肉 例如本地牛腩同美國牛肩 店內煎漢堡扒嘅時候將佢壓得脆口薄身 令你食嘅時候唔會成手肉汁好狼狽 個人覺得稍為乾身咗啲 如果入口厚少少Better 炸蠔漢堡 $108 呢個令我最surprise!!! 之前未試過呢個組合 漢堡入面有三隻炸蠔、椰菜絲、明太子他他醬 炸蠔新鮮熱辣炸起 咬落去爆蠔汁 配上明太子他他醬 酸酸哋好開胃 呢款漢堡真係推薦大家試試～  整體性價比：🦖🦖🦖🦖…查看更多

Honbo係香港唯一一間入選Bloomberg 全球最佳漢堡2020既店鋪，作為本地漢堡店真係幾犀利😳想試呢間好耐，終於今次去試左，果然冇令我失望，包、牛肉、醬汁、小食，所有野都好好👍絕對值得一試！1⃣️經典漢堡（套餐價：$118）經典漢堡係最basic 果款，入面有一塊牛肉、酸瓜、洋蔥、生菜同埋自家醬汁。冇諗過最基本果款既burger都咁好食。牛肉好重牛味，佢既醬汁食落有啲似千島醬既味道，同酸瓜、洋蔥呢啲搭配食落好正🤤成個包一啖咬落去個size啱啱好，而且唔會好油好濕既感覺。聽講呢度既包同醬汁都係自家製，個包係用左個薯仔牛奶麵包食譜，好特別😮個包係真係幾鬆軟👍呢款包既性價比都幾高。  2⃣️雙層芝士漢堡（套餐價：$188）最鍾意真係呢個burger。比起經典漢堡，佢多一塊牛肉漢堡，再加埋雙重芝士，食落好juicy，肉汁好豐富。而且佢入面既牛唔係煎得全熟，仲有啲粉嫩咁，加埋芝士真係好正，啲牛味好重好濃好多汁😋  3⃣️招牌漢堡2.0（單點：$168）黎得緊係點都要嗌個招牌漢堡食下啦。個招牌漢堡2.0有四層牛肉漢堡，牛肉漢堡比起雙層芝士漢堡既薄，但係就會煎得香脆啲，牛肉味更加出，但係個人覺得雙層芝士漢堡juicy啲。如果鍾意牛肉味重啲香脆啲既話應該會鍾意呢款多啲。同埋呢款既芝士真係爆多🧀鍾意濃味啲既話呢款就啱曬😌  4⃣️炸蠔漢堡（套餐價：$138）炸蠔漢堡都好出色，入面既炸蠔好大粒，而且好鮮好多汁，一咬落去真係有噴汁既效果！而且炸蠔炸得好香脆，炸衣完全唔會太厚，加埋啲椰菜絲同埋明太子他他醬，食落好滿足😍  5⃣️薯寶（跟餐）好脆好好食！有啲似薯餅既感覺，但係炸得真係好脆而且層炸皮唔會好厚好硬既感覺，真係食落係脆卜卜咁😋份量都好多，呢個好推薦。  6⃣️芝士薯條（跟餐+$20）芝士薯條都係好好食，薯條係好脆，即炸既，面頭淋上芝士醬，芝士味好香濃，芝士控大愛❤️不過啲芝士醬鯨得幾快。  7⃣️脆脆雞粒（跟餐+$30）呢個好好食！份量比我想像中多。望落去好似唔係好多咁，但係唔知點解食極都好似仲有咁🙈覺得呢度炸既野都炸得好好，全部都唔會有種好油既感覺，而且炸得好脆！雞肉食落一啲都唔乾，而且每舊都大大舊，食落有少少椒鹽味，好好食！  …查看更多

帶着狗狗來到南豐紗廠同時試吓在Openrice有很多好評的Honbo因店內空間不大，剛好坐滿人我們選擇了外賣到對出的戶外空間享用雖然店員說等10分鐘，最後等待了一倍時間有多。打開外賣盒，發現跟餐的薯條份量相當豐盛！茄汁也佔了一個外賣盒份量，完全不吝嗇（相比起連鎖快餐店）對好像我一樣的茄汁控來說相當貼心🔺芝士漢堡套餐（$128）單點$98漢堡包鬆軟，漢堡牛肉雖然口感軟滑唔鞋，但欠缺了鹹味及黑胡椒味，肉味也欠奉。唔差但又未去到好好食想回頭。🔺炸蠔漢堡套餐（$138）單點$108看到餐牌寫著「炸蠔漢堡」十分驚喜漢堡包裏面共有3隻炸蠔，但數量也不能夠填充滿一個漢堡包，令吃起來有點空氣感。原本還以為是炸蠔餅，現在吃過又反而沒有想像中咁特別。🔺薯條 （配套餐）反而最有驚喜的是薯條，薯條炸得好香脆唔油！加上份量十足，我會願意只單買薯條來吃😋.總評：薯條比漢堡出色的食店薯條的好食程度是我願意單買來吃價錢價貴，看到雙層芝士漢堡餐$188令人卻步，但同時性價比唔高出餐時間比較耐，原來也是南豐紗廠特色😆…查看更多

在家抗疫嘅日子實在苦悶，忍咗幾個星期，我同先生實在係坐唔住，趁住假日嚟南豐紗廠朝聖一下，紗廠除咗有唔少文青小店，仲有好多特色餐廳。每間餐廳都各有千秋，花多眼亂，最後我哋揀咗對住天台花園嘅Honbo，久仰大名但一直未有機會食，難得荃灣亦有分店，當然唔能夠放過。餐牌設計簡約，漢堡嘅選擇唔少，除咗有招牌嘅手打牛肉漢堡之外，仲有素肉漢堡、炸雞漢堡同備受好評嘅炸蠔漢堡。由於限聚令嘅關係，我哋買咗外賣去對出嘅天台花園用餐，店員喺每個紙盒上面標籤好食物內容，非常細心。炸蠔漢堡相當有驚喜，難怪呼聲咁高，炸得酥脆嘅鮮蠔放喺厚厚嘅椰菜絲上面，配上明太子他他醬，和風味濃！日式炸蠔尺寸中等，即叫即炸，入口蠔味鮮濃，而且毫無油膩感，加上椰菜絲切得超幼細，口感清爽，成個組合配搭得宜，先生食完亦讚不絕口！招牌漢堡有兩層牛肉漢堡、芝士、酸瓜同洋蔥，係最經典嘅漢堡組合，不得不試。牛肉漢堡係自家手打，入口肉汁香濃，加上酸瓜同洋蔥增加口感，係最完美嘅經典滋味。薯條同樣即炸，略為粗身而且炸得非常香脆，份量亦算多。飲品方面有幾款比較常見嘅罐裝汽水，值得一讚嘅係店員用廚房紙包好保冷，非常貼心。餐廳食物非常有水準，特別係炸蠔漢堡，配搭好有驚喜，難怪一直大受好評！假餘嚟紗廠行一轉，感受下休閑慢活嘅氛圍，順帶享受一下美食，絕對係一件樂事！…查看更多

現時漢堡包店臨立，漢堡包不只局限美式，餡料更不只局限生菜跟牛肉扒，不同國家什至餐廳各自加入不同元素及製作方法。在香港那文化共融的地方，連漢堡包店也成了香港的縮影店鋪門前放的不是餐牌，而是列出一個又一個香港及世界排名的廣告牌！即管試試躋身國際的本土漢堡吧店鋪面積一眼看盡，內裡大約有20個座位，選用舊時代火紅的橙與藍色。裝潢以鋼鐵物料為主，小食亭模樣的收銀處，高櫈的座位設計，整體充滿著懷舊速食漢堡的氣氛，是吃漢堡的獨有「情調」看到餐牌便感受到多元化的香港縮影，除經典牛肉漢堡外，還為素食者提供素食漢堡，戒牛者提供炸雞漢堡及日式系列之炸蠔漢堡，在10款漢堡中已涵蓋不同需要人士，可說是簡而精的供應，可加錢轉套餐配小食及飲品最後決定點選經典及日式漢堡各一跟套餐漢堡麵包帶微脆同時麵包上沒有黏附芝麻，更突出麵包香甜，少脆能增添口感同時不會刮口，內裡夾著4安士牛肉漢堡、芝士、酸瓜、洋蔥、生菜及自家醬汁。外表看似平平無奇，材料層次不太分明，但整體配搭與味道卻不相伯仲！牛肉漢堡尚算能鎖住肉汁，口感帶有牛肉嚼勁但咬後不會鬆散，醃料不多加上完全沒有雪藏味，能嚐出牛鮮味。牛肉呈不規則圓形，有別於一般牛肉漢堡以厚度取勝，而是大小與麵包面積相同，其他配料亦分佈平均，令每一口也能包含所以材料。以住曾嚐過洋蔥太生，酸瓜太酸，芝士過鹹或生菜過多的漢堡包，令某食材味道過於突出而蓋過一切，但該漢堡的每一款材料味道與分量便恰到好處，保留到獨有味道之餘，更做到互相輝影薯寶即叫即炸熱辣辣，份量多能快要瀉出碗外，味道與薯餅相同，愛吃薯餅的我表示非常滿足內裡簡單的夾著炸蠔、椰菜絲及明太子他他醬，3大件炸蠔剛炸起熱燙鬆脆，夾著所有配料一同進食滲出香濃多汁蠔香蠔味，雖然明太子他他醬味道不甚突出，但可讓乾身的炸物與麵包變得較濕潤順滑 一碗內大約有6條，同樣是即炸屬滾燙，原條芝士落油炸，即食果真有拉芝效果，但過大約10分鐘後拉絲效果明顯下降，還會有愈放愈煙韌的情況。炸粉偏厚，更有炸粉與芝士分離的情況。漢堡製作方法看似簡單，但要製作出好吃甚至優秀的漢堡，便真需時間尋覓。眼前的漢堡保留到經典漢堡材料元素，同時加入本土用料，並融入香港風情設計餐單，最重要是食物味道均勻且互相輝影，怪不得能衝出香港，躋身國際，我想⋯就是那種「平凡中帶點不平凡」…查看更多

之前看報紙介紹過本地八間最美味的香港漢堡店其中這間Honbo也榜上有名他們堅持由麵包、醬汁、肉以至酸瓜等都是採用自家製作除了外國貨，亦盡量採用本地食材，支持本地發展套餐汽水可以從這裡任選其一招牌漢堡 - $88餡料：雙層2oz牛肉漢堡、芝士、酸瓜、洋蔥和自家醬汁漢堡殊不簡單，除了使用美國USDA牛肩脊及牛肋條外，還拌以本地新鮮牛肉製成，每日新鮮攪拌，沒有預先調味，保留着原始的肉味由於混合多種牛肉部位製成，吃起來肉味濃郁之餘帶少許牛臊味，極惹味就連麵包也很美味，外表爽脆，裡面的質感煙韌而帶點濕潤，絕不會乾巴巴的(套餐炸薯條+汽水加配$25)炸蠔漢堡 - $108餡料：日式炸蠔、椰菜絲和明太子他他醬南豐紗廠分店限定的Signature Burger足足有三大粒肉厚鮮甜的吉列生蠔用吉列方法將生蠔炸至脆卜卜，外層酥化，裡面鮮甜多汁配微咸酸的明太子他他醬汁，味道清新而不油膩加上椰菜絲用上本地元朗水耕菜，特別的鮮甜拉絲芝士條外層金黃香脆的麵包糠，包裹著香濃軟滑的拉絲芝士每一口都是滿滿的芝士(套餐拉絲芝士條+汽水加配$35)…查看更多