神戶屋日韓放題

今日黎到旺角食放題～ 神戶屋日韓放題 第一輪先食刺身 估唔到食放題都可以打邊爐呀🤣 仲可以揀壽喜燒、部隊鍋或者雞煲添😗 仲有好多野食揀呀🤩 刺身、火炙/黑松露壽司、麵類、燒物 料理、炸物天婦羅等等😍 刺身我哋點左好多呀😂 有三文魚、有頭赤蝦、希靈魚、北海道角螺、泰式生蝦、鮑片、松葉蟹棒、厚燒玉子、帶子、赤貝、北寄貝、八爪魚 款式有好多😬 除咗我哋點既刺身之外仲有生蠔同埋海膽😌 熟食方面有辣椒帶子、清酒煮蜆、蕃薯仔、炸雞軟骨、牛油金菇、燒羊架、豬仔骨 啖啖肉😋 最估唔到係有黑金流沙包 熱辣辣流出黎～ 炸物方面有日本芝士年糕、芝士蝦春卷、韓國炸鮮奶、日本香芋丸、吉列廣島蠔、椒鹽豆腐、芥末蜜糖炸雞等等 我推薦芝士年糕同埋香芋丸 呢兩個都好好味😋 壽司嘅擺盤做得好靚呀🤩 有吞拿魚壽司、火炙岩鹽燒三文魚腩、火炙沙律燒三文魚腩、火炙松葉蟹棒等等 比較推薦係火炙類 好好食🤤 仲試埋佢個鰻魚炒飯 粒粒分明鰻魚汁好味🤣 最後最後點都要食埋雪糕先滿足😋 種類都有好多 我哋都揀咗朱古力同埋抹茶紅豆 都好味呀😗 整體來講 呢間神戶屋日韓放題 食刺身之餘仲有得打邊爐 係有驚喜既 同埋除左食刺身 炸物都係比較出色 可以一試呀😬…查看更多

每年秋季就是吃大閘蟹的日子～市面上的餐廳推出不少大閘蟹套餐，不過大多數每人只能分得一兩隻，往往意猶未盡……大閘蟹放題絕對是我的首選，吃多少點多少最實際！旺角兆萬這間放題更包普通的日式放題，能夠有更多嘗試。 120分鐘任食爆膏大閘蟹放題 - $529 6時時及9時後入座可享9折優惠 星期五、六、日、假期及假期前夕+$20 大閘蟹 即叫即蒸冒出新鮮得白煙，每隻大約有3至4兩，打開隻隻都有著豐腴的蟹膏；蟹乸的蟹膏好細膩和綿密，質感硬身香口，而蟹公的則較軟身黏糯，蟹肉同樣清甜結實；上碟速度好快，而且無漏單。 有齊吃蟹工具，包括剪刀、手套和濕紙巾，還附上熱薑茶驅寒。 升級大閘蟹放題有不少限定的海鮮包括蒜蓉粉絲蒸扇貝、香辣燒生蠔、鹽燒大虎蝦、蟹粉扒時蔬、蟹粉蟹肉蒸蛋等等。最喜歡蒜蓉粉絲蒸扇貝，大大隻扇貝肉厚鮮甜好彈牙，晶瑩剔透的粉絲吸飽蒜香和扇貝水份。  還可以點選普通放題的食物，包括刺身、壽司、熟食、燒物、炸物、甜品等等。 刺身方面，一共有十八款刺身，如三文魚、海膽、赤貝、蟹柳、馬刀貝、赤蝦和帶子等等，厚切的刺身特別有口感，好新鮮。 鍋物方面，選了香辣惹味的奇味雞煲，裡面全部都是雞中翼，特別皮薄肉嫩，充滿四川香料味。 壽司方面，有多款手握壽司、軍艦和手卷等等，火炙三文魚逼出豐溢的魚油；花之戀被多片肥美的三文魚包裹和蟹籽沙律醬。 燒物方面，即叫即燒帶微微香烤味，海蝦好新鮮彈牙；燒牛舌肉厚軟嫩中帶微煙韌，滿佈黑胡椒香；還有燒羊架、燒廣島蠔、燒菠蘿等等。 炸物方面，即叫即炸特別金黃酥脆，榴槤炸彈有濃郁的榴槤流心；炸鮮奶咬開軟嫩的牛奶；芥末炸雞和他他醬炸雞外酥內軟，毫不油膩。 熟食方面，蒜香一口牛的牛肉好大塊，肉質軟腍，牛味濃厚富蒜香；咸蛋黃金蝦的鮮蝦仁滿佈甘香的咸蛋香，還有麻辣小龍蝦、泰式鳳爪等等。 飲品方面，有多款罐裝飲品及紙包飲品，還有酒類飲品嘉士伯啤酒。 甜品方面，每位包一杯MÖVENPICK雪糕外，還有多款高質的韓國雪條，如LAVELEE藍莓乳酪雪條和30%芒果雪條，有著濃厚的果香；也有不少店家自製的甜品可任取。…查看更多

呢間放題因為開到12點所以我先去食，因為嗰晚出去旺角都9點半，其他都好似11點左右收，所以就上咗呢間。上到去職員安排坐位都已經有少少亂，不過都算數。有位坐就得了。職員多次提醒叫我哋早啲order，因為好多嘢都即叫即做驚等得耐，咁我同朋友就叫咗一個雞煲，同埋刺身啦。刺身都尚算新鮮，但係我哋take咗嘅數量，同埋款式，永遠都唔齊嘅。仲有個雞煲嚟到嘅時候，我哋嗰啲驚訝，好似食淨咗嘅雞加水俾我哋，最好笑係個職員問我哋係咪食完，我話我哋都未掂過已經係咁嘅樣。總括嚟講，呢間放題成日漏單，雖然侍應多次提醒同埋埋你問有冇嘢漏，就算講咗漏啲乜，永遠都唔會齊。如果唔係咁夜冇其他放題都應該唔會揀呢一間。…查看更多

好耐都無試過日/韓底放題， 今日行過大兆萬， 隨意點了一間去試。 又唔錯， 所以介紹一下🉐兩人會送一個火鍋， 我選擇了日式和牛壽起燒（我驚芝士太飽😆， 雞煲太辣😵‍💫）， 都唔錯， 打著邊爐慢慢食， 係入坐前， 店員服務好好， 提醒我地要先選某幾個items , 好窩心❤️❤️⋯⋯唔駛浪費時間。 我地一次過叫左30多樣野， 其實都未揀得晒， （應該有200項）😂上菜都好快。 有幾款我覺得好好食， 想介紹一下（5⭐️最好食）韓國蜂蜜芥未炸雞（5⭐️）雞件特別幼滑鬆軟， 炸亦唔會太過火， 咬落唔算特別油膩。 （圖中中間黃色兩件）雞皮串件（5⭐️）比較少有得叫既雞皮， 尼到都食到， 鹽酥炸至金黃色， 每咬一口都脆卜卜❤️❤️， 但不能食太多😂， 好肥呀😂（中間深色兩串）黑毛豬仔脾（5⭐️）黑毛豬肉質鬆軟， 一d都唔會痴牙😊👍🏻， 醬汁唔會特別喊。 鐵板一口和牛粒（5⭐️）十分野味， 用了黑椒， 新鮮青紅椒， 加埋少獻汁， 野味之餘又唔會好油膩…查看更多

大家會唔會有一個小時回憶嘅地方神戶屋係我每次小學、中學朋友聚會到大個公司同事聚會都去嘅地方雖然以前地方窄 10個人照塞埋去坐大家好Close咁食個放題係開心嘅依家因為疫情過往個年都好少食放題好少再10個人坐埋一檯但係再到神戶屋食放題都係有驚喜今次趁母親節同左媽媽去食小窮J嘅母親節禮物🥲🥲幸好媽媽都食得開心#咁爸爸節都可以🤪🤪🤪🤪🤪好開心神戶屋加左火鍋 #定係不嬲都有？有壽喜燒、韓式部隊鍋同四川辣雞煲揀我地揀左壽喜燒，但係覺得下次可以試下部隊鍋提提大家肥牛填1係會黎大大卷🙂#我臨尾填左3🙂刺身嘅蝦都有幾種有頭 無頭 大蝦 同生蝦都甜都可以試三文魚都切得幾厚炸物我中意食炸芝士同炸鮮奶甜品有好多好新款嘅雪條😍趁呢排openrice做緊特價可以重返一戰😇…查看更多

人人都話兆萬係美食界既「勇者之塔」 我地偏偏唔信邪 繼上次係果度試過其他日式放題之後 今次我地又黎到位於8樓既神戶屋日韓放題大快朵頤喇佢地既任飲任食放題價錢由$179起（指定時段） 而我地一行二人係星期日晚去食 每位收費$229加一 價錢比起同類型放題黎講算係幾抵 首先會黎左個刺身船先（有三文魚 海膽 希靈魚 帆立貝 珍寶蝦 玉子 等等）賣相好精美 一黎到我地兩個立即舉起相機 味道亦唔錯 刺身都幾新鮮 值得一讚既係食放題都居然食到唔單只唔臭而且仲好鮮甜既海膽刺身 非常驚喜！食物選擇多 劃餐紙由A排到J 刺身 天婦羅 日韓料理 串燒 拉麵 火鍋等等應有盡有 唔洗擔心冇野食/食唔飽部隊鍋：滿滿既芝士同肉肉肉肉 非常邪惡！飲品選擇比起同價位放題多 特別在有呢款芒果味啤酒 好fresh好得意雪糕雪條選擇亦都多 好多款都好吸引 有我最鍾意既藍莓乳酪雪條其他食物都唔錯 味道未必係最好 但以呢個價錢黎講算係超水準 而且選擇十分多 推介佢既壽司 炸物同埋黃金蝦 必食！甜品唔錯 係略嫌有d太甜 服務方面 雖然個場都幾爆 但上菜速度快 而且店員好細心 會主動問我地有冇野漏左單幫我地跟返最後埋單2百幾蚊位 捧住個大肚dum走 好滿足總括而言 今餐既CP值非常之高 完全破解左「勇者之塔」呢個魔咒 有機會會再黎！…查看更多

同朋友星期六去旺角行街，經過兆萬，有人派傳單介紹依間放題，行到攰想坐下又肚餓，就決定嘗試下。餐廳裝修正常，光猛乾淨，窗邊既卡位好闊，夠曬位。果日唔多人，所以都被安排左坐係卡位。侍應一坐低就提我地可以快d落左魚生船同壽喜燒先，仲即刻上左配菜同醬汁，服務唔錯。配菜有幾種唔同款，味道一般，食左少少中華沙律，留番個胃食其他野～飲品選擇幾多，我仲簡左荔枝烏龍茶，甜甜地但又唔怕太膩。食日式放題就一定有魚生船，送到過來既件數比我地叫既仲有多左。全部魚生都色澤鮮豔，夠凍夠新鮮。d甜蝦特別鮮甜，肉質算彈牙，唔會好水咁。壽喜燒賣相好靚，好多牛。食落湯底幾香，仲有麻油味。炸物新鮮出爐，熱辣辣，特別好食既係炸榴連。裡面有一絲絲榴連肉，又脆內軟，好香好好味仲叫清酒煮蜆，好多蜆，多汁，鮮甜。火灸壽司既飯同魚生既比例岩岩好，可以一啖一舊，表面燒到焦香。仲叫左一口牛柳粒，牛既質地夠稔，而且唔痴牙，調味好夠，另外既配菜都好味，特別係薯仔係焗薯，正。叫多個通菜，賣相靚，食落稍咸但唔辣。食左個焗蝦，好多沙律醬，外面燒到焦香，好味。牛油焗菇，好香牛油味。最後因爲太飽，所以無食到，但見到冰櫃都有幾多簡擇。整體既質素好，侍應服務良好，上菜快，上得足，唔會專登上少d。覺得可以再去食。…查看更多

今日同男朋友黎兆萬中心，大家返屋企都方便，所以經常在這邊食晚餐。我們今日選擇了放縱一下，食日韓放題，可以食不同美食！環境都幾大，又有房間（比訂多的客人有自己空間）食物選擇真的好多，有：壽司、刺身、串燒、炸物、麵飯、火鍋、甜品等等，一定有適合的美食。(寫好數量、人數、枱子號碼）服務都幾好，服務生好有禮貌又幫忙收碟，而且無漏單、點了的都好齊的送上。飲料有2個冷櫃可以自助領取（包括：汽水、茶、蘋果紙包果汁、酒類等）還有熱的茶或水。坐下來服務生就送上前菜、介紹畫紙的食物種類！刺身好多好豐富！好大碟又吸引壽司細細件，有唔同的款式，都幾美味！燒海蝦：好大隻又爽口！燒菠蘿：多汁又香口！甜甜的！炸物：芝麻雞翼、韓式芥末雞翼、炸芝士、網紙蝦卷等等！最愛榴槤炸彈、芋頭丸、天婦羅等，好好味又香口！好熱辣辣！燒羊扒：好香口好入味、軟腍又美味蔬菜好健康，當然唔少得； 這個避風塘炒通菜及炒芽菜，好香口又微微辣！甜品有雪條、雪糕等，好開心…查看更多

我地條team 完成大project，齊齊去慶功！因為呢間放題可以訂廂房，自成一角，多人d 都無所謂，所以成為我地首選。S 級神戶名物係限叫的，我地和牛壽喜燒同韓式部隊鍋都有叫。部隊鍋雖然只係火腿午餐肉腸仔同菜呢d 簡單食材，但用左味噌調味，再係上面鋪塊芝士，慢慢煲就慢慢溶，幾有韓式風味。和牛既肉質則幾實淨，用上生雞蛋調味，烚兩烚已經食得，感覺高級！刺身壽司方面，三文魚幾軟身，新鮮度好高，蟹鉗蟹棒就算雪藏都食到蟹味幾重，d 有頭大蝦凍得黎滑luet luet 的，一啖兩隻好鬼爽。壽司選擇其實唔算多，不過咁多其他野食揀，飯呢d 就係咁意得啦！其中帶子壽司都幾肥美，拖羅油份好高，接近入口即溶。食肉獸既大家係肉都叫。和牛粒同埋豬頸肉表面上睇落煮法接近，都係蒜蓉蔥爆咁樣，但實際上和牛粒本身已經幾juicy，豬頸肉佢就加左d 醬一齊去炒，令佢帶點甜味。天婦羅同黃金乜乜黃金物物果d 普遍都ok，而炸鮮奶球對我黎講就覺得好特別，鮮奶點樣可以炸到一個波咁架呢？甜甜的奶球，外面炸到好鬆脆，裡面係好似棉花糖咁既質地，好好食呀！飲品同一般放題差唔多啦，呢度啤酒都有得飲。甜品都係，啫喱仔呀mousse 呢d，仲有雀巢棉花杯同雪條。因為入座果陣有個三選一，如果你揀韓國雪條，就會另外有枝靚雪條食，有好多味揀，又香蕉又蜜瓜又芝士，令人唔知點揀好...…查看更多

平時很少吃放題，今晚等朋友在旺角收工，在想不到吃什麼的情況下找了間有不少好評的放題。*刺身食放題點會唔叫刺身？！因為每樣都想試，所以都每樣叫了少少；最好食的就是帶子、甘蝦和三文魚，每樣都算新鮮；其他就普普通通，不過不失。另外就是壽司，個人偏好火炙的，一定不會太難食。*火炙岩鹽燒三文魚腩壽司三文魚腩入口即溶好有油脂味。*火炙玻璃蝦壽司玻璃蝦爽口。*神戶和牛卷和牛卷比較乾身了一點。*牛油果軟蟹卷軟蟹夠脆，牛油果都好淋。*珍寶帶子壽司帶子都算新鮮。*鐵板一口和牛粒和牛粒好淋，味道不會太咸。炸物比較有驚喜*韓國蜂蜜芥末炸雞炸雞有點似大大舊的麥樂雞，沾上蜂蜜芥末醬，甜甜的。*韓國炸鮮奶炸鮮奶外脆內軟，甜甜的，少有放題可以食。*日本芝士年糕芝士年糕煙煙UNUN，一人一半開心SHARE就不會太膩。*日本香芋丸味道偏甜，有年糕的煙UN。…查看更多

同幾個fd 黎食放題😆 黎到兆萬中心門口 見到呢間好抵食 所以就上左黎🙈估唔到d 魚生好新鮮 咩都有齊！ 尤其係d甜蝦 好新鮮好彈牙 食完好滿足🤤火灸蟹棒壽司---誠意推薦 最後仲encore 左！ 要趁熱食 好鍾意芝士剛燒好 有種熔熔地嘅感覺 正呀😍唔同壽司都有各點黎試下 全部都好高質👍👍一口牛---呢個都係要推介！ 燒得剛剛好 d 牛有少少肥 口感唔會好乾 😋燒雞串--有d 芝麻係面 令成個口感同味道提升左🤤烤羊架-- 好大份羊架 夠juicy 羊味重🙈我地叫左唔同嘅炸物 有炸雪糕 炸牛奶 炸榴蓮 炸雞塊 炸芝士年糕😆😆 食到好飽！ 特別推介： 炸雪糕 又熱又凍嘅口感回味無窮👍👍芝士焗蝦-- 好足芝士 成塊包住舊蝦食都得！😍 鍾意芝士一定要叫😋芝士焗蠔都有tim 呀😍😍d 蝦好新鮮 好甜😋最後 要特別讚揚呢度嘅服務！ 因為唔飲得凍野 所以想問下有冇唔凍嘅飲品 點知佢即刻好好人帶左我去令唔凍個飲品👍 成程服務都好好 d店員識講下笑 最後仲有問我地食唔食韓國雪條 😆…查看更多