阿木台灣麵 (豉油街)

营业中

休息中

開咗咁多年都仲係長期人龍店就知道佢哋掂啦😙🥢鹽酥雞 $39佢哋嘅鹽酥雞真係好正！🤤咬落去咔嚓一聲 外皮脆卜卜入面啲雞肉嫩滑多汁連埋炸香咗嘅雞皮好有咬口唔會乾爭爭最正係佢哋撒咗啲椒鹽 成件事即刻升呢 食到舔舔脷～🍱炸排骨便當 $65除咗鹽酥雞 今次都有嗌埋炸排骨！係將豬里肌肉排切成粗條落鑊炸兩轉 出嚟效果超正！外層同樣係金黃香脆 入面啲肉仲keep住juicy 每條都夠晒厚身 個調味鹹香得嚟好開胃 唔會話係炸物就好油膩 食到停唔到口呀！貼心位係佢哋除咗供應多肉燥 多飯少飯嘅選擇之外仲可以醬汁另上個肉燥飯都好抵讚 同一般嘅比冇咁油膩肉燥方面肥瘦肉比例啱啱好 食落仲有淡淡嘅豬油香隨機三款小菜 次次去都有驚喜 夠晒新鮮感😉☕️凍冬瓜茶 +$5 (跟餐)冬瓜茶凍冰冰夠晒解渴 叫咗走甜飲落真係零負擔飲完成個人爽晒👍🏻🥛仙草奶茶 +$15 (跟餐)呢杯台式仙草奶茶都有驚喜啊仙草爽滑得嚟又帶啲彈牙 奶茶底茶味香濃 奶滑得嚟唔會太甜 飲落好順口加埋仙草獨特嘅少少甘香味 冰冰涼涼🧊

紅燒牛肉牛筋麵（$79）湯底好清，味濃帶微酸。牛𦟌好腍兼入味，牛筋同樣軟腍。麵條正常唔糊口。炸排骨便當（$65）需時十數分鐘。炸粉脆，醃味夠，豬扒夠軟身唔嚡。唯一可惜係炸粉痴唔實塊豬扒，一夾就甩頭甩髻。肉燥味濃唔肥膩，撈飯一流。惠顧麵類或飯類，可半價享用飲品。珍珠奶茶（+$15）、黑糖珍珠鮮奶（+$17），兩杯都正常發揮。枱面有一罌自家製麻辣醬，個人覺得好掂，啱哂我口味。麻味多於辣味，配麵、點豬扒、甚至加落肉燥撈飯都好好味。PS：冷氣唔係好夠，人多就更熱，尤其食湯麵，食到流哂汗。

喺旺角行完街，聽日終於放假喇，經過喱間台灣野排緊靚隊好多人，決定食餐好嘅。叫咗個招牌紅燒牛肉牛筋麵，嘩超大件牛肉勁厚切，勁有口感一大啖，真喺好少會咁厚切，比十個贊，雖然厚但美道都好入味。仲叫咗個炸排骨便當，除咗一大塊炸排骨，仲會有幾款咸酸菜，配個滷肉飯真喺好正，其實真喺好地道，同我當初喺台灣exchange時嘅個仲便當配搭一樣。最欣賞嘅係老闆會可以俾我加滷肉，又可以少飯，對於我呢啲食唔到好多飯嘅人，絕對就唔會造成浪費。額外配咗兩個小食就係炸大腸同埋台灣小香腸，台灣小香腸，就同平時喺台灣食嘅一樣。炸大腸真係勁好食，真係炸得好鬆脆，同埋味道都好入味，食極停唔到口，最衰冇啤酒，唔係真係好啱送酒。飲品方面叫咗個黑糖珍珠奶茶同芝士岩鹽奶蓋四季春茶。甜度冰量各樣都有得選擇，餐廳喺喱方面都真喺做到好足，接近台式奶茶店嘅操作。

阿木 @ 旺角 新蒸頭旺角好多地方都未開門…好彩阿木夠勤力…當然要黎撐下耐唔耐都會黎食下牛肉麵…味道唔錯…價錢又合理…所以成日經過都見到要排隊。唯一去襯都覺得自己拉高左平均年齡🤣🤣🤣 炸排骨便當 炸排骨肉質鬆化…又唔油膩…而且都幾大塊。個飯仲有魯肉係面😍😍個滷水汁撈飯好味。便堂配左幾個小食…滷蛋唔錯。紅燒牛筋牛肉麵 偷左啖湯飲…湯頭香濃…牛肉份量都幾多…牛肉同牛筋炆得好腍又唔會無左質感…麵條煙韌彈牙。鹽酥雞 熱辣辣新鮮即炸…好juicy滷牛筋 因為好味所加多碟淨食😌😌。記得落下佢地自家製麻辣醬…惹味好多。

阿木開咗分店啦～新舖位置更方便 ，係新寶戲院果條街（HSBC隔離）。而且仲可以經The GULU 攞飛 ，唔駛排隊等位咁耐。不過都要留意返， 起碼預早半個鐘襟定飛仔。炸排骨便當 $58炸排骨好鬆軟， 脆脆地唔會好厚粉。肉燥好好味 ，唔會太咸好濃味。便當仲配有三款配菜：今日有 花生麵筋 ，滷蛋 ，自家菜圃。菜圃同麵筋 勁力推介。原來菜圃可以另外一罐咁買 $38。飯嘅份量都唔少，少飯咗都仲成碗。仲可以揀多肉燥、少飯、多飯。紅燒牛肉牛筋麵 $71大大碗 ，紅燒有少少辣味更突出湯底惹味。餸嘅份量好足， 牛肉牛筋各有三、四舊 餸仲多過麵。牛肉係厚砌， 勁腍好入味 ，有啲筋位 口感更好。牛筋同樣好腍 ，甚至有啲入口即溶嘅感覺。可以揀走蔥、走酸菜、少肉。梅子地瓜條 $39 可以多梅粉、少梅粉 地瓜甜甜配子酸酸地嘅梅子粉 好開胃。滷牛腱 $50原來同牛肉麵啲牛肉一樣同樣好厚切。不過個味就同牛肉麵嘅唔同，呢個相對更惹味。套餐飲品仲可以半價。芝士岩鹽奶蓋四季春青茶 $38奶蓋配四季春， 清清地 。黑糖珍珠鮮奶 $34黑糖好香， 記得少甜， 真係飲得出係用鮮奶整。記得只收八達通同現金。另外， 原來阿木係

食過返尋味，之前黎旺角已經食過阿木，就算出面好多人排隊就照食佢，因為真係好鐘意食，咁多人食，所以一定吾會差，今次水準亦保持到。食物方面：味道好有水準，我叫左炸排骨便當，肉燥蕃薯苗同桂圓紅棗茶，三樣都不差，炸排骨飯係推薦大家食，好香之餘亦好有口感，食完炸排骨又可以啞返個菜食下，個菜都做得吾差，而杯飲品亦有陣陣清香，飲落口吾同一般出面既桂圓紅棗茶，係呢度先搵到呢隻味，好讚！服務方面：職員態度好好，安排入座貼心，送餐又有禮貌，台灣老闆又有禮貌，令人會再次回來。環境方面：舖面雖不大，但座位間都做足防疫措施，食得亦較放心，筷子為一次性筷子。位置方面：位於旺角鬧市，交通方便，約人或收工食飯都正。最後，職員稱讚好了阿木ig,會有阿木台灣生活百貨的coupon,我們有兩張，隨即吃完過去看看，就在距離餐廳不遠處，步行過去兩分鐘就到，有賣很多台式產品，吾洗飛台灣，係香港又可以掃貨了，呢一餐好正呢！