水上人生滾粥 (已結業)

工作中早餐，已經食厭茶餐廳早餐嘅我，一向爭取食其他早餐，今日試下清清地食粥，門面招牌黑底金字搶眼，店內比較平實，乾淨企理，店內勁大聲播放懷舊金曲，比較嘈，粥及腸粉嘅選擇多，好快上菜粟米菇粒粥（$21）估不到咁大碗，超級熱，粥底介乎廣東同潮洲粥之間，綿得來有粒粒米粒，粟米落得多，脹卜卜味道香甜，菇粒厚肉彈牙，蔥粒細及嫩（用匙盛起，唔記得走蔥都可以𢳂走，幾窩心）炸両（$17）嘩！一碟四條油炸鬼，豉油係另上嘅，而且係熱嘅，比客人自己決定落幾多，枱面有齊麻醬、甜醬、辣醬，由客人自己落，腸粉嫩滑，油炸鬼外脆內軟，夾埋醬料食，簡單好好味！同事食：艇仔粥（$21）皮蛋瘦肉粥（$21）牛肉腸（$16）炒麵（$17）店員姨姨好爽，又唔會催促，服務正常！超大份量粥早餐，飽到午餐都唔使食…查看更多

復活節假期約朋友去粉嶺搵食，我大清早已到達聯和墟，但約好了的朋友還遲遲未到。與其站着等，倒不如我一人吃過早餐先，讓朋友到達時，再跟他吃第二餐。很久沒有在早餐時吃粥和腸粉，於是找到這間上水人生滾粥，吃點米氣，暖吓過胃先！及第粥（$26）👍👍👍👍👍粥底又綿又滑又夠熱，及第粥的材料很足料，有豬膶、豬粉腸、豬肚、肉片和肉丸，各種材料都很新鮮爽口。價錢方面$26, 咁大碗粥，認真超值。炸両（$17）👍👍👍👍👍嘩！碟炸両真係好大碟，有兩層高！腸粉夠滑，油炸鬼脆卜卜，豉油另上。而我最喜歡它切得細細嚿，一啖一口。加上每枱都放有麻醬、甜醤和辣椒醬，可以自己自行添加。門面餐牌…查看更多