塚田農場 (已結業)

喺餐廳門口見到水吧位放滿多種款式嘅新鮮蔬菜🥬感覺幾吸引～再仔細睇吓餐廳嘅介紹，原來佢哋係用由日本🇯🇵空運到港嘅新鮮蔬菜入饌，就決定入去食返個Tea🍴雖然 「 美人框飯御膳」唔係tea set，不過見到好豐富又可以一次過試到2⃣️款框飯，我哋就點咗一份配蟹肉三文魚籽框飯同蒲燒鰻魚框飯🐟框飯唔係普通白米飯，而係已經調咗味嘅日本糯米飯🍚口感煙韌軟糯😋蒲燒鰻魚醬汁香濃惹味而蟹肉蛋絲同三文魚籽味道好夾。配菜嘅魚生沙律🥗配上柚子醋，酸酸甜甜好開胃❗️天婦羅炸得非常香脆，尤其是蔬菜天婦羅，非常清甜❗️冷豆腐亦都好特別咁配上脆米，令口感更加豐富。下午茶餐嘅炙燒三文魚牛油果丼份量都唔細。半熟嘅三文魚好滑，燒過之後更重油脂味🤤配上製過嘅淡味日式醬油同牛油果🥑簡直就係絕配😍最後以跟餐優惠價加配埋甜品，作為抹茶🍵控嘅我表示好滿足😌最後值得一提嘅係，跟餐飲凍飲係唔使加錢㗎🤩正‼️

下午茶時段，發現佢嘅有個Tea set好似幾吸引咁，78蚊就有一個刺身丼飯食，從來都未幫襯過佢，因為佢除咗下午茶時段之外，午餐、晚市同啲主食都唔平吓，係新城市大把選擇，average嚟講唔會揀佢，今次見到佢有個價位合理啲嘅餐，就試下佢。醃漬吞拿魚刺身丼 ($78)赤身，有明顯醃漬，但唔會太鹹，唔乜點洗點醬油都可以，魚肉同一般醬油漬嘅魚一樣唔會有彈牙口感，有啲淋身嘅，成個丼飯分量比較細，絶對係一個下午茶嘅size。炙燒三文魚牛油果丼(78)炙燒三文魚係半熟狀態，有丁點餘溫，三文魚本身係瘦嘅，炙燒後把魚油釋放咗出嚟，有魚油好食咗，牛油果就都多嘅，雙重油分，但唔會令到你覺得滿口油，加埋清新的菜苗同食，配合得幾好。作為一個輕食，佢絶對合價，但如果你係住攞嚟醫肚就唔好試喇，包你唔夠飽。今日一試後其實食味都係普普通通咁，如果正價食，我會維持之前咁諗係新城市大把選擇，average嚟講唔會揀佢。

今日約咗好姊妹下午茶，沙田新城市嘅選擇實在太多，我地揀咗呢間，因為大家都未幫襯過。喺出面望入去裡面感覺會坐得幾舒服咁。今日午餐嘅人流唔算太多，所以我地等咗一陣就可以入去了。下午茶餐牌有幾款丼飯，我地不約而同都揀咗呢款炙燒三文魚牛油果丼配熱茶，價錢不貴。我地一路食一路傾都傾咗一粒鐘，座位也坐得很舒服。炙燒三文魚很嫰滑但有少許生，所以如果要食全熟的話，就不要揀這款了，可以揀另一款鰻魚玉子丼。牛油果的份量頗多，軟綿綿的，和炙燒三文魚非常夾，所以真係好好食！有機會再嚟試下佢地嘅美人鍋啦！