馬來一菜館

同舊同事敍舊，幾個都住上環西環，於是有人提議這間，不過見到網上評語好壞參半，咁就試下。order 左5樣嘢。第一款，肉骨茶，價錢$138。味道都算跟足馬來西亞同新加坡，有同樣嘅胡椒味及藥材味。第二款，馬來炸雞，價錢$108，5件。炸得好差，唔脆，同埋比較乾，覺得kfc仲好些。第三款，海南雞飯，價錢$138。味道又出奇地唔錯，雞肉鮮嫩，油飯都正宗，但係份量比較少。而湯就比較淡。第四款，椰漿飯併盤，價錢$128。雞同樣比較乾，椰飯冇椰子味，唔得。第五款，檳城炒貴刁，價錢$128。這個又炒得好正宗，有鍋氣，同馬來西亞味道，不過同樣份量好少。總結，真係好壞參半，都唔知係唔係唔同師父煮，而且份量比較少，好似唔想俾人食咁，不如在餐牌上加多些錢，份量俾多些仲好。…查看更多

香港大學附近既酒店唔係好多間，呢間算好近，特別多海外教授或學者入住，餐廳入面好多外國遊客。酒店餐廳泥講算係價錢相宜。叻沙係其中一樣我食極都唔厭既食物 湯底好香濃，米線口感偏冧，但我可以接受。材料方面算係足料，包括：蝦x6豆卜x5魚片x4炒貴刁份量相比下唔夠，只有約兩碗。蝦都有5隻，臘腸有10片左右。味道似XO醬，小辣以上。穫氣爭左少少，3.5粒⭐️咖央多我勁鍾意食，所以好偏心加左半粒⭐️咖央好香，但有人可能會覺得偏甜。上次泥整得好d唔會邊食邊漏，同埋太多牛油，略嫌油膩左少少。…查看更多

地方簡潔而舒服，酒店是落地玻璃設計，採光度足。座位闊落舒適。 炒貴刁：粉質太淋，口感不太好。比平時吃的辣一點點， 而且非常油膩，不是我喜歡的菜式，不過味道還算香口。本人對馬來西亞才不算熟悉，也許這是正宗的煮法…？ 肉骨茶：油炸鬼很香脆，米飯也很香。 味道濃郁，不過肉的分量比較少。圖中看見的，是我用湯匙把所有配料都墊高，事實上只有兩塊肉，而且肉質偏乾。ｰｰｰｰｰ 整體不錯，收費稍貴，但畢竟是酒店的餐廳，環境舒服，還是一個不錯的選擇。…查看更多

餐廳食物質素一如既往高水準，上月去了吉隆坡及檳城，吃了不少地道小食，係有得比較情況下，發現馬來一大部分食物的做法既傳統又美味，美味指數比當地小店更出色。首推：炒貴刁河粉嫩滑，但又沒有被炒斷芽菜爽脆，蝦肉新鮮爽口巴東牛肉雖然樣子並不討好，但味道確一流。牛肉熬得好夠腍，連筋位都夠軟腍，而且肉質並冇散開。巴東牛肉傳統做法需要加入各種不同香料，故味道香濃，配上白飯簡直一絕而且份量十足，一碟已有六塊馬拉盞炒羊角豆幾乎每次都會點得小菜，羊角豆又名秋葵健康又美味，而且價錢便宜$52 尚有其他不同地道食物可以選擇，馬來一可以話一個馬拉美食集中營。（星洲酸辣汁煮米粉、咖哩羊肉、怡保河炒、椰漿飯拼盤）溫馨提示：要品嚐馬來一既食物，除了坐定定係馬來一餐廳品嚐外，其實大家可以係酒店1/F大堂點餐，踫上happyhours 買一送一時段，更可以輕輕鬆鬆同朋友暢兩杯。…查看更多

一行2人晚餐時間去食。這餐廳裝修分為2部:一半是有裝修比較high end的，另一半是比較像food court的。由於冇訂枱所以被安排到food court的部份，所以坐得麻麻地舒服。炒貴刁: 好辣，份量細，一個男人4-5啖就食晒，但d蝦都幾好食，幾爽既喇沙: 朋友食既,賣相係靚既，但佢話味道一般，似普通超市買既公仔麵總括而言，裝修都勉強可以既，食物就真係好一般，而服務係好既,個waiter會不停幫我地個杯加水，有時想試下馬來西亞菜都可以去試下既。…查看更多

放完大假返工, 夜晚同幾位同事食飯慶祝新一年. 有同事話食過附近Traders Hotel既馬來一菜館覺得值得再訪, 是晚一行4人就去book位食飯.去酒店食星馬菜, 要求一定會高d. 酒店都算方便, 附近有好多巴士直達港九. . 一入酒店大門已經聞到一陣怡人芳香, 環境浪漫. 大堂感覺和旁邊的open bar看來都唔錯! 心想: 2013年開年飯應該都唔差得去邊! 便上2樓餐廳入座.可能係位置問題, 我地7點半去到都見到未坐滿. 我地4人坐一張圓桌, 旁邊放一個裝飾櫃, 上面有一棧白光燈. 感覺時光倒流, 去返80年代! 整間餐廳亦以開放式設計, 走廊邊牆上放上很多別緻的小物, 或時植物. 加上柔和燈光, 我地竟然突然間詩意起來~侍應徐徐侍水既時候, menu亦一併送上...一如所料, 連menu都用上印有logo和故事的木板. 不難看出此餐廳所用的心思, 只希望來的食物更有水準!我地叫4個菜, 共中有2個係小食. 同事強推馬來沙嗲, 我地就叫半雞半牛. 另外亦想試炒蘿蔔糕. 唔知道原來星馬都出名炒蘿蔔糕的, 想知道同點心食開既有咩分別. 2個主菜分別係星加坡的海南雞飯同馬來西亞的炒貴刁. 兩個地方最具代表性的食品, 其實我試到地道特色的機會不多, 且看今次可唔可以有驚喜.服務員向我地推介呢款特飲 - 香茅斑蘭特飲. 班蘭既顏色令杯飲品望落好吸引, 好似一杯mocktail咁. 估唔到既係, 飲落有仲d珍多冰, 班蘭味好香, 甜甜地好refreshing. 睇返openrice, 會叫呢款飲品既客人唔多. 可能係新出既, 大家有機會都不妨一試.馬來沙嗲來到時已經覺得好熱好香, 但都唔夠食落開心 - 佢既雞/ 牛都經過醃制, 夠入味得來又新鮮. 最值得一讚是沙嗲醬, 明顯地比其他地方的沙嗲醬要濃郁有料得多. 當然, 一碟馬來沙嗲唔算平, 要$7x, 差不多是一個主菜的價錢. 但個人認為抵在食物水準同份量之上, 如果唔鐘意食飯, 食呢d反而更加抵.海南雞飯係我覺得最最好食既! 上菜時服務員好細心問我地係唔係要share, 並提供碗仔同公筷. 雞飯夠味但無好油唔想食既感覺, 煮到一粒粒剛剛熟透, 其實睇相都應該見得到. 雞肉好滑無老, 夠晒味. 大廚哥哥聽見我地讚個飯好食, 提我地食雞記住要連皮食. 一向唔食雞皮既我, 要求之下都決定一試. 真係估唔到又爽又有少少脆, 同以前食開既所有雞皮好唔一樣! 雖然無機會問大廚點整, 但對成餐飯真係好有信心 個湯亦唔係例行公事, 而係有肉有骨既熱湯, 一口飯一口雞一口湯, 一絕也!另一小食終於到喇. 一上菜即有陣香香的鍋氣和一種特別的香味 原來大大碟菜仲有芽菜相伴. 蘿蔔糕比較大粒, 並不是一口可以完成那種. 服務員解釋這是森巴醬的香味. 正想批評蘿蔔糕太大粒, 吃下卻突然明白 - 因為森巴醬味濃. 雖然蘿蔔糕造得夠企身唔易炒散, 但太細粒可能反而會過份濃味. 依家蘿蔔糕炒得味道恰到好處, 而芽菜又夠粗夠爽甜. 好味!炒貴刁亦係香口水準之作. 同馬拉街頭一樣, 有好多配料 - 鮮蝦有成5/6隻, 仲有芽菜同火腿, 炒得好香好入味. 不過如果唔食得辣既人可能會覺得接受唔到. 不過, 呢度既水準真係激有馬拉街頭食大排檔既風味.呢度既菜色雖然唔係街邊價錢, 但卻更大碟. 如果唔係好大食, 好似我地咁share可能仲抵架.整體來講, 真係好好味! 我已經約定要同其他朋友再訪, 一於試試其他食物!…查看更多