鼎家喜筷

去海之戀商場購物後看到這間新開燒味店茶餐廳-鼎家喜筷，是鼎爺，李家鼎先生開設的餐廳，電影上見他刀法如神，相信他開的餐廳應該也不會差。餐牌選擇非常多，主打燒味，另外有小食，甜品，台式飲品都有，相信對象是年輕人。火焰原隻燒鵝髀原個火爐上的，要眼明快手去燒，轉眼已經聞到燒鵝香味。皮脆，肉汁豐盛，鵝香撲鼻，但比較肥，吃得多會覺得油膩，幸好有鮮橙製成的醬汁中和一下。原條靚叉飯叉燒肉質好淋，非常軟熟，雖然偏瘦卻不會粗榎，如果燒得有少少燶邊更香。麻辣蒜香涼拌手撕貴妃雞撈丁撈丁微辣，口感彈牙，加上手撕貴妃雞，青瓜絲籮蔔絲梨絲，帶點清甜，中和了麻辣的味道。套餐有沙律和飲品 特飲加$28可以試到不少的台式飲品。我點了水果茶，用火去保持溫度，茶味夠濃，水果味也不錯。 另外有最近熱門的芝士奶蓋，有3款茶底，但當我問店員甚麼是田園芳香，他竟然回覆是田園芳香味道，令人無言。最後我點了這款田園芳香，我個人覺得是偏淡的茶，有點像綠茶，感覺清新。店員的服務態度有待改善，不會為你推介食物，又不會提點你，你問問題也是沒有用心回應，除了當中一位年紀較大的男士面帶笑容外，其他人都是黑口黑面的。…查看更多

鼎爺廚藝高超係人都知，今晚就約左朋友黎試試呢度主打既燒味😇兩個人叫咗溫泉蛋四寶飯，燻蹄海蜇撈丁，火焰原隻燒鵝髀，鮮檸檬薏米水，鐵觀音芝士奶蓋同埋朱古力心太軟配雪糕🙊溫泉蛋四寶飯岩晒三心兩意既人😁 有齊腩肉，叉燒，燒鵝同溫泉蛋，份量有返咗上下👏腩肉好有層次，皮超級脆，配埋芥末食好夾好開胃👍👍叉燒燒得幾靚，而且唔會太甜太膩，不過略嫌肉質乾左少少～溫泉蛋非常流心，送飯一流😋無諗過係呢間主打燒味嘅舖頭都食到咁出色既川味菜😮燻蹄海蜇撈丁既麻香味同辣味調較得perfect！👍撈丁麵質剛剛好唔會太淋，佢既海蜇同平時食開嘅口感幾唔同，呢度係比較膠質豐富似jelly口感，幾特別👍👍跟住輪到呢度主打既火焰原隻燒鵝髀出場！登登登登🎉🎉🎉🎉店員講解話只需要燒返香同脆塊皮就可以，所以大約燒左半分鐘，但一路燒果陣已經聞到好香同見到啲油脂流晒出黎，勁吸引！😍 塊皮超級香脆鬆化，肉質十級嫰滑兼滲透住淡淡果香，超好食！！🤤🤤🤤配埋鼎爺自家製手工柑橘醬酸酸甜甜超正！😋 (因為太好食所以問店員拎多左碟黎撈飯🤣)鮮檸檬薏米水好大壺😯 有另外上既黑糖可以自己按喜好調味👍鐵觀音芝士奶蓋茶底好香，奶蓋夠厚而且順滑～朱古力心太軟配雪糕朋友放左一陣先食，可能因為咁所以唔夠流心，不過都好好食👍配埋超級濃郁奶味既雪糕，朋友兩三分鐘內已經ko左😅😅呢度菜式選擇好廣泛，一間餐廳除左招牌菜之外要將所有其他菜式包括飲品甜品都整得咁出色係好唔容易既事，鼎爺果然西利！👏👏🎊🎊…查看更多

自己鵝脾自己燒！今日完全感受到燒味嘅創新食法，呢個Gimmick勁！食到我好滾動🤩叫咗碟四寶飯同原條燒腩肉飯...燒味飯伴菜一般都係放兩條菜心或者小棠菜啫😅呢間用胡麻醬沙律菜！燒肉除咗見人拜神會免斬，呢度原條上，仲比埋刀叉要你切嚟食！四寶飯跟咸蛋就常見...呢度配隻溫泉蛋，係咪勁呢😎新事物算不上，但絕對係新配搭，令到食燒味飯不再麻甩🤣🤣鼎爺出名燒鵝，梗係要叫返隻左脾啦！明火原隻燒鵝脾🤩竟然比個爐我自己燒！想食幾燶就燒幾燶完全由自己控制，一邊燒我就一邊吞口水，油香香到爆炸🤤個秘製柑橘醬取代普通酸梅醬絕對係完美🤗飲品叫咗我鍾意芝士奶蓋馬騮摵烏龍茶，仲食埋甜品係即製窩夫配北海道5.0牛奶雪糕！呢餐真係食得好癲🥶…查看更多

鼎爺煮食節目大獲好評，節目中經常分享鼎家獨門手法與心得，往往隔著電視的我看到食物也觸不到、聞不到、嚐不到。那日海之戀商場逛街，遠處看到卡通鼎爺嘜頭的光亮霓虹燈，隨即想起鼎爺節目中烹調的美食，便進內試試餐廳光亮開陽，座位闊落舒適，枱與枱之間有足夠空間走動，每枱亦整齊放好餐牌與餐具，整體感覺企理整潔，霓虹燈裝置更由餐廳外伸延至餐廳內，不但砌出特色金句，抬頭還看到用霓虹燈砌出的餐廳名字與圖案，簡約帶點活力餐廳主售燒味菜式，但咋看餐牌的燒味配搭與製法，卻一改傳統對「燒味飯」的刻板飯盒印象，充滿好奇心的友人與我必點試試，除了燒味外，還提供其他中式食品，例如燉湯及點心小吃。出奇地在一堆傳統美食中，發現了現時流行的甜品及特色飲品，不知燒味配特飲，再上甜品會是怎麼樣的味道體會？那麼新奇的舌尖旅程，我想鼎爺應該是個開通的老人家將貴妃雞手撕成雞肉絲，與蘿蔔絲、青瓜絲及出前一丁撈均，雞肉成絲後仍嚐到其嫩滑質感，雞絲連皮更能帶出雞汁雞油香。靈魂之一的醬汁油份剛好，足夠令麵條甚至所有食材順滑易入口之餘不覺過於油膩，辣度屬中等，有愈食愈辣趨勢，若蒜味再可突出點會更惹味，麵條屬偏硬企身，爽口度與瓜絲相約，口感完全無違和，愛吃淋身麵的我第一次愛上爽口麵條四寶飯包括燒肉、叉燒、燒鵝及溫泉蛋。燒肉肉嫩，肥膏比例較肉少，而且較傳統燒肉減鹹，吃起來更輕型暢快，叉燒選用梅頭肉質嫩腍，有豬肉香同時蜜汁甜度剛好，不會有表皮燒焦情況與燶邊味，而燒鵝屬瘦鵝，所以口感較乾身，但無阻鵝肉嫩滑，同樣鵝味香濃，白飯則較預期中乾身偏硬，淋上溫泉蛋有助中和其乾涸口感，由傳統配咸蛋改為溫泉蛋，對整個燒味飯來得更有幫助，若燒味放於白飯上，讓燒物肉汁精華滲透飯中更滋味以上兩款燒味餸菜套餐，均附送沙律及飲品，燒味配沙津看似風馬牛不相及，但事實上清新沙律可解去燒味的油膩感。飲品選了近來流行的芝士奶蓋茗茶系列，田園芳香茶底帶有一陣茶甘香而不澀，但用吸管便會將茶與奶蓋分開品嚐，最後我還是一直用杯飲下，把兩者一併品嚐，結果茶與芝士奶蓋亦尚算不違和玩味十足的「燒」鵝髀確實要自己燒，從鵝髀滴出的油份令火勢愈來愈猛烈，鵝髀愈燒愈香，燒至自己喜愛的程度後，服務員隨即主動上前收回火爐，及安排鵝髀切件燒鵝髀太過癮關係燒得有點過頭😂，但無阻它的好味指數！原來此鵝髀不同四寶飯中的彼鵝髀，肥膏比例較多，燒後油份溶解令鵝髀更香，入口更滑溜，而鵝髀肉亦較鬆散，每口都可大快朵頤咬撕，鵝皮燒後亦十分脆口，一咬即斷如薯片不誇張。燒鵝髀附上芥末與柑橘醬，柑橘醬味道甜，內有少許橘皮，沾上鵝髀後覺得有點膩，若味道更帶少酸反而會更開胃解膩，但其實燒鵝髀的惹味道不用沾醬汁也滿足不而吃過燒味後，當然品嚐埋甜品才算完成整個新奇舌尖之旅。吐司實物比起餐牌中的圖片來得更金黃色更吸引，溫度屬微暖，能炕至外表內軟，內裡有三分二還吸滿著牛油，增加不少吐司的濕潤及惹味度，沾上附送的雪糕口感更滑溜，略嫌雪糕牛奶味不足，味道如淡忌廉的雪糕—整體評語：味道-整體燒味較傳統製法減鹹，而且選用質素較佳的燒味肉，一改燒味飯盒中燒味粗糙的質感，加上沙律的襯托，完全推翻了品嚐燒味過後鹹且油膩的感覺，整體較傳統燒味來得輕型.服務-服務員不時留意客人需要，揚手示意便隨即趕上。上菜速度頗快，餸菜一道接一道，不會有等待食物呈上的時刻，各服務員也殷勤有禮，有禮地提醒談天忘形的我倆餐廳即將關門，我們也趕快離場，免得阻人收工😂.衛生-所有餐具與用具也乾淨企理，沒有任何食物殘渣或崩壞.環境-餐廳佈局開陽，枱與枱之間闊落方便走動，當晚人流不多，環境寧靜舒適.抵食-抵食指數尚可，由於大眾對燒味有既定價錢，所以價錢較日常「燒味飯」來得昂貴，但餐廳選用之食材質素較佳、烹調手法新穎、配搭帶出中和與平衡，個人認為是物超所值，更體驗到燒味飯再不是頹飯的哲理…查看更多

今天在荃灣西的海之戀買東西，就腳來了這家鼎家喜筷吃晚餐。環境有別一般的燒味店，裝潢有花心思，有不少有特色的佈置，富空間感。餐牌選擇十分之多，有各式燒味、小食、主食、甜品、特飲等，當中有不少特色菜，主食已經有一客跟餐沙律和飲品。跟餐沙律新鮮沙律菜配上特製的沙律醬汁，輕怡開胃。火焰原隻燒鵝髀先來一隻招牌的原隻燒鵝髀，上枱時以明火炙燒，將鵝脾的脂香進一步燒香，鵝肉甘而不膩，鵝肉嫩滑，鵝皮香脆而味道豐厚濃郁，輕蘸特製柑橘醬汁，特別醇厚和味，吃來有齒頰留香之妙。招牌溫泉蛋四寶飯點了一客燒味四寶飯試試水準，燒腩仔表皮甘脆酥化，肥瘦相間的腩肉酥香腴美，芳縈齒頰，半肥瘦叉燒是一絕，肉汁豐盈，甘腴可口，特別一提溫泉蛋滑溜澄黃，亦呈半生熟，亦富蛋香，拌飯一流。涼拌麻辣蒜香手撕貴妃雞撈丁天氣熱正好來一個惹味的涼拌，醬料香辣濃郁，麻中帶辣，一嚐雞絲，辣得舌尖發麻，味道令人上癮，更加入不同的配料增添食趣。玫瑰泡沫奶茶/芝士馬騮搣烏龍叫了兩款特飲，玫瑰泡沫奶茶純粹天然花香，而芝士馬騮搣烏龍真材實料製作，能品嚐到茶香及香濃芝士奶味，十分不錯。脆香蜜糖吐司最後來一客蜜糖吐司作為甜品，份量驚人，最好三至四人分用，蜜糖吐司烤得外層香脆，而內裡軟綿鬆軟，口味香甜，加上北海道5.0牛奶雪糕，實在太滿足。…查看更多

呢間餐廳真係好鬼搞笑有特別，將個天花燈整成鼎鼎大名logo，食食下野抬起個頭先知道原來上面咁有特色。搞鬼嘅除咗有裝修之外，菜式都非常搞鬼。火焰原隻燒鵝髀，成個爐擺上檯，明火快手反幾反燒幾燒，聞到燒鵝香味，見到鵝油滴下滴下，攪掂。唔添加色素，用鮮果的天然香味滲入鵝肉，醬汁中鮮橙製成，天然得來皮脆又香，沾上醬汁口腔嘅鮮甜味比平時冇咁油膩。套餐有沙律同嘢飲，特飲加$28但係好抵，點解？因為佢嘅特飲真係非常特別，好似熱薄荷檸檬葉豆花，成個茶set上檯，明火保持溫度，顏色靚唔再講，味道酸酸地加少少蜜糖少少甜我自己就好鍾意。唔少得而家非常普遍有好受歡迎嘅台式飲品，烏龍芝士奶蓋，面頭係非常香濃奶味嘅奶蓋，繼而入口嘅係烏龍茶，都唔錯～涼拌火山燻蹄海蜇撈丁，係微辣嘅撈丁，燻蹄切絲、涼拌海蜇、青瓜絲籮蔔絲，仲有隻溫泉蛋鋪面，遠勝一般撈丁賣相，口感保留丁麵嘅彈牙，熟度軟淋度亦剛好。好招積呀！用刀叉先食到呢個原條燒腩飯。刀切落去脆開嘅聲音好治癒，仲好香燒肉味，咸咸地半肥瘦燒腩伴飯剛剛好，高質！最最最最最驚喜係呢度嘅甜品，脆香蜜糖吐司配北海道牛奶5.0雪糕，超厚嘅吐司又香脆又鬆軟，新鮮蜜糖融入吐司，雪糕更加不得了，非常之豐富口感，一冷一熱入口下次幫襯絕對係要encore！…查看更多

得知鼎爺在荃灣開左間燒味中式餐館，特意要前去一試，看看這間鼎爺出品的「鼎家喜筷」是否真的很有質素。相信大家都知道李家鼎拍戲好看，打功夫又強，煮菜都不是等閒之輩，但他的背景經歷又是否人人所知？鼎爺的故事真的令人獲益良多。「八歲那年，父親便跟我說，一定要學識煮飯照顧自己！」，鼎爺在一個訪問中曾透露過。原來李家鼎的父親原為廣州一間大酒樓老闆，鼎爺從小就被他爸爸訓練，叫年少無知的他手執鑊鏟做菜，以便日後有一門搵食技能傍身。至此，好學的他就開始一個人去街市、煲仔飯店，靜悄悄躲在師傅身後偷師，然後晚上回家磨刀，待廚藝「有番咁上下」就做菜給父親試味，只是希望其父「開金口」贊同自己。慢慢地，就為鼎爺成就晚年創高峰的種子。鼎家喜筷十足有鼎爺特色，整間餐館都有鼎爺的嘜頭，就算沒有留意鼎爺有新開餐廳，經過的人都會自然知道是鼎爺出品。既然鼎家喜筷主打港式燒味，那就當然要一試。⦿ 1. 火焰原隻燒鵝髀 正當我們正在想食哪款燒味之時，看到餐牌有這道堂食限定的「火焰原隻燒鵝髀 」，就作實一定要先試這裡的燒鵝髀 。鼎家火焰燒鵝髀的特別之處，在於餐館真的用上一個小火爐，將原隻鵝髀上桌後再次用火焰彈燒，令到鵝髀保持熱度，再用熱火將其鵝油逼出，食落會更加香滑。我自己的食法就是將燒鵝髀放在米飯之上，用於吸收剛才逼出來的鵝油，米飯因而會變得更香。鼎家的燒鵝髀的鵝皮更是燒得出色，入口爽脆又帶鵝香，口內的鵝味不斷回香。⦿ 2. 招牌溫泉蛋四寶飯既然有燒鵝髀，又想嚐嚐鼎家的其他燒味，最好的辦法就是點一份「四寶飯」。招牌四寶飯的材料用上燒鵝、叉燒、燒腩仔及溫泉蛋，一次過可以試下三款燒味。燒鵝剛才介紹過，而另外兩款的燒味亦是不容忽視。每粒叉燒都是肥瘦均衡，而且會將肉邊燒得陣焦，食落脆口而又有豐滿甜蜜味；同樣，燒肉的皮非常脆口，值得一讚的是鼎家在調味醬汁上亦花了不少功夫，平時港式燒肉都是沒有什麼特別的調味醬，所以食落可能會有點乾口，但鼎家就會另外配上西式的芥末醬，點上燒肉後會份外好食。⦿ 3. 涼拌麻辣蒜香手撕貴妃雞撈丁食過燒味之後，就想嚐嚐地道的手撕雞撈丁。一丁的份量非常充足，而且其麻辣蒜香的味道香濃，再以手撕貴妃雞作配料，非常過癮。⦿ 4. 黑芝麻咖啡（熱）食了這些比較濃味的燒味後，最好的解鹹方法就是飲杯特飲。看到餐館有「黑芝麻咖啡」，非常特別，一於嚐嚐。黑芝麻咖啡沖調得有心機，飲落既有咖啡香味，還有非常濃郁的芝麻香氣，還可以食到黑芝麻粒粒，確實足料。⦿ 5. 玫瑰泡沫奶茶 （熱）食燒味，飲奶茶就試得多，但襯一杯特製過的玫瑰泡沫奶茶就第一次試。食過鹹香的燒味後，再飲一杯有玫瑰花香的奶茶，就將口腔帶回甜味。果然，鼎爺出品的不會令人失望。想說一句：鼎！好好食呀。…查看更多