無老鍋

好味指數😋😋😋😋回頭指數 ⭐️⭐️⭐️開心指數🤗🤗🤗餐廳環境裝修都幾靚，較近門口嘅檯比較擠迫，中間嘅位置係一個大廳坐得比較舒適，另外有獨立大檯海景房間。🍴冰淇淋豆腐鍋（$68/每位）湯底用咗雞骨、豬骨、洋蔥、青蔥、薑、蒜頭等淆製，豆腐味濃郁，亦都帶少少清甜，每人有一粒冰淇淋豆腐，煮十分鐘就食得。 另外佢仲有紅湯無老辣鍋湯底， 不過鴛鴦鍋要再另加$88，如果兩個人食，淨係湯底已經要二百幾蚊，又唔算太化算，所以冇叫到！🍴上選牛小排（$368）分量比起想像中多，油花比例平均，輕輕灼一灼已經食得，肉質嫩滑，入口即化。🍴上選海鮮拼盤（$298）有海蝦、珊瑚蚌、桂花蚌、鯛魚片、扇貝， 我自己覺得珊瑚蚌係最好食！🍴綜合丸（$128）有手工蝦丸、手工花枝丸、濃汁牛丸、濃汁貢丸，蝦丸同花枝丸比較彈牙。🍴濃香豆皮（$68/4個）呢個係台灣直送，非常大卷，店員講要煮幾分鐘先得，豆味濃郁。🍴招牌冰鎮烏梅汁（$108）酸酸甜甜好啱打邊爐飲，亦都可以解肉類嘅油膩感。🍴生日特飲 - 免費接近埋單前嘅時間，店員送上一個蛋糕同埋生日特飲，係幾靚嘅～ 搞笑位係，我未試過餐廳送上嘅蛋糕，只係用作影相用，係唔食得嘅😅，特飲用咩做已經趕到飲唔出，因為冇預期佢會咁晏先至送俾我飲，根本就唔夠時間去嗒真個味！🍴水蜜桃沙冰（免費）正常發揮蜂巢豆腐同鴨血係無限添加，索晒湯汁嘅豆腐好好味呢～呢間餐廳嘅食物質素係幾好，但係佢有限時90分鐘，對於打邊爐嚟講真係有啲趕急，每人消費$500+，但就搞到好似食放題咁，冇辦法好好咁享受食物同環境，好似將所有嘅嘢倒落肚一樣，未算係一個好好嘅體驗～☆My IG @tracyloveliving ☆…查看更多

呢一間無老鍋係台灣過江龍 位於尖沙咀同地鐵站🚉只有幾步之隔 地點可以話非常方便 因為我5點幾好早上到去食晚飯原本得幾台客 但去到6點半全場已經爆滿 入到去店員會係斟茶既時候同客人講解餐廳既需知 非常細心茶係好香既檸檬紅茶 配打邊爐勁岩好解膩 枱既2邊都有叉電器📲同叉電線🔋比客人叉電 我覺得呢個設計好好👍🏻♡冰淇淋豆腐白湯鍋 $78位豆腐白湯好香濃 湯底有中藥材既味道 我自己都忍唔住飲左幾碗 店員見我地冇乜湯就幫我地加番原味既湯 如果唔想咁濃 枱上都有清湯比我地自己調節下濃度冰淇淋豆腐好特別 咬落去好有魚味但口感仍然係豆腐好綿滑既口感鴨血同埋麵包豆腐都係任食 店員見我地差唔多食完會主動問我地需唔需要加鴨血同豆腐♡日本黑豚肩肉 $198拎到上黎肉色好粉嫩 食落去亦都合乎預期咁嫩滑 而且呢款肉唔會好多脂肪 食落去都唔怕咁肥啦♡鵝腸 $88鵝腸份量都多 加上廚師洗得好乾淨唔會有肥膏殘留係鵝腸上面 呢樣野都睇得出餐廳想係細節位上都攞分♡濃香豆皮 $68豆皮就好似一條好長既支竹咁 放落個湯到吸收晒個湯既精華超正♡粉條 $48想食澱粉質而又見到推薦菜品有粉條就叫左 放落鍋到好快食得 唔洗煮好耐♡水蜜桃沙冰🍑🍧係last order 之後店員會拎杯水蜜桃沙冰上黎比我地解膩 對於打邊爐咁heavy 既野 有杯沙冰飲下都幾爽…查看更多

幾年前喺台灣食過無老鍋，記得當時早一個月都只係book到晚上9:30 ，就知道有幾受歡迎。難得喺香港開業，我今次預早book咗，可以7:00嚟慢慢食，真係Perfect time。既然係過江龍食肆，當然都要跟足台灣當地嘅規格，都係相對比較特別嘅調味料，同香港嘅火鍋係有點分別。佢嘅湯底只有兩款，就係辣同唔辣，我就當然願意加$88揀個鴛鴦鍋。辣嘅一邊係無老辣香鍋，其實我就覺得唔算辣，不過就真係夠晒香。而另一邊唔辣嘅就係冰淇淋豆腐鍋，呢個嘅藥材味相對就較突出。兩款湯底配佢哋嘅豆腐同鴨血都咁一流。冰淇淋豆腐造型精緻，係用花枝漿、魚漿同豆腐製成，放落鍋裏煮10-15分鐘就食得，朔咗湯入面嘅精華配合Q彈嘅感覺，真係非常有趣。枱上就放咗四支高湯，可以自己隨意加入湯底，亦可要求店員提供原味嘅湯底，真係夠晒貼心嘅服務。食火鍋又點少得牛肉，我哋就揀咗手切封門柳，鍾意佢肉味夠濃，有咬口得嚟又唔會過韌，永遠係我哋嘅首選。兩口子食嘅份量唔多，又想有多啲選擇，所以就揀咗上選海鮮拼盤，擺盤都相當精緻。其中嘅珊瑚蚌同貴妃蚌擺成玫瑰花嘅形態，真係一路食一路賞心悅目。鯛魚片好有情人節套餐嘅感覺😂，另外因為是日冇扇貝，所以就改為帶子，同樣新鮮。另外我哋仲揀咗綜合丸，有齊手工蝦丸、手工花枝丸、濃汁牛丸、濃汁貢丸各2粒，其中我覺得濃汁貢丸最有驚喜，下次一定要encore。平時食港式火鍋，我都好鍾意食響鈴，而呢度就當然要選擇台灣直送嘅濃香豆皮，分別就係呢個可以放落湯鍋慢煮3分鐘都唔會爛，而佢就會朔晒湯底嘅味道，大大件真係令人好滿足。最後店員就會送上無額外收費嘅水蜜桃沙冰，可以解一解剛才刺激味蕾嘅火鍋，原來仲可以要求店員refill，我就當然唔放過。…查看更多

星期六又係休息的日子，今日Lunch去了尖沙咀食台式火鍋。呢間火鍋係台灣的過江龍提供單點火鍋，而鴨血及麵包豆腐就係90分鐘內無限添加。今次係我第二次係香港食無老鍋，而尖沙咀店的空間感，比我第一次到訪的銅鑼灣店更舒適。不太吃辣的我，點了麵包豆腐白湯($68/位)。湯底除了用豬骨及雞骨，仲加了香而不苦的藥材。味道帶少少胡椒的香，配合無限添加的麵包豆腐，把湯底的精華吸收得滿滿的。無限添加的食材還有鴨血，味道完全唔腥，而且口感超滑溜。今次我倆因濃郁的湯底，共encore了3次鴨血豆腐。火鍋少不了配肉肉，餐廳於午市有優惠套餐，$288就有半份牛小排、日本黑豚腩肉/日本黑豚肩肉，再配一份手工瑤柱滑/ 一品蟹滑膏/ 手工蝦滑。只要加多$98就可以要濃香豆皮，及一渣烏梅汁/ 菊花露。牛小排係用了安格斯牛小排，油花比例很好，係濃濃的肉香再帶點油脂的香，食落口感肉質細嫩，一點都唔「鞋」。而豬肉我就揀了來自日本鹿兒島的黑豚肩肉。每塊都成塊豬排咁大塊，而且肉質柔軟。而朋友大推的冰淇淋豆腐($10/粒)，其實係用花枝漿、魚漿、豆腐打成 (即係魚腐)，要煮10-15分鐘先可以享用，出奇地煮咁耐依然超滑溜，食落就好似食疏乎厘般。本身想點響鈴，不過見到台灣直送的濃香豆皮($38)，一於試試。一份有兩段，每一段都同拳頭差唔多大。煮熟就好似響鈴Crossover枝竹，入口不油膩，而且吸了滿滿的湯底。全純牛筋丸($68/4粒)係我認為must try item，入口超級無敵彈牙的口感，無後悔的餘地！食到咁上下，職員送上凍冰冰的水蜜桃沙冰來平衡一下味蕾。整體我都好滿意餐廳的食物、服務，及環境。絶對會再次光顧！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多