蟹仙海鮮蒸氣鍋 (已結業)

元朗西菁街最近又換咗一批新食店，今日就去咗食蒸氣海鮮火鍋。點咗海鮮蒸氣石鍋 (共九款) $298/位🔸越南頂角膏蟹/ 罕有大黃奄蟹 (二選一)🔸日本大元貝/ 紐西蘭蟶子皇 (二選一)🔸澳洲青年龍蝦🔸翡翠九孔鮑魚🔸越南貴妃蚌🔸泰國海中蝦🔸深海龍躉片🔸紐西蘭青口 🔸有機蔬菜籃店員妹妹先將米、南瓜🎃、粟米🌽、排骨🍖放入鍋內，才開始按次序放食物到鍋裡蒸♨️全程都係由專業店員替我哋處理🙇‍♀️，再設定好時間製，計時器⏱响起就有得食囉👏🏻🤩。最值得一讚就係龍蝦🦞同埋頂角膏蟹🦀。名符其實頂角📐膏蟹，蟹膏多到差唔多填滿哂殻入面每一處空隙、非常澎湃🤩，蟹膏香濃而肉質鮮甜。龍蝦超大隻，仲有少少膏添，肉質超彈牙又嫩、又鮮甜。每人有半隻龍蝦，好正！大滿足🥰！原隻鮑魚size都唔細，肉亦非常厚，鮮味十足，勁好味😋龍躉片超鮮味，雖然是薄片但仍有咬口👍🏻廚員服侍周到，蒸完仲幫手分埋上碟，然後仲將海鮮嘅汁倒落粥底到，非常細心💗當食哂所有海鮮再蒸埋菜，店員會幫手加啲菜莆同葱，再滾一滾個粥底。由於所有海鮮既精華都落哂底，就好好食😋最後仲有個木瓜燕窩糖水，燕窩份量不少，口感十足！好完滿嘅一餐😍整體來講成餐飯非常滿意，海鮮係好新鮮、size又大👍🏻洗得好乾淨，好欣賞👍🏻店員服務態度好好，好熱情👍🏻物超所值👏🏻鐘意食海鮮嘅你千其唔好錯過哦😜…查看更多

星期日去朋友屋企玩，約咗一齊食埋晚飯先走，佢哋知我鍾意試新嘢，訂咗千色附近呢間蟹仙。店名有蟹，門口又有隻大蟹，睇嚟此店對自己啲蟹好有自信喎。店內每張枱都有一頂似越南帽嘅蓋，都有啲重量架。我哋叫咗$298一位（星期日加$28），有9款海鮮嘅套餐。店員首先拿來粥底材料，倒入蒸氣鍋內，好多料喎，有南瓜粒、白米、粟米、排骨。然後，海鮮盤來了，有鮑魚、帆立貝、貴妃蚌、青口、龍躉片、海蝦，每種海鮮每人一件。店員幫我哋放埋落鍋蒸，蒸煮時間相同嘅一齊蒸，夠鐘就過來熄火夾俾我哋，好服務👍蒸嘅時間啱啱好，鮑魚鮮甜彈牙又唔韌，正呀！😋帆立貝同海蝦又鮮又爽，好食😁跟住就係蒸2分鐘嘅貴妃蚌同龍躉片，貴妃蚌鮮甜，龍躉片魚味濃郁，好味😋龍蝦要蒸8分鐘，每人有半隻，肉質彈牙美味。跟住到主角出場⋯⋯蟹要蒸10分鐘因為有兩種蟹選擇，而每人有半隻，我哋揀咗每種一隻，咁就可以試勻2種蟹啦！大黃奄同頂角糕蟹啲糕都爆瀉，以前浄係鍾意食黃膏嘅蟹，因為嫌橙膏太硬。今次食呢隻頂角膏蟹就有雙重享受兩種口感，橙膏甘香，黃膏香甜滑溜，超好味大黃奄肉質結實鮮美，膏質軟滑甘香，回味無窮。食完蟹，輪到蔬菜嘞，香甜嘅南瓜同清甜嘅粟米我都喜愛，腍甜嘅娃娃菜都唔抗拒架。食完蒸海鮮同蔬菜，就到匯聚各種精華嘅南瓜豬骨粥，粥已經好綿，好鮮甜，我哋全部食晒，連排骨都一件不留，個個都飽到捧住個肚。四人或以上仲送埋糖水添！係木瓜燕窩糖水喎，夠晒滋潤養顏呀果然名符其實，啲蟹真係好正喎可以再嚟。…查看更多

放假是入屯門探兩老和吃住家飯的指定動作，但今晚唔同，竟然沒有三餸一湯的住家飯，皆因老媽突然有約....其實廿四孝老爸已出了元朗準備買餸下廚，但無謂讓他辛苦啦！他咁有心，我就獎他吃餐好。逛下逛下，被一隻鮮紅的巨蟹吸引了，原來是久違的蒸海鮮，真的已有一段時間沒有吃....門口的巨蟹霸氣十足，亦帶點淘氣，難怪取名「蟹仙」，看來蟹是這店的主打。內裏裝滿平實，掛上幾幅蟹畫和相片，骨子企理。長方形格局，一邊設有幾張四人枱，另一邊是一排長沙發椅配二至四人枱，最入端就有張六人馬蹄形枱，座位不多。已經很久不見了....什麼？同樣採用這頂籐帽鍋蓋，當然還有好拍檔計時器。店員會為客人放入食材和預設蒸製時間，當時間一到便會馬上前來取出已蒸好的食品。除了有單點食材外, 還有四款蒸海鮮套餐，分別是【海鮮蒸氣石碢九款】($298/位)、 【海鮮蒸氣石碢十款】($398/位)、【海鮮蒸氣石碢十三款】($498/位) 和【重量級海鮮蒸氣石碢十三款】($688/位)。最後揀了【海鮮蒸氣石碢九款】($298/位)，除九款海鮮外，還有一籃有機蔬菜和粥底，其實份量都不少呀!******************************在等候各食物上枱時，先準備醬料，樣樣取齊，有醬油、蔥花、生蒜茸和指天椒，款式不算多，但其實未必用得著它，因為我還是喜歡原汁原味。******************************海鮮蒸氣石碢九款（$298/位）究竟有邊九款呢？先上枱有蟹和龍蝦。罕有大黃奄蟹體積中等，需要蒸9分鐘。奄蟹的特點不是多膏，而是肉質鮮甜。唔好睇佢唔大隻，其實啖啖肉，味道極鮮甜爽嫩，正！雖話唔多膏，但也有呀！味道仲好甘香鮮味，一流！澳洲青年龍蝦體積中等，需蒸7分鐘，肉質腍嫩，味道鮮甜，最好味是甘香的龍蝦膏，可惜不多。翡翠九孔鮑魚只蒸3分鐘，已起了內臟方便進食，有咬口兼鮮味。四隻泰國海中蝦蒸了4分鐘，色澤鮮橙，稍稍彈牙，鮮味一般。日本大元貝也是蒸3分鐘，肉厚肥美，好有份量。味道好鮮甜，千萬唔好蘸上醬料，免得奪去鮮味，還要記住飲埋殼中的元貝水，好鮮甜！老爸就將其倒入粥底，好似浪費咗啲！北韓游蚌大大隻，但原來2分鐘就足夠。肉質煙韌，好有嚼勁，今次老爸就沒有錯過殼中的蚌水，他大讚好鮮甜，我都知啦！深海龍躉片只蒸2 分鐘，真係估唔到咁快。潔白的肉質片片分明，口感紮實，但絕不嚡口，最喜歡當然是富有膠質的魚皮，黏滑彈牙，正！竟然紐西蘭青口要5分鐘才蒸熟，真是不能睇外表決定。肉質爽嫩，味道幾鮮，不錯！有機蔬菜籃有粟米、南瓜、娃娃菜和生菜，前三者都要蒸5分鐘，而生菜就只需2分鐘，時間岩岩岩好。粟米很爽甜，南瓜就粉綿甜美，兩者都討我喜歡。生菜翠綠清爽，但娃娃花就....有點苦澀，美中不足。******************************是時候品嚐全晚的精華，就是一早放在石鍋中的南瓜排骨粥，店員加些菜甫和蔥花，再拌一拌，覺得它不夠綿，再煲多一會，真細心。粥底好綿滑，杰身飽肚，加上有眾海鮮的精華、南瓜的甜美、菜甫的鹹香，美味得很。最值得一讚是排骨，不但鮮香腍嫩，仲經醃過，味道鹹鮮，用心之作，連平時少吃排骨的我也忍不住一件接一件。其實已經很飽，但實在太好吃，忍不住再來一碗。******************************最後還有糖水奉送，今晚竟是女人恩物燕窩木瓜糖水。燕窩的份量都唔少，絕不欺場，味道甜美滋潤，不錯！------------------------------九款海鮮款款鮮味，特別是大黃奄蟹，教人回味。唔止呀！連嗰粥底都好鮮味，真係仙（鮮）味十足。…查看更多

天氣報告話今日又突然轉涼，得十幾度咋！好彩我一早bk左枱，同朋友過元朗食粥底蒸氣火鍋。餐廳係千色後面，季季紅酒樓同元氣壽司之間，門口有好大隻會發光既蟹做招牌，見到d auntie好興奮咁拍照留念，哈哈。menu方面，呢度有$298-$688/位，我地2個都揀左$298餐，有8款海鮮同有機蔬菜，仲有個粥添。首先侍應會黎set左個粥底先，有豬骨、南瓜同米粒，咁我地就開始蒸海鮮啦，呢度有侍應姐姐全程幫手蒸既，唔洗自己落手架。Round 1 : 泰國海中蝦、翡翠九孔鮑魚、日本大元貝泰國海中蝦每人有2隻，肉質結實，蝦頭略帶蝦膏，食落爽口蝦味濃！翡翠九孔鮑魚肉質新鮮好有彈性，上枱既時候已經處理好哂，清走哂d內臟，岩哂懶到出汁又唔想整污糟手既我地。日本大元貝同出面唔同，冇落蒜蓉同粉絲，充分保留左帶子既鮮味。Round 2 : 澳洲青年龍蝦澳洲青年龍蝦一黎到真係嚇左跳，無諗過呢個價錢會有咁大隻龍蝦，岩岩上枱d龍蝦腳仲郁架，非常新鮮。龍蝦肉質彈牙爽口，用筷子輕輕一夾，就夾到成條肉，非常易食。Round 3 : 越南頂角膏蟹越南頂角膏蟹蟹肉鮮甜呢d就必然嘅事，但蟹膏可以咁多就認真難得，蟹膏味非常濃郁，啖啖都食到膏，真係食膏都食到好滿足！Round 4 : 越南貴妃蚌 深海龍躉片 紐西蘭青口越南貴妃蚌同紐西蘭青口，我會認為係做出應有水準，有新鮮海鮮個陣咸水嘅鮮味，食落唔會老，肉質嫩身易咬。深海龍躉片，係出面叫蒸魚都無可能食到咁滑身！魚嘅熟度非常岩火候，鮮嫩得黎又唔會老。Round 5 : 有機蔬菜籃有機蔬菜籃果然係有機菜啊，鮮甜有菜味，正！豬骨南瓜粥黎到壓軸好戲，就係個粥啦！粥本身已吸收左之前海鮮嘅精華，可以話全晚精華所在！粥底煲得非常綿，細緻軟滑，從粥底顏色都可以睇到有幾濃郁，可以加埋菜甫同蔥花一齊食，呢個粥係用時間去換來嘅美好。椰汁燉官燕最後仲有個椰汁燉官燕，為呢餐畫上完美句號。好彩有bk位咋，成晚都坐無虛席，人氣好高啊！…查看更多

開始踏入秋天，但又未想打邊爐住，一於試下千色後面新開既蒸氣火鍋。價錢方便分三個價位，今次就揀左中價$298/位個款，睇上去食材都有好多款。因於無食過海鮮蒸氣石鍋，店員細心咁為我地順次序安排食物到鍋裡蒸，並告知每樣食材大概要煮幾耐，再設定好設時器，唔怕蒸過龍。總括黎講，樣樣食物都好新鮮！物超所值！鐘意食海鮮既你千其唔好錯過。頂角膏蟹同龍蝦較為突出同印象深刻。膏蟹既蟹膏多到差唔多填滿哂殻入面每一處空隙，蟹膏香濃而肉質鮮甜。龍蝦超大隻！龍蝦肉蒸完出黎比想像中多，仲有少少膏添，肉質超彈牙又夠鮮甜。每人有半隻龍蝦，好正！蟶子皇、鮑魚、貴妃蚌同青口依啲貝殻類海鮮，處理得唔錯。全部既清潔都做得好足，預先已經將唔食得既部分去除，食起上黎就可以直接一啖過，大滿足！當食哂所有海鮮再蒸埋菜，就可以叫店員幫手煮一煮個粥底。由於所有海鮮既精華都落哂底，只要再加啲菜莆同芫茜(唔放可同店員講聲)，就好好食。雖然未到超鮮甜，但粥底的確好綿，大概每人有兩碗。最後仲有個糖水做結尾，好完滿既一餐！相信好快就會回頭返黎食😎______________________________【蟹仙新食法之一鍋二食】🔹海鮮蒸氣石鍋&火鍋 (共九款) $298/位🔸越南頂角膏蟹/ 罕有大黃奄蟹 (二選一)🔸日本大元貝/ 紐西蘭蟶子皇 (二選一)🔸韓國慶南蠔/ 紐西蘭青口 (二選一)🔸越南貴妃蚌🔸澳洲青年龍蝦🔸泰國海中蝦🔸深海龍躉頭腩🔸翡翠九孔鮑魚🔸有機蔬菜籃．by VIN環境分數: 7/10食物分數: 9/10…查看更多

朋友今日又帶我去食好西👉🏻蟹仙。 名都霸氣過人，門口水缸放著生猛龍蝦同黃膏肉蟹，老闆娘說是在外國租架漁船落網撈的，如果飼養大的海鮮沒有這麼鮮甜實淨，經營青蟹批發30年！認真有誠意！👍🏻 還介紹最抵食既海鮮套餐只需每人$298元! 🤩 我地當然識揀😏南瓜豬骨粥在底，加上海鮮汁流落，要幾鮮甜有幾鮮甜！澳洲青年龍蝦肉實，黃膏肉蟹清甜，越南貴妃蚌勁多好味海鮮之餘，仲有椰汁官燕燉雪燕！呢度麻雀雖小，但環境幾好，我最中意頭頂個盞蒲公英燈，而且客似雲來，門口仲有好多人等位…查看更多

經過多次 西菁街 見到原來有海鮮蒸鍋 身為海鮮控 特別係鍾意食蟹膏既我梗係要黎試吓⭐️🌈😍😍8點幾食晚飯高峰時間黎到 爆哂場 好彩岩岩有人走 好彩有位 坐低後，職員同我哋介紹有2款海鮮餐而佢哋嘅海鮮全部都係新鮮即日空運到舖頭職員勁推298/位 既 《極上蒸氣石鍋 》越南頂角膏蟹、澳洲青年龍蝦、澳洲青口、紐西蘭蟶子皇、越南貴妃蚌、深海龍躉片、翡翠九孔鮑魚、 泰國海中蝦、蔬菜籃於是我哋諗都唔諗 就簡呢個啦落左order 之後職員就比左調味架我哋自行調配醬汁係牆身好細心咁貼上每樣海鮮要蒸嘅時間好專心咁睇緊嘅時候， 職員同我講原來佢哋係會幫我地計時⌛️同放海鮮去蒸送上餐前小食 脆卜卜既炸魚皮食落勁有驚喜 不過小妹建議大家可以留少少魚皮，係最後食完海鮮餐食個粥既時候，將魚皮點粥食，好好好食架！好啦好啦 海鮮等左一陣就送到我地枱面先落個粥底勁多南瓜 排骨亦都啖啖肉 加埋海鮮留落去嘅鮮味一定好甜澳洲青年龍蝦已經放咗落去蒸 影唔切全家副📣澳洲青年龍蝦 多膏鮮甜肉嫩每人半隻越南頂角膏蟹見到啲相都知道爆曬膏，啲膏多到瀉啲膏仲有兩款顏色會附上蟹鉗俾你輕鬆食蟹每人半隻蟹其他海鮮職員會按佢哋要蒸嘅時間按次序幫我地整好 坐定定等食就得㗎啦澳洲青口青口通常有d怪味但呢度完全冇紐西蘭蟶子皇 好大條 好好味越南貴妃蚌 記得飲埋d汁 超大隻深海龍躉片 滑 有魚味 完全唔使點醬汁翡翠九孔鮑魚爽泰國海中蝦 生猛蔬菜籃同樣新鮮 食晒海鮮之後終於到期待已久嘅南瓜粥集海鮮精華於一身 超濃記得點魚皮落啲南瓜粥道最後⭐甜品仲有椰汁官燕燉雪燕 足料呀⭐啖啖都係雪燕 飽到上心口總結呢間餐廳嘅海鮮全部都好新鮮好大隻，蟹仲要爆曬膏，呢個價錢真係超值，仲有職員幫你調準時間，唔會過熟，貼心服務，坐喺度等食就得！…查看更多