星洲總廚 (大全街)

自己比較少食星馬菜，因為麻麻地喇沙😂不過今日朋友推介呢間餐廳，睇過佢個餐牌，好似都唔錯，咁又來試下啦🤣去到餐廳大概係六點三左右，時間尚早，得幾枱客~餐廳擺設幾東南亞feel，幾舒服，冷氣都好夠😂坐低睇左陣menu，大致都係一人set同多人餐~本身唔太肚餓，諗住叫個一人餐同小食share食，但唔見有得散叫小食🤦‍♀️諗左陣，就叫左🥥滿堂椰漿飯拼盤同🐏小印度咖哩雜菜羊扒配烤餅~🥥滿堂椰漿飯拼盤 ($68)一上枱，賣相幾吸引😳呢個有🐔煎雞扒、🐮咖哩牛腩、🐷燒豬頸肉、🥜魚仔花生，同埋大大隻🍳太陽蛋😍🐔煎雞扒皮脆肉滑，好夠味😋🐮咖哩牛腩唔會好辣，整得幾淋，唔會難咬~🐷燒豬頸肉甜甜地，好好食，幾款 食送 入面最鍾意係佢👍🥜魚仔花生就正正常常，好多東南亞菜都有~🍳太陽蛋係我鍾意嘅脆邊，蛋黃仲可以篤穿撈飯食😍🥥椰漿飯，本身期望不大，點知好有驚喜😳個飯好夠味，又唔會太濕，o岩o岩好😋🐏小印度咖哩雜菜羊扒配烤餅 ($88)一上枱，呆一呆，成碟野好誇張😱即刻望一望幾錢，$88，當場覺得好抵😂羊扒好巨型，啖啖肉，幾有羊羶味😍淡淡孜然香，唔會好似西北烤肉咁重口味👍羊扒唔點咖哩都好夠味😋🥦雜菜咖哩唔會好辣，入面有D🥕甘筍、🥦西蘭花、🥦椰菜花同🥒瓜~🌮烤餅，係印度嘅香蒜烤餅，幾鬆軟，用來點咖哩食，正~飲品方面，叫左☕️馬拉怡保白咖啡 (+ $7)同🍊陳年柑桔話梅水 (+ $3)☕️白咖啡同平時飲嘅凍咖啡唔同，幾特別，可以一試~🍊陳年柑桔話梅水，酸酸鹹鹹，幾好飲 ，好解渴👍最後2位埋單共 $166，冇收加一服務費😏💁‍♀️服務，幾正常，樓面幾有禮貌👍🍴食物，好高質，又抵食👍由入餐廳到走，都keep住有堂食客入來同外賣，證明真係幾高質😏…查看更多

1. 滿堂椰漿飯拼盤 ($68)包括: 脆乳炸雞🐣、小印度咖哩牛腩🐄🐮、爐燒豬頸肉🐷，炸雞扒皮薄香脆，豬頸肉軟腍又有🐷油香，小印度咖哩牛腩都幾香又不會太辣，配上半熟流心煎蛋和香脆花生，非常豐富😋😋，但椰漿飯味道不算太香濃，整體不錯，啱哂咩都想試嘅朋友! 😜2. 招牌厚切8安士咖哩豬扒飯 ($60)8安士豬扒切件上碟，真係厚切!😍，🐷炸得帶點香脆而且保留到肉汁，不會太乾，非常吸引!😋 咖哩可選星加坡咖哩或小印度咖哩👍另外飲品方面，拉茶跟餐+$10，味道不錯👍，白咖啡跟餐+$7，食落幾香，但略嫌比較甜。店內有都有很多特色裝飾，可以不停打卡! 😎…查看更多

經朋友介紹話呢間餐廳好抵食，所以專登嚟到大角咀試吓！午飯時間嚟到，已經見到好多食客等緊位，好彩十分鐘內已經有位店內裝修都唔錯～睇到餐牌其實價值唔太平，但見到份食物就覺得好抵食我叫左滿堂椰漿飯拼盤，另外兩個朋友叫左海南雞飯同招牌8安士後設豬扒飯首先唇彩計油滿堂椰漿飯拼盤有三個餸：南乳炸雞、星加坡咖喱雞同盧燒豬頸肉首先個成份餐好有份量，豬頸肉好冧、又有香茅嘅味道 咖喱雞嘅咖喱就冇乜特別，但係撈埋啲飯都幾好食最後南乳炸雞都幾香同脆口，但我覺得南乳味都係偏淡。不過有窩蛋撈埋啲飯一齊食，真係係好滿足！海南雞飯都好正！除咗份量夠之外雞肉都好滑，油飯好香而且佢仲要幫你去埋骨，懶人至鍾意最後出場嘅招牌厚切豬扒飯配甜豉油香蔥汁！呢個豬扒唔好睇佢好厚以為好硬，但係識落好冧而且有肉汁加埋又甜又鹹嘅醬汁真係冇得輸食完呢餐好滿足仲要$200唔使…查看更多

近排又黎大角咀搵食，撐良心小店😊 本身想試果間台灣野實在係太多人嘅關係，結果就近搵一間良心小店，估唔到有意外驚喜😝😝呢間「星洲總廚」鋪頭唔大，大概都係十張枱左右，但係隔板做得好足，食得安心架!老闆娘介紹我地試下佢厚切咖哩豬扒，話係佢地招牌菜，而我地都仲叫左個"滿堂椰漿飯拼盤"同"豬頸肉喇沙"試一試佢嘅水準🧐🧐首先黎嘅係"滿堂椰漿飯拼盤"其實有咖哩雞同南乳炸雞加埋煎蛋同豬頸肉，真係好足料，不過椰漿飯似油飯多d椰漿味唔太特出，不過不失啦😉😉之後黎嘅係"爐燒豬頸肉喇沙"，一黎到其實喇沙味已經好香，味非常香濃，飲落去蝦味都好出，真心唔錯，基本配料有豆卜，魚蛋，蛋夠哂豐富，豬頸肉係另上仲要勁足料👍👍值得推介而最驚喜就係"厚切咖哩豬扒"，其實佢係炸豬扒，份量足足有8安士，外皮炸到好鬆脆，但係肉質一d都唔老，一咬落去仲好多真係唔講得笑，黎到一定要試下😋😋❗️更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/…查看更多

今日係戶外曬咗大半日，好需要食好野補充返😭記得之前食過呢間外賣質素幾唔錯，今次就試吓堂食～由於打咗電話留枱，一去到已經可以入座叫咗兩個飯(配野飲/ 中湯)招牌厚切8安士咖哩豬扒飯👍👍👍 ($60＋$10轉印度烤餅) 豬扒份量十足，肉質夠嫩仲好juicy，食肉獸必點！(男朋友一路食讚不絕口😆😆)+10蚊轉嘅印度烤餅就得兩塊，略嫌唔夠薄脆同冇乜味咖哩味道都唔錯，香料味同辣度都重啲會更好啦～滿堂椰漿飯拼盤👍($68) 叫呢個飯最主要係貪佢可以試三樣野南乳脆炸雞、小印度咖哩牛腩、同燒豬頸肉個人覺得豬頸肉最出色！外皮香脆，唔乾身，入味反而南乳雞就一般中形酒樓味道，牛腩就有D硬最驚喜係椰漿飯～充滿椰香味，粒粒分明冷馬拉三色奶茶(跟餐加$10)👍👍(由頂至底層)紅茶＞黑白淡奶＞椰糖好有風味～好有層次感，茶味唔算好濃，絕對值得一試怕甜可以叫少椰糖總括嚟講呢間小店真係好抵食🥰🥰埋單都唔洗百五蚊～服務態度都好好值得一讚👏🏻👏🏻👏🏻例如放低杯野飲果時，會突登提我地唔好放係枱同枱中間因為一kick就好易倒瀉 (隔離枱真係咁岩倒瀉咗) …查看更多

今日友人載 P san 同我一齊黎到大角咀搵食, 本來想食另一間, 但因為疫情關係, 嗰間餐廳只做外賣, 所以轉咗嚟喱間試吓。喺餐廳門口拎飛仔, 等咗大約 15 分鐘就有位, 入去之前, 店員用探熱器幫我地量體溫, 再為我地帶位。 餐廳用屏風隔開每張枱, 枱與枱之間距離亦很寬闊, 坐得一啲都唔迫夾。坐低咗, 我同 P san 每人點咗一個晚餐, 一個馬拉肉骨茶套餐, 一個滿堂椰漿飯拼盤, 一杯紅豆冰同一杯三色奶茶, 我哋仲同友人點咗 8 串串燒同一個咖央多士 share 食。首先嚟嘅係 P san 點嘅三色奶茶, 最頂層係奶茶, 第二層白色係淡奶, 最底嗰層係椰糖, 飲落茶味濃, 可能因為用椰糖關係, 有一種同另外一啲餐廳唔同嘅味道同風味。跟住就到咖央多士, 咖央好香椰香同有少少蛋味, 唔甜, 仲新鮮整起, 熱辣辣, 唔算烘得好脆, 但佢配埋每塊都有一小塊鮮牛油, 更香更好味。到 P san 點嘅滿堂椰漿飯拼盤, 拼盤包括香茅雞肉, 咖哩牛腩同埋燒豬頸肉,  有小小失望嘅係因為無椰漿飯, 所以轉咗油飯。香茅雞肉係炸嘅, 炸得非常香口, 亦有好香香茅味, 雞肉 juicy 又入味; 咖哩牛腩啲咖哩汁亦好香, 有少許香料味, 但無冚咗咖哩同牛腩嘅味, 配合得唔錯; 燒豬頸肉方面比起前兩款遜色少少, 味道是不錯, 帶有少少香茅味, 但燒得有一點乾; 最後, 個油飯好香, 唔太油。因為全部都係肉, 所以食完會好飽。再嚟就係紅豆冰, 喱個比較普通, 同一般茶餐廳差不多, 紅豆軟腍起沙, 亦唔太甜, 但佢個杯嘅形狀幾得意。跟住就到我點亦都期待已久嘅肉骨茶。 我比較鐘意食藥材味 (馬來西亞) 多過胡椒味 (新加坡) 嘅肉骨茶, 喱個肉骨茶無令我失望, 有好重嘅藥材味, 好香, 料亦都多, 但佢啲肉就肥咗啲, 可能因為肥, 所以唔覺得佢煲完湯嘅肉會韌, 佢配埋個菜芯, 就算啲肉肥都令成個餐味道同油膩度更平衡。最後, 係 share 食嘅雞、羊串燒 8 串, 羊有羊味, 但無羶味; 雞就不過不失; 最好味係個沙嗲醬, 甜甜地又有花生喺入面, 好野味。總結, 今次嘅馬來西亞新加坡南洋菜都算唔錯, 最欣賞係肉骨茶, 不過喱個係我嘅偏愛嚟嘅。 另外, 店家喺每張枱都用一個透明有蓋膠筒裝住匙羹, 而筷子亦有一個盒裝住, 需要時先自己攞, 喺喱個疫情期間, 注重衛生, 令人放心用餐。…查看更多