滾得囍宮廷火鍋小炒

太后生日，為咗令佢有帝皇級嘅享受，我就帶咗佢嚟呢間富有宮廷特色嘅滾得囍火鍋小炒。太后見到門口嗰張龍椅已經笑到合唔埋口，影過相後，就入去接聖旨。呢度嘅食物名稱好多都包含咗歷代皇帝嘅寶號，甚有特色。每枱都會放置調味盤，呢個安排非常好，食到一半隨時可以自己添加醬料，非常方便。與此同時，店員亦奉上餐前小食，開一開胃口。呢度嘅湯底選擇繁多，而最特別嘅就係有順治特色卜卜蜆鍋，入面嘅蜆真係鋪滿一整鍋，簡直係有數之不盡嘅蜆，我同太后最後都未能清晒所有卜卜蜆。湯底已經夠晒豐富，所以我哋揀選嘅火鍋配料都主張貴精不貴多。打邊爐當然要食牛肉，我哋就選擇咗本地牛頸脊，雖然係細分，但份量一啲都唔少，牛頸脊肥瘦適中，肉質比較嫩滑，牛味相對就冇咁重，我個人就非常喜歡。然後就揀選咗幾款拼盤，貪佢樣樣有啲，可以試晒唔同味道。滾得囍宮廷拼盤其實係丸類拼盤，入面包括有—🌖手打芝心牛肉丸➡️入面嘅芝士呈半溶狀態，配合鮮製嘅牛肉丸味道匹配。🌗手打紫甘藍豬肉丸➡️個人就認為呢個相對比較遜色，味道唔夠突出。🌕手打黑松露野菌鮮蝦丸➡️真正用蝦滑打成，而且亦帶點點嘅松露香。🌖手打珍珠帶子墨魚丸➡️入面藏有原粒珍珠帶子，口感豐富。🌕手打墨汁墨魚丸➡️咁多粒丸入邊最爽口彈牙，入面仲有粒粒墨魚，呢個一定係必食。然後滾得囍餃子拼盤包括有—🌖和牛芝士一口餃➡️感覺有啲似食緊漢堡包，非常創新。🌖新鮮菜苗帶子餃➡️入面有粒粒帶子，真材實料。🌗韭菜豬肉餃➡️相對地冇太多特色，味道仍然係正常發揮。🌗黑松露野菌餃➡️鍾意食菇菌嘅朋友就絕對唔可以錯過。🌕芋泥豬肉餃➡️係最有驚喜嘅餃子，滑滑嘅芋泥混合少量豬肉，味道出奇地夾，包入餃子皮內好好味。最後當然要食吓蔬菜類啦，滾得囍蔬菜拼盤堆砌得好似一個園藝盆景咁靚，入面都有五六款唔同嘅蔬菜，配合湯底令蔬菜更美味。打邊爐就想叫啲清熱飲品，所以我哋叫咗足料竹蔗茅根，一大渣非常抵飲。最後仲會送甜品，是日糖水係木瓜燉雪耳，非常清潤養顏，啱晒太后品嚐。…查看更多

📍滾得囍宮廷火鍋小炒📮北角馬寶道33號寶馬花園1樓116-125號舖自從兩年前黎食過花膠雞鍋就念念不忘, 決定要再黎呢間高質火鍋店食好西😌.餐廳位於北角, 鄰近港鐵站, 上左地面行1分鐘就到, 非常方便.順治特色卜卜蜆鍋 HKD198呢間火鍋店既湯底名相當有特色, 配合返餐廳既官廷風格, 而今次就揀左店員推介既卜卜蜆鍋🍲餐廳選用左一個好傳統既鍋, 相當吸睛🤩湯底一放低, 我地就被蜆既數量多到嚇親, 目測總共大約有6-70 隻, 卜卜蜆用上沙白, 比起一般既蜆滑身, 而且隻隻都脹卜卜, 鮮甜肥美清酒鮮牛肉 HKD168滾得囍宮廷拼盤·10粒 HKD138桂花蚝/珊瑚蚝雙拼 HKD158油麥菜 HKD42滾得囍宮廷拼盤餐廳招牌宮廷手打丸拼盤總共有5️⃣款丸類, 包括黑松露野菌鮮蝦丸(灰), 珍珠帶子墨魚丸(白), 紫甘藍豬肉丸(紫), 芝心牛肉丸(紅), 墨汁墨魚丸(黑), 每款2粒, 各具特色, 岩晒我地兩個人每款都可以小試牛刀👏🏻猶其推介黑松露野菌鮮蝦丸同埋珍珠帶子墨魚丸, 真材實料, 爽口彈牙, 口感一流😋清酒鮮牛肉牛肉肉質腍身, 油脂分布平均, 帶有輕輕既酒香🍶, 俾人一種新鮮感, 平時食開一般手切牛既朋友可以試下.餐廳宮廷風既設計好IGable, 而且湯底同配料都落足心機, 鐘意fancy style既朋友仔就唔好錯過喇.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨.#nonstopeatingdiaryhotpot #nonstopeatingdiary火鍋 #nonstopeatingdiarynorthpoint#nonstopeatingdiary北角#Callme火鍋之鬼@bigboilsclubyl #滾得囍 #北角 #宮廷火鍋 #火鍋 #晚餐 #打邊爐 #hotpot #hotpothk…查看更多

天氣一涼，各位邊爐精係咪已經紛紛出動！朋友為咗就港島區又夜放工嘅我，佢特登揀咗北角區嘅 #滾得囍宮廷火鍋小炒 ，一去到見到好大張龍椅，加埋深木色裝潢，相當中式。火鍋配料好多，牛、豬、雞、海鮮、蔬菜類等等，種類繁多。桌上有蔥、蒜、辣椒，可自由添加。◽️ 順治特色卜卜蜆鍋 $198火鍋湯底超多選擇，辣與唔辣、海鮮或雞、悉隨尊便，我哋選擇卜卜蜆。上桌先係騰雲駕霧，超打卡！湯底清甜，而且啲蜆食極都有，真係有成40-50粒，仲要粒粒都脹卜卜，爭食！◽️ 御前一品 手切牛肉拼盤 $528上桌視覺好震撼，一客有四款牛肉，包括：澳牛、日本和牛、本地牛、安格斯牛肉，分別牛味濃郁、油脂較香、肉質嫩滑等，份量都唔少，淥一淥就食得。◽️ 海鮮拼盤4人盛 $398海鮮控必點，有齊口感好爽嘅蟶子、爽口彈牙嘅鮮蝦、肉質厚身嘅帶子及鮮甜味美嘅蜆，樣樣都好好味，煮完海鮮之後個湯底仲加添一份海水鮮甜。◽️ 滾得囍宮廷拼盤10粒 $138基於係大人，所以揀個拼盤最適合，有五款共10粒，有黑松露野菌鮮蝦丸、手打珍珠帶子墨魚丸、手打紫甘藍豬肉丸、手打芝心牛肉丸、手打墨汁墨魚丸，我覺得黑松露野菌鮮蝦丸最好食，一咬有散發陣陣黑松露味，而且兩款墨魚丸都好彈牙，推介心多多嘅大家。◽️ 和牛芝士一口餃 $68/半份四粒大大粒，肉味豐富又juicy，仲加咗一份芝士味。▪️ 足料竹蔗茅根 $68好大壺竹蔗茅根，而且唔會太甜，清熱一流，同火鍋相當合拍。要大讚這裡的員工服務同態度好好，仲會好主動加湯、收盤等等，連上足料竹蔗茅根時，都會先倒好三杯，服務大讚！…查看更多

一入座就有店員幫你用熱水清洗餐具 唔洗怕污糟🙆🏼‍♀️ 仲有聖旨介紹佐店舖既特色～特色湯底有10幾款: 花膠雞 麻辣鴨血湯 酸菜魚湯等 每個都用佐唔同古代人物去命名 好有誠意😚 而且每個種類選擇都幾多 仲有象拔蚌同龍蝦🦞刺身😍.▫️順治特色卜卜蜆鍋 $198😋👍🏻：👅👅👅👅/5分一上枱就狂打卡先😍😍😍 好大煙呀feat.充滿古典風既鍋😚 湯底除佐主角卜卜蜆 仲落佐啲葱花辣椒粒蒜粒同蘿蔔調味 所以個湯飲落帶點微辣 唔算超濃味幾清甜 反而個鮮味越熬越出🤤卜卜蜆數量多到嚇人 食極都有 起碼有三十幾粒🤭 食落唔會有沙 幾有𡁻口同夠爽 浸下浸湯先食鮮味更出 再點埋醬料食好快就啪晒😚.▫️鹿兒島日本黑豚肉 $168😋👍🏻：👅👅👅.5/5分 份量幾多同好大一片 厚薄適中 色澤都好粉嫩 油脂感較重 但食落唔會過膩同埋韌 反而偏細嫩😚.▫️和牛芝士一口餃 $68/半份😋👍🏻：👅👅👅.7/5分 有幾款餃子🥟內餡比較特別: 菜苗帶子 蟹粉豚肉 愛牛者當然是選牛😛 同普通餃子既樣貌無異 個皮唔會太厚 一咬就已經有油香味標出黎🤤 芝士同和牛已經溶埋佐一齊 好邪惡同juicy🥺 而且牛味都香濃～.▫️滾得囍宮廷拼盤 $138😋👍🏻：👅👅👅.8/5分 次次都會叫手打丸 今次都唔例外🙈 拼盤有5款 5隻色都唔同 排得好靚😚 每款2粒：珍珠帶子墨魚丸 墨汁墨魚丸 菠菜豬肉丸(成粒都係綠色 但食落菠菜味唔算好重) 芝士牛肉丸 (一咬已經半流心 仲拉埋絲 你話正唔正🤭) 黑松露野菌鮮蝦丸 (黑松露味好出好香濃 食落都爽口) 每款都好足料同夠味 最緊要係夠彈牙 手打丸真的整得幾好食 另外仲有黃金流心鮮蝦丸都好似正🤤.▫️黃金雙拼 $88😋👍🏻：👅👅👅👅👅💛/5分 最邪惡應該係依個!! 全部炸到金黃色 大大件全都是鹹蛋黃🤤🤤 鹹蛋黃味勁重 仲咬到有鹹蛋粒係面🥺 就咁食已經好脆口 浸埋湯既精華食更加邪惡～ 鹹蛋黃真係好正🥺.最後會送上個baileys奶凍做飯後甜品～～baileys味道幾出幾特別 仲有啲朱古力粒做點綴有得咬下😆 奶凍質地都好奶滑 甜度剛好 可以暫時解下膩🙆🏼‍♀️.總結，環境好good good古色古香feel～～ 而且服務態度幾好 會周不時過黎幫你加湯同換碗放蜆殼😚 而且湯底都好真材實料 我地狂飲湯😂 同埋真係勁多蜆係入面😍 其他配料都好足料 手打丸同黃金系列係我既推介😛…查看更多

一入門口已經睇到裝修用咗作宮庭式設計好特別 ，一卷聖旨皇上要點菜首先揀咗湯底芫荽皮蛋湯底，湯底裏面有豆腐，皮蛋同埋勁多芫荽一啖落去清甜可口.❥ ❥ ❥滾得囍宮廷拼盤 $128拼盤係有5種唔同味道嘅手打丸✨芝心牛肉丸 ✨超爽口彈牙裏面包有流心芝士，芝士味不會掩蓋牛肉味，值得一試✨鯪魚肉丸 ✨超彈牙好重魚肉味道✨菠菜豬肉丸 ✨菠菜味重過豬肉味口感偏腍✨黑松露鮮蝦丸✨香濃黑松露配蝦餃丸夠晒彈牙.❥ ❥ ❥本地手切牛肩肉 $248牛肩肉放落湯底垥10秒到牛肉好快熟透，脂肪分布好平均肉質鮮嫩，食到香濃牛肉味.❥ ❥ ❥鹿兒島日本黑豚肉 $148每塊黑豚肉掛住一排賣相非常吸引，豚肉脂肪比較多，肉質嚟講比較爽口，有少少油脂滲透，豚肉味道比較偏淡.❥ ❥ ❥黑松露墨魚滑 $98香濃黑松露慢慢散發出嚟，仲有粒粒墨魚肉係裏面，食落爽彈有嚼勁 :).❥ ❥ ❥鳳尾鮮蝦餃 $88 原隻鮮蝦釀入餃子裏面皮薄肉質好腍，鮮蝦非常新鮮彈牙.❥ ❥ ❥油麥菜 $38 食完咁多肉類點少得要食蔬菜，新鮮油麥菜爽口鮮甜中和番油膩感…查看更多

香港的高質火鍋大行其道，每一家都有自己的色彩，而這次就一嚐宮廷式的火鍋味道。來到餐廳門外，已放置一張皇椅，而且每一枱都放有一道聖旨，感覺置身皇宮。上等的火鍋配料當然唔少得，特別是這裡的火鍋湯底，款式相當多。除了火鍋類，也有大量小菜。順治特色卜卜蜆鍋 $188店員放下特色的鍋，然後有煙冒出，配合龍的圖案非常生動。打開火鍋蓋，海量的卜卜蜆滿佈鍋中，感覺就像卜卜蜆放題，食極都有。而鮮甜的蜆香都帶到鍋中，可以嚐一口蜆湯及先把蜆撈起。大量蘿蔔以為只是配襯，味道卻出乎預料的好，鮮甜香腍。其實卜卜蜆鍋都算十分抵食，基本上把鍋中的卜卜蜆和蘿蔔吃完都已經有一定的飽肚感。清酒鮮牛肉 $148賣相相當吸引，紋理鮮明，而且能將清酒帶到牛肉中，非常特別。滾得囍餃子拼盤 $128這裡的餃子絕對真材實料，除了大隻，更是滿滿的餡料。新鮮菜苗帶子餃 - 新鮮菜苗味道清新。和牛芝士一口餃 - 入口感覺好似吃和牛漢堡一樣。蟹皇豚肉餃 - 充滿蟹香。韭菜豬肉餃 - 咬開就是澎湃的韭菜。黃金沙葛餃 - 沙葛和咸蛋做餡，非常特別的配搭。滾得囍宮廷拼盤 $128包括有手打芝心牛肉丸(牛肉中間爆出溶溶的芝士)，手打珍珠帶子墨魚丸(中間有彈牙的墨魚肉)，手打黑松露野菌鮮蝦丸(黑松露的味道非常突出)，手打鯪魚丸及手打菠菜豬肉丸。唐生菜 $34新鮮清爽，放到卜卜蜆鍋中更見鮮味。喜歡吃火鍋的，絕對不能錯過滾得起！…查看更多

天氣開始暖和，不過，都無阻打鞭爐嘅興緻。早前，同朋友到訪北角嘅「滾得喜」，就喺食友嘅推介之一，餐廳就晌地鐵站之上，幾易搵，但其所處嘅商場，就較街坊啲，人流少，比較靜。題外話，餐廳嘅英文名叫「Big Boils Club」，唔知靈感來源喺唔喺嚟自電視節目「Big Boy Club」，總之，今晚就做一晚大滾友！不過，走進餐廳內，裝修卻好骨子。近門口嘅一張龍椅，夠氣派吧！但相信會坐落去影相嘅人唔會太多，怕被人話浮誇啩。而裡面以沉色中式木系傢俱為主，配以雕花屏風及吊燈，帶出中式嘅古雅味，更有種穿越時空返到以前嘅皇帝年代。就連枱上嘅碗筷、匙羹……等等餐具都好精緻。點解咁講？枱上一道「聖旨」，絕對喺搞鬼之作，打開睇睇，裡面就無皇帝詔曰。不過，就有好多關於餐廳相聯嘅事。此外，枱上嘅擺設亦講究，除一道聖旨，醬油壺都好特別。坐落，送上兩個木架，一個喺打鞭爐必定出現嘅醬料架，4個小罌分別喺辣椒、芫荽、蒜蓉及蔥花，宮廷醬介收$28位架，就晌點菜紙底下有溫馨提示，不過，幾易走漏眼。另一個架喺啲冷盤前菜，分別有花椒土豆絲、鹹脆花生、手指青瓜粒及鹹酸菜，樣樣食落都叫人幾開胃，但睇番張單，又無話有收過錢喎，就當上面嗰28蚊計埋啦。既然餐廳定位火鍋小炒，當然兩樣嘢都有，先介紹吓火鍋呢邊先。一大張點菜紙，有乜嘢食就一眼睇晒。啲湯底又康熙、又祟德……都喺卓頭嘢，但確實款式又幾特別，而火鍋料都以精為主，好似丸類、魚滑都喺自家手打，餃類更即叫即包，牛肉又有嚟自唔同嘅地方，夠誠意:)。而另一張就講小炒，同樣貴精不貴多，此外，打鞭爐就唔少得凍飲供應，汽水、啤酒就唔在講，多款自家製嘅羅漢果菊花茶、洛神花茶……，以及近年非常流行嘅手工啤，一樣有得揀。枱上嘅推廣牌仔，幾款指定生啤，更有買二送一優惠，可惜，我哋唔好酒。竹蔗茅根 $58反而，健康嘅竹蔗茅根啱我哋啲，睇見裡面嘅竹蔗、茅根、甘筍、馬蹄就名副其實嘅足料，入口清潤而少甜，邊食邊飲，喺打鞭爐嘅好朋友。慈禧藥膳麻油雞鍋 $238仲喺凍凍哋，整個藥膳雞鍋補補就最好不過。呢個雞鍋好花巧，先見上枱喺一大鍋麻油雞，真喺一大隻鮮雞浸住麻油，燒熱一陣，麻油嘅香氣四散，再灑下燒酒，立時惹來火光熊熊，夠晒搶鏡，又引發陣陣酒香，不過，觀賞性高還高，啲油彈到周圍都喺:(，勁高鐵板燒，朋友嘅袋都中招，餐廳真喺要諗諗方法解決吓，或者俾啲大大張嘅餐紙等客人可以擋一擋。最後，倒入大量藥膳湯底，但唔會太重葯味，點到即止，滾番起就成事。話時話，啲雞件口感非常滑溜，就算食到尾，啲雞肉都喺咁嫩滑，唔嚡口。不過，湯底就唔喺好敢飲，因為表面泛起一層芝麻油。清酒鮮牛肉 $148因為個湯底已有成隻雞之多，所以，肉類就只點一款較特別嘅清酒鮮牛肉。佢哋晌擺盤上花咗唔少心思，都會擺得靚靚登場。而呢碟鮮牛肉，更加入乾冰效果，散出絲絲白煙，甚有意境。齋睇啲牛肉，色澤紅潤，唔會暗暗啞啞，油花又足，輕灼十數秘，肉質口感柔嫩，卻唔會太重油脂，又帶微微酒香，大家一致都認為好食。滾得囍宮廷拼盤 $128睇見份拼盤，就知喺手打貨色，唔喺普通雪藏嘢，所以，點都要逐款丸嚟評吓嘅。一客10粒，共5款丸，包括：手打黑松露野菌鮮蝦丸、手打珍珠帶子墨魚丸、手打波菜豬肉丸、手打芝心牛肉丸及手打鯪魚丸，因為各有個性，一眼就好易認出邊款丸打邊款丸。手打黑松露野菌鮮蝦丸鮮蝦丸打得好爽口，既有蝦鮮味，亦有松露香，更混有少少蝦肉，絕對喺誠意之作。手打珍珠帶子墨魚丸墨魚丸一向就無蝦丸或牛丸般爽彈，但甚富墨魚味，雖然無刻意影，裡面堅有啲迷你帶子粒粒。手打波菜豬肉丸青綠色嘅外觀，唔使多講就知喺波菜豬肉丸，不過，波菜味就唔會好似食菠菜咁出，而肉丸嘅口感不俗。手打芝心牛肉丸牛肉丸唔單止口感爽彈，肉味特別濃郁，咬開流出軟軟嘅芝士，靚料加手打，無得點輸囉。手打鯪魚丸鯪魚丸本身就已經爽口而緊緻，又好有鯪魚味，混入蔥花、蝦米，就更加好食。滾得囍五色拼盤 $68「五色」就梗喺諗住5款啦，其實點菜紙都喺寫5款，包括：蓮藕片、冬瓜片、鮮淮山、南瓜片、薯仔片，不過，眼前嘅拼盤就多咗款蒿筍。蓮藕片、鮮淮山、南瓜片呢幾款喺小弟最心水，其實，有乜嘢菜食都無所謂，因為打鞭爐一向多肉，有菜嚟平衡吓就OK。「滾得囍」明顯喺走中上路線，食材用料都較精，代價就喺消費會高啲；除咗彈油嘅問題，整體招呼真喺唔錯，店員幾好禮貌。…查看更多

《滾得囍》店內都以中國風格為主康熙花膠雞湯鍋 $388/一隻同行有4位友人，所以叫咗一隻，加上其他火鍋料其實半隻都夠。花膠份量係多但普通貨色，口感似食緊豬皮。湯底可先飲用，略嫌唔夠濃郁。（沒相片）🌶順治特色卜卜蜆鍋 $168 辣鍋底愈滾愈辣係幾惹味，可惜啲蜆六成有沙扣哂分 。手切頂級安格斯牛肉 $338油脂分佈一般，快滾3-4秒就食得。滾得囍宮廷拼盤 $118黃金炸響鈴 $68即叫即炸！新鮮滾熱辣！香脆嘅響鈴再淋上咸蛋黃汁都能保持其脆度，而且炸得好香脆。薄薄一層咸蛋黃汁已經滿口留香。推介！黃金炸魚皮 $68同樣都係黃金系列嘅炸魚皮，大家都係新鮮即炸但比起響鈴就有啲遜色。魚皮唔夠鬆脆加上咸蛋黃汁 70分啦。個人認為可以單點黃金響鈴。日本廣島蠔 $88無特別肥美遍細隻。雞脾菇$32竹笙 $58黑木耳$30多人座位的話係椅背靠椅背，雖然中間看似有擋隔，實際當你I 去後面同時後方又I 落黎係會撞到  ，椅背唔係堅挺實淨果種，係薄薄地可搖晃到  。正宗背脊骨落食得都唔舒服啦 ，設計有待改善。…查看更多

香港人喜歡「打邊爐」，所以火鍋店越開越多。從前只在冬季才旺場的火鍋店，如今在炎夏也有捧場客。今次造訪的火鍋店「滾得囍宮廷火鍋小炒」，最大特色在於其復古的宮廷裝潢。近門口位置設有一張龍椅，食客可隨意試坐打咭。店內以灰磚作牆，雕花木架作間格。一排整齊排列的木餐枱，配上古雅的木椅。最後在椅面放上大紅椅墊，帶來「囍」氣洋洋的氣氛。 在每枱的枱面，早已留下一道「聖旨」，方便大家「行事 (點菜)」。 説時遲那時快，我們的精選「康熙花膠雞湯鍋」已經備妥。湯鍋的設計同樣經過考究，甚有宮廷風味。另外，店員在出菜前先在湯鍋氣孔放入乾冰，營造輕煙四溢的視覺效果。 打開鍋蓋即見泛黃的雞湯... 奇怪... 花膠與鮮雞在那裏？！原來，湯料會分開送上，花膠選材厚身，份量極多，膠質感重；鮮雞早已被浸煮至七八成熟，吃前只需放湯多煮兩分鐘即成。相比花膠，小編覺得鮮雞更為出色，除了雞味鮮濃外，肉質亦十分細嫩。 在大量優質湯料的投放下，當然能做出一份美味的雞湯湯頭，小編不自覺也喝了兩碗，讚！ 先試海鮮生料，「澳洲帶子片」淡而無味，屬全晚唯一失準之作。 「魚肚」屬餐廳推介，雖然淥煮後與花膠有點相像，但食感完全不同，花膠黏口富骨膠原；魚肚則帶來爽彈享受。牛肉生料一向屬火鍋的重點美食之一，要一次過試勻不同款式，這客「滾手切牛肉宮廷拼盤」實在不容錯過。這個拼盤同時含有手切澳洲 M8 和牛、手切頂級安格斯牛肉、本地牛頸脊、牛舌、牛𦟌、牛胸油等，牛肉款式豐富。要數最濃味之選，應該是「本地牛頸脊」，味道既鮮濃，又富嚼勁。「手切澳洲 M8 和牛」亦屬不錯的選擇。M8 屬澳洲和牛的中上評級，雪花含量適中，能在肉味及甘香兩者取得平衡。 「手切頂級安格斯牛肉」也可口，但與本地牛頸脊比較肉味會輕一點；與和牛比較則軟嫩感稍遜一籌。同樣是頂級安格斯牛肉，薄片與厚切的安排能帶來不同的食感。小編較欣賞厚切牛肉粒，因為肉汁較多及肉味更濃。 「牛舌」向來不為小編所好，淺嚐了一件，口感沒預期中彈爽。「牛胸油」是甚少見的牛肉部份，是牛肋骨上一塊筋膜類的肌肉。雖然特別，但質感很韌，不懂欣賞。 要試一間火鍋店的烹調功夫，除湯底外，也可以參考一眾手打丸物的出品。這客「滾得囍宮廷拼盤」內含黑松露野菌鮮蝦丸、珍珠帶子墨魚丸、菠菜豬肉丸、手打芝心牛丸，以及手打鯪魚球五款丸物各兩粒，二人共享剛好。整體而言，各丸物的質素理想，亦富特色。黑松露野菌鮮蝦丸洋溢芳香的黑松露香氣。珍珠帶子墨魚丸既彈牙，內裡果真包著一小粒清甜的珍珠帶子。因含菜蓉的關係，菠菜豬肉丸的口感相對軟身，味道予人新鮮感。手打芝心牛丸及手打鯪魚球調味俱佳，充滿彈性。來到菜蔬豆品環節，「滾得囍蔬菜拼盤」的份量同樣能滿足二人需要。各綠葉菜普遍清甜，粟米更是當造甜美得過份。「鮮腐竹」豆香穩實，亦屬佳作。 要數全晚最邪惡的作品，必然是「黃金響鈴」，別無他選。在鬆化香脆的響鈴面上，外掛一層鹹蛋黃，絕對搶味。平日的響鈴可放湯輕炙三兩秒，這款響鈴則不建議這樣做，因會導致湯底過於油膩。 「滾得囍宮廷火鍋小炒」以宮廷裝潢作包裝，為食客帶來一系列新鮮可口的火鍋食材。由花膠雞湯底，到牛肉拼盤，以至手打丸物同樣出色，喜歡火鍋的朋友值得試試！ …查看更多

前排系係Fb見到北角馬寶道依家〈滾得囍宮廷火鍋小炒〉俾幾個page都極力推介，所以今日就和三位朋友一齊來一試虛實馬寶學林這個商場名大家可能會比較陌生，但其實只要出咗港鐵北角站A2出口後向左邊行幾分鐘就到。入到去果然係古式宮廷的裝修風格，再加上餐廳播放著中式古典音樂，真的有一刻以為自己在宮廷中用膳呢入座後便看見檯面有張〈聖旨〉，嚇死人咩。還未正式點菜就看見可以like他們的Fb專頁就可以免費送洛神花茶，當然第一時間個個都like，唔好執輸。雖然話係送的，但淨係睇顏色都知幾濃味而且雪得夠冰凍，酸酸甜甜的真的非常開胃。侍應大哥說他們的〈麻辣卜卜蜆鍋〉最受歡迎，所以我們就決定點這個做湯底。個鍋一送過嚟嘅時候即刻被嚇親，心裏浮起兩個字：霸！氣！人手雕刻而成嘅青龍鍋爐又大又厚實，承載著麻香撲鼻的麻辣卜卜蜆登場。忍不住用匙羹（筆）一啖湯試試，哇！！好辣！！差啲噴出嚟同行比較能吃辣的朋友味道剛好，但是BB班的本宮還是強行先把湯中的辣椒全部夾起來，否則應該會越滾越辣，所以奉勸各位不能吃辣的朋友不要勇闖這個湯底。把辣椒夾起後再試卜卜蜆，大蜆爽口無沙，而且份量都不小，好像吃極都吃不完終於把所有大蜆吃完後試試是這個〈鹿兒島日本黑豚肉〉。黑豚肉片精緻的用架子盛起才奉上，配合著那碗小小的乾冰，登場時煙霧彌漫，仙氣爆燈。焯好的黑豚肉片口感爽快，肉質結實，豚肉味濃，有姿勢得來有實際〈黑松露墨魚滑〉帶著超濃郁的黑松露香氣，令到爽口彈牙的墨魚滑錦上添花。這個可說是本宮全晚最喜歡的食物。貪心的我們五款手打丸都想試，所以便點了宮廷拼盤。當中芝心牛肉丸最得本宮歡心，牛味甚濃的牛肉丸咬開後芝士會順勢爆出，大家吃的時候要小心喔和牛芝士一口餃亦是本宮喜歡的食物之一。一口餃的皮很薄，濃郁的芝士均勻地融入牛肉餡之中，味道超match本身很喜歡吃萵筍的本宮來到這裡當然要點啦，果然冇令本宮失望。萵筍非常新鮮，幼嫩無渣，28元有咁多片非常抵吃最後一個必定推介的是日本稻庭烏冬，別笑本宮沒有大志，有如此好吃的湯底當然要煮個粉麵才不會浪費啦。烏冬爽滑彈牙，仿佛把整個麻辣湯的精華都索滿在當中，辣得來過癮，非常滿足另外計埋朋友們點的，手切牛肉，鮮腐竹，鴨血，和鮮竹浸菜苗，竹料竹蔗茅根水後再加上醬料費及加一服務費後每人衹是300多元結賬，比我想像中抵很多呢。走的時候才見到這個〈鰵魚肚花膠雞湯底〉的推介，一於下次帶埋屋企人一齊來再戰…查看更多

早排媽咪黎過呢間餐廳打邊爐後返黎讚口不絕, 今晚終於有機會相約同事們黎呢度一試!呢度既裝修擺設都以"宮廷"做主題, 別具中古代氣氛。檯面上面有一"聖旨", 入面介紹了花膠益處。呢度既湯底款式超過十款, 而且每款都係特色湯底, 最受女仕歡迎, 必定係花膠雞湯鍋!點菜後, 侍應先送上醬油比我地自行混醬 (每位茶芥+醬油為HK$20)很快地, 湯底、火鍋食材都已經上檯了。【康熙花膠雞湯鍋 (半隻雞)】HK$288金黃色雞湯跟配料分開放, 先飲一啖湯試試, 嘩!!! 味道濃郁而且鮮甜, 略帶點膠質, 少少黏口。呢個湯底有半隻雞同一隻雞既價錢, 我地Order左半隻雞, 份量都幾多。雞色澤鮮嫩, 不會肥膩, 雞肉已預先熟左8成左右, 稍為放入湯底滾一下就可以食得。至於更大既驚喜就係花膠, 一夾起, 花膠size大過一個小朋友既面!!花膠有點厚度, 而且略帶點膠質, 就連湯底都真材實料, 值得一讚!【滾手切牛肉宮廷拼盤】HK$488打邊爐點可以少得食牛, 呢度既牛種類都較為高質, 每款牛都想試, 於是就order左個拼盤。三款牛分別係手切安格牛、手切澳州M8和牛同埋手切飛驒和牛。拼盤以冰墊底, 更有少量乾冰效果上檯, 很有仙氣。每款牛色澤鮮紅, 而最討我歡心就係"手切飛驒和牛"手切飛驒和牛: 肉質最為嫩滑, 味道鮮甜, 牛脂較多, 幾乎入口即溶, 陣陣既牛乳香係口中散發手切澳州M8和牛: 牛脂相對比以上既少, 牛味較突出手切安格牛: 牛味很濃, 帶少少咬口, 但唔會韌。【新鮮鵝腸】HK$48鵝腸好薄, 而且每條都無肥油連住, 清潔得非常好! 鵝腸薄, 熟左之後都縮得幾勁, 但都仲食到少少爽口感。【珊湖蚌】HK$88珊湖蚌份量算係幾多, 入口鮮甜爽脆。【滾得囍宮廷拼盤(10粒)】HK$88又係每款丸都想試試, 所以就order左呢個拼盤。包括有手打蝦丸；手打牛筋丸、手打墨魚丸、手打芝心丸、手打豬肉丸。雖然每款都可以食到原汁原味, 但彈牙度未見明顯, 最值得一試係手打芝心丸, 入面既芝士係流心ga!! 而且芝士味很重, 正!【手打蟹子蝦滑】HK$48同樣呢度既手打唔算彈牙, 呢款蝦滑加入蟹子增添口感。【鬼馬油炸鬼】HK$48蝦膠包住油炸鬼再加上少少既蟹子, 滾熟之後, 入面既油炸鬼吸左湯底味道, 雖然已經唔係脆口既油炸鬼, 但呢種又係另一食法。…查看更多