合和荳品

行街行到攰，去合和荳品食下午茶，順便休息下。鋪頭係時代廣場隔離，好方便。今日係第二次幫襯，記得第一次食完佢個滷水豆腐令我印象深刻，真係好好味今次都係下午茶時間黎，人流都唔少。係荳品店當然係點豆類製品，我叫左原味豆漿、原味豆花同埋滷水豆腐。滷水豆腐（$18)滷水汁應該放左唔少八角，好香，豆腐好入味，送飯一流，但我淨食有點鹹，有2塊豆腐可能浸得較耐，有點鞋同「太入味」其他既就發揮到水準，滑溜。原味豆花（熱）（$13)豆花係口感、豆味兩方面平衡得好好，唔會出現豆腐花好滑但冇豆味，或豆味香濃但鞋熠熠，讚！豆花滑捋捋，一啖一啖，好快食曬。原味豆漿（熱）（$13)我叫左大杯，份量都頗多，剛上枱好熱，小心燙。豆漿非常香濃，豆味濃郁，口感稠密順滑，放涼小小仲會有層腐皮係上面不過豆漿落左好多糖，非常甜，如果可以少甜或走甜就好了。仲有圖介紹豆漿同豆花製作過程總體而言：味道：豆香滑溜性價比：於地理位置而言，價錢合理，而且份量較大服務：可以環境：小店格局，坐位冇椅背…查看更多

好多人覺得出得銅鑼灣食嘢，就一定要洗好多錢其實唔係，銅鑼灣亦都有一d平民美食，價錢親民，質素亦都唔錯 就好似時代廣場後面呢間合和荳品，同同區其他餐廳比較，性價比相當高 $18五件滷水豆腐，切得幾大嚿，食曬成碟都幾飽 豆腐夠入味又唔會太鹹，亦唔太油膩，食到淡淡滷水香 比起碟滷水豆腐，杯豆花豆漿就差啲啦 原本$13嘅豆漿入面溝少少碎豆腐花就漲價到$20，加埋幾粒涼粉就變成$25 雖然杯豆漿幾好飲，有豆味，但呢個價錢真係唔值 如果大家想飲豆漿或者食豆腐花，建議都係分開嗌 至於涼粉就唔使試，好一般 …查看更多

呢一晚突然間心血來潮想食豆花, 行下行下就見到呢間荳品店, 仲唔係有緣?!小店式經營, 牆上有招牌食物介紹除左豆漿豆花, 仲有其他小食豆花都要玩mix and match呀, 原味豆花就食得多, 呢款朱古力豆花 ($16), 食落有朱古力嘅香甜, 但細味一下又食到黃豆香味, 兩者都做到朋友!  質感幾滑, 甜度又岩岩好!豆花豆漿 ($18), 有凍有熱, 自選配料每款另加$5, 侍應推介胚芽, 上層係豆漿, 下層係豆花, 用粗管飲就兩者都食得到!加左胚芽增加香味又有少少咬口; 豆花入口幾滑, 仲幾香豆味, 咁嘅二合為一又幾過癮喎!飲得豆漿, 當然要食埋煎讓豆腐 ($16), 煎得微金黃色嘅豆腐, 放係紙上可以吸咁D油, 食起上黎就無咁油膩! 豆腐上讓上薄薄嘅魚肉, 熱辣辣幾香口, 識食當然要點埋甜醬/辣醬一齊食啦!  而呢碟滷水豆腐 ($16), 比起煎讓豆腐黎得較為腍身, 滷水味唔太濃口感較為濕潤及腍軟, 豆味都幾出!呢度嘅豆品食物都係自家製, 怪唔之得可以食到咁香豆味, 今晚捨棄新式甜品而食番碗傳統豆花, 覺得自己無選擇錯囉!…查看更多

新年吃得太多，餐餐大魚大肉，每日都飽到上心口，開始有點吃不消。最後選了這間新開的荳品店，想吃得清一點，少一點。一入店內，店員便極力推介豆花，多番強調豆花是自家製，絕對不能錯過。豆花有各種不同配料，紅豆綠豆、芝麻、涼粉、椰汁等等，拼出十幾二十款選擇。薑汁紫米豆花看見黃色，以為是黃糖，心想怎麼黃糖不是自己下，這麼多糖一定很甜。怎料，那是薑汁。店員說薑汁是用挑選過的靚薑做的，果然夠辣，卻辣得柔和，很順喉，又有暖胃之效，甜度適中。豆花也沒有介紹錯，滑得從匙羹跣入口，很軟身，完全不用咀嚼，黃豆味香，十分好吃。紫米為整碗豆花添上煙韌的口感，也讓我慢下來，慢慢享受，不然滑溜溜的豆花會極速吃光。杏仁豆花還以為是杏仁茶般，然後裡面有豆花。原來，始終豆花是主角，杏仁被打成蓉放在上面。明顯是自家製的杏仁蓉，口感濃稠，有少少粉，杏仁味清香，只帶少甜。芝麻豆漿底部有厚厚的芝麻蓉，要先拌勻。因為攪拌完芝麻很快就沉底，頭半杯覺得芝麻味不夠出，只有豆漿味，少少甜，黃豆味不及豆花濃。後半杯開始飲到幾濃的芝麻味，濃得似高質素的芝麻糊。豆花豆漿 加胚芽配料每款加＄5，其實就是餐牌上配豆花的配料。跟普通飲品一樣啜，滑嘟嘟的豆花經過飲管，和豆漿、胚芽一起入口，三重口感。豆漿有少少甜調味，很不錯。煎釀豆腐煎得幾香，即使是硬豆腐帶少少嚡口，也比一般硬豆腐軟身，不過黃豆味不重，淡而無味。店員說這是原味，可以隨個人喜好加辣醬。魚肉很薄，同樣太淡。滷水豆腐豆腐十分軟滑，滷水很入味，濃度恰到好處。鹹食之中最喜歡這款。粉果皮很厚，幸好夠彈，夠韌，口感不俗。花生夠多，但餡的整體份量可以再多一點，味道可以。腸粉、魚蛋、燒賣差得離譜。腸粉太硬，一點都不滑，零米漿味。柴魚花生粥煮得濃厚，見到一粒粒白色，入口厚滑。內有不少柴魚和花生，夠味又不會太濃，沒有味精。算是健康的一餐，各種荳豆，含大量蛋白質。不過，點得太多，又是很飽的一餐。荳品的確好吃，其他畢竟不是主打，只屬一般。…查看更多