芽莊城越南牛肉粉 (已結業)

香港大部分越南餐廳都無, 所以完全係為左而來!星期日Lunch時間來到, 剛好不用等位. 蕃茄牛腩湯金邊粉, 真材實料的蕃茄薯仔湯, 飲完都無口乾. 非常夠味, 若果可以再傑少少就更好. 個人覺得配金邊粉比河粉更好, 因為可以痴多D湯一齊食生牛肉河比較普通, 但湯底一樣足料重點係滴漏咖啡, 跟野食一齊上. 食到一半就差不多可以落鍊奶調味. 雖然係熟食中心大排檔, 隔離阿叔響度食煙隊大啤...但坐響隔離飲住杯越南滴漏咖啡真係非同凡響 …查看更多

放假就算冇人陪都要出去俾人見下係常識吧，本住哩個常識，所以就算外面已經好幾日冇太陽，但我都決定出去曬下 今日目標係深水埗嘅哩間越南小食店，聽啲朋友話哩間鋪可以一試所以就黎嘗嘗啦~ 望住餐牌，唔記得嗰刻想緊啲乜，本來想叫碗【生牛肉河】的，人地招牌都寫明sell牛肉喇，但我都會無啦啦咁叫咗碗【風沙雞翼配越式扎肉撈檬】的，可能想試下佢地嘅雞翼，又唔想喺一間食飽呱。。。。。。 加3蚊就跟餐有杯【滴漏咖啡】喇，咁當然唔可以錯過啦~~~ 真係話咁快就到，嘩，顏色好靚咁wo，除咗扎肉同雞翼之外仲有生菜，青瓜，蔥，花生碎，芽菜等等~ 但好睇唔夠嘅，味道係非常地重要的啊，眼睇覺得表面乾乾地，試咗啲啲懞粉，淡淡地，就試下將碗野撈下喇，撈呀撈，但依然覺得乾乾的，再試下味，依然係淡的，咁當然又係加調味料嘅時間喇~ 見到檯面有個裝住【魚露醃白蘿蔔絲】嘅玻璃樽，就知道哩樣就係碗粉所欠缺嘅一環了，打開聞聞，聞到有朕淡淡嘅酸味同香味，應該冇錯喇，加啲啲試下吧~ 加加，撈撈，食食，嗯。。。好食咗。。。再加，再黎。。。又好食多少少。。。咁我係咪應該成樽魚露倒落去呢 咁當然係誇張少少嘅講法，但無可否認嘅係如果加唔夠嘅話就同淡而無味冇咩分別囉。。。不過，如果加得夠嘅話，碗粉嘅味道係可以好好的，酸酸甜甜的，開胃非常，食得人好精神舒服 檬粉煮得啱啱夠熟，軟硬度啱啱好令人冇投訴，同生菜芽菜等等嘅配菜配合得唔錯啊，再加上軟軟的扎肉，整體感覺非常良好，但點解唔上檯之前就為客人加返足夠嘅魚露呢？哩個就係點解我冇喺幅檬粉相上加個贊嘅原因了:) 我係特登將啲雞翼同碗粉分開講的，因為嗰幾隻雞翼真係幾好味的，醃嘅時間啱啱好，好夠味但一啲都冇過鹹，可以好清楚咁睇到表面啲蒜，炸得夠香又唔會太油太熱氣，抵贊！ 啱啱開始食嘅時候杯【滴漏咖啡】就已經上檯了，滴到我啱啱食完碗粉嘅時候就啱啱滴完，真係啱喇，就好似食甜品咁，早知道就叫多杯野飲等我可以邊食邊飲啦 好喇，我開始對付我杯【甜品】喇~ 先攞走上面嘅滴滴裝備，然後打開檯面上煉奶嘅蓋，然後就。。。狂加！！！哈哈，講笑，我就加咗3細羹，加幾多依自己口味決定啦，唔好問我 飲啖先~ 嗯。。。。好好味，好香好濃嘅咖啡味。。。真係好正。。。慢慢享受。。。滴咗咁耐溫度啱啱好唔會太熱，令我可以好舒服咁享受哩杯咖啡。。。真係好舒服，係我飲過最好嘅其中一杯咖啡之一，只係加3蚊嘅跟餐咖啡，水準係不可思議地好～～～ 哩餐午飯都算食得滿意，埋單先35蚊，都幾抵架喇~ 最後總結一句，如果碗檬粉調好味先上檯嘅話我就一定會俾個笑臉架喇，宜家嘛，ok啦:)…查看更多

這個「志明」不姓張，從前都約他在「小巴黎」見面，多浪漫？可是現在，小巴黎已被人反轉再反轉，沒了……以後約會也只在少數餐廳找回滋味，沒了那份感覺。胡志明，失散這麼多年，我終於在深水埗找到你的足跡。芽莊城越南牛肉粉位於深水埗的市政大廈，沿著扶手電梯上去，看見一幕幕街市販賣熙來攘往的情景，有著你家鄉越南西貢的韻味。不太乾淨，但很地茂，很raw。於熟食市場的角落，一坐下就見跑外賣單的啊姐出動了，是好味道的保證啊。其他工作中的啊姐沒太好的服侍，是太忙了吧，也許他們知道引男人的最高技巧－扮高竇 (他們真的很忙)。望望餐牌，廿到尾送野飲，可求什麼？越式咖哩牛腩飯我是咖哩狂，無論日印泰，都對味兒。沒試過越式的，見他的推介標誌，即管放馬過來吧！把牛炆得好嫩，辣也適中。與茶記馬來咖哩比，沒椰奶；與泰菜比，沒太多辣油與辛辣味；與印式比，沒香料重重的感覺。好像總是樣樣少咁啲，取而代之是炸蒜，帶來更香的衝擊與硬脆咬勁，可是油膩與口渴度加倍。香茅豬排越式春卷撈檬 配醃紅白蘿蔔魚露撈檬是與胡志明約會的必吃菜。豬排春卷可以共存一碗上，不用答有如下水救母還是救妻的兩難題。此碗不過不失，米紙炸得香口實無死，豬排醃得好又實無死。勝在大大碗，又勁多配菜。最能影響碗粉的成敗是魚露。此店魚露正啊喂，不會有勁多沉哂落底，搖極個樽都倒唔到出黎的粒粒，而是有勁大條無限添食的蘿蔔條 (唔好chur過多，多食會放屁又唔禮貌)。蘿蔔條浸到軟身，又吸盡酸甜魚露。鍾意食蒜的也有炸蒜任加。青檸梳打 滴漏咖啡前者加3蚊有得飲，滿滿是切角青檸，切的形狀不方便篤，但味道可以。越南適宜種咖啡，令當地人也愛咖啡，比起港式咖啡多了份甘香，看著它一滴滴的累積成杯都是種享受 (應學大文豪作一篇)。落煉奶飲，濃味而不厚，甘味而不苦。在此吃喝著，尤如置身芽莊市街邊檔，飯後走走深水埗鴨寮街尋寶，很有短trip風味。此後我也獨自去偷歡了一次，法式茄汁牛腩飯比咖哩的更好。…查看更多