善茶 (已結業)

平時比較少飲奶茶係因為唔係間間都沖得靚，呢間咁啱係尖沙咀經過見到，個店面又好吸引同其他台式飲品店唔同，佢地部份以奶茶做主打我點咗港式奶茶紅豆冰，俾完錢後會俾一個硬幣俾你，原來佢地每一張單都會捐款，咁就做咗一件善事佢奶茶茶味好淡，奶味偏重DD，但係個紅豆好好食，好綿帶有少少咬口，唔硬，又唔會淋到無哂口感

路過白蘭軒道見到一間舊式冰室咁既專賣港式奶茶店。好奇心驅使下決定一試！除左奶茶，鴛鴦，仲有其它茶類飲品選擇。佢話你每買一杯飲品佢就會捐一蚊做善事，你一買完杯飲品，就會比個1蚊代幣你拎去旁邊既捐款箱捐左佢，好熱心呀！朋友揀左港式奶茶紅豆冰，奶茶加紅豆冰原來好夾。而且紅豆好多絕不欺場。雖然叫咗半甜，但係出到嚟我覺得甜度啱啱好，如果要正常甜嘅話可能就會變得太甜喇。我就揀左咖啡點子港式奶茶，好有茶味嘅奶茶，味道夠濃！咖啡點止即係咖啡啫喱，少少甜又唔會太甜，咖啡味道剛好，口感又煙韌。不過啫喱如果大粒少少咬得到會好啲，太細粒一啜就吞咗落肚！總括來說係值得一試的港式奶茶飲品店，好飲之餘又可以做善事，何樂而不為！

台式飲品舖開到成行成市，飲珍珠奶茶飲到就快糖尿病之際😂，竟然有一間係以港式絲襪奶茶做賣點嘅鋪頭，咁有香港特色，梗係要試試佢啦😆！港式絲襪奶茶（熱） $26曾經跟奶茶王學師嘅老闆，真係沖得一手好茶架🤩！奶同茶嘅比例做到剛剛好，奶同茶嘅味道一樣咁出😍，而且奶茶夠滑，一啲都唔鞋口，極力推薦叫熱飲！咁先唔會比啲冰溝淡咗味道，很不錯👍🏻咖啡點子港式鴛鴦 $30所謂嘅咖啡點子即係咖啡凍，比起平時成日食到嘅珍珠更有口感😋，咖啡同奶茶味道香濃滑溜，而且唔會太甜，一杯飲哂無難道！壽眉珍珠拿鐵 $28一般珍珠奶茶都係以台灣茶葉做茶底，茶樓嘅茶葉整嘅，就真係第一次試🤣！壽眉茶底幾清香，飲落有回甘，但略嫌淡味咗啲，珍珠嘅焦糖未唔夠出，煙韌度尚可👌🏻港式奶茶紅豆冰 $32紅豆冰用嘅都係絲襪奶茶，所以奶茶依然咁香咁滑🤤，不過紅豆略嫌甜咗一啲，不過煮得都適中有咬口，唔係咁甜就Perfect喇😂！人情味之選！善茶係客人每買一杯飲品，就會捐一蚊俾慈善機構，咁有善心，仲唔快啲支持下？！😎好味指數（5粒最高）：