明軒小館

🦀咁正嘅蟹粉小籠包竟然冇人講?! 最近去咗位於上環呢間蟹粉上海菜館 - 明軒小館，主打大閘蟹同蟹粉菜式，餐廳空間闊落舒適~我地點咗➡️”清酒墨魚仔"，墨魚仔爽口彈牙，浸住清酒香慢慢滲出嚟又唔會搶味，凍食開胃一流!👍🏻➡️”水晶蟹肉凍"，個造型好得意，透明小蟹仔形狀，包住絲絲大閘蟹蟹肉嘅水晶肉凍，眼睛用蟹醋製成，好有創意，咬落去醋汁爆出黎，酸酸甜甜好開胃，不過如果蟹肉多d就更好!➡️”蟹粉小籠包"係全場MVP! 皮薄湯多，夾起嚟搖下睇到湯汁盪漾，透光唔穿底! 一啖咬落去蟹粉湯汁湧出嚟，建議咬細孔啜啖湯先，蟹粉同豬肉比例啱啱好，好鮮甜！雖然一籠只有四隻，但咁高質素絕對值得一試！黎到主食➡️”至尊蟹粉蝦仁鍋巴"，係必食推薦！上檯時「咋咋聲」勁治癒～蟹粉多到瀉，仲有啲蟹膏撈埋，超級足料！熱辣辣鍋巴淋滿金黃蟹粉，仲有大大隻蝦仁，鍋巴脆卜卜夾住濃郁蟹粉汁，吸汁後仲keep到脆口！另外仲點咗➡️”蟹粉栥飯糕"，我覺得比鍋巴又香口，外層炸得金香，入面飯粒軟糯，可以加入蟹粉食，黐住每粒飯，邪惡但停唔到口啊！最後仲點咗2款甜品，➡️"老上海法式焦糖燉蛋"，外型用蛋殼造型好cute，面頭焦糖金黃香脆，燉蛋好滑，蛋香超濃，甜度啱啱好！➡️"薑汁鮮奶燉桃膠"，食完濃味嘢食呢個最啱，薑汁微辣帶出奶香，桃膠滑嘟嘟養顏又解膩，食完成個喉嚨暖笠笠！🔸清酒墨魚仔 ($58)🔹水晶蟹肉凍 ($68)🔸蟹粉小籠包 ($88)🔹至尊蟹粉蝦仁鍋巴 ($188)🔸蟹粉栥飯糕 ($68)🔹老上海法式焦糖燉蛋 ($28)🔸薑汁鮮奶燉桃膠 ($48)🔴明軒小館 - 地址：上環皇后大道中287-299號地下1號舖 …查看更多

今日要 OT，唔想再食麥記塞肚…搵野食呢間叫「明軒小館」嘅餐廳，主打大閘蟹菜式，睇落幾有特色。但今晚唔想食得太 heavy，啱啱佢哋推出咗新 menu，$108 嘅 「黑毛豬豬扒溏心蛋菜飯」，外賣自取仲有 9 折 ，心諗都係上海菜，就試下啦～仲加叫多一份 $58 嘅 「清酒墨魚仔」配搭埋一齊。 🐽黑毛豬豬扒溏心蛋菜飯 個豬扒有醃過，炸漿唔厚，香口之餘又唔會太油～溏心蛋同菜飯就正常發揮，不過份量偏少，女士可能夠食，男士就可能唔夠喉 😅 🍄山珍湯 個飯仲送埋一碗 山珍湯，打開個蓋已經聞到菇菌香！有羊肚菌、松茸、竹笙等，料真係夠足，湯底好清甜～唔係嗰啲煲完再放幾粒菇落去果種👍 🦑清酒墨魚仔大粒彈牙 清酒墨魚仔比起平時食開嘅 size 大好多～清酒味唔會太搶，入口爽口彈牙，好啱做前菜或小食 😋 📸外賣賣相唔失禮！再試都無問題 整體黎講比想像中有驚喜～外賣包裝算整齊，賣相保留得唔錯，下次可以再試其他款式～如果菜飯份量再多啲就 perfect 啦！…查看更多