私房御約

話說最近朋友介紹左我去一間唔錯嘅私房菜，嗰度係專門食蒸氣鍋。參加大陸團就試過喇，但香港嘅蒸氣鍋都係第一次！位於佐敦渡船角文苑街，就係添記小法包隔離幾個鋪位。花少少腳力行入去，到步差唔多肚餓。是日店內唔算太多人，老闆細心介紹咗幾款餐單，由佢發板介紹我地食。上至處理食材；下至比客人嘅前菜及醬油，都由餐廳親自處理及特製，真係難得少見嘅好餐廳！開始時，老闆將生米及食材栽種落蒸氣鍋底層，慢煮等最後時收成。享餐期間，老闆悉心介紹各種配料，呢一種享受就好似個貴賓一樣，又了解到晚餐嘅食材。而且值得一提嘅係，老闆相當惜食都令我激為深刻。利用剩餘嘅食材泥特製嘅前菜，口感豐富，而且調味一流，令人相當開胃，未食主菜，已經忍唔到口搶住夾呢兜「特色前菜」！另外餐廳奉上呢個「龍眼紅棗菊花茶」，非常清新，可以每一道菜後一啖茶，清理咗味蕾再品嘗下一道菜。事不宜遲，一開始嚟到嘅係基圍蝦同花甲！小店海鮮處理得好，花甲養夠水吐哂沙，入口新鮮爽口！基圍蝦配自家豉油真係無得彈。接着上龍躉魚腩，大大舊，肉質非常結實，口感十分滿足啊！食緊魚肉，老闆又加野喇！今次係蝦滑、墨魚滑同埋日本豬肉。蝦滑同墨魚滑配合咗蒸氣鍋嘅優良特性，烹調嘅熟透到啱啱好，非常彈牙！至於個豬肉，因為係日本放養豬，所以口感真係世界級咁好食，有豬味又夠哂滑！接住，老闆又打開個蓋，放低兩隻蟶子皇，真係超大隻；一貫處理得好，新鮮得泥又無沙！呢啲一條條嘅呢，就係元貝裙邊，由於元貝同裙邊嘅熟透時間唔同，所以老闆特別分開泥蒸煮，非常細心。個元貝蒸好後，可以飲一啖旁邊嘅湯水真係好清甜，夠哂鮮味！個元貝試一口唔點醬料，再試一口點醬會有另一番感覺！食咁多海鮮，老闆話要歇歇，先試下佢嘅頂級西冷！嗯，海鮮太好味嘅關係，牛扒嘅感動大大比下去。你懂的。食牛扒嘅期間，老闆又排排排，個鍋忽然變得七彩顏色咁搶眼，講緊嘅係時令嘅蔬菜加冬蟲雞，仲有佢嘅愛心韭菜餃。食咗咁多好嘢，去到呢瞬間，食蔬菜都係一個好舒服嘅安排。蔬菜用蒸嘅方法去烹調，多咗一份健康嘅感覺之餘，又好保留到蔬菜本身嘅水份，又甜又容易入口！至於個冬蟲雞都不得不盛讚一番，非常入味，亦都非常嫩口！同枱人搶坐食滑雞啊！再試埋個愛心餃，餡料足，你個胃部都開始有豐足嘅感覺。當你以為要告一段落，就大錯特錯喇！老闆拿拿聲又拎咗一隻開邊龍蝦出泥，可謂係今餐嘅高潮啊！老闆細心切件，大家就可以風度咁分贓。龍蝦新鮮，肉質結實肥肥，龍蝦膏仲講，當然一流！真係飽飽地，好似唔記得咗啲野。老闆拎走咗個蒸板仔，眼前嘅係一鍋香噴噴金黃嘅南瓜粥，無止境嘅驚喜不斷。用心一試，個粥吸收哂剛才各種美食嘅精華，可想而知，呢煲粥嘅味道十分豐富！南瓜粟米非常夾，再配合一舊排骨，真係平凡裡要求突破嘅精髓。鬆開褲頭，最後一碗雪耳木瓜糖水，好足料，清清地唔太甜，非常完滿嘅結尾。總結一下，今日驚喜真係接二連三，個人首次覺得一間餐廳，竟然會如此悉心準備食材到服務客人，都十分周到，感覺真係太好！歷時兩小時嘅晚餐，真心覺得價錢合理！誠意推介！有機會可以帶屋企人試試，大開眼界。話明私房衘約，記得預約先泥啊！…查看更多

蒸氣鍋近年愈來愈普及, 市面有兩種蒸法:1. 把所有食物放入很多層的蒸爐內, 由頂開始食2. 每次食完一款再蒸下一款前者進食速度較快, 但食物會易過熟後者所花時間較長, 但食物可以於最佳狀態食用今次朋友介紹我們到渡船街附近的一家蒸氣鍋如果不熟悉這區, 店址的確需要花點時間去找, 由柯士甸站出口行大概5分鐘, 亦可由佐敦行大概8-10分便到, 店內大概有六張枱，可坐大約三十人, 店舖開下午六時至十二時, 所以想食還是最好訂枱喔海鮮餐有兩款, 龍蝦美國西冷海鮮餐 及 龍躉海鮮餐由於兩款餐我們都想食, 結果我們四個人每款叫兩個, 大家開心分享一就坐店員就遞上一壼菊花杞子龍眼茶, 暖一暖身, 菊花味淡出, 龍眼清甜, 喝一口好舒服隨後店主再遞上前菜, 並描述一下三款前菜的特色😀豆瓣醬海鮮大豆芽      微辣, 蜆肉飽滿肉彈無沙, 不是雪藏食材🙂 自家炸花生, 小吃花生的我都認為這個做得很好,      炸得很香脆, 很新鮮, 咸度適中🙃自家醃酸瓜, 酸味之餘還有驚喜地有甜味,      令這道前菜更易入口, 更開胃還有個不得不提的豉油, 用海鮮汁調出來, 咸味其次主要提鮮第一道菜是蒸..扎扎跳基圍蝦 及 脹卜卜花甲 (4人份)基圍蝦尺寸偏大, 多肉, 肉質爽口花甲肉新鮮, 肉質飽滿, 煙靭無沙美國頂級西冷 (2人份)店員突然遞上一碟已切開的西冷, 還以為會蒸呢左西冷比較薄, 肉嫩多肉汁, 牛味重深海龍躉魚腩 (2人份)與大量薑蔥絲一起蒸, 沒有骨, 肉質實而嫩, 絕無腥味,魚皮厚而滑, 半透明狀態, 感覺在吃骨膠原啊配上本店的提鮮豉油, 真是沒有得輸波士頓龍蝦 (2人份)蒸好後, 店員會取走幫我們起肉, 而大蝦鉗也幫我們剪開了, 很貼心龍蝦味道鮮甜, 龍蝦味濃, 肉質爽彈, 還有好多膏我們每人分到一大件半件蝦肉, 也已經覺得很大件元貝皇連裙邊  (4人份)分兩次食, 首先先食元貝裙邊，不冚蓋蒸，眼看元貝裙邊縮好, 即食, 不會過老不會靭, 鮮味十足而且與元貝分開, 容易清洗, 衛生度高後食元貝, 內臟已經清走, 元貝很厚蒸後元貝水份留在殻上, 保留原汁原味外,還帶點由鍋底蒸上來的粟米清甜味鮮甜蟶子皇 (2人份)剛剛熟的蟶子, 內臟已清走, 整條蟶子都充足水分, 肉質嫩而好鮮甜手打墨魚滑/ 手打蝦滑/ 豬梅頭肉 (2人份)先食蝦滑, 蝦膠很彈牙, 又剔透後食墨魚滑, 墨魚滑膠質也很重, 口感較實, 真材實料沒有加麵粉而味道是在打墨魚滑過程中已經調好味, 所以完全無需後加調味, 一入口有驚喜日本宮崎放養豬梅頭肉 (2人份)薄片豬肉, 肉質爽嫩冬蟲草紅棗冬菇滑雞 + 時令七色時蔬 (4人份)與其他食物相比, 這道菜令人眼前一亮, 特別豐富已蒸的雞肉無比嫩滑又多肉汁又入味, 雞皮不會很厚冬蟲草很爽有口感. 吸入了雞味, 兩者互相配合而香菇已經切片, 很稔很香最意想不到的是菜心, 蒸後樣子偏乾但入口後水份沒有流失之餘味道仍然保持嫲嫲愛心韮菜餃 (4人份)韮菜味很香, 肉汁鮮甜最後是鍋下層的粥底南瓜粟米鮮排骨粥 (4人份)吸盡了所有海鮮及肉類的鮮味此粥非常入味, 還有粟米排骨及南瓜, 很鮮甜最最後是糖水桃膠雪耳木瓜糖水 (4人份)一來到還以為只過雪耳木瓜, 仔細一看發現有透明的桃膠桃膠可以和血益氣, 是正氣中藥, 對身體好而雪耳很爽身, 配上濃厚木瓜味糖水, 感覺很滋補又是一餐食得捧著肚子的一餐 很滿足這裡的是店員看時間蒸煮, 不用自己去計時, 這點好重要啊…查看更多

電視精既我前排睇電視見到有飲食節目介紹呢間餐廳, 食材好吸引就相約友人一齊食, 餐廳面積不大, 一定要預先打去訂位. 除左柯士甸站, 其實佐敦行過去都係10分鐘左右入座後, 侍應先放低一壺菊花紀子桂圓茶, 淡淡菊花香 仲有三款前菜, 都是餐廳自己製作芽菜蜆肉(凍盤) - 混上豆瓣醬, 有少少麻油香, 會食唔停口酸瓜 - 酸酸甜甜, 有少少辣椒粒醃漬, 令胃口大增花生 - 自家炸花生, 咸咸地 重點要提既係, 佢地既豉油係自家調製, 配埋海鮮可以提升鮮味餐廳有幾款海鮮餐選擇, 同友人一行四個, 分別點了2份龍蝦美國西冷海鮮餐 及 2 份龍躉海鮮餐 大家share食, 如果唔夠食仲可以散點 底層是粟米南瓜排骨粥底, 廚房已經準備好一路食一路煲, 第一道菜先黎花甲同基圍蝦花甲新鮮又無沙, size正常基圍蝦好鮮味, 沾上自製醬油, 好味到不行本以為西冷牛扒都是蒸, 原來是廚房準備好既煎牛扒, 剛好煮到7分熟, 牛香味重, 帶少少肥接住落就是龍躉魚腩, 只用薑絲香蔥一起蒸, 肉質爽彈無骨, 魚皮晶瑩剔透, 半透明狀有骨膠原 龍蝦放落蒸壚時仲有少少郁, 真是即叫即劏, 蟹鉗好大, 龍蝦頭都好多膏, 蒸熟後侍應幫忙剪開龍蝦殼, 方便進食, 非常細心, 龍蝦認真新鮮啖啖肉, 原汁原味進食,沒有沾上醬油緊接著是手打墨魚丸/手打蝦丸/梅頭豬肉, 雖然細細粒但是每一粒都真材實料, 內裡分別有墨魚粒同蝦肉, 而梅頭肉都好滑唔靭隨後是帶子裙邊, 好奇地問侍應為何與元貝分開蒸？原來分開處理是一來清洗得乾淨, 二來蒸數十秒就食得, 熟既時間唔同, 果然食落口好爽口, 好似海蜇元貝粒粒都好厚肉, 蒸到內裡仲有少少未熟透就最美味, 元貝都清洗得非常乾淨, 食得放心還有一款海鮮是聖子皇, 鮮甜爽口, 餐廳全部食材都是新鮮, 原汁原味最後出場的是韭菜餃/蟲草蒸雞及時令七色時蔬, 今晚是紅椒雞髀菇/菜心/粟米/南瓜/翠玉瓜/菜心, 韭菜餃脹卜卜, 雞件入晒味, 好滑嫩最後一窩粟米排骨粥完成, 每滴海鮮精華, 加上粟米南瓜既清甜, 友人每食一啖都要講一聲好好味糖水隨餐附送, 暖暖地好滋潤,唔會太甜, 完全是美顏糖水雖然環境不大, 但每檯之間有空閒, 侍應細心服務, 每一道菜都是一道一道上, 唔會迫住你食, 服務好, 而家埋單仲有85折, 有時間一定要再光臨…查看更多

自從年初發現蒸鍋這個吃法之後便愛上了，在不同地方吃過數次，今晚又再找到新去處。藏身在渡船街民居地舖，取名私房御約的蒸鍋小店，啟業才四個月，就是以優質材料但價錢便宜作賣點，希望吸引客人、不介意地點無咁就腳、亦願意前來光顧。蒸汽煮食，講求原汁原味，因此食材新鮮上乘非常重要，而且並不醃味，難以混水摸魚。試過方知，食材果然嚴選，價錢實惠，值得考慮，而且面積不大，包場亦是好選擇。現在仍然在推新張期套餐，有85折，而且免加一，更加抵食。室內環境空間感足，企理整齊，沒有甚麼設計可言，設置小酒吧，竟然又有手工啤、日本清酒及紅白酒供應。餐牌簡單，兩款套餐，尤其首次光顧，相信大部分人皆選擇$298/位的龍躉海鮮餐，而另一款$448/位的，主要因為有龍蝦及西冷。當然亦可散店，而飲料則要另外付費。杞子菊花元肉茶 首先選了最便宜的飲料－茶，想不到令我眼前一亮！通透的玻璃茶壼，見到大大粒的元肉及杞子在浮沉，如在新派咖啡室的造型，本可令身價膨脹，但只收$10/位。前菜自製花生、酸瓜及小吃，皆調味得宜。尤其這個非一般的小吃，內藏肥美的花甲肉及蝦肉，配合大豆芽，調以紅辣椒及辣汁，可口醒胃！據店家告知，這兒的海鮮日日清，留下來的就做小吃，所以海鮮材料豐富，絕對是寶。選用玻璃頂的蒸爐，可見食物更誘人，我們全程不必動手，等待便成。配備基本的調味料，因為材料鮮甜，其實亦用不著多少。我們的二人餐，十款食品一一送上。名符其實，脹卜卜的花甲及生猛扎扎跳的基圍蝦。我特別欣賞蝦，少有的優質，肉彈香甜，口感味蕾皆滿足。深海龍躉魚腩連皮魚腩，皮厚肉厚，骨膠原豐富，肉質有彈性。元貝皇連裙邊一人一只，蒸出來的湯汁仍留在殻內，鮮甜香嫩。別出心裁是特別處理了的裙邊，亦是少有吃得到，爽口好嚼。嫲嫲愛心韮菜餃自家製造，韮菜餃子只用瘦肉，吃得比較健康，餃皮比較厚，令餃子更扎實，素菜比例恰當。日本宮崎放養豬梅頭肉＋手打墨魚滑及蝦滑薄切的豬肉不算嚡，富脂肪但不過份，帶嚼勁，確實有所不同，但不算精彩，而且沒有醃味，淡然了一點。最後的蒸雞及蔬菜，不過不失。南瓜栗米豬骨粥向來是絕配，經過一小時多的蒸煮，粥底非常綿滑，溶化後的南瓜顏色好看，一人有三小碗，份量足夠。乳酪＋水果最後又來一道潮流菜式，花了心思，把乳酪做成魚及動物形狀，雪至非常冰凍，用小叉亦可取，只帶少許甜味，入口即溶，有助消滯感。小小新意，主要吃鮮，環境服務稱職，不妨試試。店方力推$120/只足五両優質大閘蟹，值得考慮。…查看更多