道鮨日本料理

一塊壽司，必定包含三種材料，分別是一片或一小份海鮮、米飯及壽司醋。名氣鮨店都會搜羅日本直送的時令海產及高質稻米，製作手握壽司。但鮨店往往只把注意力放在該兩項食材之上，往往忽略了三大主角中的醋。醋的酸可以提昇食物鮮味，靚醋有着好酸，好酸可以把食物的鮮味放大。酸味可以令時物更為鮮美，網上及坊間都少有提及，但龜龜為何一口咬定酸可以提鮮？以下段絡跟大家分享一下。西廚常以檸檬汁作為調味料，烹調貝類及醃製春雞，必定用上檸檬汁，但大家可用吃過帶酸味的青口及春雞？用上檸檬汁，目的不是要令食物變酸，而是要提鮮！這是例子之一。西方人喜以酸味的葡萄酒佐餐，認為葡萄酒適當地配撘食物，會令食物更為味美。其實這亦是酸作怪，葡萄酒內的檸檬酸胺基酸把食物變得更為鮮味，這是例子之二。說得再科學一點，味之素即味精，學名麩胺酸鈉，屬於其中一種副胺基酸，而醋及葡萄酒正正含有胺基酸這種提鮮物！如果認為龜龜以上立論正確，閣下應該認同靚醋造出好壽司的定律。本篇主角道鮨的總廚榮師傅，深明此道，下圖是他們所用的赤醋，混入白飯前會適度調味，跟龜龜平日吃到的有着根本不同，濃稠厚身，外觀及口感都較像意大利黑醋，以此製作的壽司飯，帶絲絲甜味，隱隱有點水果味，餘韻悠長，味道別樹一幟。赤醋飯的細緻酸味，把魚貝等的鮮味昇了許多，人氣鮨店曾訪多家，沒有一家的用醋像道酯那樣細緻。相約友人晚上7:00用膳，龜龜早到了大半小時，趁這空檔跟總廚攀談了一會，了解一下新店背景以及當晚的食材。道鮨總廚榮師傅及其班底，來自千禧新世界酒店的嵯峨野日本料理，據榮師傅所述，道鮨的進貨渠道以至食材用料都跟嵯峨野雷同，Omakase 每位定價則是嵯峨野的三份二不到，每位收費HK$1,200，以香港鮨店來說作價中等。看到他們準備的食材都是揀手貨式，未吃已覺得物有所值！下圖是一片虎河豚白子，顏色鮮亮，龜龜從榮師傅口中得悉名稱，他說咱們等一會亦會嚐到此物，鱈魚白子嚐過多遍，河豚的卻未有嚐過。大卜口有着漂亮的雲石紋理。鰹魚乾，亦即木魚，越是墜手代表越堅實，質素越高，龜龜拿起了一塊，嗅了一下，既墜手又帶濃厚煙燻魚味。咱們當晚一行五人，由於有點公務討論，未有選坐吧枱，龜龜是一名出名的問題中年，未入座前問榮師傅： 侍應可會把食材名稱做法等為咱們解說？他回覆： 請放心，侍應很專業。侍應上每道菜時，都向咱們細心解說食材的名稱產地，進食次序等等。廚師對食物有着深入了解，屬理所當然，但侍應能對食材種種瞭如指掌，在今時今日的香港，非常少有。每次吃Omakase ，都是由先付開始，是晚並不例外。南瓜松葉蟹肉、漬海藻先付日語解作先付上清淡食物，但香港鮨店的演釋未必傳神，時有把濃味漬物刺身甚至牛肉混入其中。是晚的先付，是正宗的清淡的食物，松葉蟹肉的鮮跟南瓜的甜亙相輝映，海藻只以昆布醬油輕漬，鹹味輕，自身味道還是十分清晰，兩款均為稱職的清淡開胃菜。接着上的有刺身六道。真鯛、真八爪魚、瑩光魷魚吃的次序為真鯛，然後真八爪魚，最後為瑩光魷魚。真鯛部份魚皮已被削去，相信那是較韌部份，咀嚼時沒甚沙石，清甜爽脆。真八爪魚以醬油煮熟，鹹味剛好帶鮮味，未有過頭。瑩光魷魚豐滿，滿肚子都是膏，甘香得很。北海道牡丹蝦全食工序不少，先拆出蝦頭蝦卵，再拆出蝦肉，從蝦頭把膏刮出，釀入蝦肉，將蝦爪連下顎部份炸香，最後把蝦卵、爪及釀入膏的蝦肉，堆切一起，卵的鹹鮮、肉的甜、膏的甘，互相交纏，最後才吃炸香的爪顎，吃到了牡丹蝦全貌。九孔鮑魚伴肝醬及壽司飯以醬油及鰹魚汁蒸熟鮑魚，鹹味沒有過頭，預期中的美味。以肝醬製作的汁濃郁甘香，特別之處是該醬帶有酸味，酸把鮑魚的鮮牽引得甚出。榮師傅非常了解酸能增鮮的道理，把醋靈活運用在每種食材。刺身過後，接着的為六貫壽司從左到右赤貝、平目魚、深海池魚及文甲魷魚。平目魚背壽司放上了魚肝醬，令清甜的魚肉，帶有點點甘香，非一般的醋飯，把魚鮮帶得甚出，特調醋的好處，吃第一貫壽司，已體現得到。深海池魚壽司油份鮮味充足的魚種，幾乎所有鮨店套餐都有供應，質素穩定的Omakase鐵膽食材。文甲魷魚壽司常見的日式食材，先有爽脆口感，細嚼後變為鮮甜瓊漿，普通食材，具不尋常的鮮美。赤貝壽司即螄蚶，鵝蛋大小的一隻，才有HK$5.00硬幣大小的肉，鮮活的爽脆度遠勝冷藏貨，在迴轉壽司吃到的冷藏貨，往往帶有腥臭味道，肉質會偏韌，同樣的食材，新鮮跟冷藏質素可以相差很遠，在赤貝身上充份體現。車海老壽司即咱們港人常吃的花竹蝦，水質決定海鮮質素，產自日本的，龜龜感覺鮮味比本港水域出產更為優勝。壽司並未完全吃過，送來兩份間場海鮮。燒物虎河豚白子大部份河豚的卵巢及肝臟俱有毒素，虎河豚亦不例外，但白子是精巢，並非記載中的有毒部份，只要分割小心，食用絶無問題，而且絶對是佳品一道。之前從未吃過此物，白子外皮稍為烤了一下，添上了微微焦香，中心的魚精還是生的，白子一進嘴巴便化成漿，有着豐腴口感，鮮味較鱈魚白子重，同行友人都對它大為讚賞，極品一道。東松島宮成縣蠔蠔較貼近法國蠔種的口感，並非Creamy 類別，較為爽脆，榮師傅在蠔上加上一小片醋味啫喱，以作提鮮，使鮮甜味道更為璋顯。吉烈豬朳這道菜並不在他們菜單之內，同行友人帶了一些自家出品的豬肉到場，此豬在元朗飼養，以海藻餵飼成長，不含抗生素及激素。榮師傅答認代為加工，還免收加工費用，只道讓他們試味及讓熟客們分享一些便可，安排令龜龜相當滿意。炸出來的梅頭豬朳，香脆不油，肉鮮滿溢，好食材加上好廚藝，成就了一道好好好作品。刺身生蠔過後又回到壽司時間，這是最後五貫。青貝壽司顏色似馬刀貝，外觀則跟北寄貝相近，較兩者都修長薄身，不似馬刀貝爽脆，味道則較清甜。地蛤肉厚的貝類，師傅特意在面上𠝹花，讓面上掃上的醬油可以滲透肉身，讓鮮味提昇不少。漬三文魚籽壽司龜龜如何界定何謂質優的漬三文魚籽呢？龜龜的標準為要夠脆，卵膜不能韌，鹹味要剛好帶出鮮味而不過頭，腥味要輕。是晚吃到的是質優三文魚籽典範，鮮味馥郁，可能被他們的特製醋飯影响，令魚籽鮮味被放大了許多。大卜口 O-Toro 壽司幾乎每趟吃Omakase 都會碰上，跟深海池魚一樣，都是中流砥柱。大卜口的油脂甘香，在味蕾上留下悠長鮮味，一頓Omakase 下來如果沒有它的踪影，活像是個遺憾。海膽壽司海膽是來自日本北海道的馬糞海膽，每顆體積只有伍毫硬幣的大小，但鮮味回甘都不遜於日本名牌東澤及羽立等的白海膽。紫菜來自日本有明海，是日本最享負盛名的紫菜產地，紫菜的密度甚高，較普通壽司店所用的厚身深色，咀嚼時不帶半絲韌的口感。吃的時候，同時感受到來自北海道及熊本的汪洋氣息，令人著迷！木魚昆布清湯原本是清湯一道，最後加入了友人帶來的本地海藻豬，令原來帶煙燻味的木魚清湯，多添幾分肉鮮，喝到了木魚湯的另類風貌。福崗士多啤梨、靜崗蜜瓜Omakase 在最尾段會奉上水果或甜品，有的可能成雙奉上。是夜吃到的是時令的福崗士多啤梨及靜崗蜜瓜，福崗士多啤梨體積不大，在芸芸美、韓甚至日本本土種植的士多啤梨當中算是細碼貨色，但香氣則屬加大碼，糖份亦高，龜龜最愛的品種。蜜瓜恰如其份的香甜，但風芒卻被那顆嫣紅草莓完全蓋過。總結： 全晚吃到的海產、米飯、水果等等全是日本直送，質素一如預期的優秀，但最令龜龜印象深刻的，是他們放了不少心思在赤醋之上，是晚所吃到的壽司，感覺格外鮮美，令同一樣的海產，散發出不一樣的味力！…查看更多

日本料理中的「廚師發辦」（Omakase），由廚師決定菜式，由於沒有特定菜單，令客人對師傅付以信任，前幾晚我便和家人來到銅鑼灣的道鮨日本料理，細味Omakase匠心獨運的精髓。一入門口就見到這個流水石缸，有如置身於竹林，呈現平和之美。餐廳面積廣闊寬敞，環境寧靜，可以坐在吧檯，親眼見證師傅精湛的廚藝與刀工，飽了口福的同時也是一場視覺饗宴呢！這次我就選擇坐在偏廳，簡約淡雅的原木系裝潢，格調和諧，散發濃濃和風禪意。廚師發辦套餐收費為每人$1350，雖然絕不便宜，不過由前菜、刺身、煮物、壽司至甜品統統有齊。先來三道前菜，賣相小巧精緻，每上一道菜時，店員會親切地介紹餐點特色與用餐方式。蕃茄配蛋黃醬新鮮蕃茄點上香滑濃稠的蛋黃醬，雖然不算很特別，但勝在輕盈清新，喚醒味蕾。高野豆腐和平時的豆腐不一樣，高野豆腐質感像海綿，孔洞綿細，較為實在，帶淡淡豆香。松前漬將昆布和魷魚切成細絲，醃泡於甘甜的醬汁之中，口感十分爽脆。刺身包括八爪魚、青鯛及北海道牡丹蝦，因為是剛剛活宰，所以店員提醒可以先由新鮮到仍會微微郁動的八爪魚刺身開始。八爪魚刺身口感清脆彈牙，有嚼勁而又充滿肉汁。北海道牡丹蝦刺身可以一蝦兩吃，在細滑帶彈性的蝦肉中，還有一顆顆碧綠色晶瑩小珠般的蝦籽。另一邊廂蝦頭就沾上天婦羅粉炸香，粉漿夠薄，吃起來很香脆，帶來截然不同的食味口感。接著端上的是五件壽司，分別是車海老、海鰻、左口魚邊、北海道帶子及深海池魚。當中北海道帶子十分值得推介，大大粒肥厚的肉身光滑細緻，味甜富彈性，而且這裡的所有壽司，師傳預先把wasabi放在飯和魚生片之間，飯粒已經塗上醬油，調較好味道讓客人可以即時入口。海鰻肉質爽嫩，比起平時食鰻魚飯略嫌韌口的冰鮮貨是兩碼子的事，而且因為本身味道已夠鮮甜，所以也不需掃上厚厚燒汁，以免掩蓋了食材本身的鮮味。車海老夠厚肉，蝦肉爽彈，又不失蝦味。左口魚邊經微微炙燒後滲出魚油，一入口回味甘香。以清、甜、爽見稱的厚切深海池魚，肉質緊實爽滑帶油香。吃完第一輪壽司後，就輪到燒物登場！第一塊燒雞頸肉可以甚麼醬都不落，先試其原汁原味，咬下去比普通雞肉更爽口，即燒熱辣辣散發焦香，然後就可沾點碟旁的柚子胡椒醬，柚子酸香交織著惹味的胡椒，引人胃口大開。東松蠔厚實爽滑，蠔味清新順口，在口中緩緩釋出甘甜海水的鮮味。之後又再來六件壽司，這麼多壽司，一定夠飽吧 赤貝裙邊特別煙韌，加上卷物內裡混有其他配菜，層次感豐富。金黃色的海膽充滿甘腴鮮味，滑嫩得像鮮奶油一樣的口感，一入口即化，不會澀口，味道濃郁又回甘。Omakase選用時令食材，不時不食，以春季最當造的鯛魚入饌，金目鯛香滑無比。平時都比較少吃黑龍魚，趁著Omakase就可吃到季節時令食材。拖羅肉身呈粉紅色，肉質油潤而軟滑，入口即溶，灸燒後更能帶出濃郁鮮甜的魚味。之後奉上—杯熱湯，這天是貝柱湯，湯頭格外清澈。喝下去真材實料，有數粒小貝柱，鎖住最鮮的甜味。最後甜品以日本蜜瓜作結，赤肉蜜瓜極之多汁，瓜肉細嫩緊緻，留下甜美芳醇的果香餘韻。…查看更多

講到食日本嘢就梗喺食唔少啦，而壽司更不在話下，但「廚師發辦」就一隻手數得晒，都喺兩次咁大把，第一次就晌銅鑼灣嘅「鉄人旨花 」度見識，第二次就晌黃埔嘅「鮨文」滋味重溫。今回，經友人介紹，嚟到新開無耐銅鑼灣嘅「道鮨」，細味「廚師發辦」！店子位於食廈全層，一出電梯就見，經過門前鮮紅色嘅布簾，就睇到一室裝修甚具和風嘅環境，最代表嘅自然喺三段流水石魚缸擺設，整體感覺傳統而雅緻。由於壽司吧枱已有熟客訂晒，我哋被安排到吧枱尾內側嘅廂房，房內有啲二人或四人枱，如夠人多，亦可以作為包房之用。當然，食「廚師發辦」以坐吧枱能跟師傅有交流喺最理想嘅位置。晚市只供應「廚師發辦」，定價$1,200/位（+10%），有問過店員將來會唔會有其他價位嘅選擇，回覆喺考慮中，咁就讓食客多個選擇。然而，食「廚師發辦」喺唔便宜，所以，如果想一試師傅嘅手勢，午餐就嚟得實惠好多。前菜三味先登場喺3款賣相的骰精巧嘅前茶，分別帶有高野豆腐、螢光魷魚及日本菠菜，其實唔止靚，所用嘅器皿亦別緻過人，體現出日本菜之美。高野豆腐睇落以為喺滑溜嘅豆品，一入口就知喺另一回事，口感煙韌，有啲似素食嘅麵筋，吸晒啲湯汁，頗有趣。螢光魷魚相對就唔會有咩驚喜，但口感柔軟，食味不俗。日本菠菜伴上櫻花蝦，味道好清，而啲菠菜質感細柔。唯個人覺得，以上前菜三味呢個組合算唔上為客人帶出太多驚喜。穴子苗咩喺「穴子」，咪即喺鰻魚囉，曾經晌大坑嘅「八寸」及黃埔嘅「鰭文」生食過，煮熟嚟食反而第一次。啲鰻魚BB好雪白，其實無乜味，但好滑溜，一入口就滑落喉嚨，而伴碟嘅蘿蔔關東煮清甜無渣。刺身三點唔使多講，賣相一環就絕對值得俾滿分，3款刺身都各有特色。前端嘅喺海螺，口感爽脆到不得了；中間位置嘅喺水八爪魚，質感柔滑，而最得意喺啲「吸盤」，爽爽哋，好有咬口；最邊邊喺牡丹蝦兩食，青綠色一粒粒嘅喺卵（蝦籽），蝦肉綿柔得嚟帶點有膠質嘅黏性，蝦味鮮甜，蝦頭酥炸，甘脆卻無半點油膩。清酒煮鮑魚食壽司前，再嚟一客鮑魚作過場，店員提示我哋，先喺淨食，再嚟就沾點鮑魚膽做嘅醬，最後就喺拼埋啲珍珠米一齊食。淨食時確喺食出鮑魚嘅甜味，口感柔韌；再沾上醬汁時，有種豐腴感；混埋飯粒一齊食，唔喺魚翅撈飯，變咗鮑魚撈飯。6貫壽司由於唔喺坐吧枱，所以，逐件逐件上壽司就有點費時失事，故此，下一輪喺壽司登場時，就一次過擺出6貫。眾所周知，食壽司就梗喺由淡到濃較為合宜，不過，有啲人就會隨喜好而食，而壽司飯已加入赤醋作調味，亦塗上適度芥末及醬油，所以，就咁放入口「即食」便可，間場再食點酸薑片有助清清味蕾。真鯛壽司小弟唔喺咩壽司達人，逐件逐件壽司評價實在難，只喺以常人口味跟大家分享。真鯛食起嚟比較清爽，魚肉嘅纖維比較細嫩，油份唔會好多。油甘魚壽司一撮紅紋喺其標記，個人覺得跟食真鯛有啲差唔多，未喺好能夠分別到，但魚嘅鮮度就好得。順便講講啲飯，雖然未能晌吧位睇師傅搓壽司手勢，但啲飯搓等鬆軟，無種死實嘅感覺。魷魚壽司件魷魚好雪白，入口好柔軟，帶少少煙韌感，配鬆軟飯粒，真好。車海老壽司呢件車海老非常大隻，一橙一白嘅蝦紋，猶如車呔，所以就叫車海老。肉質好有彈性，跟上面所食嘅牡丹蝦喺好唔同，極富鮮甜味。吞拿魚壽司今回唔喺就咁放件吞拿上壽司度，經過一點點處理，令外觀變得精巧好多。味道上，因為有丁點麵豉提鮮，令魚味更出。赤身壽司赤身當然比吞拿再正啲啦，色澤嫩紅而有光澤，如牛肉般咁新鮮，肉質好細緻，魚味突出。燒雞頸肉豬頸肉就食得多，雞頸肉又喺咩玩法。雞頸肉燒得有點焦香，簡單以鹽同黑椒調味，賣點在於旁邊嘅柚子胡椒醬，少少辣，柚子味突出唯一挑剔喺雞肉有點偏鹹。小長井生蠔嚟自長崎嘅生蠔，有個好陌生嘅名字「小長井」，絕對喺第一次試。呢款蠔入口較黏身啲，蠔肉肥美且蠔味重，餘韻長，好新鮮，而生蠔面面金黃色嘅喺酸汁啫喱，可以平衡番個鹹度。4貫壽司食廚師發辦只食6件壽司點滿足到大家嘅口癮，再一輪有4貫，而今次睇落明顯比上一輪嘅壽司更高級，唔講咁多，即刻去片。帶子壽司睇帶子嘅呎吋，就知喺大大隻嘅刺身級，用料無欺場，而切法都有別常見嘅橫身切開，喺按紋理直切。咬落肉質柔嫩軟綿，味道非常鮮甜。深海池魚壽司晶瑩而帶點紅嘅深海池魚望落好有光澤，足見其新鮮度，魚質嫩得嚟帶爽口。毛蟹壽司是晚所食嘅壽司，毛蟹壽司喺「賣飛弗」，因為拆蟹麻煩吖嘛。件壽司唔單止鋪滿蟹肉，多到就嚟瀉，而且，更加多件蟹棒。啲蟹肉好鮮甜，極有蟹味，更加咗蟹醋調和，非常滿意。霜降拖羅壽司上一輪已經試過吞拿、赤身，呢訂有更高層次嘅霜降拖羅，色澤喺嫩紅色，油脂分布又平衡。唔喺誇張，入口細嚼，油香慢慢晌口腔內爆發，油潤十足。海膽壽司海膽嚟自北海道，晌壽司飯之上堆到滿滿，入口甘香豐腴，綿密細膩，紫菜亦十分脆口，唯賣相感覺迤咗啲唔靚仔。木魚湯比起上次晌「鉄人旨花」所飲嘅雜魚湯，今回嘅木魚湯就有少少單調咗。雖然店員有提及木魚碎喺即刨，味道亦自然而清香，但個人覺得都喺有少許淡口，尤其食完件海膽壽司，感覺更明顯。熊本皇后蜜瓜尾聲，唔喺甜點，就喺上等水果。赤肉嘅皇后蜜瓜，相信有十幾度嘅甜度，入口超甜兼多汁，雖然少少哋得三幾位，但滋味甜入心。雖然成晚食咗唔少菜式，亦有唔少客，但整體流程暢順，用餐時間兩個半鐘左右，恰如其分，不急不緩；每道菜式送嚟，店員都會作簡單講解，服務不俗。好老實，計埋呢次，都喺食過3次嘅壽司廚師發辦，絕對喺經驗唔多，用料都無欺場，部份菜式見心思，但仍有少部份地方有改進空間。…查看更多

越嚟越多和食餐廳做Omakase廚師發辦。之前都試咗幾間，有專做天婦羅嘅，亦有以浜燒做主題。今次呢間真真正正以「鮨」做返大前題，「鮨」除咗解和食之外，其實佢係泛指江戶前壽司，鮮魚同醋飯係最主要嘅素材。1）松露油水牛芝士番茄 加 韓式辣椒醬燒雞翼呢味韓、意、日嘅混合創作，開胃之餘，亦都用呢道菜嘅酸、辣、甜、咸打開咗味蕾。2）真鯛魚腩、八爪魚，牡丹蝦刺身牡丹蝦裡面仲包住咗蝦膏起，一啖咁食，蝦膏嘅鮮香散發到成口都係，但都掩蓋唔到牡丹蝦嘅鮮甜味，勁！3）天婦羅蝦頭連啲蝦腳都好鮮香，個頭就唔使問啦，酥脆酥脆！4）墨魚海膽，深海池魚，車海老，竹籤魚，帶子 紅醋飯壽司最好叫定要壽司同山葵分開上，咁就更加試到鮮嘅鮮味。深海池魚同竹籤魚係極為鮮味嘅魚，建議放到最後先食。5）燒真鯛白子呢個除左係咁大條真鯛嘅精粹，簡直就係成晚嘅精粹，質感似食緊蒸至半熟嘅蛋白，味道就係咸鮮嘅最高境界。6）大拖羅  左口魚裙邊 穴子 野生油甘魚（鰤魚）日本海膽 小貝柱 蔥拖羅拖羅出場，質感，鮮味，層次，魚油香都再次升華。油甘魚同左口魚裙邊都唔輸蝕，穴子同小貝柱殿後，再嚟埋海膽，精彩絕倫！7）兵庫縣 赤水蠔 酸汁啫喱酸汁啫喱將蠔嘅鮮味提升，海水味不重軟柔和，跟其他海鮮非常搭配。8)北海道海膽 蔥拖羅 三文魚子飯海膽嘅甘香，配上蔥拖羅嘅油香，仲有三文鮮子嘅咸香，香氣直貫口中，飽足感滿分。9）木魚清湯現刨木魚，開水焗7分鐘，最原始嘅鮮味。10）稻庭烏龍麵加埋呢碗幼滑嘅烏冬，大滿足！11）靜崗哈蜜瓜仲要嚟埋件甜到入心入肺嘅靜崗哈蜜瓜，回本です！…查看更多

XO仔將下週出遠門，學妹因要托師兄做速遞員，週二晚就請食細佬最愛o既壽司，仲專登訂定位去試間新開只有兩週o既「道鮨日本料理」。壽司屋位於銅鑼灣一幢食廈內，地點方便又易搵。店子門前先有一塊鮮紅色o既布簾。穿過紅布即見三級流水石池，格調十分幽雅，配上四周木造o既屏風、天花、椅桌，和風味濃。行上石池前方o既梯間前，右手邊先經過一間廂房，原來當晚已有熟客訂咗。店子中央為兩位師傅o既大舞台。開放式壽司吧位透明度極高。如果小情人想甜蜜地望住對方進食，可選拍窗o既二人散枱。入面內廳仲有多張二至多人合拼式散座，人多黎開P應該都可以轉埋做房。店員不但服務周到貼身，而且仲好親切健談。閒談間得知開瓶費暫設為$200一樽，大小同價，絕對可以接受。新店晚市現階段只有「廚師發辦」，所選之魚材全為即日空運到港，價錢亦會因應當晚有咩貨返而定，每位HK$1,000 – HK$ 1,300左右，不過如食客要求到，訂座時或埋位前講明自己個預算，師傅都可以盡量配合。傾咗冇耐，晚餐迅即由前菜「鯖魚伴菠菜拼蟹膏海帶蘿蔔件」揭序。前菜之鯖魚伴菠菜：鯖魚本身鮮濃，墊底o既菠菜翠綠嫩口，點埋個秘汁食則分外甜潤。前菜之蟹膏海帶蘿蔔件：後方件蘿蔔煮得好夠腍，頂面以蟹膏伴海帶點綴，成功增添鮮甜之味道及幼嫩爽脆之口感。簡單前菜都已盡顯心思，實在令人期待接著落黎o既魚生。兩位師傅忙於處理剛到步o既海鮮食材之餘，仲喺大家面前即刨山葵，並預告所有魚生都已調好味道。真鯛：第一道上場o既真鯛刺身已淋上豉油及混入咗山葵。碟中兩件原來係真鯛o既不同部位，前面嗰件為魚背，後面嗰件則為魚腩，師傅建議由前食到後。白身o既真鯛清香而潤，魚背較爽，腩部就較軟腍，各有各美味。醬油煮八爪魚：以醬油煮熟o既八爪魚質感爽脆，滲滿咸香，連同昆布食感覺真係好海洋。黑陸魚：輕輕用火槍辣過o既黑陸魚刺身皮層香口帶脆，魚肉爽厚肥潤，少少山葵豉油足以吊出鮮甜。北海道牡丹蝦：喺肢解鮮橙巨大o既北海道牡丹蝦之前，邦師傅先展出原隻靚蝦，以證真材實料，俾貴客一個驗明正身o既機會，並提到蝦籽呈綠色全因未經處理過。牡丹蝦o既蝦膏釀入咗喺蝦身入面，外層爽脆滑溜，食落口腔洋溢著濃郁o既鮮甜，加埋綠色o既蝦籽仲多咗份清爽，感覺就好似返咗去小樽咁，好有驚喜！炸過o既牡丹蝦頭不單香脆唔油膩，咬落去索索聲，可謂極其鬆化，仲要冇渣喎，實屬送酒佳品也。清酒昆布蒸鮑魚：金碟上有三件以清酒昆布蒸煮o既鮑魚、鮑魚肝醬汁、及飯糰一小球。師傅提議第一件先淨食，第二件就加點個鮑魚肝醬汁，第三件再連埋鮑魚肝醬汁及飯糰三合一體黎食。淨食鮑魚可嚐到鮑魚鮮味得黎有陣芬芳，彈牙又帶脆o既質感。之後單點鮑魚肝醬汁就突出咗肝醬濃厚o既鮮甜。最後加上小飯糰就好似將兩者o既鮮同甜和諧化，整個舖排原來係有意思o既。。。食完多款刺身後，師傅就呈上自家淹製o既日本淮山同薑薄片，俾食客洗滌一吓味蕾，迎接跟住落黎o既壽司及小食。淮山同薑片酸甜消滯，輕巧脆薄，前者有多份黏潤，後者則更清爽。梭子魚壽司：又名「竹籤魚」o既梭子魚壽司被輕輕燒過，入口魚味鮮濃，更覺肥美。深海池魚壽司：深海池魚爽厚油潤，以少量薑蔥調味，組合新穎得好有中菜風味。甲魷魚壽司：潤白o既甲魷魚壽司透出魷魚下夾咗塊山椒葉「木の芽」，就係依塊山椒葉令本身爽潤o既甲魷魚壽司入口有陣強烈o既香草芬芳，都幾得意。赤貝壽司：被即場拍醒o既赤貝壽司顏色橙美鮮艷，質感仲超級爽脆，超！赤貝裙邊卷：師傅將赤貝o既裙邊加配青瓜絲、蘿蔔絲、芝麻等包成卷物。有紫菜包著o既赤貝裙邊卷比赤貝壽司香濃，除咗爽脆之外仲多咗份爽潤，各有千秋。車海老壽司：車海老壽司共有兩件，長長o既為蝦身壽司，旁邊細小o既為蝦膏位。車海老壽司橙白色o既紋理分明，紮實得黎好爽口。個蝦膏位則更為鮮濃。醬油燒虎河豚白子：食食吓壽司，師傅突然攞出兩舊都幾巨o既白色蛋蛋形物體，其實心中早已諗到會喺某某魚o既睪丸，只係唔知原來碟上o既白子乃虎河豚所擁有。意外地，燒虎河豚白子只有薄薄o既外皮被燒至剛熟香口，個心就好比燉奶般柔軟滑溜，且鮮甜香濃，我地兩師兄妹都一致認為此乃全晚之亮點，值得一讚再讚！牛蒡：用作間場o既牛蒡酸甜且脆卜卜，掂呀！宮城県東松島生蠔：生蠔白滑亮麗，嫩滑中帶點爽脆，配上酸汁更可一解之前多道魚生所含之魚油。青柳貝貝柱：小食為醃過o既青柳貝貝柱位，個口感同帶子個貝柱位差唔多，同屬嫩脆爽滑之列。青柳貝壽司：金光閃閃o既青柳貝壽司集軟腍爽脆於一身，而且鮮味討好，極之可口。地蛤壽司：師傅解釋「地蛤」亦即「蜆」。地蛤壽司賣相未必特別吸引，但其口感有少少複雜，一方面有貝柱o既嫩脆，另一方面又有裙邊o既柔軟，塗上層薄薄o既甜豉油已夠醒神味佳。穴子壽司：此乃全晚細佬唯一冇食o既一味，因為如相所示，穴子身上實在太多幼骨，即使全人類都話啲骨可以吞下時，已啃過無數咁多次骨o既XO仔自問冇膽喺出門前試囉！大拖羅壽司：大拖羅壽司入口半溶，肥美鮮濃，哈哈，但願可免費追加多幾件。。。北海道海膽卷：魚生環節由北海道海膽卷作結。海膽卷塊紫菜又薄又香脆，夾埋鮮甜無比，幼嫩滑溜，濃甜化不開o既海膽實在係天衣無縫呀！即磨木魚湯：單尾二人都棄選飯麵，師傅就攞出一條黑色o既木魚，即場刨出木魚碎，放入清湯，焗上六分鐘即可飲用。可能係鮮刨o既關係啦，木魚湯味道較淡，只可以話唔係細佬杯茶。靜岡蜜瓜：甜品青綠色o既靜岡蜜瓜腍甜又多汁，吃畢仲甜到入心。「道鮨日本料理」位置方便，環境簡樸舒適，服務生誠懇好客，晚市廚師發辦魚材鮮美高質，順祝新店生意蒸蒸日上！…查看更多

環境5分：日式壽司舖乾淨企理，坐得舒服。一入門口見到個風水魚池尤其開心。 衛生5分：  日式壽司師傅手腳乾淨企理好衛生。 服務5分：  食前先問有冇野唔食，熱茶永遠都夠熱常滿。師傅每樣魚都會先介紹，冇分可扣。 味道5分：被扣分數等同bonus分，結果等於冇扣，仍可得滿分。   1)      鯖魚前菜好有魚味，蟹膏蘿蔔好林好鮮。   2)      真鯛前背後腩，背爽腩滑。   3)      醬油煮八爪魚好爽口，外有豉油味內有海水味，但雙咸冇沖突。   4)      燒過皮嘅黑陸魚好鮮好香。   5)      北海道牡丹蝦連綠色蝦籽好爽好甜好掂。腳都炸埋黎食，好脆好好味。   6)      清酒昆布蒸鮑魚彈牙鮮甜。   7)      深海池魚壽司好爽好鮮。   8)      甲魷魚壽司個香茅味好有泰國風味。   9)      赤貝壽司超爽超甜超正。   10)  熟車海老壽司唔係唔好食，不過先入為主件北海道牡丹蝦正好多。   11)  醬油燒虎河豚白籽好似雙皮奶咁滑，味道好鮮唔腥，滿分再加bonus！   12)  生蠔好滑好肥。   13)  牛旁好脆。   14)  青柳貝貝柱位好嫩，但太多醋，所以扣咗一分。   15)  青柳貝壽司好爽好甜好鮮。   16)  蜆壽司好爽好甜好鮮。   17)  穴子壽司見到好多細軟骨，但吞落肚都唔驚，啲肉好嫩。   18)  大卜口壽司唔多根，好鮮好肥好好味。   19)  北海道海膽捲好脆好鮮好嫩好甜，再加多次bonus。   20)  木魚湯味清，唔夠咸所以扣咗分。  21)   靜岡哈蜜瓜好甜。 抵食4分：  千三蚊一個人，高質空運魚生正常價位，但未算最抵，所以係咁二扣咗一分。…查看更多