麻辣風雲 (荃碧大廈) (已結業)

沒有extra，只有更extra，連饅頭都要坐船駕到，浮誇程度有如皇帝出巡。呢間川菜不得了，無論裝潢定佈置都用上祖國嘅大紅色，鮮豔奪目，非常有心思。入到去以為自己返咗古代，吾需轉講文言文乎？吾當年到祖國遊山玩水時，欲試大名鼎鼎之老二酸菜魚，唯其忠粉過多，排隊人數如繁星，結果以失敗告終，最後投向探魚之懷抱，可悲也矣，至今仍甚覺遺憾，難以填補心靈的空虛。是次適逢閨蜜大壽，特以酸菜魚當厚禮（其實係我自己想食），作其吃辣特訓之用_(꒪ཀ꒪」∠)_。；炸饅頭 $58有架船，有埋呀諸葛亮嚟借箭，仲要有煙霧彌漫嘅效果，fancy嘅極致。饅頭一共六個，上枱時候仍然熱辣辣，表面呈金黃色，非常討好。外層香脆，內裡鬆軟、綿密而且完全唔油膩。隨饅頭附上煉奶、朱古力醬、抹茶醬同花生醬，閨蜜覺得花生醬嘅鹹香同饅頭幾夾，我就偏好傳統嘅煉奶。；酸菜魚 $268酸辣度任君選擇，我揀咗小辣過下口癮算了，嗜辣者建議中辣起跳。酸辣味平衡得宜，湯底唔油膩，加上口感十足嘅薯粉、芽菜同菇，吸盡魚同湯嘅精華，相當入味。酸菜魚用上自家醃製嘅酸菜，配搭皮鮮肉嫩嘅魚片，雖然魚片偏薄身但無骨，依然嫩滑，係會令我回頭嘅一道餸菜。；涼拌雞絲粉皮 $68閨蜜貴為雞絲粉皮忠粉，呢碟嘢就得到佢嘅垂青了。醒胃嘅麻醬充滿濃郁嘅花生香味兼帶微辣，粉皮煙韌彈牙，撈埋雞絲同青瓜絲，食完有透心涼之感。；乾煸四季豆 $88惹味之選，四季豆入味得嚟仍爽口，口感唔會過腍，炒得香口嘅肉碎份量亦充足。；洛神花茶 $48被佢誇張嘅外表吸引而叫的，拎起小酒杯尤如與古人共酌，甚有詩意。洛神花味濃，入口清甜，有消滯解膩之效，江湖見啦施主～…查看更多

 / 之前食過一次Lunch嘅米線都唔錯，見好多人嚟食酸菜魚，今次再嚟食下先 ，好似比米線更吸引喎﹗ / 酸菜魚 $268超大碗🤤﹗份量對得住價錢，除咗本身有寛粉同窩荀🥢另外酸菜食落夠酸又唔會太咸就咁食都ok，體味道好多芝麻，有好幾淡都食到芝麻香👍，魚夠滑，而且去骨同魚皮都處理得幾好，食晒都唔會話食到有麟同⻣，而且仲整得好入味。另外寛粉煮嘅時間好夠，好易咬又入味。炸饅頭 $58  (Foodluck編輯推介﹗💛）炸饅頭係呢度其中一款必試菜式，差唔多個個都叫一枱㗎啦，除咗用木船充滿霸氣咁登場，味道亦好ok，香脆之餘入面包心都唔會乾爭爭。除咗有煉奶🍼，仲特別有三款醬（朱古力、花生醬、抹茶醬）三款選擇都好特別，三款入面就最推介花生醬🥜 ＞朱古力🍫＞ 抹茶🍵 ，花生醬濃郁最驚豔，朱古力正常發揮，抹茶略嫌比較淡唔夠出抹茶味～ 涼拌雞絲粉皮 $68（ Foodluck編輯推介﹗💛）上到嚟賣相都幾吸引，花生醬畀得好足👍，而且雞絲、青瓜同粉皮嘅份量同比例都幾好，而更抵讚呢度嘅花生醬係好傳統香濃花生醬嗰種🤩，唔係出面成日用嘅日式胡麻醬，編輯覺得雞絲粉皮真係要配花生醬先係最正最滿足🥰﹗手撕包菜 $88味道咸咸辣辣咁，第一下入口勁開胃，唔知點解可以咁香😹，雖然好油但又令你好想繼續食，而且好似打開咗個食慾咁，好正💕要挑剔嘅係真係可以再辣少少，同埋偏油啲，而且凍咗嘅話味道會遜色啲，兩個人未必食可能會heavy啲，小編建議呢個係啱多人開心Share👯👯‍♂️👯‍♀️，一上枱一人幾啖食晒嗰種就最Fit。冰爽龍眼冰 $38比睇相大杯，價錢中上少少，唔算特別貴或者特別平，但味道好清新解油，清甜嘅龍眼冰好似帶少少菊花香🌼。GIN TONIC $48 細細罐飲品嚟講要 $48確實唔算平，但如果計佢酒精飲品GIN.TONIC，價錢又好似算正常。值得一讚係味道超超超易入口👏，好特出嘅檸檬酸甜味🍋加埋有氣，酒濃雖然有5%﹐但入口完全飲唔到酒精味，好易入口，即使女仔唔慣酒精味都可以揀，都係另一個唔錯清新選擇﹗…查看更多

唔知大家有幾耐冇喺香港食酸菜魚呢？自從好耐無返過大陸，就好少喺香港食到酸菜魚🥺 上個月，朋友帶咗我去食一間喺荃灣嘅川菜館，不單止有酸菜魚食，仲要係黃店添呀！之後睇返，原來間野係ToNick嘅恆仔有份開嘅😳雖然去食川菜，但係竟然見到我最愛嘅雞絲粉皮，當然都要嗌返份食🥰 估唔到佢嘅雞絲粉皮同一般喺上海舖食嘅唔同，佢嘅醬汁並非只有麻醬同花生醬，仲加咗少少四川辣椒，食起上嚟有川菜嘅味道，辣辣哋咁，好惹味！ 而雞絲、青瓜同粉皮就正正常常，最出色嘅都係佢個醬汁😚嚟到呢度，幾乎每一枱都會嗌酸菜魚，似乎係呢度嘅必食招牌菜😋 而我哋亦都嗌左一份，份量非常大！裏面除咗魚塊之外，仲有唔少料，有豆卜、萵筍、芽菜同寬粉😌 食酸菜魚我習慣咗會飲幾啖湯，不過佢個湯就偏油膩，但係就好重麻味，會令人越飲越想飲🤩 啲魚嘅份量真係幾多，食極都有，仲要幾滑添！另外，見到佢個粉絲焗蜆做緊推廣，只需要加$8.8就有一小份，份量雖小，但係又幾好食喎🤤 啲蜆雖然細細隻，但用辣椒同蒜焗完之後非常惹味，而啲粉絲煮得啱啱好，同樣都係非常入味😍 呢道菜如果有正常份量就好啦，啱晒我呢啲重口味人士😛我哋為咗解辣，仲嗌左菊花蜜飲，估唔到佢係用一個酒埕裝住，仲俾咗兩隻碗請我哋飲😆 瞬間好似返咗古代咁，好得意！菊花蜜飲落好清甜，解辣一流🤙🏻總括而言，️呢間酸菜魚都幾推薦，酸菜魚份量多，而且夠滑溜😚 而佢嘅其他特色小菜都相當唔錯！加上佢嘅餐廳環境都幾有特色，好似真係返咗大陸食酸菜魚咁🤣 下次想食酸菜魚嘅時候，一定會再幫襯😛…查看更多

香港咁多好嘢食，一直都未有機會食川菜，所以今日特登約埋朋友去荃灣食麻辣風雲，良心小店要支持嘛👍上到去見到有好多人等位，所以記得好似我咁訂咗枱先呀 酸菜魚($268)💕酸菜魚一上枱嘅時候加埋燈光，影出黎好靚🐟魚片好嫩滑，最重要係無骨，啱哂我怕呢啲怕骨嘅人，魚肉一啲都唔腥，又唔會好辣，其實好適合香港人口味，不過因為有辣椒，之後會越食越辣嘅。底下有好多寛粉，寛粉口感唔錯，加埋酸辣味食到唔停口😍 炸饅頭($58/6件)💕炸饅頭上枱時會連埋架船，船前面企咗隻古裝公仔，插住支旗，上枱時仲有啲煙出，好壯觀，但我手腳慢影唔切🤭饅頭外脆內軟，點埋煉奶，真係唔錯。餐廳好貼心，架船係專門要黎影相，食到咁上下就會收走架船，唔會阻住食飯👍涼拌雞絲粉皮($68)💕雞絲粉皮係我食中菜好常叫嘅小食，因為永遠都啱食🤭呢度粉皮算滑，加埋蔴醬食落係滿足嘅😉 京葱牛肉($98)大大碟，我好欣賞啲葱，鐘意食葱嘅朋友啱哂，味道不錯但偏濃味，送飯一流👍菊花蜜($48)菊花蜜會酒樽同兩個碗仔一齊上，感覺好似去咗拍古裝片飲酒咁，幾有feel。食辣嘢飲菊花蜜就最啱👍斟咗5-6都仲未斟哂，睇落唔似咁大支☺鮮奇異果玉露($38)💕味道有驚喜，沒有假奇異果精嘅味，似係用金奇異果打汁而成🥝仲夠冰凍解渴…查看更多