澐

今晚經朋友邀請，到亞洲博覽館《澐‧Nuva》試試。環境舒適，食物水準好好，全餐飯好味，唔太油膩。我同幾位朋友食每一道菜都好滿足，我就知朋友真係無介紹錯喎.....。好值得再黎。…查看更多

父親節揀咗呢間餐廳慶祝，餐廳好細心，驚父親節多人，上菜等得耐，早一星期問我會唔會落咗單先。當日嚟到，餐廳環境好靚，好闊落，感覺好舒服，屋企人都好鐘意。待應同我confirm咗一次之前落嘅點心，好快就有得食啦！點心賣相好靚，味道都唔錯。春卷入面包住蝦，味道冇想像中咁豐富，略嫌單調咗少少。嚟之前好期待試嘅鮑魚！每隻切開咗三片，食落去好鬆化，唔錯。釀蟹蓋足料，有好多蟹肉，值回票價。炒飯都幾香口，份量合理。甜品味道一般，不過上菜時好靚，打卡必點。特別欣賞佢嘅點心／菜式叫一碟以上可以按人頭叫，咁就唔怕多咗幾件浪費，大家都可以試到。整體嚟講，成餐飯都食得好開心，員工態度好好，食物有水準，值得一試。…查看更多

揀左呢間中菜同兩位10月之星嘅家人慶祝生日，環境唔錯，免費泊車，訂位時俾埋車牌，不過落車就要上兩層行番去博覽館站出閘嗰邊至係餐廳嘅位置，如果搭機場快線會覺得行少好多，出閘再上個扶手電梯就係。.全場檯唔多，坐得舒服唔逼。我諗大家都明依家坐得唔逼又冇分兩輪甚至三輪嘅餐廳係幾咁難搵，去d一級戰區酒店食個過千嘅buffet都夠膽死分上下兩輪啦，唉。.訂左6:30pm，但奇怪嘅係準時入到去發現全場都已經坐好晒仲有d客已經食緊，貌似我6點25分到卻係全晚最遲嚟嘅客。於是乎：.鳳肝蜜汁金錢雞➡️賣晒化皮乳豬件➡️賣晒唯有叫支酒定下驚先我求其叫嘅，我唔識酒嘅，即場開個wine dictionary 出嚟睇到好似唔錯咁就嗌。但係我覺得呢度d酒好抵飲，個mark up比市區餐廳平三分一左右。.前菜叫左鮑魚，一人一舊。嫩，唔un，冇「銀」胃。我唔食蒜頭所以倒晒d蒜頭俾屋企人，不過屋企人話蒜頭好正，鮑魚仲正。再嚟係蟹蓋，啖啖蟹肉，一梳一梳咁好分明，唔會有醬呀cream呀嗰d嘮到一pat一pat咁，從肉質同紋路中蟹肉貌似、我希望、我覺得、我願意相信應該係自己拆嘅唔係罐頭嘅蟹肉。不過有dd洋蔥而我又唯一一個唔食洋蔥咁要自己撩走，所以冇人理我全檯人都好enjoy。好食不過都係/米就係咕嚕肉嗰d囉，咁舊肉又真係炸得好脆好好味嘅，肉質lum滑，冇肥肉需要咬番出嚟。侍應都會溫馨提示襯熱食，我諗佢都係見到檯客有老人家影相要影10分鐘都唔俾人食所以非常好心咁暗示下襯熱食至好食咁。下面個碟係舊冰，受歡迎嘅竟然係肉下面d蕎頭同酸薑。琵琶豆腐，豆腐係清，不過都好惹味。最難得冇蔥冇蒜冇洋蔥冇我唔食嘅嘢，雖然係豆腐但係唔會lum bat bat。我地全家都唔鍾意清淡亦都唔鍾意出街食飯叫一碟清嘅青菜😂，呢個豆腐全晚最清㗎喇。牛肋肉好好食，lum得嚟入味有嚼勁但係唔係un咬唔開個隻，係炆到入晒味但係唔會梅梅嗰種口感。前面d雜菌襯埋個汁好惹味，個汁有d紅黃椒同埋sun dried tomato。（我唔係扮嘢但係我真心唔知究竟係點叫，太陽底下曬乾嘅番茄？番茄乾？咁上下）呢個蟹肉伊麵老人家好喜歡，我覺得冇餸。雖然都係好食嘅，但係我會寧願點海鮮泡飯或者炒牛河。甜品點左兩客「紫澐夢境」同一個焗西米布甸，壽包係餐廳送嘅，甜品上面嘅生日朱古力牌係之前同佢講好嘅。個夢境裡面係有一個栗子creme brulee同埋一舊紫薯薑雪糕，雪糕特別，creme brulee我覺得太淡，無論甜味同埋個brulee嘅濃郁度都好麻麻，不過人人都話要健康健康我諗呢個唔好食嘅甜品應該係大眾口味呱，我就唔得喇。西米布甸就非常好食，壽包就咁細個都居然有一粒仔蛋黃，驚喜左。download awe app 有優惠，去到先問下經理侍應。全場侍應好多好殷勤又好幫手，提我地襯熱食，又會提我地影全家福順便幫手揸機；冇嘢做嘅侍應行過會自己睇你有咩需要。服務俾個讚佢。.瑕疵梗有，例如我去之前响官網好仔細咁睇過一次個餐牌，發現自己想食嘅嘢冇嘢需要預訂所以就冇訂，咁我冇心理準備6點幾去到有兩三樣嘢會賣晒。限量發售嘅嘢其實都可以之前俾個客知道嘅。不過真心無咩所謂啦，去多次囉唯有，咁下次識得留定d嘢。.同埋有興趣真係book張窗口檯早d去睇埋日落，應該好正。我就係傻仔左諗到book窗口檯但係忘記左日落呢回事，搞到去到天都7成黑坐多10分鐘個窗馬上倒影番餐廳內部。…查看更多

屋企人生日，上網搵到呢間食中菜既餐廳，食完有驚喜一入餐廳已經覺得好舒服，地方闊落，加上設計令整體感和好柔和。坐低之後職員會拎酒精同你消毒雙手，仲有壓縮毛巾可以清潔，感覺好乾淨同周到！叫左個鮑魚做前菜，平時食開蒸鮑魚，呢個鮑魚脆脆地，入口鬆化，好有新鮮感。雖然好多炸蒜，但食唔唔會味重過咸，食到鮑魚鮮味。個鮑魚仲已經切開做3件，方便進食，好細心！呢個蟹蓋我個人十分鍾意！擺碟上已經成個蟹既外型覺得好靚。食落口真係啖啖蟹肉，裡面有好多洋蔥，充滿洋蔥既甜味，仲有蟹肉食鮮甜味呢個湯飯都好正。個湯好濃，聽職員講好似加左啲魚去煮個湯底，所以湯既味道好豐富。如果拉麵係呢個應該都好正而且佢仲有脆米，加埋落湯飯到食可以食到唔同既口感趣脆咕嚕肉冰鎮上場，每舊咕嚕肉都大舊，而且比汁包住，好吸引！脆都真係脆既，不過就略嚴個粉漿厚左啲啲，如果薄啲就更好啦～脆皮三黃雞，即係炸子雞，味道都唔錯既，不過我呢個鍾意食雞胸既，就覺得個雞胸唔夠滑。擺碟仲有幾粒核桃，甜甜地帶有白芝麻，好食如果核桃多啲就好啦🤤由於唔夠肚叫唔到叉燒例牌，所以叫左一碗飯試一試。叉燒夠淋但唔會肥，肥瘦適中，不過我嚴佢唔夠燶邊。另外可能4個人share一碗太少試唔真，未感受到網上大讚叉燒超大驚喜，下次可能要叫例牌，希望試真啲蛋就流心，撈飯正。菜心掛住個上湯味道幾好，不過跟前面比較既就顯得佢普通左啲🙈🙈屋企人叫個紫澐夢境。原來個焦糖布甸裡面有栗子，偷左一啖，感覺幾特別好精美既甜品，其實佢係將豆腐切到一朵花咁，水有少少薑味同桂花，顯刀工既一道甜品芝麻卷有黑白兩色混合，視覺上會比傳統淨黑色既更吸引。味覺上滑就夠滑，不過我覺得芝麻香更濃會更好。上面有塊焦糖幾好食另外都想讚職員細心，會留意住你既情況，幫你收拾，加茶。特別係服務員amy，佢會介紹比較熱門既菜比我地考慮，上菜仲細心介紹點食法，提點我地先試左個味先再決定落唔落醬汁加味等等。今次既晚飯十分滿意，無論係環境，食物質素，抑或員工既服務都非常好。期待下一次再光顧，希望可以坐到窗邊位感受另一個景觀…查看更多

之前聽見好多kol 介紹呢間，當然要試下啦。呢度環境非常優美，望住個飛機景外脆內軟，非常彈牙，食到鮑魚本身嘅味道，一隻鮑魚佢幫你切左三片，令你唔會食得好狼狽內餡好彈牙，但感覺無咩特別呢個係佢地個招牌，叉燒一舊切到好似舊豬排咁，非常大份，入口鬆軟唔會好硬又唔會好乾，蜜汁剛剛好，外面燒到有點蕉香味，如果配埋飯應該好正外表好精緻，酥皮好脆，一咬落口唔會即刻散開，蘿蔔絲好香甜又飽滿，十分好味望落好靚，但感覺無咩個人之處帶子佢用左兩種方法去烹調，炸及煎，食落其實差唔多，但用呢兩種方法整其實好浪費食材本身，即使你選料再上盛都好，蘆筍唔會好老，呢個菜最驚嘆係佢下面嘅蝦餅，非常脆，再吸收曬干貝同蘆筍嘅甜味及XO 醬，佢係成碟菜嘅精髓。不過，呢個菜要$3xx, 就有d 唔值好滑同好香濃嘅牛乳味，個炸鱈魚乾好脆，又有魚嘅鮮味，整體唔錯牛肋骨好大條，d 肉好似牛腩咁淋，入口即溶仲好有牛味，如果鍾意食牛嘅人可以一試個窩好熱，炒到d 菜同埋蝦乾好香口，但個人覺得味道一般，唔係唔好味，但感覺無咩特別炒飯粒粒分明，但有少少嘅鹹香味，味道唔錯，但個人覺得有d 油好貼題嘅甜品，個焦糖布甸中間有栗子蓉，個人覺得唔係好夾，焦糖面有點燶味，可以接受，雪糕好特別，係紫薯加點薑味，口味好獨特，幽香嘅紫薯味甜甜地，回甘係少少嘅薑味，幾好味，生果好好味，上面有舊紫色係咩味嘅麵包。呢個甜品唔理味道，就咁見到個效果都值回票價成餐飯好滿意，服務周到，飲完一啖水，就有服務員幫你添水…查看更多

抗疫工作關係，朋友同事介紹下一試位於亞洲博覽館2/F既中菜廳環境雅致舒適，望住180度既海景，食起上泥真係特別賞心悅目侍應生服務好有禮貌好細心咁幫我地拉椅又不時加茶水呢度既茶有出面比較少有既菊普同龍丼芋角金巢炸得好鬆脆 乾爽不油膩👍墨魚籽，鮮蝦，芋泥出奇地夾帶子味唔會好特出金箔顯得特別矜貴原隻鮮蝦彈牙爽口灌湯餃必試皮薄足料上湯好清，飲落一啲味精味都冇海盬燒鮮鮑魚椒鹽感覺鎖住鮮味，鮑魚唔會咬不爛已經好少酒樓食到既懷舊金錢雞工序繁複，大啖啲一口放落口中上層馬蹄青瓜中和中層雞肝油膩感下層掛包索晒蜜汁鮮味 ，回味無窮疫情關係分枱進餐，侍應幫我地分好晒每人一份份量，非常用心!用料認真叉燒用上黑毛豬，炭燒味香肉質滑唔痴牙流心蛋用上初生雞蛋，蛋汁流出泥撈埋落啲飯到好治癒職員有折扣埋單每人$300左右做野咁辛苦嘆住靚景食飯啲好野慰勞自己簡直係苦中一點甜…查看更多